榮安小食

Open Now

Now Closed

''榮安小食''可說是青蛙由細光顧到大的車仔麵店。記得小時候, 青蛙媽媽常帶著青蛙到荃灣逛街,逛夠了, 就會吃碗車仔麵才回家。如今人大了, 青蛙仍時不時跟媽媽光顧它,為的就是要重拾它的味道﹑以及大家的回憶...恰巧地, 豬大人也是光顧它多年的『客仔』,所以我倆對荃灣共同喜愛麵店的排行榜上, ''榮安小食''一定榜上有名!!是日跟豬大人在荃灣看早場, 見時間尚早, 又碰上它已營業,一於就在此吃個早餐啦!!!豬大人的魚旦﹑雞翼﹑豬大腸粗麵 (加咖喱汁)魚旦: 一貫的夠辣夠刺激, 肉質尚算彈牙。雞翼: 完全吸入滷水汁, 夠入味但不會過咸或甜~ 是每次必吃之物!!豬大腸: 青蛙覺得略為韌, 但不肥﹑清潔亦乾淨。賣相差, 卻充滿滷水味~粗麵焯得剛好, 但不得不加咖喱汁, 皆因辣味全由此起呀 ^^青蛙的魚旦﹑雞翼﹑白蘿蔔粗麵 (加咖喱汁)青蛙選擇的食材幾乎跟豬大人一樣,唯獨青蛙選了白蘿蔔而非豬大腸。白蘿蔔: 清甜沒有渣, 但未夠入味及腍, 可以的話, 下午才點這個吃比較好。

今天3pm在這裡買了個油麵配豬紅,豬皮和蝦腸，老闆收了25元，我趕著搭車回公司沒留意價格貴了很多，但我記憶中麵和配料都是4元一份，理應是16元攪掂。之後我回到寫字樓，打開一看，發現有些我一直不喜歡吃的豬腸在入面﹗ 令整碗麵和湯都充滿著豬腸味道，根本不能入口﹗ 因我不吃豬腸，也不接受那味道的﹗ 跟著我便打電話去店告訴他們給錯了餸我還收貴了﹗ 聽電話的男人，應是老闆，語氣非常串，竟反怪我自己沒有留心看著他執餸，沒辦法幫我，連道歉也不道，cut埋我線﹗ 現在我唯有把所有豬腸丟走，湯也要全倒掉，自己另外撈醬油，才可勉強吃下。這樣的服務態度實在不能容許﹗ 就算自以為是生意好到不憂做，都不應這樣對待客人吧﹗ 我只不過肚餓想吃個麵，也沒介意要付多少錢。但店方做錯事不道歉還要cut我線，這樣的氣是否客戶應該受呢!!

拍拖以來, 女朋友帶我去食多過我帶佢去食, 我不是一個喜歡試新野的人, 反而她就相反, 有時都唔知點解大家會喺埋一齊今次她的選擇是位於荃灣的車仔麵, 專程揸車入荃灣, 就係去食好多人排隊的店, 心想, 人多應該都唔會差得去邊, 果然女友的眼光不錯 (擦擦鞋先)我點油麵 $4, 加腸仔, 雞翼尖, 冬菇, 通菜同蝦條, 女友提醒要加腩汁, 當然不會錯過, 店員的態度就真係一般, 不過有位女士就打完場, 算! 每款餸一係$4, 一係 $8, 四餸麵唔使三十蚊, 價錢合理腩汁好香口, 雞翼尖係必食的, 鹵得好入味. 女友叫米粉食, 試了一件蘿蔔, 都好甜, 唔錯題外話, 女友話不要食烏冬, 味道麻麻地一邊食, 一邊睇住每一分鐘有一至兩人加入排隊, 由開始食到走都係一樣, 大家眼睛都係雪亮的

HAIR CUT 後 好肚飽 要搵野食見到榮安車仔面 少人有位 可以坐低就行入去D野食大部份都變到$8 ~ 得返小量 $4~ 粉面仲系$4~車仔面如果有油面簡 我多數都會叫油面 $4, 雞全翼$8, 魷魚$8 , 生菜$4~呢餐系我食過最貴既車仔面 點解呢？唔系價錢貴 系分量少到過份~我一個女仔食 都唔覺得飽 ~ 油面應該無一個面底 比出面半個到啦~雞全翼一隻好味 好入油 好淋 真系KEEP到水準~魷魚無味得黎 得2條鬍剪開幾條 ~ 生菜2-3塊剪開幾塊 ~不知所謂 黎呢度 下次真系當小食算 唔好正餐~ 雞全翼同 咖喱汁一定要加~

