Joyful House (Closed)

食完雞翼行幾步路就食糖水，係將軍澳食糖水嘅選擇真係少之有少，除左滿記就得呢間，而呢間竟然係一間難得嘅小店，整嘅野食都係用心製作又有心思 😍😍今次一行食左 4 個甜品，先講打卡系列，桂花荔枝水信玄餅 $49，真係好靚，桂花碎睇落好似金箔，超有仙氣，食落個味道又好清香，另外仲有一球雲呢拿雪糕，抵食之選！😋😋另外就係重口味系列，D24 榴槤班戟 $38，入面真係好足料好香，爆哂榴槤餡肉，冇得彈！🤩🤩而養生系列有雪燕紅棗燉鮮奶 $59 同埋雪蓮子桃膠圓肉燉雪梨蘋果 $49，兩樣都好足料，好滋補養顏，又暖身，真係要食一食！😍…Read More

星期六中午和另一半到將軍澳附近逛逛，找到了這一个品嘗甜點，放慢腳步的好地方，滿足了我們這些真正「甜品控」的所有願望。這間位於高級住宅區內，鄰近將軍澳站大型商場的甜品小店，雖則少了市區的人來人往，卻換來了小店的平靜和寫意。相信，吃甜品的人，吃的除了食物的本身，還可以同時感受料理甜點的細節，盛裝的器皿，餐廳環境的氛圍，甚至是款待顧客的心意。小店內沒有非常華麗裝潢的佈置，簡單的雲石系設計落在牆壁，桌上都顯得格外和諧，看見天花板掛上的氣球🎈裝飾，都給食客一種「樂在糖中」的感覺，很快樂！我們先叫了一款小食，炸雞軟骨。⊙ 1.  炸雞軟骨 - $39外酥內脆的雞軟骨在一間甜品店上食到真的算不錯，點上碟上配有檸檬和沙律醬，去除了油炸感，酸酸的很開胃。食過鹹的就要來到主角登場，我們後來叫的全是甜品。⊙ 2. 黑芝麻豆腐心太軟  (配豆腐雪糕) - $52心太軟是烘烤類甜點的一種，是我種多甜品的最愛，而這個黑芝麻豆腐心太軟簡值是令人大開眼界，與一般的心太軟很不同。外層的蛋糕，黑芝麻味道十足，口感濃郁，「心」內軟在豆腐花，配得絕對天衣無縫！一口芝麻蛋糕，加一口「軟軟的」豆腐花，幸福的味道就這樣！獨特的配合是很花心思的，真的要讚讚甜品師這心意。旁邊的雪糕也不要看少它，其實都是豆腐花味的，連心太軟一起食都是冷熱的享受啊～來到一定要試試這個很特別的心太軟。⊙ 3. 玫瑰蜜桃水信玄餅  (配玫瑰花茶) - $49水信玄餅是日本的點心，好似水滴般晶瑩透心，嘣嘣跳的，很夢幻很精緻的賣相，看見就會嘗心入目，真的好美。這裡有三款味道的水信玄餅，我們叫是玫瑰蜜桃味，口味好清淡， 連同套餐一起的花茶食用，滿口都是淡淡花味，入口就一起溶掉。⊙ 4. (熱) 日本甘酒 (無酒精) 桂花味配日本年糕 - $39常常說好茶，好酒都是食甜品的最佳良伴。熱的桂花甘酒，甜甜的，雖然稱作甘酒，但酒精含量極低往往都少於1%，不含酒精的，用麥芽大米製作，還有點咬口。甘酒 (無酒精) 除了好喝，其實它還是具有極高的營養價值，自古以來深受日本人的喜愛，對健康及美容都十分有益，舒緩疲勞、美白、頭髮再生等等，看見餐牌的介紹，就知道甘酒不是小東西，一定要叫來喝下。喝一口，吃一口日本年糕，煙煙韌韌的感覺非常過癮的。無論你想單純食美味的甜品，或是想與友人坐坐談天休息，這間餐廳都是不二的選擇，環境舒服不嘈吵，特色的甜品帶出甜品師的心意，好幸福喔。餐牌:…Read More

