Deluxe Daikiya Japanese Restaura

相信大家對呢間都唔陌生，主打日式放題，值得一提嘅係每間分店會定期推出多款新品，次次去都有驚喜。而雅蘭中心分店今次供應嘅菜式包括：魚子醬日本空運蠔杯、避風塘炒大頭蝦、海鹽焗海螺、辣酒煮海螺、見島特選和牛芝士燒、焦糖鮟鱇脆餅、油鹽焗鮮蟹、XO醬蒜蓉粉絲蒸蟶子皇同酥皮焗周打魚湯。時間方面建議Lunch Hour去，三小時慢慢食，比較輕鬆。印象最深刻嘅係酥皮湯，酥皮焗到金黃酥脆，香噴噴又唔油膩，就咁睇已經相當吸引，忌廉湯味出，將酥皮配埋湯一齊食真係超正，一個人都飲咗四五碗☺️ 避風塘炒大頭蝦同油鹽焗鮮蟹都唔錯，勝在新鮮，入味，大大隻，任點唔嬲。另外私心推介魚籽醬煙三文龍蝦沙律多士口感層次豐富、薑蔥爆鱔球外脆內嫩、蛋撻同流沙包香甜可口、海燕窩椰汁燉木瓜滋陰養顏，會回訪。…Read More

近年同家人、朋友出街食放題，相信大家基本上都離不開大喜屋系列😆佢哋已經係放題界嘅信心保證，出品水準唔會令人失望🤭一開波就直入刺身環節，簡直係食放題最回本嘅時間🤩厚切肥美嘅三文魚、油甘魚，爽滑嘅帶子，鮮甜嘅赤貝，仲有我最愛嘅甜蝦😋食完刺身轉個頭就食啲特色食品喇👻當中大推焦糖鮟鱇脆餅，口感好得意嘅創意料理😀見島特選和牛芝士燒餐廳新菜單嘅招牌食品之一😍用料上乘有誠意，食法亦好新穎😜和牛嘅牛肉味極濃郁，口感豐富，成件事相當有驚喜🤪金湯慢煮鮑魚花膠盛，花膠燜到軟腍，同爽口、彈牙嘅鮑魚形成一軟一硬嘅配搭😎酥皮焗周打魚湯唔係咁多地方可以食到，見到絕對唔好錯過😁避風塘炒大頭蝦相比起其他分店，旺角雅蘭店多咗好多熟食可以選擇😝大頭蝦肉質相當彈牙，避風塘去處理就令到佢更加惹味🤤XO醬蒜蓉粉絲蟶子皇平時去大排檔好鍾意嗌嘅一個餸，估唔到呢度可以任嗌啊🫣🤭呢度另一特別之處係有茶樓點心供應，等大家食日式放題嘅時候同時可以享用中式傳統食物😝有兩款中湯選擇，真係要補一補佢😏😃好多款冷泡茶、啤酒都係任飲！甜品方面仲有Haagen Dazs雪糕任食，有唔少新口味供應，就算食到勁飽都唔可以錯過🤩🥳…Read More

📍 整體體驗 2小時任食｜超過200款食物 週末全場爆滿，強烈建議提前一星期訂座！環境嘈雜但氣氛熱鬧，適合大群朋友聚餐。 🍦 哈根達斯雪糕放題✅ 全場焦點：設獨立雪糕櫃，6款口味任挖（曲奇、草莓、比利時朱古力、抹茶、咖啡、仲夏野莓） 🥢 自助區 | 自己夾唔使等✅ 中式熱盤： - 西蘭花炒象拔蚌：象拔蚌爽脆，西蘭花入味（encore左2次！） - 口水雞：普通，醬汁唔夠香辣，可skip 🍣 刺身 | 落單要快✅ 必點： - 特大赤蝦（尺寸誇張，甜味爆棚） - 三文魚腩（油脂甘香） - 帶子（冰鎮上枱夠新鮮） ⚠️ 注意： - 帆立貝/北寄貝較細粒 - 第一輪要狂落！後期出菜慢（等15-20分鐘） - 建議寫明「每款10份」免漏單 🍢 燒物串燒 | 即叫即燒✅ 鹽燒牛舌（厚切有嚼勁） ✅ 燒鰻魚（醬汁濃唔腥） 🍲 熱食 | 落單類✅ 蒜蓉粉絲蒸扇貝（蒜香爆炸） 🧋 飲品區 | 驚喜位✅ 自家製冷泡茶：白桃烏龍，清甜解膩 ✅ 珍珠奶茶：珍珠Q彈，茶底唔假甜 ✅ 罐裝飲品：茶、汽水齊全 ✅ 自助清酒機💰 性價比總結 $398/位食到： ✔️ 哈根達斯任拎（街買一球$50+） ✔️ 赤蝦/帶子等高價刺身 ✔️ 中西日熱食選擇多 ✔️ 飲品有誠意（冷泡茶+珍奶） 適合人群： - 大胃王｜刺身愛好者｜雪糕迷 - 團體聚餐（氣氛熱鬧） - 追求多花款唔追求極精緻 避雷提醒 - 唔好對口水雞/茶碗蒸有期待 - 預咗等刺身要耐性 - 環境擠逼（枱與枱好近） 回頭指數：★★★★☆ （為咗哈根達斯＋赤蝦會encore，但一定要訂位！） …Read More

