樂意粉麵

Open Now

Now Closed

小妹咁岩附近返工 Lunch time隨便揀一間食飯一間小店 但好多人排哂隊（好彩係等外賣）我就入去試試 平時都唔會食牛腩 覺得會好韌 攝牙罅見到評論話牛腩好食 我就試一次又抵食！ $3x 加$5多一個餸！！食完回頭好多次！因為牛腩起碼5-6舊 好香又入味 又林 原來可以咁好味 唯一覺得係有點肥膏 真係要試

牛腩麵一碗，才$35。加$5雞，就可以變雙併。再加$5雞，就可以加埋紫菜或者菜。店舖外邊不太吸引，好彩同事介紹我來食，唔係就走寶。今日試了牛腩牛肚麵。牛腩和牛肚都分別有三四舊。好林，入味，又大件。唯一缺點係幼麵的份量太少。下次最好食撈麵先會夠飽。堂食座位還可以，衛生情況也可以。不過都係外賣回家慢慢食最舒服。加埋盒菊花茶，先至再加$6。香港島區，咁嘅價錢，咁嘅食物質素。真係冇得輸，去邊度搵？下次一定會再幫襯，支持香港的小店！

樂意粉麵咁多年都保持到水準。我唔敢話佢係牛腩麵既天花板，但性價比絕對超高🔝 回頭率 💯💯💯個人偏好牛腩要有肥，最好腩肉連筋，肥瘦均勻，有𡁻頭但唔爛。呢間既牛腩正正做到我既要求，仲要係$35、$35、$35！！！雙拼都係加$5、$5、$5！！！重要既事要講三次！性價比極高！完美既糧尾恩物 🎖除左推薦牛腩之外，牛丸都係另一個亮眼點，因為粒牛丸非球體，係扁狀水滴形 💧我諗應該係餐廳自製既牛丸，因為我真係無見過非球體牛肉丸，實在太搞笑啦 🤣🤣🤣 味道就正路牛丸，唔好期望咁高，除左個外形無咩特別之處。最後報上餐牌一張，呢個價錢果真係漆黑中嘅螢火蟲，糧尾時救人一命。希望寫完篇食評之後千祈唔好加價 🙏🏼

上網見到呢間牛腩麵基本上係冇差評嘅，個個食過都話好好食，舖頭好細，好舊，應該都係老字號，做咗好多年嘅街坊生意，咁就買咗牛腩撈麵試吓！🍴 牛腩撈麵 $42 (9/10)牛腩麵好大一份，起碼有兩個幼麵，牛腩超多，有成七舊，仲有條菜心，塞到成個盒都滿晒！個份量真係勁良心！牛腩舊舊都有膏，香而不膩，肉質彈牙，好軟淋，唔硬唔鞋，仲有少少牛味，超好食！麵就爽口偏淋，好多麵，但略嫌重鹼水味🥹佢哋個辣椒油好香小辣，一定要撈麵食，令到個麵冇咁重鹼水味！但整體來講$42份量同埋質素都好高質，好好食，一定會再買！食完真係勁飽！推薦指數: 9/10平民小店，良心份量，出色牛腩，下次會想試吓牛雜😆😆

呢間傳統的潮式麵店，每天Lunch time都大排長龍。招牌就是牛坑腩，最喜愛它的牛腩米多葱，淥面的位置只隔著玻璃，清楚看見製作過程，很懷舊的風味，牛腩好夠淋，湯味濃郁，葱要夠多才能帶出牛的香味，再加一罐可樂，無敵的配搭，另外它的牛肉餅又是推介，是店舖自己新鮮打的吧，非常爽口彈牙，未試過的要來試下呢！

本身唔鐘意牛腩既味，每次行過佢地鋪頭都覺得陣味太勁...但其實附近無咩粉面鋪係好食、所以就算佢幾大陣味，我都會幫襯。叫左個魚旦紫菜河，每次外賣既質素都一致，魚旦好爽，紫菜唔會有砂。疫情期間，佢地外賣仲送細紙包飲品或一支水👍🏼 呢個價錢黎講有呢個質素算唔錯，至於份量，唔係大大碗，但女仔係夠飽既 😊

本身經常幫襯 成日買咖喱牛腩飯本來份量都還可以 （5-6舊牛腩）$45點知今日去買得果三舊 疫情下$45個飯得三舊牛腩 吾會再有下一次其他野食其實吾差 不過份量少到依個地步

由於近日疫情嚴重，為左安全起見，喺鰂魚涌返工嘅我就試咗呢間粉麵店。去到已經見到有十個八個人等緊外賣， 以為都要等好耐，不過拎返office食都方便既，所以照order左個牛雜河。點知落單唔夠五分鐘已經有得拎啦，勁快手。33蚊仲要有紙包飲品送，好扺。返到office嗰陣發現原來勁多餸，淨係牛肚都有4舊，仲要好好食，煮得好夠淋，好佛心呀。湯底都好香，忍唔住飲多左幾啖，等我下次要試埋佢個四寶麵同牛腩河先。

