樓下冰室

Open Now

Now Closed

今日同朋友黎到見到呢間冰室裝修得好靚 所以就入左黎食空間寬敞 坐位又多 晚餐時間都不用等位值得一讚係裝修以香港特色店鋪為主 連地板都有花心機去DESIGN同朋友一路食一路傾計 都諗返起好多兒時回憶餐牌上有好多選擇 都好吸引選左潮州蠔仔肉碎泡飯 原因係好多茶餐廳都冇得食 黎到見到忍不住就叫好有驚喜的是D蠔仔唔係小蠔 係中大蠔 鮮味好食 加上有D 木魚碎 肉碎 同魷魚粒 芹菜 非常高質我可以講係我食過最高質的蠔仔肉碎泡飯 朋友就叫左個台式肉燥雞扒飯 一D都唔HEA 好多肉碎 雞扒好入味 都係推介另外加左個芝士西蘭花和炸餃子 質素都非常好 西蘭花上好多芝士 一D都唔手軟炸餃子出色之處是配上了千島醬 完美的配搭飲品 紅豆冰和阿華田脆脆 (必點) 凍阿華田+ 脆脆 好有口感 飲杯野都滿足今餐用茶餐廳的價錢 但有好優質好食的食物 下次一定再來幫襯

我一直聽朋友講過樓下冰室既番茄濃湯套餐幾出色🤔，價錢最平係$48，上網評語大部份都係正面，今日冒住狂風暴雨去左鰂魚涌分店試一試。餐廳裝潢充滿八十年代既氣息，尤其係掛係天花板既招牌🤩- 鮮牛肉番茄濃湯通粉配牛乳炒蛋湯底濃郁，入面有茄蓉，順喉之餘味道唔會過酸👍🏻。通粉煮得恰到好處，質感唔會過稔。加上奶滑既炒蛋同鮮牛肉，味道非常豐富😍- 招牌瑞士雞髀雞髀吸滿醬汁變得非常香甜，雖然肉質唔係太嫩滑但唔會嚡口，另外仲好彈牙。- 華田脆脆呢杯飲品非常邪惡😈，頂層鋪滿華田脆片，甜度適中。樓下冰室既番茄濃湯套餐果然出色，下次再試埋餐廳另一個招牌花膠雞米線先！

麻甩專員趁禮拜六去轉港島貪條街無咁多辦公室人士可以唔洗等咁耐位食飯今次帶大家去出晒名好食嘅「樓下冰室」到食飯店內裝飾成浸港式嘅味道出晒黎，侍應個look係茶記look，係差支原子筆同一疊字落單姐店內食物款式多，基本上日日黎食都唔會嫌悶個種《蔥花叉燒滑蛋飯》上檯個下直頭係嘩左一聲，侍應姐姐見我咁嘅反應望住我笑半熟帶流狀既蛋好光亮，叉燒好多舊而且唔薄成個飯好大碗，每一啖都可以有飯有蛋有叉燒，唔怕食到最後剩係得返飯《潮州蠔仔肉碎泡飯》內料有蠔仔，冬茹片，好似仲有少量荀片粒湯頭清甜帶有少量芫茜嘅清香，蠔仔份量多，泡飯每粒充分浸滿湯嘅甜味食完飲完唔會口乾另外食港式茶記一定要飲紅豆冰懷舊嘅紅豆冰杯插住飲管+匙羹，一邊飲一邊食紅豆花奶同冰同紅豆嘅份量完美，好飲----------------------------麻甩專員評分區店內環境: 10/10食物外觀: 10/10食物味道: 10/10整體分數: 10/10翻食指數: 10/10 ----------------------------

係附近工作，晚飯諗住求其食d小食再翻去ot。.招牌瑞士雞髀 $30講得係招牌，自然係有料到!!瑞士汁超級入味，但重點係雞肉鮮嫩多汁。平時食開個d都係肉質比較松散，但呢個彈性十足!!!超級推介!!.西多士 $28製作得好快，落單幾分鐘後就上菜。厚厚嘅牛油再加香甜糖漿，邪惡至極！口感厚身蛋香味濃，中間係花生醬，豐富口感。.雞湯什菇娃娃菜 $40飲食要均勻，食多d菜。娃娃菜有唔少，好味。.德國什腸 $38有三款唔同嘅腸，味道都唔錯。.紅豆冰 $26紅豆軟身起沙，口感唔錯。.我一定會再過來食招牌瑞士雞髀，真係回味無窮!!!