日式放題｜旺角極尚大喜屋刺身方面：三文魚、油甘魚、大赤蝦同帶子都夠新鮮，仲有啲海膽軍艦、炙燒壽司，好快清晒一碟又追加壽司同手卷啲配搭都幾有創意，好似鵝肝芝士鰻魚卷，幾邪惡但幾正^ω^熟食都唔少選擇：有避風塘炒蝦、蒲燒鰻魚、天婦羅、燒乳鴿、燒菠蘿，酥皮焗周打蜆湯、煮鮑魚花膠、幾fusion 自助區就更加豐富，冷盤有螺肉、青口、沙律，仲有中式湯水 松茸海星烏雞湯、以及養顏烏雞湯 補品感覺幾貼心甜品有榴槤系列！ 烤榴槤^ω^椰皇燉蛋、蛋糕布甸，仲有Haagen-Dazs雪糕同雪條！飲品方面清酒、生啤、汽水、椰青水、羅漢果茶、菊花蜜、任飲(⁎⁍̴̛ᴗ⁍̴̛⁎)QR code 落單點餐快，上菜&清枱速度都很快選擇多、CP值高🫶🏻🍺🍻…Read More

我同朋友又嚟極尚大喜屋食放題，收到風餐廳最近有新品任食：魚子醬日本空運蠔杯、避風塘炒大頭蝦、辣酒煮海螺、見島特選和牛芝士燒、焦糖鮟鱇脆餅、油鹽焗鮮蟹、避風塘大頭蝦、XO醬蒜蓉粉絲蒸蟶子皇、酥皮焗周打魚湯。全部都係高質量蛋白質，健身減脂嘅我好啱食。另外拖羅、松葉蟹、帶子刺身，紅蝦刺身呢啲靚嘢梗係唔可以錯過！魚生刺身新鮮肥美，熟食種類有大蝦球、燒乳鴿、鐵板鵝肝、羊架、芝麻炸雞翼、比目魚。甜品有牛乳奶凍、香蕉雪條、哈根大師雪糕以及不同種類嘅蛋糕，仲有冷熱清酒、梅酒、氣水啤酒超過20款任你飲。特別一提係佢嘅樽仔港式奶茶，水準非常高，有茶味而甜度適中，我自己必定飲兩樽。呢度嘅烤榴槤好好好食，又香又甜，必食之選。…Read More

朋友升職，嚟到極尚大喜屋慶祝，有人埋單梗係要食盡佢。早一星期book都差啲book唔到，午市嚟到真係啲人多到嚇親，估唔到間鋪咁大都可以坐到爆曬棚！打開個Menu勁多嘢食，刺身已經有晒三文魚油甘魚大赤蝦甜蝦帶子池魚馬刀貝赤背等等，其中我最鍾意就係食甜蝦同埋大赤蝦，食咗十幾20隻超正。而家仲有日本生蠔食，真係估佢唔到忍唔住嗌咗三四次。熟食更加唔使講乳鴿，串燒，天婦羅乜都有，慢煮金湯鮑魚花膠冬菇冇得輸，鮑汁味濃，花膠又勁彈牙食完之後感覺吸收勁多骨膠原。川味燒蠔同埋蒜蓉粉絲蒸蟶子又係冇得輸，午市一口價可以食晒咁多樣嘢真係乜都抵返晒，蒜蓉粉絲蒸蟶子啲粉絲吸收咗蒜嘅味道，仲要加埋炸蒜，加上蟶子本身鮮甜，成碟嘢都香口到不得了。仲有避風塘大頭蝦同埋清蒸大頭蝦，食得出食材本身都好新鮮蒸完之後點少少豉油已經非常Perfect。慶祝升職梗係唔少得飲少少賀一賀佢，自助餐仲包括埋出面嘅飲品櫃，估唔到竟然有辣酒煮螺，一路食一路吹水非常盡興。朋友就最鍾意極尚椰皇燉蛋白，入口滑溜，椰香味濃，仲有燕窩碎喺上面，真係非常高質，食飽咗都忍唔住再encore！最最最最後食埋個雪糕同埋燒菠蘿，我就習慣將雪糕放上燒菠蘿上面食雙重享受。整體嚟講性價比極高，一定會再嚟！…Read More

