榮發美食車仔麵

Open Now

Now Closed

【觀塘區】【榮發美食】無聊咁行吓觀塘後山，都幾過癮，見到以前成日踢波嘅地方，幾感慨。不過以前都係搭小巴上去，點到點咁，走嗰陣又好攰，都冇乜機會好好咁望吓呢頭。淨係記得以前和樂邨對面有間麵包舖勁平，我有買過「冰花蛋球」覺得好正，不過應該已經結咗業喇。而我一場嚟到，又點會唔食埋嘢先走呢。可能未到食飯時間，有啲我有興趣嘅小店都未開，就求其搵間算，反正呢度應該大部份餐廳我都未食過。見呢間就喺眼前，就揀佢。由於未過早餐時段，我係可以食早餐嘅，以我呢度嘅用餐體驗嚟講，係比較特別嘅。叫咗 $48 嘅早晨扒餐要「薄西冷牛扒」，跟「煎雙蛋」，仲有「茄汁豆及菠蘿包」，飲「熱奶茶」。味道普普通通啦，真係好茶記囉，寫唔到啲乜。不過叫嗰吓一心諗住叫早餐好啲，原來呢間嘢係食常餐會抵啲，差唔多價錢仲有個麵，睇重性價比可以留意。。。（地址：觀塘雲漢街19-25號德利大廈地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #global

［親身試食真食評］推介度⭐️⭐️⭐️⭐️（4星）扣咗1⭐️未達滿分💯係因為地點離開地鐵站有一段距離～ 不過為左美星，我係唔會介意！（心入面係CP值爆燈）推介美食（一）柚子西多完全冇諗過柚子可以配上西多士！好好味！好fresh!鍾意柚子嘅你不能錯過！清香甜味令油膩度中和，加埋牛油之後～ 真係嘩左出聲！好香！好有日本風味嘅fusion 港式下午茶☕️🥇評語：不能不吃推介美食（二）炸物正常茶餐廳嘅炸雞翼、吉列豬扒都好乾又好油，我都好少食～ 今日老闆實在太客氣咁邀請試食～一啖就愛上！好！脆！但入面好juicy!乾身炸物又夠脆又唔鞋！點解會咁！吉列豬！一樣係掂！我估炸雞肶🍗肯定會食過翻尋味！我下次要去食！🥇評語：咪睇佢賣車仔麵，估唔到有咁多嘢食揀，而且炸物處理得好好！十年難得一遇嘅好味道！推介美食（三）炆豬手我只可以講！好味得過份！痴線架！有乜可能好味成咁！老闆用左好多款調味去炆足一天，有少少話梅味，仲有少少麻辣味，完全減低肥膩！口感完全係一流！好滑！好林！煙煙韌韌咁好有咬口！同行嘅朋友根本唔知我好like呢啲胆固醇高嘅骨膠原食物😻完全係天父的禮物🎁🥇評語：絕對值得走去買一盒打包返屋企慢慢嘆～ 仲要加罐啤酒

雖然平時沒有很想吃飛碟的衝動, 但見到了有賣芝士火腿味的,也想試試...飛碟整體不錯,所以給予的分數很高芝士火腿中的芝士濃郁,令人一試難忘...火腿就不多說了,跟平常的差不多由於已吃過東西,所以今次只是吃了芝士火腿飛碟,下次要再黎過!!

雖說這裡是車仔麵店，但也有提供其他食品，因為始終都想吸納更多食客，叫不同的人士也來幫襯。這次便選了非車仔麵食品。吉列豬扒炸得不錯，不會太油，而且肉質又軟，很易入口。沙律也用上了新鮮的水果，很清新，也叫人覺得份外健康。