Thailand Netsuwan (Closed)

深水埗食泰國菜呢可能都諗唔到邊間特別出名，西九龍食中心上面都有幾間，口味普通啦勝在夠抵食。但今日呢間光頭佬呢都幾偏僻，近住添好運嗰頭啦。間舖係極細間，坐呢就絕對唔住唔舒服，但係我估呢就貪佢啲嘢夠正宗。今日食咗幾味嘅分別係烏頭啦、雞翼啦、冬陰功湯同埋個炒飯，炒飯一般呀，其他都唔錯達到一般泰國舖頭的水準。其中最正就冬陰功湯啦，用料都多嘅，但係呢就唔係嗰種大蝦，你預就飲湯頭為主啦。咁烏頭呢同雞翼就正常發揮，香料唔係特別香，但係都起碼係即燒，唔係擺定喺度等你嗰隻。不過價錢就唔係特別平啦，要食泰菜可能都係返九龍城尋寶比較好啦。🤣…Read More

今日黎食飯，一入黎就見到歌星光頭佬老細同佢d poster，不過店內衛生一般，例如老闆整完隻腳，無洗手就傳碟餸俾我。講返餐廳野食水凖很穩定，無特登遷就香港人口味，係好地道既泰國菜。老闆會俾張紙仔你，跟住餐牌number點菜。生蝦刺身，蝦好厚肉，個汁稀左d，尚算新鮮。冬陰公好濃味，好正，嗌左個細既，有番茄、菇、大蝦，夠晒酸辣，好開胃。牛肉串燒跟沙嗲汁，好淋身，好味，醃得幾好。辣醬炒蜆好惹味，不過份量好少，唔係好夠食。最尾叫左個菠蘿炒飯，好多肉鬆，菠蘿係新鮮而非罐頭，好味，粒粒飯都炒得均匀，唔會有d有調味，有d無。如果改善下衛生一定會再黎支持。…Read More

好耐無食泰國嘢，咁岩經過深水埗就決定過去食吓啦！以前經常同朋友過嚟食，由坐街邊到有鋪位都食左一段時間了今次去到可能仲早所以無人！大把位！坐低都係比張紙你自己寫號碼上去落單，叫咗個菜。生蝦。炸雞。絲奄。兩罐汽水坐咗一陣就開始上菜，生蝦ok，不過俾你點果個醬好似冇以前咁辣絲奄ok，炸雞最遲上，應該即炸。。。不過都幾脆！好熱都幾好食！菜都OK不過見價錢應該有加過價吧？魚要100蚊？不過2個人食唔晒所以無叫到總括嚟講都可以，但係就硬係覺得以前好似好食啲…Read More

想食泰國菜，行過幾十次，都唔知間野叫“歌星光頭佬” 入到去就知點解，光頭佬就係老闆，舖頭內播緊佢既MTV,到底佢係泰國係咪歌星無問，老闆都幾風趣下，牆身貼左老闆唔同年紀階段既相，都幾得意，感覺細個去D老長輩屋企咁泰國人煮理點都正宗D, 舖頭唔大，有時旺場，門口出面開多2張枱，用茶仔價錢比梗係唔平，用九龍城泰國黎比就平啦叫左3樣野2百幾蚊埋單鹽燒烏頭整得唔錯，加埋個自家製辣汁，無得輸，仲要$130咋，叫酸魚都係$180左右炒菜好夠鑊氣，炒粉不過不失…Read More

今晚約咗朋友落嚟呢度食飯，就係貪佢呢度門口可以停到車我哋叫咗少少嘢食其中有呢個泰式鳳爪，不過黎都其實有啲失望嘅，因為呢度真係菜多個鳳爪但係條魚呢就真係要俾個讚啦，因為價錢真係好抵食最後呢仲叫咗呢個燒雞，雖然等左好耐，但係呢個真係好好食…Read More

熊大同熊妹呢排玩overcook🍳🔪🍯玩到天昏地暗，玩到夜晚9點半都未食飯，難得地又撞到卡肥，一齊去吃個遲來的晚餐。有時夜晚行過深水埗大埔道見到幾間街鋪食泰國菜宵夜都好多人下，今次就即興試下喇。見呢間泰文招牌的餐廳都幾多人食，街邊又坐左幾枱，就試佢喇。睇餐牌先知餐廳的中文名，原來叫《歌星光頭佬泰國菜》。都好多款泰國菜式，不過價錢唔算平民化，偏貴少少。點餐係寫菜式的no.，然後交紙，好似寫六合彩no.咁，好搞笑。好利害架，老闆係可以記哂所有菜式係咩no.,勁！28.泰式香葉肉炒飯，$50味道幾惹味，配料唔多，飯量適中，辣辣地，泰式味道，兩位飯桶讚口不絕。串燒2.司華力腸，$15普通雪藏腸，無咩特別。6.牛肉，$15燒到好似牛肉乾咁，有咬口。8.雞翼，$15雞肉都算嫩，唔鞋。26.豬肉碎生菜包，$60菜王熊妹點少得叫碟菜呢。本身想點沙律🥗，不過卡肥話叫啲特別點，豬肉碎包生菜好似幾吸引。豬肉碎用左啲泰式的調味，辣辣地，但都有啲肥豬肉，怕肥的熊妹要挑哂出黎。生菜幾新鮮喎，都有幾多塊，同豬肉碎的份量岩岩好。35.泰式炒金邊粉，$70有驚喜喎！味道同一般泰菜店好唔同！用上蝦醬炒起的金邊粉好惹味，而且有一隻隻原隻蝦，可以咬蝦頭同蝦殻，唔似一般泰菜店用的雪藏蝦肉，卡肥同熊大都盛讚！55.椰青，$30不嬲喜愛椰青的熊大今晚又點會放過呢？好大一個喎，好新鮮，唔酸，好多椰青汁，椰抈肉好厚好嫩滑，係唔錯！整體黎講，不過不失的一間平民泰菜店，但價錢卻頗為高，而且位置於街邊，有小強幫襯，衛生絕對有待改善。…Read More

