樂怡坊正宗雲南米線 (Moved)

依間雲南米線開左10幾20年，早過譚x既出現，絕對係雲南米線始祖😂入到去個裝修比較舊，好有老店既感覺menu冇乜特別設計，只有好似大排擋咁，一幅大menu掛係牆到。入面寫明左啲餸可以點配，價錢都唔算貴，二味(2餸)米線就$36。不過佢酸辣係計一味，所以如果想酸辣米線+1個餸，咁就計二味米線既價錢喇今次叫左酸辣腩肉米線，米線份量唔算多，不過就有好多樰菜，而且啲腩肉份量都幾多下，亦非常大片，所以整體黎講都幾好食，唯獨是米線可以多少少😢另外個到既汽鍋雞好似幾出名，食lunch期間都聽到周圍唔少人叫，下次可以一戰！…Read More

友人推介米線鋪頭，咪去試下！睇個門面都覺得係平民米線睇張落單紙又覺得佢幾抵都係24蚊起同埋我鐘意佢有得揀多咩小咩 米線硬定淋 好客制化最後我揀左BB辣麻辣豬耳同墨丸BB辣就好似無辣味咁 我覺得自己下次可以食小辣挑戰下但個辣麻辣豬耳就好多油得濟 墨丸就普普通通啦總括而言係抵平既 質素同價錢成正比…Read More

樂怡坊呢間米線舖開左咁耐都居然無人寫食評，一於搶閘做第一個！由於我教會在附近，所以已食了無數次！以前一向食開譚仔，但覺得佢越做越差！直至有呢間小本經營的米線舖出現，覺得佢地係好有誠意，無乜野心，只想造好一碗米線！所以值得支持！舖面很細，坐滿都無十臺客。裝修簡單，有電視！似家庭生意，咩都一腳踢！由於食物有很多選擇，又要自己在「糧單」上圈食D咩？幾辣？加不加蔥等！第一次來肯定眼都花，會吾知點畫，希望可改善！有朋友話似考MC(笑)！我一向喜歡叫兩餸米線，呢間D所有「豬」食都好得，包括：豬軟骨(好淋有咬口)、麻辣豬耳(至愛，但很油，一定要寫「分開上」)、豬腸(好味！)、辣腩肉(令成碗米線都升級，好食)、豬頸肉(香滑)、香茅豬扒(好香，但一定要寫「分開上」)。另外雲吞、蟹籽丸都不錯！佢既特式就係湯底好熱，但都幾好飲，通常我都飲大半碗！但味精重！個人認為米線配凍檸茶是絕配，但佢呢間D熱奶茶都好香滑到家，值得一試！之前呢個舖位開過無數間食肆都瞬間執笠，惟有呢間可以頂咁耐，皆因佢有質素，每樣餸都有獨得處理方法，吾似一般米線舖只係整熟佢！…Read More

好味過譚x雲南，價錢合理，一定要試。我同呀媽兩人食一碗3餸米線已經飽，湯底很鮮甜，冇味精。辣湯底我暫時未試過，本人怕辣，但我見到好多客人食麻辣湯底。環境乾淨衛生，有tvb睇。選餐紙很詳細，油多油少自己選擇，適合各年齡層。下午茶時間有9折。如果一餸就22文，冷熱野飲加5文。最重要食材新鮮，有保證。…Read More