Lok Yuen (Phase 1, Amoy Plaza)

今日想食得清淡啲，所以，喺淘大花園地下，買個牛腩麵套餐，囉返屋企食。💖這間鋪頭面積不大，食店員工非常有禮貌，向我推銷介紹店內不同的食品。聽說這裡牛腩比較煮得出色，很多人都會到嚟幫襯。所以，我看了一看菜牌，就點了牛腩菜餃粗麵 ， 以及一個豆漿，因為昨日吃了放題，所以，這一餐，還是簡簡單單就好了。不叫太多食物。附了以下圖片，大家可以參考一下食物。牛腩都很嫩，味道不錯，而且份量都足。🤩如果有興趣，值得試一試這間食店。🤩🤩🤩🤩…Read More

❣︎ 呢個品牌遍佈全港平日生活忙碌就黎呢到簡簡單單快靚正食碗粉面👍🏻上菜快 份量適中 價錢大眾化除左粉面仲有飯同小食店鋪亦有售自家製生雲吞同餃子 可以買番去自己煮另外呢到啲辣椒油好正 夠辣夠香 不得了🤤🤤♡⋯⋯食評⋯⋯♡ ☻ 4.2/5 💚魚皮餃河 $39魚皮餃有4粒 同出面食開既唔同餃皮厚實 入面的肉餡肉味濃郁😋💚 鮮蝦韭菜餃魚蛋河 $46魚蛋係潮州魚蛋 好彈牙餃子入面會見到整條鮮蝦 好足料🫶🏼💚豆漿 $8唔會過甜 有豆香味.…Read More

有d唔舒服想食清淡D所以諗住食碗魚蛋粉搵到間樂園粉麵 商場舖嚟講價錢都算合理可以加錢有小食有嘢飲咁我就叫咗魚蛋粉加芥蘭再加杯凍檸蜜魚片頭同魚蛋質素ok彈牙嘅河粉都唔會話太快淋哂係幼身嘅河粉質地幾好重點係個湯底淡然無味🙃🙃🙃魚蛋粉湯底嚟講都算幾難食再嚟就係個芥蘭煮到又黃又淋堅難食 唔知係咪因為平時比較多老人家幫襯我知道其實可以叫佢換過但因為我畀返去佢都係倒咗佢唔想浪費食物環境都企利乾淨但店員 態度一般無下次啦～～…Read More

光顧過幾次, 食物正常有一次 去到收工時間,有幾張台都係一個人, 都仲有2-3張吉台卻要求同人搭台坐, 已表示 唔想  搭台 , 員互都係 要求 搭台 !!最後已經冇心情, 離開了餐廳!!!…Read More

是日突然心血來潮，想食番碗粉麵，剛巧發現附近有間樂園，於是便決定進內光顧。魚蛋魚片河粉 $36魚蛋、魚片都算大粒，河粉份量適中鮮蝦雲吞麵 $36相對魚蛋魚片河粉，雲吞麵份量偏少，雲吞餡料一般，味道一般，整體不過不失…Read More

樂園魚蛋專家係一間位於香港各區都有的牛腩粉快餐店，佢嘅服務質素非常出色。牛三寶飯（牛腩，牛筋，牛肚）：樂園魚蛋專家嘅牛三寶飯絕對係牛肉愛好者嘅首選。佢包括三款牛肉部位：牛腩、牛筋同牛肚。牛腩肉質鮮嫩多汁，經過燉煮後更加軟滑。牛筋有嚼勁，咬落有彈性同肉質緊實。牛肚則帶有嫩滑的口感。每一口都能夠品嚐到不同的牛肉風味，配上濃郁的牛肉汁，將牛肉的鮮美完美地展現出來。牛腩飯：樂園魚蛋專家嘅牛腩飯絕對係一個絕佳的選擇。牛腩經過精心燉煮，肉質鮮嫩多汁，吃落有種濃郁的牛肉香味。令人回味無窮。配上香噴噴的飯食，一嚐香港風味的美味。樂園魚蛋專家嘅牛三寶飯同牛腩飯都是精心製作的經典菜式，肉質鮮嫩、口感豐富，讓你能夠充分享受濃郁的牛肉風味。而且，樂園魚蛋專家在快餐店的範疇內提供出色的服務，這絕對是一個不容錯過的美食目的地。…Read More