極尚大喜屋提供種類非常豐富的菜品，包括刺身、壽司、燒物、炸物、一品料理、甜品及各式飲品～裝修風格是典型的日式放題餐廳格局，服務態度不錯！店員換碟和上菜的速度都頗為迅速👩🏻‍💼.🌟近期新品推薦🌟.🐠魚子醬日本空運蠔杯新鮮的日本空運生蠔與奢華的魚子醬結合，蠔肉飽滿鮮甜，魚子醬的鹹鮮更提升了整體風味！.🦐 避風塘炒大頭蝦大頭蝦新鮮彈牙，炸至金黃酥脆後，再以蒜粒、辣椒等避風塘風味料爆炒，香辣惹味，鑊氣十足😗.🐚 辣酒煮海螺微辣的口感中帶有酒香，同樣惹味！.🐮見島特選和牛芝士燒選用見島和牛，油脂分布均勻，肉質軟嫩，搭配濃郁的芝士一起燒製～.🦀 油鹽焗鮮蟹採用鹽焗做法，能完美鎖住蟹肉的鮮甜和多汁，揭開蟹蓋有時還會有爆膏的驚喜，鹹香惹味😝.🧄 XO醬蒜蓉粉絲蒸蟶子皇蟶子皇體型肥大，肉質爽脆，搭配惹味的XO醬和蒜蓉，以及吸收了鮮味的粉絲～.🎏備受好評的經典菜式🎏.🍣刺身類：三文魚、油甘魚（油脂豐腴）、赤蝦（鮮甜彈牙）、帶子（嫩滑）、松葉蟹腳（啖啖肉，鮮甜）等都是多次encore的選擇～.🦪燒物/炸物：川味燒鮮蠔、皇牌燒乳鴿王（皮脆肉嫩）、芝麻雞翼（外皮香脆，雞肉多汁）！.🧆一品料理：金湯慢煮鮑魚花膠盛（花膠軟腍入味，鮑魚爽口彈牙，養顏滋補）、蒜蓉粉絲蒸扇貝🪼.🍧甜品：極尚椰皇燕窩燉蛋白（滑嫩香濃，椰香淡雅，燕窩滋補）、Haagen-Dazs/Movenpick雪糕（名牌雪糕任食）、烤金枕頭榴槤（榴槤控最愛，燒過後香氣更濃，果肉柔軟甜美） 😗.🍻飲品：選擇非常多！除了汽水、果汁外，還有清酒、梅酒、啤酒（包括Hoegaarden、BECK‘S生啤）、紅白酒，甚至珍珠奶茶等任飲～…Read More