今晚約咗去將軍澳朋友嘅屋企打邊爐，下午出動買野。好耐冇去將軍澳站一帶，兒家已經起咗好多樓，我同另一個朋友早d到，諗住食d野，係附近行下。去到天晋二期見到呢間門面靚靚嘅小店，就入去試下啦。我地叫咗兩個主食同一個甜品share食，另外每人一杯野飲。卡邦尼意粉 - Bacon都落唔少，意粉軟硬、醬汁濃度都剛好:)。四重芝士薄餅 - 4款芝士有不同口感同顏色，聞到有少少芝士嘅焦香。餅底唔油膩，我喜歡:)。甜品係+$30水信玄餅，桂花荔枝味，配雪糕一球。第一次食水信玄餅，原來好似蒟蒻嘅質感，淡淡荔枝味嘅水信玄餅配以桂花係面，清新脱俗:)。我飲嘅係+$10升級洋甘菊，讚! 唔係普通街買嘅茶包，而係自家pack嘅洋甘菊，仲要係pack得飽滿嘅。朋友飲嘅係+$32日落❨Peach & Blueberry Soda❩﹐靚靚mocktail一杯:)。總括，小店算係不錯，食物份量女仔食剛好，男仔可能要食多少少。…Read More

今日同朋友去Popcorn 睇戲，但我哋早到咗，仲有排先入場，於是就想搵間清靜又舒服嘅餐廳食啲嘢、傾吓計，上網找到呢間叫「樂糖」嘅餐廳，去到後見到店面清潔舒服，仲有露天座位㖭，好合我哋要求，就入去試吓:)入到餐廳，首先感到店員好有禮貌，佢哋先問我倆想坐室內還是露天座位，因為天氣有啲熱，我哋就揀咗坐室內梳化位，雖然係平日，但已差不多滿座，相信食物有一定水準。坐低後就睇吓有咩食，店舖叫「樂糖」，當然係以甜品為主，但亦有其他小食、意粉、Pizza等食品。我哋被餐牌內嘅甜品吸引，因為唔太肚餓，所以只叫咗一個意粉，兩個甜品...哈哈...女仔總係喜歡食甜嘢。我哋揀咗一份卡邦尼意粉share食，侍應一放低碟意粉，我哋已經聞到香濃芝士味，食落軟硬適中，真係好好味！食完意粉到甜品出場啦！我哋分別叫咗一set桂花荔枝水信玄餅，除有玄餅外，仲有雲喱嗱雪糕同一杯有機花茶，乜嘢係水信玄餅呢？係類似冇色嘅果凍，透明如水晶，入口即溶。而我哋叫呢個水信玄餅好香桂花味，入口清甜，雪糕幼滑，奶味極濃！而花茶則淡淡清香，既有助鬆弛神經，亦可舒緩緊張情緒。另一個我哋order咗嘅甜品係迷你芒果班戟，芒果好甜好香，忌廉幼滑，班戟皮好薄，但又唔會一拎起就散晒，總之就係正啦！整體而言，呢間餐廳清雅舒適，甜品水準高，一定會再返嚟試埋其他食物。…Read More

