Tai O Crossing Boat Restaurant

假日同屋企人一齊到大澳玩，飽嘗大澳嘅美食同美景！中午11點幾入到，我哋入左橫水渡小廚！人唔算太多，我哋四個人同同人拼枱坐圓枱！😅餐廳嘅餐牌設計好有大澳特色，係用大澳風景相整！👍🏻👍🏻👍🏻食物🌞🌞🌞🌞🌞籠仔蒸飯❤️❤️❤️❤️❤️籠仔蒸飯有蝦乾，蝦醬，士魷乾，銀魚仔乾仲有豬肉碎去蒸，好香，好濃嘅咸香味，勁好食！🤤🤤炸魷魚炸到好香口，魷魚好新鮮好彈牙，唔會好粉，又唔會好油膩，又係好好食🤤🤤椒鹽豆腐豆腐炸到外脆內滑，外面再撒下椒鹽粉，正！🤤🤤整體來講，所有野都好好食，好啱我重口味嘅我😂❤️😍…Read More

上次食都係幾年前🤭忘記咗佢嘅存在🤣今次食返其實同上次係一樣味道🥲海鮮蒸飯蝦醬蒸豬頸肉墨魚餅去大澳必須食返大澳地道食物😆基本上係冇服務㗎～但係就收+1服務費😂是但啦去得食飯就預咗😆豁出去啦🤭環境都係一般嘅大排檔啦～…Read More

前排天氣好好就襯weekend入大澳行下，見呢間餐廳好多人食，一於入去試下。🐷咸鮮蝦乾荷葉籠仔飯 $178呢間鋪既4大名菜之一，份量十足，有魚乾，蝦乾，豬肉，蝦膏，魷魚等等，撈勻食乾海味好香咸鮮味，但略嫌蝦膏落得重手左，所以有d咸。🐷香煎墨魚餅 $138呢個係另一道4大名菜，有8大舊。外層煎到金黃色，一咬落去食到粒粒墨魚肉，好彈牙唔會話食到好多粉。食幾舊都唔會話好油膩，必食👍🏻不過要注意，呢度比較殘舊，所以衛生情況一般。不過要讚既係呢度既員工都好友善健談。…Read More

前排天氣好好，去左大澳行左個圈，朋友介紹食呢間橫水渡小㕑，味道好唔錯👍🏻炭燒燒鵝超正👍🏻👍🏻半隻都係2百幾蚊，最正係食到最尾，啲皮都仲係脆卜卜架👍🏻伙記話，好彩早去，每日數量唔多，好多時兩三點就賣晒。仲叫左其他特色美食大澳四寶蒸飯，有蝦乾、蝦醬、土魷乾同銀魚仔乾。一定要撈勻晒嚟食，否則會有啲好咸。香煎墨魚餅，香口彈牙，好新鮮👍🏻👍🏻👍🏻蝦醬撈麵，好香蝦醬味，味道剛好👍🏻仲有大大份雜菜煲、蒸勝瓜，超飽～好食😋…Read More

事隔一年聖誕假入大澳，人來人往有節日氣氛，再食佢哋四個招牌菜，(龍仔飯)，鹹香味十足，(炭火燒鵝)，碰啱佢新鮮出爐，熱辣辣炭燻味十足，正，(椒鹽豆腐),外脆內滑,自己帶咗幾樣海鮮加工,感覺都在水準之上,很滿意,雖然沒有豪華裝修,大排檔風格,但很有親切咁,夥計都很禮貌.回味剛看過之前兩篇食評，感覺和他們說不一樣，尊重每個人都有不同的口味和感覺，這純粹個人立場，食飽飯後，再周圍遊覽，坐觀光艇睇白海豚，行一行虎山，大滿足，下次一定再嚟。…Read More