極尚大喜屋提供種類非常豐富的菜品，包括刺身、壽司、燒物、炸物、一品料理、甜品及各式飲品～裝修風格是典型的日式放題餐廳格局，服務態度不錯！店員換碟和上菜的速度都頗為迅速👩🏻‍💼.🌟近期新品推薦🌟.🐠魚子醬日本空運蠔杯新鮮的日本空運生蠔與奢華的魚子醬結合，蠔肉飽滿鮮甜，魚子醬的鹹鮮更提升了整體風味！.🦐 避風塘炒大頭蝦大頭蝦新鮮彈牙，炸至金黃酥脆後，再以蒜粒、辣椒等避風塘風味料爆炒，香辣惹味，鑊氣十足😗.🐚 辣酒煮海螺微辣的口感中帶有酒香，同樣惹味！.🐮見島特選和牛芝士燒選用見島和牛，油脂分布均勻，肉質軟嫩，搭配濃郁的芝士一起燒製～.🦀 油鹽焗鮮蟹採用鹽焗做法，能完美鎖住蟹肉的鮮甜和多汁，揭開蟹蓋有時還會有爆膏的驚喜，鹹香惹味😝.🧄 XO醬蒜蓉粉絲蒸蟶子皇蟶子皇體型肥大，肉質爽脆，搭配惹味的XO醬和蒜蓉，以及吸收了鮮味的粉絲～.🎏備受好評的經典菜式🎏.🍣刺身類：三文魚、油甘魚（油脂豐腴）、赤蝦（鮮甜彈牙）、帶子（嫩滑）、松葉蟹腳（啖啖肉，鮮甜）等都是多次encore的選擇～.🦪燒物/炸物：川味燒鮮蠔、皇牌燒乳鴿王（皮脆肉嫩）、芝麻雞翼（外皮香脆，雞肉多汁）！.🧆一品料理：金湯慢煮鮑魚花膠盛（花膠軟腍入味，鮑魚爽口彈牙，養顏滋補）、蒜蓉粉絲蒸扇貝🪼.🍧甜品：極尚椰皇燕窩燉蛋白（滑嫩香濃，椰香淡雅，燕窩滋補）、Haagen-Dazs/Movenpick雪糕（名牌雪糕任食）、烤金枕頭榴槤（榴槤控最愛，燒過後香氣更濃，果肉柔軟甜美） 😗.🍻飲品：選擇非常多！除了汽水、果汁外，還有清酒、梅酒、啤酒（包括Hoegaarden、BECK‘S生啤）、紅白酒，甚至珍珠奶茶等任飲～…Read More

今個周末成班人去食午餐放題，食既野，主要都係一如以往，都係剌身，串燒，燒物，炸物，窩物。新嘢方面，今期有生蠔一杯兩粒，味道都ok有新鮮嘅感覺。啲熟蟹水準唔係太穩定，啲蟹肉有啲新鮮，有啲好似淋淋地，但整體嚟講都算係合格。自取熟食方面，好似多咗燉木瓜，可以一試。燉椰皇方面，冇再用椰子殼裝住，而係改咗一杯杯，亦都好正常，唔差嘅。水準下降係邊方面呢？就係排隊入場，離場嘅安排。本身佢門口已經唔係多位，升降機去到佢嗰層，一開門，根本多人多到係出唔到lift。門口嗰兩個負責放人入去嘅夥記，反應緩慢，入客極之慢。咁樣做法引起唔單只係觀感嘅影響，而係會引起安全上嘅問題。如果咁惡劣嘅情況持續，好難再食下一次。…Read More

.【🎉放題驚喜之旅！性價比超高嘅極尚大喜屋🍣】其實我對放題真係一般般咋～點知老公放假突然話想食！於是就帶咗我去旺角極尚大喜屋，點知...完全被驚艷到！🤩 原來而家放題已經進化到咁誇張？！呢間絕對係性價比之王，嘢食新鮮又多選擇，仲多咗好多新款式！😍🍣 刺身類：▫️三文魚腩心｜肥美鮮甜💖▫️油甘魚、吞拿魚、希靈魚｜款款新鮮✨▫️鵝肝｜入口即化😋▫️赤蝦、甜蝦｜鮮甜Q彈🦐▫️北寄貝、螺肉、鮑片｜爽脆鮮美👌🍱 壽司新品：▪️韓國蟹皇醬壽司｜創意十足🦀▪️厚切鰻魚玉子漢堡｜層次豐富🍔▪️煙鵝胸鵝肝多士｜奢華享受🍞🍤 炸物・串燒・燒物：▫️金湯花膠｜又大又厚，啖啖膠質！👑▫️鮑魚飯｜原隻大鮑魚配上秘製汁，一試難忘🍚▫️芝麻雞翼｜香脆惹味🍗▫️鹽燒牛舌・炭燒白鱔・金蒜炭燒廣島蠔｜燒物水準超高🔥▫️芝士焗扇貝・醉鮑魚・燒乳鴿王｜款款精彩🎯🍧 甜品・飲品：▪️燒榴槤｜香甜軟糯，冬天食超幸福～💛▪️多款雪糕、雪條｜無限任食🍦▪️飲品選擇豐富🥤環境舒適，職員有禮貌服務好，無論係家庭聚會定朋友 gathering 都超適合！👨👩👧👦…Read More