特登走入將軍澳探朋友，佢請我哋食飯，我哋就請佢食甜品啦。不過，我哋對將軍澳唔熟，對唔熱衷嘅甜品就更加無idea，所以都係朋友帶路，帶我哋去到位於天晉嘅樂糖。餐廳以彩色氣球作佈置，色彩繽紛。除咗甜品，原來仲有意粉、薄餅同輕食。桂花荔枝水信玄餅水信玄餅有3款，M佬就叫咗桂花荔枝水信玄餅。桂花嘅清幽獨特香味，配上荔枝嘅清甜，又脫俗又驚喜。仲會附上雲尼拿雪糕同花茶一杯呢。菠多椰皇M佬一聽到菠多即刻嘴角蹺起，我其實講緊菠多椰皇囉。兩大塊微焦嘅菠蘿酸酸甜甜，夠晒醒胃。椰皇入面有椰奶、海燕同薄荷葉，椰味香滑突出，清新解喝。芒果隊長芒果基本上係甜品之皇，食親甜品又點可以無芒果呢？呢位芒果隊長，除咗有切粒芒果，仲有雲尼拿雪糕、海澡珠、乳酪爆珠、煉奶同脆米，夠晒豐富又有層次。…Read More

周日下午，當然要揾間靚靚地既食店，同朋友傾下計，輕鬆一下。樂糖裝潢好別緻，牆上吊著彷氣球的裝飾，好有Party既感覺。而且整間店的用色好活潑，以紅、藍、白作主調，令人感得好輕鬆。我同朋友坐咗係吧枱既位置。自選小混混一向都好中意食台灣既芋圓，所以點都要叫一碗。呢到仲可以自己選擇㡳料同配料。我點咗豆腐花加仙草作㡳料，配料揀咗芋圓、紅豆、香芋蓉。芋圓煙煙靭靭，而紅豆甜度都幾高，配上淡淡既豆腐花同仙草，兩者配合得啱啱好。而芋頭蓉入口則好幼滑，芋頭味好香。若果懶唔想諗，都可以揀預先配搭好既「芋圓/青檸/豆腐花樂園」。法式焦糖燉蛋．士多啤梨配忌廉 細細份，作為下午茶輕食份量啱啱好。微暖的焦糖燉蛋，甜度剛剛好。焦糖層烘得微脆，燉蛋的內層十分軟滑，一脆一滑，口感很豐富。而忌廉好Smooth，不會過甜。桂花荔枝水信玄餅賣相簡直100分，好似一個迷你的水晶球。我唔太好太甜，所以呢個甜品好啱我。水信玄餅係啫喱狀，食落有淡淡的桂花味，十分清香。呢個甜品更配上桂花茶，同桂花味既水信玄餅互相很搭呢。…Read More

這天跟爸媽到將軍澳晚餐，甜品時間又怎能缺少呢！看到這間openrice非常多讚的甜品店，非常期待就決定一試！色彩繽紛的裝潢讓人有一種很愉快輕鬆的心情！我點的是士多啤梨原味班戟 班戟的質感軟軟的，略帶點牛油香味。士多啤梨和棉花糖，配上雲尼拿雪糕和煉奶，這個組合還算很不錯！男友點的是提拉米蘇 味道不過不失，酒味亦尚算足夠。而上面配了一個牛奶雪糕，略嫌不夠牛奶味，嚐了很多口才吃得到奶味。爸媽比較鍾情傳統甜品，點了薑水湯丸(忘了拍照)和這個芋圓樂園 店員說因爲是熱的芋圓樂園，仙草會變成水狀的。而裡面包括了芋圓、芋頭和很多紅豆。加入花奶還算不錯。:)而薑水湯圓就正正常常。:)整體而言，甜品糖水不過不失。:)可能是期望太高的原因吧⋯…Read More