情意結比味道重要的車仔麵@榮安小食小時候，車仔面是總有一間响左緊，一間車仔滿載了一款又一款的美食。時至今天，車仔面已面目全非，沒有了眼見果樣點果樣，大多都變了在紙上填剔號。一個人的下午，又是回憶從前的時候，所以決定尋找附近的車仔面，最後選擇了榮安小食。點了米粉底，加入了豬腸、魷魚、豬紅、雞翼尖，4餸埋單$29-，價錢合理。自行加上了辣汁，看來水汪汪的汁，比想像中辣，可能是我太貪心，落了兩大匙之過，但很惹味。米粉沒有因外賣關係變得糊(約廿分鐘後享用)，反而吸了湯底，更好味。豬紅夾唔散，但略為不夠味、豬腸洗得乾淨，亦夠鹵水味，很豐盈、雞翼尖是傻仔敏的最愛，非常入味，又夠淰滑，浸過湯都不會淡。雖然談不上好好味，但整體質素已是很不錯~~

3送車仔麵 $18(好食指數: 5.5/10)2013-10-30名符其實既油渣麵，湯底撈埋d汁真係好多油而且味道都係唔夠。麵身以油麵比較好食，粗麵就唔得喇😔配料方面，鹵水雞翼尖幾入味，但係豬腸同豬皮就唔掂，尤其豬皮多毛兼且無味。題外話人多要坐出面食塵，衛生真係麻麻，講到食車仔麵既話揀其他會比較好。

係荃灣做完野想搵間車仔麵食,睇完食評後揀左呢間,係橋下面都幾易搵,呻左4個餸魚旦,豆腐,大腸,鹵蛋,油麵$23 好抵食,件豆腐勁大件,魚旦就普通貨,大腸洗得好乾淨但有種怪味唔好食,鹵蛋就做得最好最入味, 仲有3種汁俾人自己加, 我只分到有隻係咖哩,其他兩隻有隻似豉油另外果隻真係估唔到, 我只加左咖哩但都幾辣 店內好細坐位係背貼背, 我最後揀左坐出面, 冇咁迫但絕對係食塵位

14-12-2012(五)是日放工，吃完佐敦「澳洲牛奶公司」甜品及旺角「澳門翠苑茶餐廳」豬扒包後，一個人便返回我居住的荃灣。9pm , 好！繼續「掃街」作為宵夜 (喂喂喂...... 你 9 pm 咁早已是宵夜？ 哈哈！今晚而已！因之前吃了兩餐，呢餐咪當宵夜囉！)，我選了近路德圍的「榮安小食」作宵夜。居住在荃灣的街坊，一定對這間車仔麵店絕不陌生，我由中學時期(90年代)吃到現在...... 時間飛逝，都差不多近廿年了！其受歡迎的程度，從門面抬頭，看見掛上寫著「請在此掛隊！座位有限，歡迎外賣！」的黃色掛牌便知一二。有人排隊的食店，某程度上有一定的保證：一是價錢便宜；又或是食物好吃！這裡的車仔麵餡料是已經煮好的，上菜速度極快。那麼，價錢、味道又如何？我記得好像大約是 $25 的價錢(差不多一個月前事了，真的忘記了)便可點到 5 個菜加 1 個麵，我覺得很抵食喇！麵條吃起上來很有彈性，雞翼則是滑溜滑溜的，富有濃厚的鹵水汁味，推介之選；蘿蔔爽甜，魚蛋有彈性、夠入味...... 唯一可惜的是湯較淡，這是比較可惜的地方。

兩個人分享一碗上海麵當然不夠飽，所以我們走到荃灣區看看還有什麼好吃的，可是找不到，最後就在打算搭小巴離開回家的時候，我們剛好經過這裡，看見裡面的客人不少，我們就立刻上開飯網看看評語，除了有一篇論文之外，其他的人都說是吃風味的，而鬆弛就特別愛吃有風味的東西，所以我們就決定試試看。店內只有大概十個座位，地方淺窄，頗為擠迫，牆上亦寫著歡迎外賣的標語，可是我們外賣了也不知道要到哪裡吃，所以就等一下座位，剛好有一家三口吃完，才等了五分鐘就有位了。牆上寫滿了每款車仔餸的價錢，最平的三蚊就有交易，絕對是零通脹，而且份量是正常的，並沒有因為平就只給你小量。我們要了一碗淨餸，有豆腐、蘿蔔、豬紅、豬大腸，另外我們還點了一碗生菜魚肉湯。其實吃車仔麵我很少點豆腐，但這裡的豆腐是炸的，才三蚊一份但有五大件，一點也不欺場，醮著辣椒油一起吃，好吃呢；豬紅爽口，有味道，鬆弛也說好，不過他還是認為弼街那家最好吃；蘿蔔切成小塊，炆得很腍，可是不算很清甜；豬大腸滷得很入味，洗得乾淨，中間的肥膏不會過多。生菜魚肉湯。魚肉湯看來平平無奇，不過咬下去又幾彈牙，又夠魚味，而且丁點碎骨都沒有，不錯的說。看到門面，你可能會卻步，因為實

