11
2
6
7-min walk from Exit D1, Hung Hom MTR Station continue reading
Telephone
91555835
Opening Hours
Today
18:30-23:00
Mon-Sun
18:30-23:00
Payment Method
Cash
Number of Seats
45
Other Info
Wi-Fi
May Bring Your Own Wine
VIP Room Details
Phone Reservation
10% Service Charge
TV Broadcast
Signature Dishes
私房招牌靚炖湯 金沙煎焗生蠔 避風塘炒蟹 糯米酒煮鷄
Review (21)
Level3 2017-08-26
94 views
今晚中同聚會一共10人, 朋友推薦這間私房菜;今晚我地訂左個8餸1湯1飯既套餐;先講份量, 我地3男7女而且都唔係細食既都要食剩打包;咁多樣餸最多條蒸班, 火喉蒸到剛剛好, 魚新鮮肉彈牙;金銀蒜粉絲蒸元貝, 好多時由於粒元貝一般, 所以就變左食粉絲蒜蓉, 但今次例外, 個重點番番去粒元貝到, 因為粒元貝好新鮮好鮮甜;古法客家蒸咸雞, 味道令我想起醉x樓, 雞是走地雞, 真係雞有雞香😂兼肉爽彈牙👍🏻;瑤柱蛋白菜粒炒飯, 個飯炒得夠乾身而且加左炸瑤柱係面令到成個飯真係色香味都齊👍🏻👍🏻; 不可不提個甜品炸芋丸, 皮夠薄不太甜, 嚼落有QQ感, 呢個甜品會是我再去的好大推動力😋 continue reading
(The above review is the personal opinion of an user which does not represent OpenRice's point of view.)
Level1 2016-12-31
1020 views
經過朋友介紹,今日慶祝媽咪生日,同屋企人黎到樂廚私房菜,聽講都好多人book枱,所以都一早book好左先。一入到去,第一感覺就覺得好有住家feel,環境清淨,我地7個人都俾左間房俾我地。上菜既時候已經差唔多8點,第一樣餸係燉湯,一人一盅,我同屋企人都覺得好好飲,而且味道岩岩好,真係夠曬健康。飲完湯冇耐已經上下一道菜,未擺上枱已經聞到好香,原來係美極蝦,好入味好新鮮!食完蝦就有得食蒸元貝,加埋粉絲一齊食,真係好爽口,不得不讚!等左一陣,就有得食避風糖炒蟹,呢個真係好香好吸引,極力推介,屋企人都讚不絕口👍最後我地仲留左啲蒜頭黎撈飯,一樣食得好美味!講開炒飯,樂廚既炒飯真係no.1,雖然我地到最後都食到飽飽地,但炒飯真係好香,而且佢真係一粒粒,又有蛋香味之後係煎焗生蠔,外表金黃色,睇落去已經覺得好脆,樓面仲教我地拎生菜包住食,原來真係好正架,生蠔好多汁!然後上左魚同雞,食落覺得好新鮮好juicy搖柱扒菜最後係上甜品,呢個炸香芋丸外表好脆,食落去係真係好脆架,而且入面既香芋流心都好好味,好鐘意食!今次同屋企人都食得好開心好滿足,樓面既服務態度好好,我地一家人都好滿意,下次一定會再黎! continue reading
(The above review is the personal opinion of an user which does not represent OpenRice's point of view.)
Level1 2016-12-13
701 views
第一次食私房菜,真的很失望,環境衛生條件差,空氣不流通有油味,味道較咸,店主純粹做套餐形式!食材唔夠新鮮,最慘條魚是死魚無魚味,鹽焗雞雪味很重,味道總祗是咸,不是正宗私房菜,內地人處理,模仿香港正宗私房菜,好似返內地食晚飯一樣,但價錢平食得你飽。 continue reading
(The above review is the personal opinion of an user which does not represent OpenRice's point of view.)