放假諗住去大澳行一行，周圍都係美食，結果盲舂舂入咗呢間橫水道，結果非常之後悔。入到去坐低，見到啲餐具同枱面油淋淋，已經唔開胃。唯有用自己嘅濕紙巾去抹乾淨佢。點餸時職員冇禮貌，呼呼喝喝。最後點了兩個餸，一個係魚湯雜菜煲，另一個係小炒王。個雜菜煲一放低已經唔對路， 腥到冇朋友，咁大個女未食過一個咁腥嘅雜菜煲。唯有叫職員拎啲胡椒粉來辟腥。問咗三個人，個個都話幫緊你幫緊你，到第三個先拎到俾我哋。諗住叫個白飯，又係叫咗三個職員，結果係冇拎到過嚟。佢嗰日係平日，已經冇乜客，冇Service之餘啲食物又難食，仲夠膽死收+1。結果兩個人買單差唔多$300。強烈建議大家千祈唔好嚟呢一間食嘢，除非你錢多或者想受氣除外…Read More

放大假諗住去大澳行一下，周圍都好多美食，盲舂舂入咗呢間橫水渡食午餐，叫咗個魚湯雜菜煲同埋小炒王。坐低職員已經冇乜招呼，張枱同餐具油淋淋，已經唔開胃點，唯有用自己嘅濕紙巾去抹乾淨佢。點菜嘅時候職員呼呼喝喝，一啲禮貌都冇個魚湯雜菜煲上到枱，未食已經唔對路， 腥到冇朋友。唯有叫職員拎啲胡椒粉俾我哋，足足叫咗三次先比到我哋。再諗住叫個白飯，又係叫咗三次，次次都話拎俾你拎俾你，幫緊你幫緊你，結果係一次都冇嚟到。最後兩個餸，食咗$300 ，閒日已經唔係咁多人，冇service 之餘，食物質素又唔好，仲要收+1服務費，真係想講粗口，強烈建議大家千祈唔好嚟呢間嘢食飯，除非你錢多或者係想受氣除外…Read More

堅持唔寫負評既我終於忍唔住啦，難得中秋入去大澳行一轉感受下花燈會既盛況，街邊既美味小食包括滷水墨魚、炸沙翁同必食既炭爐雞蛋仔都無令我失望，節日氣氛好好令我最後想食多個靚飯先算圓滿架麻，點知完全中伏！！！首先利申我係一位有要求亦精通煮野既人，所以出街食飯我只敢叫招牌菜，其他唔敢亂試，佢哋得4個招牌菜，咁我哋就叫魚湯花膠海鮮雜菜煲同招牌籠仔蒸飯，本來想試埋炭爐燒鵝但7點話賣晒就算啦～戲肉黎啦，所謂的魚湯花膠海鮮雜菜煲完全無無用魚做湯底，都唔緊要，重點係潲水都不如！！！唔講，諗起都核突！個幾塊白烚花膠、硬過條牛脷既尤魚、冰鮮味重過千年肉既蝦球、魚塊同青口。。。。。。好！我凈係想食埋啲菜，但最後都放棄咗呢盤洗碗水都不如既垃圾。再黎就係個盤只有咸蝦味嘅蒸飯！裏面既所有既蝦乾、尤魚乾同叉燒都係無味又干爭爭的，仲話係大澳名物，真係。。。對，無其他味道架啦！全單承惠537蚊！！！真心小左出嚟，好耐無試過可以食過飯都可以咁勞氣，幾乎破壞晒一日好好既心情，評分我可以俾負數嗎？請大家每次經過呢間野都三思唔好浪費金錢，唔好斷送好心情！…Read More