忙裡偷閒，偷偷和太太二人世界甜蜜一番。 在附近找到了樂糖，它的店面十分精緻，環境令人感覺歡欣愉快，而且有戶外坐位，假若坐在門外應該另有一番風味。 首先前菜是好久未食過的炸雞軟骨，雞軟骨炸得熱辣辣、脆脆的，而且乾爽、不油膩，伴著沙拉醬食更嘢味。 主菜是水牛城雞肉薄餅，少少辣，加上不少的芝士及蕃茄醬，即使吃著薄餅亦有食水牛城雞翼的感覺。 今晚的重點之一就是自選小混混系列：熱豆腐花+芋圓+紅豆+紫薯湯圓；豆腐花又暖又滑，加上又大又甜的紅豆，十分滿足；另外加上太太最愛的芋圓及紫薯湯圓，煙韌之餘帶上少少甜，令人回味。 最後的的甜品就是特別的魔鬼朱古力班戟+香蕉配朱古力雪糕。班戟是加上了73%的黑朱古力造成的，吃下去就是黑朱古力的香、苦和甘；朱古力加上香蕉就是絕配，怕苦的話可伴同朱古力雪糕或色彩繽紛的迷你綿花糖一同進食。另一特別之處是加上了焦糖脆脆，脆脆看似蜂巢，有焦糖香，咬下感覺到是非常的脆，每一口都有焦香。 …Read More

上星期同男朋友去睇完場戲～🤔就喺附近搵吓有咩好食...見到呢間甜品店～我就已經即刻衝左入去😍因為我好鍾意食甜品所以我全部都叫晒甜品嚟食～～哈哈哈哈哈🤣🤣🤣首先點左一個薰衣草卷～👍🏻佢呢一個係有一個蛋糕+雪糕+一杯花茶～花茶可以俾你揀..有幾種嘅😀🌸🌼🌻🌺一嚟到第一啖食個薰衣草蛋卷，完全被去薰衣草香味吸引住，佢係個蛋捲入面嘅慕士，個口感都好有層次！！係有啲好似西米咁嘅嘢係入面！超級好食😍😍絕對值得推薦～$49有三樣嘢我覺得可以接受～另外叫咗一個檸檬愛玉～食完之後覺得好清涼都係唔錯嘅選擇～👍🏻…Read More

難得平日放假,所以去將軍澳探朋友同佢既BB,我在朋友屋企傾計傾了整個下午,到了黃昏,大家都開始肚餓,朋友帶我去一個新開的商場,那裡有不同種類的餐廳選擇,當我正想上商場1樓時,我比地下外面一間色彩繽紛的餐廳吸引住,我忍唔住叫朋友不如食這一間,朋友一口答應!!餐廳光線很充足,裝修以白色為主,加添很多彩色的氣球掛在天花點綴,充滿朝氣快樂的感覺!這裡是一間有甜品又有輕食的餐廳,打開菜單深深被造型別緻的甜品吸引著,我們都一致決定食完主餐必食甜品,小食和主食都有很多選擇,而且價錢親民,真係令人難以選擇,最後我們決定了黑松露軟殼蟹意粉,夏威夷薄餅,水牛城雞翼,玫瑰蜜桃水信玄餅和桂花荔枝水信玄餅!下單後首先來到的是餐飲,我們叫了2杯凍檸茶之後黑松露軟殼蟹意粉來到,聞到一陣陣黑松露香味,我們見到軟殼蟹竟然原隻出現在意粉上,真的令人很驚喜!! 軟殼蟹香脆可口, 配意粉吃更覺滋味!! 夏威夷薄餅的餅底烤得外脆內軟, 濃郁的芝士和番茄蓉超夾,配上菠蘿和車厘茄令整個薄餅的味道既清新又富口感!!水牛城雞翼查上厚厚一層酸酸辣辣的醬汁,辣度輕微,再加沙律菜一齊食,更加惹味可口! 我們選擇了2款的水信玄餅,我們不經意搖一搖水信玄餅,它不停地震動著,加上外觀那麼晶瑩剔透,真的很可愛!!!食下去口感順滑,配雪糕食更加不錯!!玫瑰蜜桃水信玄餅內裡加了一些玫瑰花乾,夾雜住淡淡的蜜桃和玫瑰味,令整個甜品都很清新,桂花荔枝水信玄餅內裡都加了一些桂花乾,桂花香味獨特與荔枝的清甜配合得十分好!味道充滿驚喜!!這次的晚餐整體來說,環境和食物的質素都非常好,絕對令人一試難忘!! …Read More