Level1 2016-10-10
1042 views
樂廚,我光顧左5次,今次,係隔左一年先去。點解去5次食私房菜,我唔喜歡煩,食過覺得唔會太差,就去,加上有間房,可以約朋友傾計,尖沙咀又近大家。我係第一次寫食評,有乜原因引發寫,係想分享下,俾大家知道一些事。。。今次,我同男朋友請兄弟姊妹食飯,大家聚會,樂廚岩岩我諗起的一個地方。食飯前,我以whatsapp 方式訂台,同何小姐一直溝通,講明今次係請客。前一日,我以whatsapp 同何小姐講人數有所更改,改為9位,我知當時已經好夜,我估都會冇人覆,點知系夜晚11點幾得到回覆,話可以,何小姐仲係第二日回覆我多一次:您好!溫馨提示:非常謝謝你預訂今晚10月9日,(星期日)9位,$238/位套餐的晚宴,甜品默認是香芋丸,謝謝支持!🙏🏻😊時間:約7pm我們只收現金,謝謝!提提你~樂廚地址:尖沙咀漆咸道南119C號豐景大廈,8樓C室(入口開在:柯士甸路 永業大廈對面 請按門鐘 請進)請通知相關朋友,謝謝支持!🙇😊樂廚/何小姐當天,當人齊時,開始食飯了,點知上的第一道湯上左十位,當時,我地覺得好奇怪,就資訊一位員工,距堅持講我地係訂左10位,之後我叫距問下個老板娘,姐係何小姐個家姐,距負責煮野食,個員工拎番果碗湯。何小姐個家姐入到來,都係話我訂左10位,當時,我請距問番距細妹何小姐,了解下當時情況,到家姐了解清楚,就話以為我地係十位,話今朝準備左條靚魚,又話準備隻大雞,材料準備好了,我地唔知距想講乜。過左陣,距拎番碗湯入來,話整好左,叫我地飲多一碗,唔好哂,當時我地話唔要,個家姐仲係要放入來,因為係請客,搞到當時氣氛好尷尬。之後每次上菜,都係以10位計算,其中一位朋友話點解要迫我地食10人份量,因為好多我地都食唔到,仲堅持要上10位。另一個朋友話貴店屈我地收多一位錢,好過分。因為係請客,我同男朋友唔想搞到甘勞氣。到埋單時,成為2380即係收左10位價錢,果下我地真係好無奈,而其他朋友都覺得樂廚老屈我地,叫我show番whatsapp同個家姐對質,男朋友唔想煩,俾左2400即走人。本來仲有幾次聚會都係想去樂廚,依家的心情,係大失望,因為我發whatsapp 問何小姐,距話了解清楚再回覆,原來件事係甘複雜,要了解一日一夜都覆唔多,哈哈。。。 continue reading
(The above review is the personal opinion of an user which does not represent OpenRice's point of view.)
Level1 2016-06-30
1436 views
昨晚爸爸生日,一枱十二人,撰了一間私房菜,完全中伏,難食到不知怎形容,我第一次認真有必要寫一寫昨晚的心情!1. 燉翅 - d翅少到用筷子夾都夾唔到.2. 蒜茸蒸元貝 – 冇元貝, 迫我地食佢所謂叫聖子王, 得個殼大係冇乜肉, 又蒸到un晒.3. 龍蝦 – 隻龍蝦只係大個手掌多dd, 龍蝦肉少到一人得一舊, 佢仲話我地12人係得1人1件, 話隻龍蝦好大隻可以斬到16件, 但佢係斬左16件大個擦子膠少少既size, 但佢地會用一大碟伊麵底填飽我地個肚.4. 星斑 – 魚的確係大條, 佢仲稱讚自己蒸魚係最叻, 可惜魚冇魚味蒸到有幾叻都冇用.5. 原隻鮑魚冬姑扣鵝掌 - 鮑魚冇味, 冬姑冇味, 鵝掌冇味仲要係硬身6. XO醬炒象拔蚌 - 訂位時已經講明不要用XO醬炒因要走辣, 來到都係加左XO醬炒, 同佢地講佢地話冇加辣丫只係用XO醬炒之麻, 我咪同佢講XO醬咪係辣個囉, 真係吹佢唔脹 7. 客家糯米酒煮雞 – 尼個都算係佢地名菜, 老抽加色酒煮雞, 雞肉鞋個煲湯渣, 同佢反映, 佢仲能夠理直氣壯講”雞煮過一定係鞋果喎, 唔係你想用咩雞?”, 我果刻真係O左咀唔識回答佢. 最後成個酒雞係冇乜人食過就叫佢力走, 費事眼火爆, 叫佢個仔力走, 佢仲話我地可能食唔慣用酒煮, 我地都費事答佢, 同一D唔識煮飯既人講野都嘥左d口水.8. 瑤柱扒西蘭花 - 白烚西蘭花, 瑤柱少都算, 最恐怖是d芡汁杰到似一patpat鼻涕咁, 見到都無胃口9. 樂廚炒飯 - 只可用白飯炒白飯來形容, 炒出來的飯是一舊舊, 不是一粒粒10. 原隻椰皇燉官燕 - 食到最後, 都預左冇乜期望, 燕窩都唔況會有, 打開個蓋用匙巾攪來攪去都真係見唔到燕窩, 只見到一pat野係入面, 真係唔知係乜野, 佢仲要加左d杰撻撻一罐罐椰漿入去, 可以叫椰皇燉椰汁.咁就食左位位$408, 真係仲難食過富x酒樓果d $1388套餐Ps. 我不是打手, 只係想將經歷過的事分享給大家, 希望不要有人再中伏. 點解冇影相,原因係食到連影相既心情都冇。 continue reading
(The above review is the personal opinion of an user which does not represent OpenRice's point of view.)