榮安車仔麵經營至少己超過十多二十年, 小時候去荃灣親戚家一定開溜到這裡吃一碗熱騰騰的雞翼豬腸麵除了雞翼,牛腩,鳳爪,豬腸 7元, 大部份都是3元... 其實大部分食物都ok , 但鹵水系列真的沒話說, 非常入味. 雞翼是全翼, 每隻大小均一, 入味可口. 大腸乾淨, 不會太多肥膏又腍又入味鹵水蛋好食到無朋友, 每一隻都充滿鹵水味雖然店面的員工全部都好有"性格" 但食完碗麵, 滿口鹵水香味頂著你的味蕾, 你會forget it我好懷念以前那個幫忙顧店的啞巴伯伯, 很久沒看到他...但不敢問,有些事情還是不要問的比較好

成日貪方便,食完就在出面搭車直接出去蒲.豬腸好有彈性,都幾香,有時唔入味,有時又過咸.豬皮一定要加汁至夠味,還好咖喱汁好食,辣魚旦都唔錯.汁夠辣又惹味.次次都落好多九菜都好,有時都無食牛丸

現今社會什麼都講求包裝.不拘小節的車仔麵今時今日都演變成要在一間有裝修,有冷氣,舒服的食店.煮出來的多餸麵.車仔麵最原本的面貌,會逐漸給世人淡忘.荃灣的榮安小食是一間有歷史的車仔麵店,位於大河道人來人往的街道上.店內環境,設計什為簡單.店內開放式廚房.見到邊種食物點邊種,汁任客人落.麵2分鍾做好..俾完錢.自己捧麵,找位坐.環境裏面只有幾張摺枱,外面有2塊長鐵板.是一個吃完便要離開的格局.車仔麵.米粉,豬腸,豬皮,辣魚旦19元.汽水6元.豬腸:有彈性,入口滿口鹵水的香味.越咬更越有肥膏的油脂香味,相當好食.但係咁重口味,又有肥膏.好食.也不可經常食.豬皮:我覺得大家去食,一定要加汁,豬皮相反似無調味.只是爽口.還有少少豬毛在豬皮上.辣魚旦:是來貸.不可強求什麼,魚旦辣度適中.也香口.但魚味當然缺乏.汁.辣汁好惹味.只落少少辣度已經勁,建議大家可以一試.埋單就是25元,相當抵食,當然有下次.

現今社會趨炎附勢，金錢掛帥，吃的要豪，穿得光鮮才多人愛戴，本人雖然也會偶爾跟好友或心愛的吃頓好，不過自己私底下，也其實是一名窮蛋，吃車仔麵魚蛋燒賣白粥，總之好吃就吃得開心。當然發掘不同地方的食物也是本人的興趣，人在荃灣，多了在這個地方找吃的，是日肚子生蟲，跟同事吃了一個快飯之後，竟然還是不太夠飽，最後自己走去吃小食，怎知道就在這所小食店吃了碗麵。此店賣的是大家耳熟能詳的車仔麵，也號稱為那渣麵，現時在香港吃真的夠地茂的車仔麵店不多，雖然這店已經不再是用上木頭車仔來賣麵，但以店家這個格局，食物的價位，都一一反映這一點。此店的安排也是一貫的車仔麵店般，食客手指指點配料及麵，不過最後加色加辣汁的步驟，就由食客自己親自操刀，下多少鹵汁，下多少辣汁，適隨尊便。也是不消一分鐘就有麵吃，本人下了不只一羹鹵水汁，再加上一羹咖哩汁，使得車仔麵的湯底非常深色，也非常味濃，不過看來店家的湯底及鹵水本身下了不少糖，使得湯頭喝起來帶一分甜味。就是因為店家的鹵水汁帶有頗濃的甜味，所以被鹵煮成深啡色的雞翼尖，也變得有着數分甜味，鹵水的花椒、桂皮及八角等的香料味雖然不彰，但吃起來始終有着那濃濃的甜醬油香，加上翼尖的雞皮

學完車又要趕返工又唔想咬麵包過日子草草地揀咗呢間平時都不起眼既地方食,車仔麵店. 無格局裝潢可言只是一般平民大食堂咁樸素得來又未至於太陳舊車仔麵點了魚蛋牛腩韭菜味道沒什麼特別價錢也很合理趕時間, 又唔想諗, 又唔想等既,可以係度草草地十幾分鐘填飽肚子又上路!

又係一間好味既小店同女朋友難得經過, 唔太肚餓都特登買一碗SHARE食無記錯應該麵底$8, 一樣餸$6, 今次要左鹵水雞翼豬腸粗麵食得車仔麵, 應該唔會將健康飲食掛住咀邊掛, 濃濃既湯底係必須既呢度既湯夠哂味而味精既強度唔算高, 我真係恨不得飲哂碗湯佢, 可惜被兇惡既女友阻止左...可惜可惜鹵水雞翼亦屬於重口味, 應該經過長時間既醃浸, 基本上已經無咩雞味, 係食佢既鹵水味本人只係食左隻全翼既其中一隻翼尖, 味道尚可豬大腸洗得乾淨, 無異味, 調味亦濃郁重口味的一碗車仔麵, 但係我就係鐘意再者, 車仔麵理應同重口味掛鉤架啦