好耐冇試過一口氣食咁多港式特色食物，今日同朋友突然唔想再食西餐，決定去樓下間冰室食下。喺餐廳見到某電視台前男主播 🙈🙈🙈個心當堂開心咗一下😂😂題外話來嘅，等我講吓食物先奶油脆豬仔包比我想像中大嚿，本身以為係澳門豬扒包嗰隻豬仔包，點知佢咁大舊讓我措手不及，不過整體包身都好脆👍👍 招牌瑞士雞髀，瑞士雞翼三隻必叫必叫必叫，瑞士汁好入味！我個人就覺得瑞士雞翼好食少少，因為肉質再滑啲，而且佢嘅價錢$40 3隻都唔貴，勁好食！炸韭菜餃子八隻冇諗過茶餐廳都有得叫炸韭菜餃子，佢嘅韭菜餃子都有肉汁，韭菜味好香，而且仲有八隻咁多，大家不妨試吓。焗芝士肉醬薯角呢個都好食喎，係咪因為全餐都冇食澱粉質呢？食下肉醬芝士薯角填飽個肚。佢嘅肉醬非常之多，仲有拉絲嘅芝士添！最後仲叫咗個娃娃菜清一清☺️☺️華田脆脆港式飲品，一定要飲！雖然係好甜好邪惡，但係配埋全餐真係好好食！菠蘿冰呢個就比較清新，而且菠蘿份量都OK，清甜！

久違嘅晚市堂食，嚟到生活圈附近嘅樓下冰室，懷舊冰室嘅陳設，店員們親切有禮，真係好加分！蕃茄濃湯意粉配牛乳炒蛋 招牌瑞士雞髀$57加豬潤 $8超濃蕃茄湯，見到介紹係每日用200斤鮮茄豬丶骨及雞骨熬成，的確係濃郁鮮甜；瑞士汁濃厚偏甜，鷄髀大大隻好入味，豬潤熟度啱啱好，意粉做到 al dente，份量好足！吉列豬扒配厚切牛乳炒蛋治及粟米雜果沙律 $60吉列豬扒似乎係呢度皇牌，聽到隔離枱有係食佢，夠大塊，超脆外層；厚切牛乳炒蛋治又係另一招牌菜，蛋香嫩滑，仲充滿牛油味！典型港式沙律，有粟米丶蘋果丶罐頭雜果粒，豐富。綠椰汁 $26開邊綠豆，椰汁夠香紅豆奶茶 $30本身奶茶底香醇，紅豆少少起沙，好飲！

昨天放工在鰂魚涌吃飯，這家餐廳裝修極具老香港懷舊特色冰室。冰室內掛滿了香港特色店舖的招牌，令人仿如進入了一間香港特色歷史博物館。⭐️蕃茄濃湯配牛乳炒蛋加招牌瑞士雞翼冰室每天用上大量新鮮蕃茄製成蕃茄濃湯，鮮甜美味，為招牌之一。滑溜兼充滿蛋味的牛乳炒蛋配上酸甜蕃茄濃湯通粉，好味又營養十足。冰室另一招牌之一是瑞士雞翼，雞全翼醃得剛剛好，鹹甜適中，雞肉嫩滑令人食不停口。⭐️雞湯浸什菜娃娃菜$40雞湯濃郁鮮味可口，娃娃菜有甜味，健康又有益。⭐️自家製蔥花叉燒滑蛋飯$57大大碗份量十足，叉燒肥瘦適中，配上香嫩滑蛋，再淋上醬油，簡直是絕配。⭐️熱檸水熱檸水能補充維他命C及增強免疫力⭐️綠椰冰$26其實是綠豆椰子冰，底部是綿細軟滑綠豆蓉，上面舖滿了甜蜜椰奶，乃是夏天消暑飲品。