今次到深水土步呢間泰國菜，其實主要因為是泰國人開的，感覺會更為正宗。而當然沒有令我失望，還見到泰國歌星老闆呢 ! 店內環境實在很有特色，因為不斷的播放老闆MV和他的美照，而且他也很親和，態度十分積極，所以店裡其他的員工態度也很正面，滿面笑容的。在食物方面，我們點了蝦醬炒通菜﹑豬肉生菜包﹑泰式炒米。炒通菜的質素還好，沒有太咸，而炒米的份量較少，生菜包算是頗為好的菜式吧。總的來說，這店的食物價錢雖然不太貴，但份量相對地較為少，感覺一般，可以一試，就當來試試地道泰菜吧!…Read More

每次經過都想食下依間，已係兩年的事了，終於前晚去試到朋友都建議轉角或隔離街較好，但死心不息點了四樣野燒雞翼: 乾！無味！燒牛肉: 乾！差小小咬唔開！炒金邊粉: 差點成糊狀，無味！炒芥蘭: 有點味，但勁老！成口渣太子深水埗之間，長沙灣開了很多泰國菜都係小店形式經營，每間質素都可接受，又或有驚喜的依間，唉。。。。…Read More

呢間野好特別,因為老闆自己拍MV 唱歌,所以好記得, 今次第一次見真人, 好NICE, 總覺得佢好搞笑XDD講番正題, 一行5人, 叫左4個送。生蝦: 呢度個辣汁好辣, 所以我只點少少, 生蝦無咩鮮味.... 每隻蝦搭一舊蒜, 幾特別。冬蔭功烤魚: 呢道菜我最中意, 好大條魚!! 冬蔭功唔會好辣 *(可能係因為我地叫佢唔好太辣), 同D 魚好夾, 越煮越鮮甜,越入味, 正呀!泰式炒飯: 唔辣, 但無咩配料, 亦較細碟。顏色好深, 無試, 唔知好唔好食。豬肉生菜包: 比較細碟, 豬肉餡料再多D就好, 少辣, 幾惹味, 唔錯。…Read More

本身打算落深水埗食飯，但朋友揸車經過話想試下呢間泰國菜，於是就入左去。本身被安排坐門口，但落雨既關係，所以一見到鋪頭有位就搬番入去。講番餐廳地理位置，佢屬於太子與深水埗既中間，兩頭唔到岸，如果唔係友人揸車經過根本就唔知有間咁既泰國菜。整間餐廳都貼滿老闆後生時既相司華力腸串燒，普通冇咩特別，不過個沙嗲醬幾好食泰色炒米粉，味道有D似豉油王炒麵，但份量比較小豬肉碎生菜包，呢味又幾有驚喜，辣辣地好醒神，仲可以根據個人要求走蔥走芫茜蝦醬炒通菜，得個咸字…Read More

半夜時分肚餓打鼓, 想念泰辣味道, 久違了光頭佬泰菜喇, 以前每晚到會去食, 決定動身就去吃餐飽宵夜6年的變化, 這間店的燒魚由$60漲價至現在$100, 可見租金的威力我最後點了生蝦, 炒飯和生菜包這個炒飯味道依然好, 但比以前少了一點鑊氣, 加個半熟煎雞蛋會更好最愛這生蝦, 依舊是超爽口和夠凍, 但辣汁就沒有以前的咁猛, 不錯生菜包都是偏鹹的, 生菜新鮮爽脆, 但肉比較老, 如果肉碎加入一些豬皮去炒或者會更好味…Read More

