榶意泰式粉麵

Open Now

Now Closed

人在遠方多日, 就算是劣食也會掛念住家附近的油塘食肆, 提供的菜式. 榶意算是在這區比較正常的小店, 在旅程開始前吃午飯, 還吃到其Secret Menu, 就是海南雞髀和滷水鴨髀油飯, 可惜沒有免切, 不然霸氣盡現. 老實說水準不是驚為天人, 鴨肉滷水入味但肉質偏韌, 海南雞髀整體OK, 反而油飯不夠入味, 色水和油香也比之前差一點, 不知是否生意好而煮得太快, 不夠入味的原故. 其飯附上的兩件豬紅, 算是特色, 雖然味道並非很夾.另一道它走天涯的是泰麵/河, 湯底並非船河的濃烈湯底, 雖然色水有點似, 味道鹹香不太涸喉. 雜錦配料種類多元化, 有魚蛋, 魚餅, 豆腐及豬紅, 還有吸了大量湯汁的炸魚皮, 感覺相對抵食. 配上豬頸肉, 皮脆有香草香味, 肉質爽而不死實, 還有金邊粉的實在, 比起雙脾飯低調但更出色.

聽啲姑仔講好好食，特登過去食。一到步，感覺環境很差，天時暑熱冇冷氣都算，但食物質素真的是非常差！！碗鹹肉米線味道都算好，但係啲鹹肉肥過鬼，塊塊都係薄片，好唔抵食！肥騰騰，成餐嘢都冇舊好肉落肚。碗豬紅咸過鬼！要浸麵湯先至食到！點可能啲豬紅咸到咁？！比完錢都唔想食！最後都係留低咗啲係個碗入邊就算！！！根本食唔落。隔籬枱應該係熟客，碗嘢明顯就多好多肉，同埋舊舊都靚，好唔公平！越食越激氣！食得好唔開心，以後都唔會幫襯！！！

舊式細細間既泰國餐廳，間中都會黎食而且又抵！今次叫咸肉泰粉，咸肉係好有特式既泰國美食，香港並唔常見。我第一次都係呢間食咋，平時肥肉都唔鐘意食，同事叫完比我試就回味無窮，外脆皮又唔肥膩，另外湯麵都好正宗。之前叫過炸蝦餅超大舊又好食！黎油塘唔知食乜可以黎試下。一餸麵連熱飲$36加多個餸都係加$10，埋單都唔洗$50。$36 食一餐既地方現今社會真係難搵，仲要好食既泰國菜🇹🇭😋另外都有海南雞同咸肉飯等等既選擇。

真係一間好街坊嘅小店，雖然好多人坐喺度食，我去到嘅時候係全院滿座，坐到出門外，不過我自己就覺得買外賣會比較適合我。餐牌好簡單，就係牆上邊貼住，睇餐牌嘅時候見到有人食炸蝦餅，個樣都唔錯，所以就叫咗一碟。細的，有3件 $55呢個真心好食，好過好多泰國菜餐廳，好厚，足料。而家有啲為咗減輕成本，整到薄切切，根本食唔到彈牙口感，不過呢度就唔同，真心推介。跟住叫咗個海南雞飯，我同姐姐講我唔鍾意食雞胸，咁佢就俾咗雞俾我，幾好人，冇加錢㗎，$51。飯底超多，雞油飯好好食。呢個係雜會泰麵。$36 阿姐有問要唔要分湯，咁我自己唔知道有咩配料，就叫咗不用分湯，點知返到屋企發覺有炸魚皮，瀨咗嘢，林晒。其實姐姐見到我有個蝦餅，可以將啲炸魚皮放埋落去，或者可以用個紙袋都好少少。呢一個雜錦湯麵我就唔喜歡，因為全部都係合成肉，丸類果啲，唔係我鍾意食嘅嘢，下次就唔會再叫呢個。總結：食物有質素，坐嘅地方類似坐喺街，因為店舖入邊得一張枱（當時係職員同朋友坐了。）姐姐好人，有機會都會再去買外賣，堂食就應該不會了。喜歡看我的食評，請追蹤我看更多

