榮記(東成)飯店

心血來潮，突然間想食乾炒牛河，好彩太太又肯陪我出嚟。 本來想去茶餐廳。 行去天樂里的途中，記得好久以前在樓上吃小炒， 老婆着條靚裙，但也不反對大排檔，所以和她上來吃晚餐。時間大約六點已經差不多坐滿。還有一張小枱給我們。馬上叫了乾炒牛河，椒鹽九肚魚及一支青島啤酒。太太喝一杯，真的是很relaxing 的事情。牛河份量足夠，非常夠鑊氣。少許油，預咗。炒得非常均勻。九肚魚炸得好乾身。隻碟食完係乾嘅。外脆內軟非常出色。再來一碟炒蜆。份量充足，成碟有兩隻有少許沙，但可以接受。沒有死蜆。服務很快手，餸菜都好快送上。見到有其他小炒都很多人叫。老婆說要帶埋阿女再來，吃田雞，蒸魚腸，及魚雲煲。坐的時候大約八點，已經出現人龍排隊。喝了三支啤酒，過了一個非常浪漫的晚上。…查看更多

今晚同男朋友去食飯,有位女侍應過嚟寫單,介紹我哋食蒜蓉粉絲蒸大蟶子話今日做特價$168有4隻,咁我哋咪叫咗黎食,點知道埋單後老闆話今日冇做特價要$208埋單,連張單到係寫住$168,好似比人搵咗笨,以後都唔會再去食…查看更多

之前跑了去九龍灣食大排檔，原本我平日經過的鵝頸熟食中心都有。榮記飯店 晚上時段非常熱鬧，感覺很地道。因為朋友經常來吃，所以就由她來點菜囉。上菜速度不算太慢。✨蒜蓉粉絲蒸大蟶子 (時價)看起來很吸引，但吃落就強差人意。蟶子近乎韌到咬不開，侍應說是因為要煮熟點怕客人拉肚子 ... 但舖面的粉絲又非常乾。✨脆皮炸大腸 ($98)脆是幾脆的，不過吃落有微微的腥味。🦑椒鹽魷魚鬚 ($78)沒怎吃到椒鹽味，炸粉不算太厚還好。🦀避風塘炒蟹 (時價)要說這頓飯最好吃的大概就是這蟹！兩隻蟹都幾大隻，肉質鮮美也有膏，而且炒得超香。每一口都很惹味，辣得很好吃。另外也有點到炒飯、炒菜和芥蘭，吃落普普通通沒有特別驚喜。最後埋單加上開了幾支啤酒，平均每人$250。朋友都有感食物質素比以前差了不少。…查看更多

去呢間野叫左三樣餸：咕嚕肉、椒鹽魷魚鬚、啫啫通菜煲。咕嚕肉都黎得快，但椒鹽魷魚鬚等成30分鐘先黎。問啲員工點解咁慢，佢地就話：炸野系要等耐啲架啦，等下啦後生仔。咩事？有時間串客人，無時間吹廚房？好野喎佢地，椒鹽魷魚鬚真係逐碟逐碟出，而唔係全部一齊炸。serve餐次序錯曬，後面個台黎先叫嘅野一樣，但比左佢地先，我地仲要等多15分鐘。都未完，啫啫通菜煲系要再等多半個鐘先有。本身已經諗住叫賣單，個煲野就上菜。一望落去，啫啫通菜煲啲肉連一兩都無，碟野仲要凍嘅，成隻手掂住個煲都唔覺熱。佢最好野嘅地方系半個鐘前佢地出到蝦醬通菜炒牛肉、鮮油炒通菜，一碟最basic嘅啫啫通菜煲都出咁耐。$234蚊三碟餸，前後食左1個鐘15分鐘，無下次🙏🏻🙏🏻…查看更多

以前真係好好食,如果唔怕嘈,呢個係一個幾好聚腳,一邊食嘢,一邊飲啤酒嘅好地方！其實疫情之後都好少嚟食！係近排呢咗幾次,第一次好食！但都係冇以前咁好食！第二第三次就嘛嘛啦！但又唔難食嘅！有啲幾好味,有啲好好一般！總括嚟講維持唔到水準！不過焗魚腸/蝦醬炒通菜/豆腐魚頭湯/椒鹽蝦,都好食！蒜香骨/椒鹽鮮魷/蒸魚/豉油王炒麵/炸大腸，就一般般啦！不過你唔好理佢好唔好食,但佢依然係勁旺！希望下次嚟食,變返好食啦😂…查看更多

椒鹽豆腐，炸得太過火，食落有D燶味。椒鹽九肚魚，九肚魚食落熱辣辣，一如既往魚骨都係直接食得嘅。但D炸蒜又腍又室溫嘅，九肚魚、炸蒜兩樣嘢簡直係分開嘅，食落唔夠香口。中式牛柳，好夠腍，調味好味。鎮江豬仔骨，酸May May，啖啖肉。芥蘭牛肉，食落無聞落咁香。Sunkist OJ，估唔到飲落係無汽嘅。可樂。白飯3碗。…查看更多

