18
3
0
10-min walk from Exit A, Tin Shui Wai MTR Station continue reading
Telephone
53957723
Opening Hours
Today
18:00 - 23:00
Mon
Closed
Tue - Sun
18:00 - 23:00
*Reservation only
Payment Methods
Cash
Other Info
Phone Reservation
Review (29)
Level3 2021-04-07
0 views
【大西北隱世圍村私房菜🐓天水圍火焰雞煲鮮甜食材三食體驗🏡】由於小編既印度朋友一直好想試下打邊爐,所以小編千挑萬選咗一間有特色既隱世打邊爐餐廳帶佢去🪧依間餐廳係天水圍屏山入面,有免費泊車位,要事先打去預約,假日分兩round食,6-8/8-10兩個時段🤪佢地會當日下午打電話黎問要啲咩配料,會當日即刻去街市買,如果無叫定,即場就會得番枝竹、烏冬、炸魚皮等等😈小編都無特別問價錢就落咗,但各位朋友可以參考下下面既價錢(五人份量)再決定要落啲咩配料🤠一餐飯可以體驗到雞煲、火鍋、同最後吸收哂所有精華既湯飯🤤—《 #大雞煲(4-5人份量)》$588 ⭐⭐⭐⭐⭐依個雞煲有足一隻新鮮雞份量,入面仲有花甲、蝦、豬潤、鮮牛、雲耳、甘蔗、馬蹄、蟲草花,唔會係平時好heavy個種辣雞煲,超級鮮甜又唔膩😋先開火煮幾分鐘,啲蝦太新鮮係咁係到跳,小編啲屁孩朋友仲係依個時候開蓋,隻蝦即刻跳咗落大脾🥵大家千企唔好咁做阿,會令到食物唔熟之餘,仲會整親朋友就唔好啦🤯滾到咁上下之後,店員就會倒米酒落個鑊蓋,即刻著起火🔥個雞煲所有食物都沾染咗濃郁既酒香味,雞肉非常嫩滑,完全唔油膩😁—《 #脆鯇腩》$148 ⭐⭐⭐⭐⭐脆鯇腩份量比我地想像多,成十二三塊,最重要係佢真係好脆‼️一咬落去,個邊邊係超爽口,小編成枱朋友都表示好耐無食過咁脆既脆鯇腩❣️脆鯇既大骨係好易挑出黎,唔中意食魚挑骨既朋友都可以輕鬆駕馭✌🏼—《 #蝦滑》$98⭐⭐⭐⭐⭐佢地既蝦滑同平時自己係街市買到既蝦滑高好多班😳$98既份量係多到食唔哂,入面有好明顯大大舊既蝦肉,蝦味非常濃郁,而又唔會腥,仲要有咬口💯—《 #蝦》$88 ⭐⭐⭐⭐因為唔記得咗煲入面有蝦所以就加咗半斤蝦,但係值架😹因為額外比既係九節蝦,身形比海蝦細,但係蝦肉更加爽口而鮮甜,所以都係錯有錯著先食到咁正既蝦😎—《 #肥牛》$248 ⭐⭐💥原本食既時候個個都覺得個肥牛幾好食,肉味都重,但係後來知道價錢之後就覺得有啲唔抵🥺$248既肥牛只有大概十塊左右,但係依個價錢其實係街市可以買到份量更多既新鮮手切牛,如果唔係真係好中意食牛既朋友可以考慮唔點依個😣—《 #墨魚滑》$88⭐⭐墨魚滑係直頭大家都覺得唔好食而捨棄咗佢,無墨魚味,粉漿好多,似食緊一舊粉團😭好彩個湯底正,浸完都唔會話完全入唔到口🙁—《粟米》$48⭐⭐⭐⭐⭐《蒿筍》$48⭐⭐⭐⭐《枝竹》$42⭐⭐⭐⭐《飯》 $14/碗《辣椒豉油》 $5/碟 continue reading
(The above review is the personal opinion of a user which does not represent OpenRice's point of view.)