深水埗出名美食多，估唔到俾我搵到間超地道既正宗泰國餐廳，老闆同員工都係泰國人，連食客大部分人都係泰國人，入到黎呢間餐廳真係好似去左泰國咁呀⋯⋯我地先點個必食既「冬蔭功湯」$80，味道酸酸辣辣好開胃，仲有好多料，蝦都有成5-6隻架泰式生蝦$75/6隻生蝦好食，醬汁酸酸辣辣，前菜呀嘛！緊係醒下胃先啦鹽局燒烏頭燒得剛剛好，鹽分部得唔夠,有D位好喊，有D位無味變得好腥，但整體條魚都燒得好食。必食「泰式香葉肉炒飯」（辣）$50超好多，好鐘意食佢呢個炒飯，辣辣地好正，如果再大碗d就好啦…Read More

最近去買外賣才發現餐廳拆夥了如常光顧有堂食的一家冬蔭功我們點了微辣味道沒變，一樣好喝它的冬蔭功不屬於偏酸的一種也沒有椰奶味是我愛喝的口味它的湯料十足不會因為外買只有湯裡面有3-4隻蝦肉很彈牙是新鮮的泰式炒米粉也好吃只是以前蛋是碎上混在一齊炒的現在是分開的米粉還米粉蛋還蛋所以吃起來都是分開的東西沒有混而為一的感覺味道是不錯只是都像單點一樣生菜包也是微辣同樣的味道很好吃泰式炒通菜比起以前有點油也咸了不少不知道是外賣的關係還是堂食也變了總括而且：味道好又便宜…Read More

Came here on several occasions with a group of boys and we really enjoy the food - the BBQ fish , salads and Satays are really good and the quality never disappoints. They do not have drinks license so you will need to pop over across the road to purchase beers from the small stores .Highly recommended place but it's very small so you need to arrive early and queue for table - I think they usually open at 7 pm. …Read More

多年前，在深水埗食泰國菜，總會想起一間只可以坐路邊的食店。可是，多年後，該食肆已經升呢，已經正正式式入鋪做大餐廳。然而，也是多年前，我發現了一間泰到連英文名都是後來才加上去的《ร้าน เนตรสุวรรณ》(Thailand Netsuwan)。當年，只是一個小小的泰式燒烤店，光頭的老闆非常細心及親民的，為食客同街坊做出美味的串燒。更令我難忘的，是他賣 $2 一條腸仔給小朋友，好照顧低收入家庭，令我對此店記憶猶新。近年來，間唔中坐車都會經過此小店，發現同樣地升呢了。不過，此店不是登堂入室做大餐廳，只是租埋隔離舖，依然做街坊生意。而這一天，英國回來的好友約我食飯，我就選了這《Thailand Netsuwan》回味一下。 店子的光頭大哥，就是這泰國小店的 Slogan。大概6至7年前，我第一次來的時間，負責燒烤的，就是把頭像也押在店面上的這一位光頭大叔。 當年，只知道他是一名會中文的泰國大哥。而這一次來，雖然見不到他的真身。但店子充滿了他的相片，更有他同泰皇的合照。我同朋友都心想，這一位泰國大哥，是否有點自戀呢。 後來，店子的負責人把電視打開了，這....這.....為何又是店子 Slogan 的大哥。這一個人，名字叫《ภมรพล》發音應該是 (Pamonpon)，他是泰國的一名前歌手，真名是《อำนาจ วาสนา》 (Amnaj Pamornpon)。可是，網上沒有太多他的資料，就算有，都睇唔明。 說食了，燒烤類中，我們點了串燒雞軟骨同串燒豬頸肉。即叫即燒的，非常之香口。豬頸肉入口十分之爽脆，雞軟骨也是脆卜卜的，食用時，加點泰式的甜辣醬，更加之惹味。 生菜包，用來包的豬肉絲的辣勁夠，而且非常之香口。食泰國野，最令人開心的味道，就是香口的味道，而且有足夠令人興奮的辣勁，這樣的泰式地道街頭簡食，感覺真是美妙。 朋友對蝦蟹敏感，所以我們沒有食蝦醬炒乜乜，同一眾含蝦蟹的食品。簡單飲食中，我們炒了一客椰菜。辣辣的，茶也炒特夠爽口甜美。我好少用惹味來形容菜，但是日的菜，我不得不用惹味來形容。 我們沒叫太多串燒的原因，就是因為點了這一條泰式明爐酸辣魚。魚同肉碎，其實都是熟的，我們只要等煮魚的湯滾起，旁邊的菇同豆卜煮熟就食得。魚，大概是烏頭之類吧，久煮之下魚肉依然是嫩滑。而酸酸辣辣的湯底，有少少冬陰 feel，配起魚肉，配起粉絲、菜同肉碎，味道好夾，而酸的味道，清清楚楚食得出，是由青檸帶出來的，味道很是好。而且，條魚都幾大條下，我可以說，這是至少三人的份量。 《Thailand Netsuwan》，Upgrade 了，感覺似返一間食肆但依然保持了街邊檔的傳統泰式燒烤的風格。大家若是喜歡泰國街頭小食的風味，《Thailand Netsuwan》(ร้าน เนตรสุวรรณ)，是一個很好的選擇。此外，小店沒有酒牌，要飲啤酒的話，可向附近的士多買。…Read More