2022.8.23 星期二 5:30pm本來4:45pm準備入去，但店員說剛好他們吃飯時間，叫我們轉頭再回去。之後他們指示去斜對面的地舖，入面是大排檔風格的帳篷，不過冷氣很涼，店員還開多幾把大風扇，很涼爽，即時降溫🌬️今次主要來來試這裡很出名的燒鵝，可惜師傅放大假到8月尾，要下次先試到了。••••••••••••••••••••| 咸鮮蝦乾荷葉籠仔飯 | $178🦐🍚這間店的四大菜式之一。很大籠，很多乾貨海鮮和材料在內，魚仔、蝦乾、豬肉、蝦膏、蔥，拌勻之後吃，超濃香鹹鮮味，多重口感，飯粒粒分明不會太濕，整體比較重味偏鹹。蝦膏對比起飯的分量較多，如果少三分一蝦膏，材料都可以少一點，或者飯量多一點，味道可能會更平衡。| 香煎墨魚餅 | $138🦑這是另一味出名菜式。外面煎到微微金黃，一咬入面熱辣辣，十分鮮味彈牙，不會太多粉，還有切到很細的墨魚碎粒。吃原味已經很香口，可以不用點甜辣醬。| 紫背天葵生炒骨 | $98🐖生炒骨酸酸甜甜，炸粉不會很厚，軟腍度適中，沒有肥膏但不會乾。菠蘿幾鮮甜，三色椒炒到爽口，沒有草青味。茶位 $8/位服務費 10%••••••••••••••••••••每碟的分量真的很多，味道都不錯，超足料，性價比高，建議籠仔飯三個人分的話，就可以多試幾款菜式。枱櫈和餐具都很乾淨，不過旁邊就是收集用過碗碟的位置，所以有些烏蠅周圍飛，吃飯時有幾次差點飛到餸菜。所以衛生方面真的要多加注意。…Read More

大澳 長沙之遊的第二天，一家來到大澳吃午餐。品嚐1小時就沽清的燒鵝，二姐一直激讚比深井的燒鵝更好吃，果然名符其實！我們吃得津津有味我們都點了招牌菜，魚湯、燒鵝、椒鹽豆腐等，雖然算不上百年老店，可是也是經歷了幾十年風浪的地道小店。感恩這家老店未有因疫情消失，大家要多加支持小店。每一道菜都是即叫即製，而且味道也調得很好。那個荷葉飯蠻特別的，跟巿區的酒家做的不一樣，用了他自家店祕方海鮮、肉去煮，印象蠻深刻。整體來說，是一頓很滿意的午餐，充滿地道風味，讚👍🏻…Read More

山長水遠入到大澳，一定要試吓大澳四大菜式。餐廳六點先開門，準時去到，環境真係普普通通啦，可能係大熱天時， 非常之焗，雖然把大風扇吹住，但係感覺到很熱。咁有信心，寫明四大菜式，一於全部叫晒佢。炭燒燒鵝半隻，燒鵝新鮮，皮脆肉嫩，又唔會太鹹香煎墨魚餅，新鮮墨魚味濃郁，還有大大的墨魚粒，真係名不虛傳。椒鹽脆皮豆腐，外皮鬆脆，估唔到入邊豆腐依然嫩滑，而且豆味濃郁，一絕。鹹鮮蝦乾荷葉籠仔飯， 非常多料，有魷魚，豬肉，魚粒，蝦乾，魚仔乾等，配上淡淡的蝦膏醬， 撈勻，真係可以食好多碗飯。梅菜蒸菜心，味道不錯，梅菜偏甜，可惜菜心比較老，有渣，令到菜式失色了。五個菜式，加兩支啤酒，埋單一共$890，老實說，菜式真的不錯，新鮮熱辣，風味十足。可惜的是，環境真的一般，沒有冷氣，環境嘈雜。一邊食，還聞到陣陣的煙味。可能，這也算是大排檔獨有的特色。…Read More

呢度有四款好出名嘅菜式，其中包括燒鵝、籠仔蒸飯、墨魚餅。本身好想試佢嘅燒鵝，不過咁啱當日廚師放假，我哋就揀咗籠仔蒸飯同墨魚餅。籠仔蒸飯入面有各款海產乾、肉碎同蝦膏。雖然本身我唔太鍾意蝦膏，但佢本身嘅飯同配料都非常出色，就連佢嘅蝦膏我都唔抗拒，因為配埋飯同埋蝦乾等等係超夾！另外佢嘅墨魚餅可能係我食過最彈牙嘅墨魚餅，每一件都好爽口，墨魚打得好夠膠～炸粉又啱啱好😍呢個墨魚餅真係超級有驚喜！呢間餐廳都好推薦比大家…Read More