Level2 2020-11-26
514 views
朋友介紹第一次去晚餐, 之前來呢一間係鄧達志嘅飯堂,午市套餐好正, 跟住知佢冇做已經冇嚟。首先從環境講啦,坐落屏山, 濃濃家鄉風味, 附近有屏山文物徑, 最啱就係遊覽完之後呢過嚟食晚餐, 有地方泊車。 再唔係 十零分鐘都行到去天水圍地鐵站。晚餐火焰雞煲係第一次, 第一次見到咩叫做火焰雞煲, 當初都以為係gimmick, 但係原來用米酒真係有料到, 這樣煑的食物好香。食材亦都好新鮮, 海鮮,牛肉,連水餃都好正,食物材料係要新鮮先做到原汁原味出嚟,最正竟然係最後用鷄煲精華煑的炒飯, 真係為本來已叫正的晚餐畫上完美句號。 continue reading
(The above review is the personal opinion of a user which does not represent OpenRice's point of view.)
雞煲我諗好多香港人都鍾意食,有辣有唔辣,又野味😋😋但鍾意食雞煲既你如果未試過呢個火焰雞煲真係太可惜喇🤤🤤聽個名都知,火焰雞煲.. 係啊,火焰啊🔥🔥真係會著火,仲係好大火.. 因為老闆會等雞煲煮到8成熟再成支九江雙蒸酒(係大支)跟住再點火🔥🔥🔥成個鑊著晒火🤪,燒到d酒精無晒熄火就可以開蓋😍😍😍超級香噴噴啊🤤,因為燒晒d酒精,食落又好勁酒味,反而好甜老闆同店員每次都會好細心教我點樣食😂😂點解要教?因為要開工唔可以食雞架,要食左花甲同埋豬肝先💕好細心,因為遲左食會煮得太老無咁好食,之後先食雞雞🐔🐔,其實我都食左唔知幾多次Lu,步驟都熟晒😆。味道:好香同甜💖因為加左甘蔗(出無未食過有甘蔗),唔同平時食開既雞煲味道鍾意食雞煲既你一定要試。。必食推介溫馨提示:記得要提前打去訂枱,因為成日都冇位,仲有如果想加海鮮一定要訂,去到想食都唔會有得叫架地址:屏山屏廈路112號訂坐電話:53957723 continue reading
(The above review is the personal opinion of a user which does not represent OpenRice's point of view.)
Level3 2020-10-12
638 views
經朋友極力推介,講明係佢食過最好味的雞煲,於閃山長水遠長途跋涉入左元朗食雞煲。這個雞煲係用gas 罐明火食,現時已經好少餐廳有,而且係用淺身鑊來打邊爐,與現時好多雞煲用電磁爐唔同,假如冬天食一定暖笠笠。雞煲少不了一隻雞,其他配料自己選擇,我們四個人, 主要選海鮮配搭亦是他們雞煲的特色,一來擺左支雙蒸酒,這是唯一落到雞煲的醬料,以及幾支竹蔗,不像平時食開的雞煲好多混醬香料。我們揀了新鮮鮑魚、象拔蚌仔、蟶子、蝦、蜆,雞煲還有木耳,冬蟲草花、馬蹄,將所有食材擺落鍋再倒雙蒸酒,一開火,火🔥焰一直燃燒, 煮熟所有食材,全部都好鮮甜美味,再用剩餘湯汁去打邊爐,揀左肥牛、墨魚滑,娃娃菜、雲吞等,吸收曬湯汁既鮮味,正到爆。 continue reading
(The above review is the personal opinion of a user which does not represent OpenRice's point of view.)
Level4 2020-10-07
481 views
一直好想試呢間私房菜,今日慶祝中秋就同屋企人黎試試佢個火焰雞煲🔥 只接受預早訂座入座已見到每枱擺好一個鑊,盛載所有材料同海鮮🦞 店員即場開火烹調,烹調時沒有加水,而是用了一整枝雙蒸酒,用酒燜熟所有食材,當然酒精已完全揮發掉,只剩酒的清香,做法好特別。 而且所有食材都好新鮮,一開始煮啲蝦仲喺度掙扎😯本身雞煲除了雞之外有蝦、鑽石蚌、牛肉、木耳、蟲草花、馬蹄、竹蔗,當日還送了一碟生菜。除了這些配料以外,餐廳會按客人喜好去街市買新鮮的食材,我另外加了蟹、肥牛、娃娃菜😋 總括而言,的確好食,雖然食完有點口乾🤔 但也是不錯的私房菜體驗👌 continue reading
(The above review is the personal opinion of a user which does not represent OpenRice's point of view.)