原來鰂魚涌都好多好野食😊除左日本菜、貴價野之外，原來平價餐廳都唔少😉今次呢間就係平價粉麵代表😚係餐廳門口已經嗅到牛腩嘅五香味。一坐底，仲不時有陣陣香味飄來🙈不過餐廳細細間，坐位比較擠迫，唔可以一大班人一齊去食😅牛雜河 $33滿滿一碗，牛雜入晒味，牛腩汁湯底味香濃🤤分別有牛肚、牛腸、牛肺👍🏻牛筋河 $33牛筋要煮得好入味又軟腍真係要蚊煮好耐。呢度嘅牛筋真係煮到腍晒，滑嘟嘟。真係無牙婆都食到啊😂牛腩河 $33牛腩煮得入味之餘仲好腍，好味😋

係quarry bay and north point, 做左5年野，有時候，真係吾知仲有咩可以揀，食咩變左一個好難嘅題目。有時候，吾帶飯，OT落樓下，樂意都係一個選擇，清清地，叫碗魚蛋粉，叫多碟油菜，甘就一個下午or dinner。值得highlight gei 係拒個辣，外賣嘅一定要係門口拎餐具，拎包辣，加左，好食好多好多，although 小弟吾太食得辣，但點都要加一，兩滴過下忍。唯獨是，員工態度非常非常非常差，你要有心理準備......

"我心目中的平價九記"😋😋😋🍲🍲🍲當人人都去排九記，我覺得我屋企付近的街坊隱世小店更加平靚正! Ash ash 推介: 牛腩膀肚粗麵，時菜蘿白1. 牛肚用靚金錢肚，真係好揼本!! 好多食店淨係用草肚，但邊夠金錢肚爽丫! 所以加分🤗🤗🤗2. 湯頭係腩汁但係無味精!! 要明白做重口味都真係唔頸渴真心難!上次我去潮興食牛什麵，半個鐘我差不多要飲一公升水!!🙄🙄🙄所以佢啲腩汁係真材實料日日夜夜熬出嚟，街尾香到去街頭😍😍3.我平時好少食蘿白，嫌佢有陣苦昧同腥味，但呢間真心甜同炆得好入味好冧!

今晚又加班，放工好多鋪頭麵收哂，淨係兩間起Openrice幾劣評既茶餐廳，點行行下行左起好多排隊等外賣的樂意粉麵。 個個都係面帶笑容的老伙計，內面9成都係岩岩放工既苦瓜乾番工狗，即係我🤷🏻‍♀️我叫左個辣味8寶跟幼麵，個伙計仲再3同我講：「阿妹，個辣麵好辣嫁！唔好叫大辣啦！」都幾好人個麵來到我好驚訝點解咁既價錢可以咁足料！仲要飽到我食唔哂！佢個牛腩係出左名好食，個個都必叫，個肉唔乾身又「林」，入口即溶牛肚爽身！墨魚丸內面係有墨魚粒，仲有牛丸魚蛋肉丸、加好多豬皮！性價比都幾高。俾錢個時就失魂魚，原來帶唔夠錢，我都好尷尬問可唔可以過對面7-11按機，佢地異口同聲叫我去啦去啦😂 真係好有人情味。推介牛腩，隔離個遊客一個人食左兩碗牛腩麵😅

牛腩河黎講，每個人心目中都梗有間No.1!雖然呢間樂意的牛腩河（$30），唔係我心目中的第一位，但都算係頭5位既！😋😋牛腩肥瘦適中，唔會太瘦啲肉癡晒牙，咬落去充滿腩汁，腩汁夠香，有啲藥膳牛肉湯個隻味，食得出落足料去煮河粉夠細同滑，湯頭夠甜，我每次連湯都會飲晒，雖然份量就唔算話好多，但呢個價錢黎講算係好抵食，每次打波經過都會食一碗先，如果佢有水吧就更好，唔洗次次都飲紙包檸茶😂😂呢類街坊小店希望可以多啲保留，唔想成日都食連鎖店

呢間餐廳開咗好耐，由於晏晝時間周圍都要排隊，所以求求其其揀咗一間餐廳，貪佢上得夠快。下晝一點幾去到，餐廳生意好好。有太多顧客，加上餐廳座位唔多，所以要搭枱，坐得幾逼，不過麵店要求唔好咁高係常識。我叫咗一碗魚蛋魚片河，湯底有甜味，不過飲完之後好口渴，味精落多咗。店員啱啱拎上嚟，我已經即刻試一試啲河粉，好淋，好明顯係浸有好耐，所以啲河粉已經唔合格。魚片同魚蛋都幾彈牙，但係整體來講係失望嘅，因為個敗筆就係係啲河粉嗰度。

近排成日OT，返到北角都10點幾，有時求其買個老麥就算，好幾次買緊老麥都俾對面呢間粉麵檔既牛腩香味吸引住，心諗有機會一定要試下！今晚連老公都要OT，於是就一齊黎試試！我地黎度已經10點半，但都有幾檯客。老公叫左牛雜湯河（$31），我叫牛腩湯麵（$31），之前睇過食評有人推介蘿蔔但已經賣晒！兩碗粉麵份量適中，牛腩湯好香好濃但飲完唔會口乾；牛雜非常入味，牛腩有幾舊略嫌有少少鞋，後尾聽到有客人落單時叫肥腩先恍然大悟，下次識嗌喇，哈哈！之後我地再追加左一碗淨豬皮魚蛋（$31），原本想叫正常辣，侍應建議我地試小辣先，果然小辣已經好夠！辣湯色水好似好淡但原來好入味好夠辣，正！一路食一路再有客人入黎坐滿咁滯，愈夜愈多人！睇黎附近既人都好識食，哈哈！