美味樂園雲吞麵一試難忘😁牛筋麵牛筋經過煮熟後，具有彈性和嚼勁，給人一種有咬勁的口感。它有些許的嚼勁，但不會太難咀嚼，經過烹調的牛筋麵條會變得柔軟，與其他麵條相比，它更容易咀嚼和吞嚥。牛筋的質地較為細嫩，口感滑順，在牛筋麵中，牛筋的彈性是一個重要的特點。它賦予麵條某種彈性和咬勁，讓整體口感更豐富，牛筋麵的口感不僅來自於麵條本身，還來自於配料和湯汁。配料如牛肉、蔬菜等提供了不同的口感層次，而湯汁的濃郁與麵條的結合，進一步豐富了整體口感體驗。雲吞撈粗雲吞撈粗通常使用的是粗麵條，這種麵條質地較為彈牙，有一定的咀嚼感，給人帶來滿足的口感，雲吞是撈粗的主要配料之一，它通常由豬肉和蝦肉混合製成，並經過煮熟。這些雲吞在烹調過程中保持了一定的滑嫩口感，與粗麵條的彈牙感相互呼應。…Read More

今日早半日收工，無帶lunch ，唸住就腳係樓下買個外賣返屋企慢慢嘆🍜，經過樂園，就入左去睇下有咩好食。之後我就揀左個魚片，韭菜餃湯河，加一杯熱奶茶啦。店員好好，會主動問我需唔需要分湯，好細心👍。外賣份量都唔會比堂食細份，有成3粒韭菜餃同4塊大魚片，韭菜餃🥟好大粒，而且好足料，豬肉同韭菜既比例好平均，皮又夠薄，食落好有口感，食到豬肉豬肉既鮮味，韭菜又夠香。而魚片既厚度適中，都算幾大塊，配埋個清湯底完全帶出埋魚肉既鮮味，會令人想飲多兩啖湯🍜。河粉就係比較幼同滑身，配合埋附送既辣椒油就可以添加多兩份野味，注意，佢個辣椒油🌶️都真係幾辣，唔食得辣既朋友就要唸清楚先好加。奶茶就正常水準，茶味比較濃，整體黎講都算香滑，成個餐53蚊好抵食丫，食完都真係幾飽😋😋😋，可以再幫襯。…Read More

又到咗下午茶時間，同個fd係九龍灣附近約食個下午茶。見到幾多好評，一人點了一碗湯粉加凍飲。餐廳環境不錯，有卡位。雲吞魚旦河，湯底清澈，食落清清地幾好，雲吞大小適中，蝦肉同豬肉比例幾好，咬落爽口，好食～魚旦大大粒，食落有魚味，口感屬於偏淋，唔腥亦不是只有咸味。河粉細滑爽口，唔會太淋，水準之作。見到呢度有辣椒油，即刻落嚟試試。辣椒油好香，亦好夠辣，加落魚旦粉真係提升咗成碗粉的味道。朋友點了四寶河有魚旦，魚片，肉丸同魚皮餃，成碗好豐富。肉丸食落有肉汁，正常發揮。而魚皮餃是厚皮大粒類型，比起外面細粒簿皮食落濃厚好多，個人幾推薦呢款魚皮餃。飲品點了凍檸茶，正宗茶底，好飲。想讚一讚呢度店員，笑容親切，亦記得幫我哋走飲管。…Read More

呢間幫襯左冇十次都有八次, 本身都唔打算寫返食評, 但見影左相就順手寫幾句出埋啦~今次係同朋友食, 佢叫左牛三寶幼麪, 我叫左四寶丸河，唔單止夠晒足料，麪嘅份量都好多好夠，我哋仲加左小食同菜，晚餐食到好飽。我地交換啲餸食，所以樣樣都試晒。牛筋牛腩牛肉牛雜都好入味，咬口一流。至於啲丸同埋餃，真係如圖所示大大件，而且食落新鮮冇沙。魚蛋彈牙, 牛筋軟硬適中,兩樣都口感一流,老少皆宜｡特別鍾意個小食墨魚春卷，好爽脆！雖然煎炸但細細件啱啱好呢個價錢絕對超值啦！唔怪之得客似雲來啲店員都好忙，同時間要應付堂食同外賣客，但上菜速度快嘅。希望香港呢啲地道食店多啲&會長存，因為呢種味道確係香港先食到:)…Read More