叫左碗雙拼粉，嚟到俾第2樣嘢我，其中一樣冇所以俾第2樣我，冇果樣嘢唔係應該先問我改咩？而係求其俾樣嘢我？同佢講唔要，要番單拼粉，然後叫佢改番張單，阿姐遲遲唔願改，改果陣仲話佢哋生意好，清晒貨，講到唔介意做我生意咁。平時叫嘢食，已經態度差，都忍下佢，成日見佢哋鬧客，同客人嘈交，以後唔會再幫襯佢，食完背脊骨落。

常說榶意的泰國菜是油塘最可取的食肆, 除了因為小店夠隱世非連鎖外, 也是因為它的住家味道, 就像之前常吃的泰式粉麵配以咸脆豬肉, 不是什麼驚為天人的味度, 但是相當親切. 這陣子喜歡吃其海南雞飯, 相比同區，其他食肆提供的同類菜式, 除了價錢更抵外, 雞肉更入味, 肉質也夠稔. 雞油飯份量十足, 兩人吃也可以, 再加上畫龍點睛的豬紅和酸辣度平均的醬料, 沒有黑豉油和薑蓉, 就是傳統的泰式海南雞飯. 炸蝦餅也是這裏較出名的小食, 外表如冬甩般可愛, 外脆但炸皮不會太厚, 蝦肉口感彈牙, 內裡蝦肉份量十足, 鮮味則可再加強, 但比起其他的油塘食肆, 這裏已經夠吸引了.Tong Yee is the hidden gem of Yau Tong and the Thai cuisine here is really homemade. The hainan chicken rice is good with high quality of chicken and nice sour spicy sauce. The portion is big enough and it makes me

嗌米線黎左米粉，同佢講黎錯左佢就話係我自己講錯，仲話無晒米線架啦，然後個啊姐話食就食唔食就算，乜野態度啊依家超嬲啊，我連米粉兩隻字都睇唔到，我唔會講錯囉，就算嗌錯但都無理由同個客講你依家食就食唔食就算，以後都唔會再去…………….嬲到一啖都無食

一直有幫襯開呢間泰國菜，本身係我心目中最好食既一間泰粉，但今次食完已經唔想有下次，湯底淡，已經冇以前咁濃，咸肉切到好薄片，豬頸肉柴🙄叫阿姐抹檯，佢就咁攞塊布掃落地下，極惡劣

喺油塘唔知食乜好，睇睇下見到呢間小店都幾多評價就一於試下。當日星期六嚟到，都幾多人基本上都坐滿晒，要自己揀位。本身舖位比較細，喺對面都有多個堂食空間，但係個衛生情況比較差。因為基本上冇人會嚟執枱，就算執枱都係好hea😅海南雞飯 ($46) 奉送湯首先個湯係唔熱嘅，同埋味道怪怪地，其次啲雞上到枱可以見到啲色澤唔係油黃，仲見到啲雞毛，真係印象分都冇晒。味道正常嘅，雞肉都唔算鞋，但油飯冇油香，加埋雞肉既賣相真係冇下一次。招牌鹹肉香茅豬頸肉泰粉 ($46)呢個鹹肉都幾出名，不過當日嘅鹹肉係好硬，感覺擺咗好耐。豬頸肉就都ok，泰粉就係金邊粉，份量都幾多，不過總括冇乜特別。椰汁冰 ($20)星期六跟餐冇飲品，單嗌咗一杯。超級甜，甜到飲咗幾啖就算。總括來講，當日去到嘅餐廳安排同埋衛生都一般，加上嘢食冇話好出色，都係試一次就夠嚕。

榶意泰式粉麵📍 油塘嘉榮街2-4號油塘中心嘉發廣場6-7號舖老實講🤣唔係朋友帶我來我都唔知🤔有呢間禁既泰式麵食～隱世泰粉～自選泰式湯粉 一餸$34 兩餸$42因為係假日去唔跟飲品，飲品另外加$(半價)叫左2碗泰粉👍🏻抵食～味道一般🙋🏻‍♀️招牌鹹肉蝦卷泰麵🍜 $42 ⭐️⭐️⭐️⭐️/5鹹肉唔怪得知叫做招牌～因為真係好香脆好好味～似燒肉❤️👍🏻反而蝦卷麻麻地，煮得耐得滯有啲淋泰麵感覺上似係平時車仔麵嘅幼麵～爽口香茅豬頸肉拼扎肉泰粉🍜 $42 ⭐️⭐️⭐️/5豬頸肉同扎肉都係正常野😃反而值得推介佢既調味料我落左辣椒粉同埋魚露～愈食愈開胃凍咖啡+$9 ⭐️⭐️/5落單時姐姐都話係偏甜，問使唔使少甜來到想試下原味😂叫左正常😂點知正常🤣係勁甜椰汁冰+$10 ⭐️⭐️⭐️⭐️/5好邪惡飲品👍🏻👏🏻好味如果去鯉魚門三家村路過可以食呢間🤣好順路😆🙆🏻‍♀️又可以支持下小店