話說同男朋友行將軍澳食完晚飯想食甜品一openrice就見到樂糖一於就試下去到餐廳既時候一個人都無以為閂左 但原來未😂叫左一個芒果拿破侖同抹茶紅豆迷你班㦸大約10分鐘就有得食lu但切拿破侖既時候就發覺有d奇怪正常應該係脆 而佢係切唔斷 應該未烤夠時間同個職員反映 佢即時話同我換過碟/簡其他之後叫左第二個芒果甜品有刨冰，芒果，脆脆米，雪糕幾好食，好岩夏天，食完透心涼食食下個職員拎個芒果拿破侖比我話係送既。。。超surprise一拮落去，脆既，加埋忌廉同超甜芒果，正！埋單$77 食到超飽…Read More

將軍澳都有好幾間甜品店，聽說有新的一間個名好特別"樂糖"便去試下，地舖雖然細細哋座位都是簡簡單單，有七彩繽紛的氣球點絕了成個場景做佈置，襯晒joyful House標誌，冷氣夠👍 甜品餐牌還有晚餐添不過份量比較細份 如果不太肚餓就啱啱好喇， 海鮮意粉配蒜蓉橄欖油 海鮮很新鮮有蝦 墨魚圈 蟹柳 配勁多蒜蓉味道好夾， 迷你漢堡配軟殼蟹，漢堡包勁香蒜味 軟殼蟹就細隻咗少少， 迷你芒果班戟 呢個正睇得出師父細心製作芒果香甜還有local"樂糖"標誌襯托好美 草莓上將，有兩個雲呢拿雪糕球襯甜甜的 士多啤梨，食落口好冰凍的感覺，食完個心情都好sweet本人覺得如果女侍應生多番小小笑容對"樂糖"個名襯托就更好了！…Read More

排隊換完月餅，和妹妹到樓下‘’樂糖‘’食下茶去。地方不是很大，用了白雲石風格裝修，簡單光亮。餐牌上主要是各式各甜品，也有意粉、薄餅、小食。點了All day breakfast 。好豐富，有香脆多士，滑嫩芝士牛油炒蛋，咸香煙肉和腸仔，甜甜的炒磨菇和煎蕃茄，巴馬火腿沙律。甜品當然不能少。妹妹點了紫薯拿坡倫配雲呢拿雪糕。小店自家製造，餅皮夾層酥脆有牛油香味，加上細滑紫薯蓉和奶油，配搭出不同層次口感。美美的蘋果金寶，即叫即焗，等20分鐘。有滿滿的肉桂蘋果，濃郁香甜。外面鋪有黃金色脆脆，加上冰凍雪糕，豐富層次，香甜有口感，好味道。有驚喜的小店，可惜班戟六點先供應，下次再試試。…Read More

