Video
13-min walk from Exit A, City One MTR Station
continue reading
Payment Methods
Above information is for reference only. Please check details with the restaurant.
【沙田區】【極尚叉燒】始終我係住喺沙田第一城，第一城開新餐廳，我點都要講吓。開咗 1am第一城 呢個系列都好似冇郁過咁，我自己都會慚愧㗎嘛。我食咗呢間嘢兩次，兩次都係下午茶時段去，所以兩次都係食佢哋嘅「港式下午茶」。平得嚟又食多啲嘢，可以寫到畀大家睇。第一次去叫咗 $39 嘅「巨人西多士」，其實我都幾期待，個名吹到咁大。點知一上菜，巨？邊度巨？冇人識佢喎。不過花生醬都夾得幾足，食落其實唔差嘅。加 $22 要多三隻「牛油蒜蓉雞翼」，好細隻，冇乜感覺。不過要 QR Code 落單，先會見到啲小食。嘢飲我就加 $3 熱「招牌香滑奶茶」加大，加錢係因為佢真係好大杯，慢慢飲幾好嘅。埋單 $64，稍貴。第二次就叫咗 $45 嘅「叉燒皇湯瀨粉」，啲叉燒日日做 gym 咁，勁瘦，不過嘢飲有得配熱「玄米茶」又幾好。今次埋單 $45，都冇咩好挑剔，未必再食。。。（地址：沙田銀城街1-2號置富第一城地下G74-75號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #tasty #globaleats #tastyfood #foodpics #followforfollowback #love #eat #1am沙田區 #第一城 #1am第一城 #極尚叉燒 #巨人西多士 #牛油蒜蓉雞翼 #招牌香滑奶茶 #叉燒皇湯瀨粉 #玄米茶 #1am1725 #1ambackup
continue reading
已經差唔多8pm 對上嗰餐係早餐 忙碌咗成日 去所處附近嘅第一城搵食 行過呢一間燒臘舖已經畀櫥窗嘅燒臘吸引 好似幾好味喎 燒臘加例湯先至54蚊 真係非常抵 加三蚊仲有嘢飲 於是我就叫咗個叉燒飯 叉燒飯啲叉燒非常幼嫩肉汁充滿 例湯係西洋菜紅蘿蔔湯好好味 港式奶茶好正宗 食到底仲見到呢一句 五個字就形容曬我心情
continue reading
每次早餐首選都係佢，主要都係服務態度及食物質素唔錯、價格經濟，今次點了吉列魚柳配薯餅、茄汁豆、炒蛋、奶油豬，魚柳好大塊又夠熱夠脆，薯餅都唔差，跟魚柳一樣夠熱夠脆，炒蛋有點乾唔夠滑，味道都差點點，如果加返啲鹽就好，搞到味道都差點點，炒奶油豬又牛油又煉奶(多醬)，變相外脆內juicy，加$8要埋個火腿通粉及即磨咖啡好飽。另一個係雜菌煎蛋麵，麵硬度合乎「爽」，煎蛋係太陽蛋，味道&口感唔錯，熱飲係熱檸水。
continue reading
今次小熊貓就嚟沙田，忽然間想食燒味飯，然後就搵到呢間餐廳啦叫咗個雙拼下午茶，燒鵝拼貴妃雞配湯米🤗燒鵝比較肥膩，但香料入晒味，所以幾好食～ 貴妃雞都係做到皮脆肉嫩～ 燒味嘅份量都夠，湯米正常發揮～ 下午茶嚟講係一個不錯嘅選擇
continue reading
之前食過，今日再去試下叉燒真係唔錯，外層烤到焦香脆口，入面啲肉又嫩又多汁，甜鹹味啱啱好，食落好滿足。佢哋嘅蜜汁仲幾加分，令成個叉燒嘅味道更加出色。不過，有啲部位油脂偏多，鍾意瘦肉嘅人可能會覺得有啲膩。除咗叉燒，白切雞同燒鴨都算中規中矩，肉質鮮嫩，但味道上就冇乜驚喜。餐廳環境幾靚，地方夠寬敞，服務員態度又好，效率亦都幾高。不過，Lunch人多時出餐會慢左D，整體都尚算滿意。係第一城嚟講，呢間餐廳適合追求高質燒味嘅人，特別係對環境同服務有要求嘅客人。呢個價錢，絕對值得一試。
continue reading