呢間泰國小店喺油塘中心，唔近地鐵站但lunchtime都好多人喺度食，睇嚟呢度真係好出名咁！！！雜燴泰粉($34)，有勁多芽菜，仲有魚蛋、蝦卷、魚片、豬紅等等，好足料～魚蛋魚片彈牙有魚鮮味，豬紅彈牙無腥味，蝦卷就正常～湯底係重點，佢有一陣蝦子嘅鮮味，係喺出面嘅泰粉未品嚐過嘅！佢調味剛好，唔會過鹹，我飲完都無口渴，應該無真材實料無落味精！泰粉份量都多，索晒啲湯真係好正！😎💕酸辣扎肉($45)就好大盒，有啲洋蔥、蕃茄、芹菜咁，酸酸甜甜，後勁就好強勁嘅辣味，係幾醒神開胃！但我叫咗小辣都覺得好辣….🤯怕辣嘅朋友要小心…

回憶殺泰粉，位於歷史半世紀嘅商場入面一個角落，隱世地俾一個充滿阿伯乘涼的公園嘅大樹遮住，價錢定係裝修都係時光倒流。豬頸肉泰粉 + 凍奶茶 $34🐷薄切豬頸肉有七至八塊，大量麵條，個人食嗰時鍾意落醋，中和返燒豬頸肉嘅油膩。杯凍奶茶係泰式嘅，所以偏甜。唯一女士們可能會投訴就係湯底偏肥膩。雞肉泰粉 + 凍檸茶$34🐤雞肉大大嚿，大概有五嚿，通常都係唔同部位，仲有幾粒豬紅送。凍檸茶都係街坊凍檸茶，用紅茶沖，冇特別加糖冇偏甜冇偏酸。

上星期嚟到呢間隱世食店試下泰國食物,叫咗碟香茅豬頸肉湯金邊粉,豬頸肉入口鬆化,而且份量十足,金邊粉很大碗,加上有芽菜,令人有飽肚的感覺湯底也很鮮味,飲了也不覺得口渴！再叫個吃炸蝦餅,蝦餅非常彈牙,蝦味濃,配上酸甜醬,提升了蝦的鮮味

大食小公主油塘區出動👸🤪 ［榶意泰式粉麵] 🚩豬頸肉鹹肉泰粉 $40我每次食都叫呢兩個餸首先份量勁多👍每樣餸大約有五至六嚿👅鹹肉脆卜卜 豬頸肉今次淋咗少少不過都好食😋🚩淨豬紅 $20絕對要兩個人share豬紅冇腥味🥰個湯好好飲😋仲要係好Q彈唔好一夾就散😀總結時間🥰平靚正食泰國粉小店👋🏻❗️❤️評分時間👅（5️⃣個👸為滿分）食物👸👸👸👸抵食👸👸👸👸👸回頭率👸👸👸👸服務 👸👸👸👸環境 👸👸👸

以前喺附近返工所以成日嚟，隔咗年幾兩年冇嚟過，返嚟再試，水準依然，第一次寫食評，照例牌嗌咗碗雜會金邊粉在家滷水鴨，包凍飲，成為$42。望落去成個碗面都係餸，好豐富，魚片和魚蛋質地都幾好，橙色嘅魚春卷和豆卜就冇乜特別，炸魚皮夠脆，豬紅都幾夠味，仲好彩有滷水鴨髀，不過金邊粉就硬咗啲，湯底都唔錯，有芽菜墊底，飲晒都唔會覺得好口渴，雖然味道唔係話好突出，不過咁嘅價錢，望落去又咁豐富，食落都覺得幾滿足，耐唔耐都可以返嚟再食返碗。