位於港鐵「將軍澳站」上蓋商場「Popcorn」的另外一邊，高級屋苑「天晋」樓下的私人商場「天晋匯」，「天晋匯」雖然在跟「Popcorn」商場之間，都設有接駁的行人天橋。但是「天晋匯」的商場規模，相對就沒有「Popcorn」那麼大型規模化了，甚至旁邊的「將軍澳中心」都比「天晋匯」大，而且兩座「天晋」私人屋宇之間，其實是沒有行人天橋將兩者聯結在一起。在兩座「天晋」私人樓宇之間，其實另外還有一個小型露天停車場，停車場卡了在兩座「天晋」樓宇的中央位置，就算「天晋」的居民，也需要徒步穿過停車場，才能走過對面的商場舖位。例如我上次曾經光顧的韓國烤雞餐廳，將軍澳分店的「GooXXe Chicken」就是最佳的例子。將軍澳「GooXXe Chicken」位於「天晋匯」，近着「將軍澳中心」那一邊的舖位位置。至於我今次幫襯的港式甜品和西餐食店，「樂糖」就是位置於「天晋匯」，近着「將軍澳廣場」商場那一邊的舖位。「樂糖」跟舖位所在的「天晋匯」，舖位份量或許比較遜色，但是亦仍值得上門光顧一次。我剛剛在食評裡面提及過，雖然「樂糖」在店名設定上，感覺很像是純粹的甜品食店，但是其實實際上，「樂糖」其實不是單純的甜品店，其實「樂糖」也是一間西餐廳，也有薄餅跟意大利麵可供食客選擇。另一方面，「樂糖」竟然還有不同品牌的啤酒，可以即場提供啤酒飲品。我還在隱約之間，忽然「樂糖」掛着，專門給為有「選擇困難症」的朋友作決定，電影「春嬌與志明」裡面都曾經出現過的「決策板」。正如我之前曾經提及過，「樂糖」其實也屬於一間西餐廳，一樣有薄餅跟意大利麵提供，可惜我當時的胃口不算很大，所以我最後沒有選擇薄餅或者意大利麵。結果我把我在「樂糖」，本來要選擇享用的食品，由價錢比較昂貴的薄餅跟意大利麵，轉移返回「樂糖」裡面的，西式風格創意甜品身上。「樂糖」本身有提供一些，類似「刨冰」的創意甜品，雖然「樂糖」的「刨冰」甜品，只是「樂糖」廚房師傅把甜味果冰，以我在「樂糖」看不到的處理方式磨成冰碎，然後再加上少許相關水果跟丸子，最後製成甜品。於是我抱着第一次光顧，跟第一次試食的態度，選擇了「樂糖」餐牌裡面其中的一款芒果刨冰甜品，芒果刨冰甜品的名稱，就叫做「芒果丸子兵」。「樂糖」的廚房店員，花上了不少的時間去磨碎，以及攪拌我的刨冰甜品「芒果丸子兵」，最後「樂糖」把我的「芒果刨冰」，盛載進入到一個高身的，疑似雞尾酒酒杯的餐具裡面。「樂糖」的廚房店員最後把一片陪襯用的小葉，放在我的芒果刨冰甜品「芒果丸子兵」表面上，「樂糖」甜品「芒果丸子兵」大功告成。等到「樂糖」的侍應，最後把芒果刨冰甜品「芒果丸子兵」製成品，送到我的面前的時候，我才發現原來「芒果丸子兵」裡面的配料，不只有口感煙韌彈牙的白玉丸子這麽簡單。原來「芒果丸子兵」的表面，還灑了一些頗為香口的「脆米」，那些「脆米」跟「白玉丸子」，放到「芒果丸子兵」的表面後，就合成了軟脆雙重口感的甜味芒果刨冰甜品。「芒果丸子兵」雖然用上了一個，疑似高身酒杯的玻璃餐具去盛載它們，但是餐具實際杯口的闊度，還是比一般的雞尾酒酒杯為之闊落得多，盛載到的芒果刨冰沒有我預期的少。「樂糖」廚房以芒果作為材料，製作而成的創意「芒果丸子兵」芒果刨冰，感覺「芒果丸子兵」裡面成份一半是芒果刨冰，另一半則是新鮮切碎的芒果。所以「芒果丸子兵」刨冰實際上的水份含量，其實不是我最初預計那麼多，而且刨冰裡面的芒果甜味，芒果甜味屬於非常濃厚，完全感覺不到刨冰甜味，有被被冰水水份溝淡的跡象。「芒果丸子兵」芒果刨冰裡面，還夾雜了很多的脆米，脆米令到甜味的芒果刨冰，增加了一層鬆脆的口感，刨冰出來的感覺不再只有甜味。而且我發現，「樂糖」「芒果丸子兵」裡面的刨冰，刨冰融化的速度沒有我預期那麼快，所以我的匙羹每刮一下「芒果丸子兵」，吃到的不只是含芒果甜味的刨冰，還有真實存在的新鮮芒果。半溶狀態的「芒果丸子兵」芒果刨冰，刨冰冰塊看似已經進入融化狀態，但是「芒果丸子兵」芒果冰在入口之後，仍然感受到冰塊半固體，半冰半水的疑似刨冰口感。至於口感煙韌的白玉丸子，則令到「樂糖」本來處於半溶狀態的「芒果丸子兵」芒果刨冰，實際口感層次變得豐富，試試用匙羹刮一口刨冰起來，就會發現匙羹內，齊集了刨冰、丸子、脆米跟芒果四種不同口感的食材。而且「芒果丸子兵」裡面刨冰的水份含量不高，我就自然不用擔心，擔心「芒果丸子兵」芒果甜味會遇上冰塊融化，令芒果甜味被冰水沖淡，每一口都吃到純粹芒果甜味。而且「芒果丸子兵」本身的底層，還有一些甜味的芒果汁，所以總結形容「樂糖」整杯「芒果丸子兵」的口感，應該說是芒果跟刨冰混合而成的「芒果冰」才對。我除了吃到「樂糖」甜味甜度頗高的甜品「芒果丸子兵」，還發現「芒果丸子兵」芒果刨冰的甜味跟密度，幾乎跟「芒果冰」飲品沒有分別，如果「樂糖」有飲管提供的話，其實可以直接吸啜芒果刨冰落肚算數。最重要的是，「樂糖」「芒果丸子兵」實際的售價也不算昂貴，只需港幣四十二元的價錢，本來足夠我即場再試食一杯，不過計算考慮過個人的經濟預算後，最後還是放棄了追加甜品。其實「樂糖」還有其他口味的「刨冰」甜品，例如士多啤梨「刨冰」甜品「草莓丸子兵」跟「芒果隊長」。不過我受制於當時個人的財力，「樂糖」「草莓丸子兵」還是留到下次再試好了。…Read More