疫下什麼娛樂也沒有，只可去離島遊一遊，都可說是無野搵野來做，周圍吃一下。柴火燒鵝，吃不到柴火的焦炭香味，只吃到鵝肉的雪藏味，而且比較鹹，鵝皮不太脆還有很多油，鵝肉像木柴一樣，整體真是差。脆皮山水豆腐，外皮就不太香脆了，但豆腐尚算出色，豆味香濃，而且豆腐很滑，喼汁與豆腐原來也很夾。咸蝦醬蒸豬頸肉，這個份量足夠，咸蝦醬的鮮味跟豬頸肉非常配合，豬頸肉的油膩與咸蝦醬完全融化，這個同飯一起吃真的可一碗接一碗。味道: 可試也可不試衛生: 比較差環境: 也是一樣比較差服務: 一般價錢: 偏貴…Read More

第一次黎大澳，之前已經做左功課話呢間既燒鵝好食，但我地同行有兩隻狗狗，本身都預咗唔入得就唯有外賣係出面吹風食。點知員工得知我地有狗狗，重好熱情安排左我地坐一個船位，而且佢地既燒鵝真係無令我地失望，其他小菜都唔錯。我地一家都好鐘意食燒鵝，平時成日都會食，但真心覺得佢燒鵝口感好正，炭燒味真係出面食唔到，雖然我地正值減肥，但都覺得食呢個燒鵝都係值得，哈哈，如果黎大澳既朋友真係可以去一試！平時我真係無寫食評既經驗，但今次體驗好好，忍唔住上黎讚一讚佢地👍🏻…Read More

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴炭燒燒鵝（下莊）（$168)我地會入呢間食嘅原因，其實就係肉公主見到人地鋪頭門口掛住嘅燒鵝🥴佢覺得啲燒鵝好似好靚咁，話想試下😹事後都證明，又真係正，肉公主食得嘢多，開始識睇邊啲嘢好食邊啲嘢唔好食了🤯😱燒鵝極之惹味！係就係肥左少少，但係我地都覺得入嚟呢間真係必點😛兩個人食嘅話，真係例牌嘅份量就夠，點多啲已經食唔到其他嘢😵西蘭花鮮魷（$98)炒得好入味，唔會話某啲西蘭花寧寧射射有啲係生生地咁👍魷魚量多，幾乎同菜嘅比例係55波。配有少量嘅菇同埋韭黃😋唔錯嘅一個小炒。香煎墨魚餅（$138)呢個又係嚟到必食🤯一碟8舊墨魚餅！煎得好香，咬落彈牙，而且係真係食到粒粒嘅墨魚肉！成舊餅好足料，又唔算話好油膩，必食👍梭羅魚紫菜鮮茄竹笙豆腐湯（$128)好鮮甜嘅魚湯，我地食到後期個湯先嚟。結果肉公主飲左一碗之後話飽，之後基本上都係我食🥲其實當時我都飽到傻，但係又真係好好飲。湯嘅料好多，基本上每啖飲落都係滿滿嘅瓜，竹笙同蕃茄。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：4/5環境：3/5價錢：3/5份量：4/5服務：4/5會否推薦：會呢間餐廳分有兩個地方比人坐，一邊就係水邊嘅室內冷氣位，另一邊就係一條小街之隔，3層高左右嘅樓層。我地慢左步就冇得坐水邊嘅位，樓層嘅位比較殘舊，講環境一定係差啲。但所幸嘅係嘢食搭救，而且店員好熱情，會主動同客人傾計，亦好樂意幫你換水換碟👍⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️…Read More