樂園魚旦專家係香港有唔少分店~ 簡直係快、靚、正港式粉麵之選。叫左碗墨魚丸拼雲吞幼麵。雙拼粉麵，墨魚丸、雲吞各自有三粒！墨魚丸真係好彈牙！！真材實料！！咬開真係會見到切左粒嘅墨魚肉架！！好有鮮味架！！雲吞都係啖啖蝦肉！！幼麵亦好爽口呀～Ｄ蔥花會自動擺係個匙羮入面，要加幾多任君選擇！！本身粉麵就係比較清甜～但小妹我嗜辣，食到後來就加左兩羮店家自制辣椒醬！辣得夠過癮呀！！不妨買番樽番屋企看門口呀！！最後整番杯凍濃度適中嘅朱古力！！完滿～～快、靚、正…Read More

收工趕住返企湊小朋友，就唸住係樓下買碗雲吞魚蛋河外賣返去快食，落完單，5分鐘就拎得，好有效率，外賣份量都唔少，有3粒大雲吞同3粒大白魚蛋。雲吞皮好薄，好滑，入面有原隻新鮮大蝦同少少豬肉做內餡，食得出蝦既鮮味同肉質爽口，豬肉碎切得好細緻，每一啖都好豐富多汁，而白魚蛋就非常彈牙，有到淡淡既魚香味，配合清湯更加帶出魚既鮮甜，河粉係比較幼身，但份量好多，一個人份量黎講算好大方，另外會送一包自家制辣椒油，我落左少少，好夠辣，令到碗湯粉又多一種層次既享受，以47蚊黎講，我覺得好抵食，又夠飽，認真唔錯👍。…Read More

用餐時段：早上8時至9時五香牛腩+牛筋雙併幼麵（39+10元）+凍檸茶少甜少冰（早餐送冷熱飲品）牛腩有點老，但也有點肉味，終於明白崩沙腩和牛腩明顯的分別，仍然是可接受程度。湯底味道也足夠，也有配XO醬，但XO醬的材料有點凝固，所以有點濺了出去。牛筋正常，較軟淋，不太入味。牛筋數量較多，但牛腩可更多。凍檸茶茶底正常，攪爛檸檬後好飲很多，不錯。服務正常偏上。因為牛筋有少少粉紅色，所以想問一下店員，店員也很友善。…Read More

好耐冇食過樂園～平平哋一碗牛腩粉搞掂一餐～一向對牛腩、牛筋比較有興趣～其次係魚蛋～不過唔係間間好食～又要淋又要入味五香牛腩河粉～有蔥花粒、西芹粒、冬菜～湯河粉最緊要肯定係個湯～湯幾入味有牛味～又唔會話好鹹～顏色方面都幾吸引～睇落有食慾～牛腩都有六大舊～唔係太食得出五香味～賣相有D似煲湯嘅渣～咬落唔係特別腍不過都算可以接受～幼身河粉份量足又彈牙:)39蚊有肉食算係咁啦整體上牛腩、河粉、湯一齊食幾夾夠嘢味…Read More

炸雲吞 ( 3.5/5)炸雲吞唔錯，比平時酒樓食開嘅好，食過好多酒樓都係皮好大中間個餡好細，呢喥唔係，皮脆，中間個餡唔會好細和比較飽滿。炸門鱔皮 (3/5)炸魚皮食得多，呢個門膳皮第一次食，皮好明顯較一般魚皮厚，不過好硬，都係食番普通魚皮好啲。牛雜撈麵(3.5/5)牛腩食過唔錯，今次食牛雜，份量多，質地亦OK，牛雜牛腩都係食得過嘅。…Read More