星期四唔想自己煮lunch食，太麻煩啦，於是去左屋企附近既樓下冰室自己一個人食午餐。樓下冰室經常有人排隊，好彩我早啲黎咋，一到12:00就開始不斷有客到。呢間最出名就係番茄濃湯同瑞士雞髀，一場黎到無理由唔食既。佢仲有好多唔同既食物，但我得一個人，食唔到甘多。最後我叫左特色番茄濃湯通粉配牛乳炒蛋、招牌瑞士雞髀、西多士同紅綠椰冰。特色番茄濃湯通粉配牛乳炒蛋、招牌瑞士雞髀特色番茄濃湯通粉配牛乳炒蛋通粉份量好多，番茄湯底好濃郁，食得出用上好多真番茄，炒蛋亦都好嫩滑。招牌瑞士雞髀瑞士汁好濃味，雞髀索晒啲味，啖啖肉，滿足。西多士糖漿自己落幾好喎，牛油好大舊，切開見到中間個層既花生醬好厚，而且係我鍾意既粒粒花生醬，超級飽肚。紅綠椰冰(加$15)我叫左少甜，以椰子冰作為基底，加左紅豆粒同綠豆粒，幾特別。

晚市一開返，即刻開波約齊班朋友聚一聚啦但，冰室既好處就係唔一定要食山珍海味，魚翅撈飯，而係就算簡簡單單一個常餐又好、碟頭飯都好，只要一班人食講下波經，回味下小時光，就足夠了。👇📌飛 哥 餐 - $50▪️ 經 典 沙 嗲 牛 肉 麵 -▪️ 牛 乳 炒 蛋 -▪️ 丹 麥 多 士 -▪️ 紅 豆 冰 - (+$10)▫️ 最經典莫過於呢個「飛哥餐」，佢個沙嗲牛肉麵沙嗲汁做得岩岩好，濃得黎唔會太鹹，牛肉嫩滑有咬口，配搭炒蛋同多士，份量十足夠哂飽肚；嗌埋多杯紅豆冰，非常滿足。📌番 茄 濃 湯 通 粉 - $57 ▪️ 牛 乳 炒 蛋 - ▪️ 瑞 士 雞 翼 - ▪️ 華 田 脆 脆 - (+$13)▫️ 另一重頭戲「番茄濃湯通粉」，番茄湯底質感厚身，完全唔係好稀身果隻，口感十足；而配搭炒蛋食落更加滑溜；加上經典瑞士汁雞翼，鹹甜適中，個汁較得幾好；最後嗌埋杯華田脆脆就必需咖啦。📌特 色 小 食 -   ▪️ 芝 士 煎 蛋 菠 蘿 包 - $28 ▫️ 最後口痕叫多個「芝士煎蛋菠蘿包」醒下胃，菠蘿包外層夠脆身，中間夾雜住一大塊芝士、煎蛋同埋蕃茄，整體清新得黎層次豐富，我幾鍾意。

今日做嘢好大壓力，就連午餐都沒有時間吃。所以下午茶嘅時間就衝左落去其中一間茶餐廳食。這間茶餐廳的招牌非常搶眼，每次搭車都經過，所以今日決定試一下他的食物和普通的茶餐廳沒有太大分別，最大分別的是他有一個很出名的豉油汁和茶餐廳必備的炸雞髀和紅豆冰！我就忍唔住嗌咗呢個餐！我發覺佢隻雞髀真係好大！而且炸得好乾水唔係間間茶餐廳做到！另外佢杯紅豆冰都好大杯我覺得奶味可以再重啲，但佢嘅紅豆蓉做得非常之好不會太甜另外有啲驚喜嘅係佢嘅薯格揸得好惹味，但有一啲薯仔嘅質素麻麻所以食落唔係咁好另外我個同事就要咗碗蕃茄面和凍檸茶，都係正常發揮，但不會吃完有一種味精感很重的感覺。整體來說是一個不錯的體驗，下次我都有機會再食～

放假去行柏架山，行山前食個靚早餐再起步💪🏽 平日午市多人排隊未有機會試，趁11點前去到食早餐😀招牌鮮茄濃湯叉燒通粉($44)配牛乳炒蛋、牛油多士及咖啡。早餐本身係配意粉，但聽聞湯底好好味，所以轉通粉索埋湯汁食😛 叉燒軟腍唔乾，滲透甜甜蜜汁味，蕃茄濃湯以新鮮蕃茄、豬骨、雞骨熬製，味道非常鮮甜，大讚👍🏽 多士、炒蛋同咖啡都很好，十分滿足嘅早餐😋餐廳裝潢好有以前懷舊冰室嘅感覺，牆上壁畫同裝飾都幾有特色