天晉II, III期底座商場開幕之後, 將軍澳站愈來愈熱鬧, 而且食店都愈來愈多, 當中我地食得最多嘅就係位於天晉匯地下呢間樂糖, 因為樂糖位置比較隱蔽, 所以附近人流比商場入面少, 加上價錢又比將軍澳站內的其他食店相宜, 所以住係附近我地呢對"無飯夫婦"好多時放工之後果黎食完再返歸。😁今日老婆唔駛OT, 我地6點半已經到餐廳, 因為未到晚市繁忙時間, 客人仲未係好多, 餐廳以彩色氣球掛飾佈置, 環境光亮舒適。餐牌設計都係以彩色氣球為主題, 除左有多款甜品選擇之外, 亦有不少種類嘅意粉, 薄餅同小食, 於晚上8點前點意粉同薄餅仲送飲品, 而且可享優惠價加配小食/甜品, 我地叫左一客意粉, 一個薄餅, 另外加配左兩個甜品share, 應該好夠食。😙黑松露什菌意粉 $59意粉份量唔少, 口感彈牙而且掛汁, 黑松露醬汁味道濃郁, 配上爽口嘅什菌, 味道層次豐富, 而且只需$59仲包埋飲品, 超抵食。😍夏威夷薄餅 $59薄餅餅底外層香脆, 中間鬆軟, 香甜菠蘿, 車厘茄同茄茸, 加上芝士, 口感同味道都相當唔錯。👍櫻花水信玄餅 $30老婆好鍾意食水信玄餅, 除左因為賣相吸引之外, 水信玄餅比一段甜品口味清淡, 食多都唔怕肥, 呢款櫻花水信玄餅好似水滴咁晶瑩剔透, 櫻花味好清新, 配埋香草雪糕, 跟餐加配只需$30, 好抵食。😆玫瑰荔枝霧之花卷 $30霧之花卷口感鬆軟, 蛋味香濃, 荔枝肉味道清甜, 同玫瑰味道好配。凍檸檬茶檸檬蜂蜜餐廳免收加一, 埋單每位只係$90, 性價比超高。👍餐牌…Read More