7 Jul 2023今手一共三個男人食大排檔來到咁出名嘅鵝頸橋一叫咗個蠔餅，正常味道，油多就一定架喇，咁先好食架麻，唔期望有咩特別。過得去啦椒鹽魷魚酥比我想像中好，但椒鹽味不重，魷魚起碼唔梅先，算係爽口嘅，不錯👍🏼招牌菜：炒麵真係好好食，好夠火候鑊氣！啖啖都係鑊氣味，係我食過嘅炒麵中最好食嘅。愈簡單嘅食物愈難做得出色，佢就做到了 🤤果然名不虛傳韭菜豬紅，十分普通，調味一般，打冷舖好多都好食過佢，可以唔駛再試🤭呢個好好食，好似食極都仲有咁，用來餸酒 一流！辣辣地，配埋啲銀魚，會令人忍唔住食完一啖又一啖，太膩又可以食返啲韭菜中和返。雖然坐得唔舒服，但講到明，大排檔丫嘛！仲想環境有幾好先！？Overall係抵食，又靚，味道普通不過不失啦，食氣氛丫嘛！一人都係178蚊，飲埋幾支大啤，差唔多啦。…查看更多

今晚又嚟食晩飯，6點左右到，都容易搵位嘅，食到6點半，已經好多人排隊等位。講返食物，韮菜豬紅（$58）韮菜花好嫩，味道方面，辣辣哋好惹味。炸鯪魚球、椒鹽魷魚鬚，非常香口，保持一貫水準。咕嚕肉，件肉炸到好乾好柴，再嚟真係可以放棄佢，叫第二樣餸。埋單$282/2位，抵食。…查看更多

好耐冇嚟食！以前成日嚟食嘅！呢間以前都係我嘅飯堂之一，不過好似衰咗冇以前咁好食，但當然都唔差嘅！嗰日去到，依然好多人，好旺！不過好彩我哋坐埋一邊，就唔係好嘈！唔係都唔知點傾計！所以我哋次次都好穩陣咁，book定枱嘅！平平哋，食個大排檔，吹下水！飲下酒！同朋友聯繫卡感情，其實都唔錯既！如果可以做返以前嘅水準，就更加好啦！但小炒王真係冇失手，每次去到必嗌嘅小菜！希望下次嚟到又變返好食d,咁我哋就會再多啲嚟啦！…查看更多

好耐冇嚟，可能因為星期五嘅關係，六點左右到差不多半場滿，過多幾個字，要排隊添。椒鹽魷魚鬚，一貫水準，大大碟好香口，要趁熱食，凍左就比較膩。蜆介鯪魚球，有13粒，熱辣辣大大粒，有淡淡陳皮味。咕嚕肉，肉粒炸得比較乾身柴口，這個比較差。豉油皇炒麵，乾身有獲氣，加上大量洋蔥銀芽，好食。埋單$282/2位，抵食。…查看更多

朋友成日都話鵝頸橋街市上邊有間大排檔好好食，夜晚仲係全層都係佢哋，今晚掉低老公幾位女士自己去麻甩一下😎我哋上到去6:00已經好熱鬧好多人，哥哥仔都做到冇停手🥢椒鹽鮮魷椒鹽鮮魷粉漿唔厚，魷魚冇過熟，香脆鬆化炸得啱啱好，🥢椒鹽賴尿蝦椒鹽賴尿蝦好新鮮同埋肉質好彈牙鮮甜，同埋相對佢呢度嘅椒鹽賴尿蝦比出邊嘅平，但係味道唔會輸比出邊幾百蚊碟嘅🥢豆豉鯪魚油麥菜豆豉鯪魚油麥菜係一個清爽嘅菜式，油麥菜新鮮脆口再加豆豉鯪魚嗰種香，鑊氣十足，我自己屋企完全整唔到呢種味道🥢楊州炒飯楊州炒飯都係味道好好，粒粒分明炒得又夠乾身🥢蠔餅最後就係炸蠔餅啦，啲蠔餅炸到好香脆，大大舊餅，啲蠔又新鮮。加埋啲魚露點黎食真係一流。不過號餅真係趁熱食比較好🤭總括嚟講啲野好好食，大排檔就係食佢嘅鑊氣，不過我哋走嘅時候喺𨋢口已經排晒隊等啦，可想而知佢哋嘅食物好食到全層都唔夠楚💙…查看更多

