權記車仔面 (Moved)

$30有3餸1麵我另加3個餸(每餸$6)外賣加$1$49(6個餸)價$，抵食最怕車仔麵d餸無味道，(這間味道不錯)，湯有不同汁揀揀左腩汁)，因為多腩汁，變左腩汁湯味道升級選米粉(可以吸收腩汁湯)，米粉煮得剛好，不糊身，吸收了湯汁的味道(好惹味)外表可愛的咀唇芝士雙響丸咬開……原來兩片唇都有流心芝士(芝士味道，不算濃郁，勝在外表可愛，流心口感不錯)外表平凡，但味道驚喜的玉米豬肉丸(豬肉丸口感好爽口彈牙，加上粟米的鲜甜，無豬肉的蘇味，好好味)魚蛋(细粒魚蛋係學校小食部必食)很久沒食细细粒魚蛋，魚蛋口感好實，但勝在比大粒魚蛋入味(加左辣的魚蛋)豆腐卜……吸了腩汁(好入味)…Read More

最尾一日響大圍番工，問下同事lunch有咩好野推介。同事二話不說，就介紹左呢間車仔麵比我，話一定要試。其實位置都算唔遠，由港鐵站行過去十分鐘喇，入到去坐低，個位都算闊落，起碼唔洗同隔離位鬥批踭XD，而且望落都好乾淨企理。老闆一見我坐低好快就埋黎介紹下有咩好食，由於本住人一世物一世既心態，我梗係叫晒佢最出名既野黎試下喇，我叫左魷魚，牛腩，瑞士雞亦同埋芝士牛丸加腩汁麵魷魚真係好爽，唔會煮得太耐，而牛腩亦都好入味，個腩汁又唔會好油，芝士牛丸我都係第一次食，幾過癮，個人覺得可以一試。但瑞士雞亦就略嫌唔夠熱，有少少瓊油既感覺。…Read More

第一次食呢間車仔面，有好多餸揀，選擇困難之下最後揀左韭菜餃，豬腸，雞翼尖，牛丸，要油麵，腩汁。幾樣餸都幾好味，韭菜餃皮夠薄夠滑，韭菜餡幾香，每粒都漲卜卜咁 幾足料，好味； 豬腸入面都冇乜肥膏，最重要係佢應該洗得幾乾淨，食落口冇乜異味； 雞翼尖色水好深，一睇都知道好入味，味道唔錯，份量都唔少添，但就略嫌雞翼尖煮得太林，一食落口就已經解體； 牛丸幾爽口彈牙，幾香幾好味。而油麵份量味道都係正常啦。湯底方面，腩汁唔錯喎，幾濃，唔覺得好味精，起碼飲左好多啖湯底都唔會太口渴。:) …Read More

晚行過大圍近車房果邊想食個dinner, 呆左，好幾間都星期二休息，咁岩發現到權記車仔麵，之前無見過呢間野（可能係我好一段時間無行過黎），出面照片賣相不俗，咁就“試新野”喇叫左個麻吉燒，豬油渣，翼尖，麻辣汁，河粉呢個麵有驚喜，有令我念念不忘既感覺。老闆（應該係掛，企係煮麵位，覺得應該叫阿權既男人）特別講話個辣整少左辣，唔夠佢再加。（哈，乜我個樣咁唔食得辣咩～）老闆是對的，其實個汁既味真係幾正，落埋花椒添，不過對我黎講仲係刺激左少少（下次食果時要講少辣先得）。豬油渣，好味呢。肥就肥梗架喇，但肥得黎好味都值。其實我總共食左呢間野兩次，第二次個豬油渣無咁好味，好似失左風咁有d難咬，食好野都要睇彩數。麻吉燒，起初唔知乜東東。原來係d類似魚腐既野包住左舊年糕。嘩，年糕呀！甜甜地又似溶左既芝士既texture, 開心史我呢。呢度既翼尖，……唔太岩我口味，食落散散地咁呢碗麵，特別係個麻吉燒，真係俘虜左我呢～…Read More

豬油渣 脆卜卜好好味 但一個人食會太多 兩個人share就岩曬袐製辣汁又唔太辣 食到辣味但唔會食到咁上下太辣食唔落去雞翼(+2)都唔錯28蚊 三餸一麵 +6/+8 有汽水/凍飲 價錢合理😋…Read More

新年流流諗唔到食咩，見到有間車仔面開門，走左入去食！老闆介紹車仔面湯底有秘製辣汁，一試，果然別有一番風味，回味無窮!車仔面餸用料新鮮，份量充足!地方環境清潔!最好食都係個「咖喱蠔皇魷魚」，其他地方真係食唔到敢爽敢彈牙！…Read More