難得一班分散五湖四海嘅老best返來香港，一於選擇外國無嘅放題，食物多樣化人人都有自己岩食嘅嘢，唔洗煩。 網上預約系統非常方便，過程快捷，完全沒有任何問題，當日還有短信提醒，體驗唔錯。剛入座點餐系統唔多順暢，要等差不多10分鐘先成功落單，menu 算多選擇，連榴槤都有。鍋物一般，來到暖暖地，但裏面的牛肉依然7成生，隻雞蛋係全生… 刺身拼盤質素對得價錢，唔要求太多壽司當中，鰻魚特別差，其他由於嚴重漏單，好多款試唔到，卷物完全無來過員工大部分幾好，但收碗碟的阿姐好倒米，一係當看唔到，就咁skip 你張台唔收，一係啲碗汁滴返落野食上面。 然後埋完單等朋友去廁所返來，就係隔離俾說話你聽，話你班人阻住佢🙂‍↕️多得呢個阿姐，另大家對呢間第一次幫親的餐廳，留下負面印象，大家講講下盤點漏左幾多碟無上員工真係好影響一間餐廳…Read More

訂枱1900，1915才讓我們坐下，然後一樣2030最後落單，2100要交枱，食物4個人點12片刺身來8片或4片，及後2002點的東西2030也沒到要追。。。。。。放題的大忌，差評。…Read More

旺角大喜屋的體驗完全超出預期！從地鐵站步行五分鐘即達，雖鄰近鬧市，店內卻意外寧靜，座位之間距夠寬，不會有局促感。 食物水準相當驚喜，生蠔每日新鮮到貨，個頭飽滿，入口滿是海洋的鮮甜；刺身拼盤必點，三文魚厚切到幾乎透光，油花分布均勻，吞拿魚赤身鮮嫩彈牙。燒物區也很出色，鹽燒蝦皇外皮微脆，蝦肉飽滿多汁；蒲燒鰻魚甜度剛好，魚皮軟糯不黏牙。 最驚喜是甜品，抹茶慕斯茶香濃郁不苦澀，芒果布甸果肉飽滿。服務員反應很快，換碟、加茶都很及時，落單後十來分鐘就能上齊，不用久等。 這個價位能吃到如此水準，性價比超高，無論朋友聚餐還是家庭小聚都合適，已經約好下次再來試其他菜式！…Read More

價錢較貴但種類冇咁多。18.40落嘅野食，19.28都未到，催咗次最後差唔多19.40先到。本應話19.30 last order, 20.00交枱，19.15就催我哋埋單，19.50到19.57之間催咗我地3次叫走，最後頂唔順。蝦餃裏面有馬蹄(唔知正唔正常)但會爆油。甜品試咗6樣有4樣都超難吃 (例如 : 芒果糯米糍係一舊芒果味嘅糯米粉團；脆皮泡芙先唔講佢脆唔脆，中間層cream薄到好似一張紙咁)個人意見，益力多燒酒好藥水味。有正常種類嘅飲品，酒類同雪糕。…Read More

說到香港人氣日式放題，極尚大喜屋絕對榜上有名。這裡的刺身、壽司任食向來以新鮮多樣見稱，海膽、帶子、甜蝦等都是每次必點之選。最近餐廳更推出一系列新品，為食客帶來耳目一新的體驗。今次特意約上三五知己，來一場“海陸雙拼”的味蕾冒險。首先不得不提全新主打「避風塘炒大頭蝦」。大頭蝦肉質彈牙，外層裹上香脆的蒜蓉炒香，帶點微辣和鹹香，每一口都惹味無比，極適合配一口清酒。蝦殼香脆，可以連殼食，蒜香滿溢，是今次放題中最搶鏡的熱食。另一驚喜是「海鹽焗海螺」。用粗海鹽焗製，完美鎖住海螺的鮮甜和彈性。入口鹹香，螺肉爽滑，沾少許特製檸檬汁更能提升鮮味，令人一試難忘。愛吃熱食的朋友不要錯過「辣酒煮海螺」。海螺浸泡在帶辣勁的酒湯之中，湯底香辣帶勁但不搶味，海螺肉質結實，辣味恰到好處，特別開胃。「籠仔桑拿大頭蝦」則充滿和風特色，以蒸氣籠仔蒸煮，保留大頭蝦的原汁原味。蝦肉鮮甜、帶點清酒和桑拿香氣，吃得出師傅的心思和誠意。甜品方面，「蜜蜜燒菠蘿」絕對值得一讚。熱烤過的菠蘿外層帶微微焦香，內裡多汁甜美，配上蜜糖後香氣更突出，是一個完美收結。…Read More