...據說呢間冰室標榜每日用大量新鮮蕃茄去整湯底，作為一個好鐘意食蕃茄嘅人，無可能唔抽啲時間去試試。..呢一朝特登早起，去食個早餐，再行返工😂😂😂😂..叫左個蕃茄餐肉通粉 + 炒蛋 +多士，飲品熱奶茶～埋單44 😬😂..名不虛傳，個茄湯真係好鮮甜好濃郁。食到好多切碎左嘅蕃茄肉係入面。佢話佢無味精嘅～ 我自己食完都信😂因為我例牌食完味精一定會極度口渴，呢度無呢個問題～餐肉微微煎香，吸收茄湯嘅精華😋好好食😋如果有得轉螺絲粉就好啦🥰..炒蛋正常水準，值得一提嘅係佢哋嘅多士同奶茶都「好似」比其他冰室大份😂特別係杯奶茶🤪拎上手重量起碼比平時多三分一杯⋯ 好彩茶底唔錯，我好快就飲清光～食完呢個早餐飽到我下午飯都無食😂😂😂...#蕃茄通關注組..

每次經過這裡都是人頭湧湧，不是等位置就是外賣，今天大年二十九，心想應該人不多吧，去試試，結果還是一樣～人多多。🙃坐下急不及待點了這裡的經典菜，鮮茄炒蛋湯通粉配瑞士雞腿，加即磨咖啡☕。當家的點了三寶飯，加檸檬🍋茶。等餐之時，環顧四周，懷舊的裝潢，像七八十年代的香港，掛著歌舞廳，即日放映等舊式招牌，很有特色。打開餐具抽屜，餐具光潔亮麗整齊，可見餐廳之用❤心。兩份餐上桌，真是不枉我專門坐車來。通粉很大一碗，炒蛋嫩滑，番茄湯裡有很多新鮮番茄🍅，而且很熱，一看就增強食慾，瑞士大雞腿一個，油亮飽滿，😋鮮甜多汁，吃得皮都不剩。😉當家的三寶飯也不錯，叉燒是餐廳自己燒的，毫不含糊，又香又嫩。大瑞士雞翼，加一個荷包蛋 🍳，夠飽足。🤗在長期抗疫的日子裡，這裡體現了獅子山精神，與香港市民共度時艱，提供了實惠美味的餐點，為我們加油加力。👍

胡椒滑雞米線，米線嘅湯底有胡椒味同酸菜味，由於湯底夠濃，個湯底同埋啲米粉一齊食會好好味，另外廚師放左好多芫茜，個湯底會有芫茜嘅香味。呢碗米線除咗有雞之外，亦都有好多配菜，配菜方面會有支竹，酸菜，黃芽白等等。粟米雜果沙律，食完碗米線之後，食呢個沙律清清地好健康呀，沙律裏面會有什果，粟米，蘋果番茄同埋有啲綠色嘅蔬菜，沙律醬份量足夠。華田脆脆呢間餐廳用咗懷舊嘅特色裝修風格，入到去會見到好多香港舊式嘅招牌，喺度食飯會別有一番風味。

位於鰂魚涌地鐵站附近既樓下冰室，位置方便，一出地鐵站就見到。入到去侍應姐姐好有禮貌咁同我地介紹咗好多出名既小食。招牌瑞士雞脾雞髀大大隻，肉質嫩滑，可以用刀輕輕切開，瑞士汁味道濃郁，雞脾索晒班瑞士汁既味道。厚切牛乳炒蛋治蛋治好有驚喜，目測淨係炒蛋已經有3cm高，一擺低我地已經嘩嘩聲，食落蛋味濃，而且非常飽肚。德國什腸有三款腸，有比較常見到既芝士腸同司華力腸，配沙律醬食比較特別。炸韮菜餃子🥟餃子炸得外皮脆，而食落入面有好多韮菜，老闆話佢地啲餃子係自家制，出面買唔到架。話梅柑桔蜜柑桔蜜試過，話梅柑桔都試過，話梅柑桔蜜未試過，朋友話味道幾特別，飲落好舒服。華田脆脆上層佈滿柯華田脆脆，下層就係凍冰冰既凍華田，飲落最底之前要食晒啲華田脆脆，如果唔係就會痴晒係啲冰到。雞湯浸什菇娃娃菜食完咁多煎炸野最後食返個什菇娃娃菜，清清地可以解油膩。