樂園潮州粉麵 (Closed)

本人去左咁多次美孚今次終有機試試這間打冷店了''(因這裡每晚都人山人海)食後感受.......意想不到的好味3人叫了魚皮,,淨墨魚丸,,牛孖筋河,,豬紅蘿蔔,,蠔餅,,炒蜆,,鹵水豆腐,,拼盤等1.墨魚丸超彈牙同好有墨魚味,,十分喜愛2.豬紅蘿蔔超入味,,不過咸了一點點3.炒蜆D蜆大大隻,,4.鹵水野亦到很到家,,總括,,我覺得比起旺角的咩咩標記打冷好食得多下次去美孚都會再食..

今晚趕時間去玩(去釣魚),於是係屋企樓下既樂園潮州粉麵開餐.我食丸腩河+豬紅豬皮蘿白豬紅豬皮蘿白 - 豬紅好入味好正,豬皮都OK,蘿白好甜,D汁少少辣好野味呀~~~ 丸腩河 - 河粉好滑,牛丸OK啦,牛腩都好好味,一D都唔"UN"美孚本身無咩選擇,如果要 "快 靚 正" ,又唔想食麥記,就去lee間啦~~~

美孚冇咩好食平時各朋友打完波都會黎呢到食打冷多人食打冷好好氣氛最喜歡食呢到既大眼雞同老水拼盆！好抵食

晚上十點,未食晚飯,來到這裡,只見高朋滿座,好在單身一人,找位沒問題.叫了牛什撈麵,廿六大元,五分鐘有得食,來的是兩個雞公碗,一碗是湯,碗是沒有湯的所謂撈麵,其實貴了幾元,份量多不了多少.所有材料都只有一件,肺,肚,腸,膀,粉腸,生菜葉一片,蠔油一湯匙,麵只和湯麵的份量一樣.湯很咸,蒜味很勁.牛什的口感甚佳,不太淰,有豐富香料味,和超勁味精味,假如有味精過敏症的,可能當場病發.場地和食具都勁肥膩,對衛生有要求的食友要注意.這個ok俾有勉強感.

第一次食打冷咁好味咁飽~鵝片,蠔餅,炒蜆必食~價錢同一般打冷差唔多差粥未試過~

睇完戲，想食個簡單晚餐。於是和女伴落樓下食湯麵。我點了牛什米（$18），女伴點了餃子麵。似乎我的牛什米比較有睇頭！應該都有下次幫趁…！？

個蠔餅勁多粉無咩蠔,啖啖都係得d粉,同食粉餅一樣! 鵝片好貴, 成$65得個幾片,墊底豆腐多到食唔落!蠔仔粥都唔係平,$25一碗,加方魚幾塊要多收$5!!!又細碗,呃錢.........!三樣加埋要$135!下次唔好預我!

呢間打冷d野食都唔錯"最中意呢度d打冷..如:"好"仔餅''好好味....仲有牛腩河~~~~~:]

因為佢河粉好滑易入口，所以去食，味道一般水準．但ｗａｉｔｅｒ阿叔態度真唔掂，如果唔叫飲品，連水都唔會俾你，問佢要杯清水，都會受白眼．有次叫牛什河，牛什麵，同佢講錯，佢態度極差話：「咁係咪唔呀？」，擺明係唔想換，但因我是不食麵的，堅持要換，佢就番碗麵大大聲咁同廚房講：「佢話唔喎，要粉喎！」跟住我就通過玻璃睇住廚房阿叔將ｄ牛什由麵底”用手”去另一碗河粉底度，加ｄ湯就拎番比我．係佢落錯單，還發我脾氣，真差勁，還好果次食完冇咩事！．．．

呢間野係美孚好耐'大約17年"""有潮州打冷"粉面""有時落去食宵夜"到零晨3點""辣椒油好出名大$40細$25我同mum都好中意

今晚一行六人去美孚商討某些事宜，故於美孚進餐，原想去Baby blue，但某些人反對故選擇此店。１．鹵水鵝件２．煎蠔餅（大）３．炒蟶子４．豬皮蘿蔔５．油菜６．什錦窩粥其實我覺得打冷要邊吃邊喝啤酒更好，但大部份人都不飲酒，算吧！鹵水鵝件，原想要鵝片，但鵝件能夠有骨，通常肉黏著骨的會較好味道。這間的鵝，骨多肉少，鵝有肉味，不是乾乾的。大煎蠔餅，這間煎得不錯，沒有那陣油益味，又不是油餅，好過旺角那類打冷。炒蟶子，有街坊推介，但又不是太好味，蟶子是飽滿的，但味道汁料亦不是最好，寧願選擇辣椒炒蟶子還要好。豬皮蘿蔔，兩者腍得入味，蘿蔔有些少甜，不知是先天還是後天影響。而什錦窩粥，即是有蠔仔、肉碎、魚片冬菇等等，其實應該是湯飯，不是粥，但不知怎地間間都說是粥，味道仍是那種Standard flavor。打冷，還是喜歡坐街邊。

咁，其實我仲可以講咩？飯又食左，純粹啤酒吹水局。送啤酒的，來來去去唔係滷水就係炒蜆。咁未黎個滷水同炒蜆羅，加多個油淋淋支竹炆冬菇排骨。味道濃到醉左都食到味的。味精越多越要飲酒，好似騙局咁。

我諗此店90%同旺角間無關呢度湯河比較好食, 四河會係唔錯的選擇另外, 如果想食牛腩的話, 記住講明要瘦. 如果唔係, 實俾勁肥肉你(我同屋企人試個幾次都係口甘)

good ........... 但個waiters keep on asking us do you want more things? 攪到我好唔自在.......如果佢地冇咁煩，會好好多架......

12/9,要了一碗紫菜+牛腩筋米&炸魚皮+魚旦麵紫菜+牛腩筋米$25-牛腩牛筋好淋好味,紫菜都唔錯,不過湯底都幾味精炸魚皮+魚旦麵$22-炸魚皮好脆好好味,正,魚旦我都覺得唔錯,但小熊就話魚旦麻麻喎佢地都有掛住牛丸大王的相係到,小熊話lee間樂園應該同旺角係同一間,但我就覺得d味好唔同,應該就唔同la,所以都唔知有無關係,不過我覺得lee間幾好味又唔迫,幾好呀!lee到夜晚都有打冷供應!!