🫑豉椒炒蜆 $88成碟蜆都非常乾淨完全無沙炒得好有鑊氣 而且醬汁均勻包著每粒蜆配料有大量嘅紅黃綠燈籠椒同洋蔥條醬汁濃稠味道都比較濃 所以食到後面略嫌有啲鹹。🦐蝦醬通菜 $88一上枱見到油令令 雖然賣相吸引但都怕好油感覺會膩食咗一啖發覺完全唔使擔心！通菜莖保持到爽脆 葉都好嫩唔會乾乾柴柴蝦醬份量剛剛好 味道鹹香唔會過重雖然食材簡單但味道絕對唔普通！🍍菠蘿雞粒炒飯 $68好鍾意佢上枱嗰時真係熱到出煙 所以食到一半都仲保持到溫度炒飯配埋菠蘿粒酸酸甜甜鹹鹹嘅感覺真係👍🏻👍🏻配埋上面惹味嘅蝦醬通菜真係超送飯🤤…查看更多

好耐無同屋企人出街晚餐🥣今日終於有機會Jeje 通菜 好嫩 唔鹹 可以食十碗蠔🦪！好正 大大隻 唔會太鹹 姜蔥炒蟹蟹肉靚，新鮮，可以去選擇完先落單芋頭牛肉煲芋頭好粉好食 牛肉滑…查看更多

🍪【#灣仔】榮記(東成)飯店 Wing Kee💥鵝頸橋包場 料正價平大排檔💥.🍪好興奮🥳🥳🥳！今次又發掘到間抵食又好好味嘅正嘢！！大部份鵝頸街市嘅熟食檔都淨係開半日，一到夜晚就變成榮記飯店主場，超級繁忙熱鬧！👏🏻✧🤗Super excited to introduce the newly discovered dai pai dong with reasonably priced and scrumptious Cantonese fare😍!! Most restaurants in Bowrington Road Cooked Food Centre only run their businesses during the day. It turns out Wing Kee takes the centre stage at night and feeds the hungry crowd. 😆.🍪榮記主打生猛海鮮同巧手小菜，食物新鮮，份量又多，價錢合理👍🏻✧Wing Kee’s specialty lies in preparing seafood, classic cantonese dishes. Dishes are made of fresh ingredients and very affordable! 😁~~~~~~~~~~~~~🐟 椒鹽九肚魚 Deep fried Bombay Duck with Spicy Salt $88 (5/5)必點惹味九肚魚！見廚房係咁出呢樣餸~呢個價錢食到咁大碟九肚魚，好感動🥺！炸粉夠薄，食落唔油膩，條魚軟身又嫩滑！😋✧This signature creation will never let you down! With just a thin layer of flour, the fish is crispy, tender and not greasy! .🍽 芥蘭臘味 Stir-fried Kale with Preserved Sausages $88 (4.5/5)睇相就知芥蘭好靚，非常綠油油，炒得啱啱好，夠晒爽口鮮甜☺️！仲有大大片蠟腸同潤腸，好味道！🤩✧You can tell from the photo how fresh the kale is! It tastes amazing with the generous amount of preserved sausages! 👏🏻~~~~~~~~~~~~~今餐食得好開心同滿足！不過繁忙時間有機會等好耐先有嘢食，咁啱隔離就不停催單，趕時間就要注意喇！😳✧ Fall in love with this restaurant instantly after the fulfilling meal! Yet it may take some time for the food to be ready during rush hour. ⏱️~~~~~~~~~~~~~~~~~~~~~~~~~~~~~~味道 Taste：🍪🍪🍪🍪🍪/5環境 Ambience：🍪🍪🍪/5💸消費 Spending：$93 /人 Person🔥推介度 Recommendation：5/5.📍 榮記(東成)飯店 Wing Kee灣仔寶靈頓道21號鵝頸街市1樓鵝頸熟食中心CF4號舖 (銅鑼灣站 A 出口)Shop CF4, Bowrington Road Cooked Food Centre, 1/F, Bowrington Road Market, 21 Bowrington Road, Wan Chai(Causeway Bay station, exit A).🍪#hungrycookie_favourite.更多分類︰🔺【地區 District】#hungrycookie_wanchai🔺【菜式 Cuisine】#hungrycookie_hk🔺【消費 Spending】#hungrycookie_人均100.…查看更多

今晚又嚟食晚飯，叫左四樣野。椒鹽魷魚鬚，一上枱香噴噴熱辣辣，大大碟，好熱氣但又好好食。豉椒鵝腸，鵝腸爽脆，個汁又吾太傑，因為上次食豉椒聖子皇個汁傑到不得了，但可惜鵝腸份量不多。生炒骨，粒粒一口size，今次個汁甜酸度適中，好開胃。豉油皇炒麵，好多銀芽和洋蔥，有獲氣，點d辣醬食，吾錯。埋單 $252/2人，整體來說，d餸嘅味道比上個月嚟出色。…查看更多