Great Thai Food

I had pad tai and colleagues has curry and fried chicken - all solid seating tight but ok - overall good experience not too busy -Service is fast!Dishes are cleanDecor was very authentic as well Speak English wellPrice is reasonable under 60$ with drink …Read More

又到星期日出去搵食時間, 今日友人話想食泰菜, P san 就 search 咗喱間泰菜小店。         今日我哋一行 4 人, 點咗 6 款小食、餸同埋炒嘢, 當然仲有食泰菜通常必點嘅冬蔭公湯啦。我哋點完, 好快就開始上菜。 首先講吓喱個咸魚炒椰菜苗, 一上枱, 已經聞到好香嘅咸魚味, 鑊氣十足, 菜炒得爽口, 每條菜都有住淡淡咸香味, 但唔會死咸, 再配埋少量木耳, 更加脆口, 但份量唔算多。        之後上菜嘅就係米紙卷, 一共有 8 件, 剛好每人 2 件, 米紙有少少米味又煙煙韌韌, 再加上包喺入面嘅生菜、扎肉條同紅蘿蔔絲, 新鮮爽脆, 更加有趙口, 再點埋店家附上嘅蒜溶辣椒醬, 令成個米紙卷唔止 refreshing, 仲剌激到味蕾。  到我哋個冬蔭公湯上菜啦! 一上枱店員會喺盛載器皿度點火, 令個湯可以保持溫度。湯料好足, 有好多菇, 蝦都唔少, 而且爽口彈牙, 唔係死蝦咁會梅, 味道方面, 酸酸辣辣, 好醒胃, 但我個人比較喜歡再酸啲, 所以如果可以再加多啲青檸酸少少就好了, 辣味方面, 唔算辣, 適合唔鐘意食辣嘢嘅人, 湯仲有清淡嘅香料味, 成個湯都好順喉。跟住講吓喱個蝦球炒金邊粉, 雖然睇落唔係好大碟, 但因為我哋叫咗 6 款嘢食, 所以到最後都食唔晒。 金邊粉炒得啱啱好, 唔會太腍, 又有鑊氣, 酸酸尾尾, 再配埋蝦嘅爽口, 令人食落好開胃。         我哋仲叫咗個細嘅蒜蓉包, 喱個蒜蓉包係店家專人喺門口即烤, 熱辣辣, 非常鬆脆可口, 蒜蓉味亦好香唔會好咸, 面包皮都會被烤到好脆, 感覺好新鮮香口。     由於我哋 4 個都好耐無食魚, 所以友人點咗個泰式鹽燒烏頭魚。條魚上面有一層鹽包住, 魚肚入面充滿住泰式香料, 令條魚有一陣香料嘅天然香味, 當掀開魚皮, 入面嘅魚肉有少少黃油而且肉厚, 新鮮雪白非常鮮甜肥美, 雖然俾一層鹽包住, 但唔會好咸, 好好味。              最後一款嘢食就係喱個小食併盤了。估唔到咁大碟, 而且有 6 款小食, 包括有炸蝦餅、 泰式雞臘腸、 炸魚餅、 炸泰式魚旦、 雜菜春卷同炸芋丸, 每款都有 5 - 6 件, 真係大堆頭呀! 當中最好味嘅就係炸魚餅, 除咗食到有啲鯪魚味之外, 仲有清幽嘅香茅味; 另外一樣覺得好味嘅係炸芋丸, 有住淡淡嘅芋頭味。值我一提嘅係全碟小食都係新鮮炸起, 熱辣辣, 仲可以配埋個甜酸醬, 食落更惹味。   最後, 梗係要講吓飲品啦。 我同 P san 點咗個珍多冰同一個泰式奶茶。 珍多冰椰奶味香濃, 甜度恰到好處, 而入面嘅三色珍多爽滑清甜, 若果店家可加入綠豆, 口感會更有層次; 而泰式奶茶方面, 茶味濃郁, 再加埋奶味香濃, 甜度亦適中, 令奶茶更醇厚可口。      店家喺門口特設一個烤爐用嚟燒串燒同埋烤蒜蓉包, 仲有專人顧住個爐, 真係好用心嘅一間小店呀! 而且店員同廚房都係由泰國人擔當同主理, 真係正宗而且有水準嘅泰國料理!…Read More

食正宗泰菜唔一定要去九龍城！極品泰國菜館喺大角咀算係比較靜嘅中匯街，細細間但煮啲嘢都幾有水準！ 😋 蝦球炒金邊粉 $78 PadThai呢啲度度都差唔多，我會覺得呢度嘅PadThai普普通通，好食但無乜特別。 😋 魷魚沙律 $78呢啲泰式沙律通常都幾辣，平時少啲會試魷魚沙律，通常都係食泰式鳳爪🤪 啲魷魚幾彈牙，食親泰式沙律都覺得啲餸識隱身，發現份量都幾多，食極都仲有😂 😋 串燒（牛 / 雞） $15 / $12 燒得啱啱好，鎖得住啲肉汁！牛肉少少少少韌，雞肉滿分，沙嗲汁甜甜哋，非常高水準！ 😋 椰汁冰 $28 / 泰式奶茶 $20 嘢飲方面都唔差！椰汁冰好重椰子味，不過泰式奶茶就無其他地方飲嘅咁甜。😋 芒果黑/白糯米飯 $58 飯後甜品必點！飯係熱嘅，芒果係凍凍地嘅，芒果都幾甜，加埋椰汁食都唔錯！不過真係幾滯，會飽到嫑嫑嘅😛 基本上呢度每枱客都會叫蒜蓉包，但小編開頭唔知佢咁出名所以無叫到，淨係偷影咗隔離枱嗰份，大家如果去嘅話可以試吓呀😝…Read More

💛💛今日父親節，好彩有打電話訂枱，如果唔係一定冇位！餐廳由泰國人家庭式打理，感覺好窩心，佢地好親切咁招呼客人，又好老實咁同人講話今日啲蟹太貴唔抵食。紅咖哩炒牛肉，份量十足嘅牛肉沾滿咖哩醬，配埋羅勒葉嘅香味，送飯唔錯，配埋呢到招牌嘅爐燒蒜蓉包最完美冬蔭功湯用火keep 住熱，味道比出面嘅冬蔭功來得溫和、甜，入面有好多雞髀菇、蝦、木耳，一家大細都可以飲。鹽焗烏頭魚，魚肉滑，魚肚塞滿香料所以冇泥味，點埋酸辣汁就perfect for summer 咁清新。要留意就係呢到小食拼盤喺極大碟，如果冇4個人或以上都唔好貿然嗌，如果唔係就預咗食兩三日🤣呢到交通的確唔係好方便，但大角咀深水埗南昌之友就值得嚟幫襯，懲罰下呢到良心小店💛…Read More

姨甥女將近生日，又有借口約家人出嚟聚餐了，二家姐提議來極品，一向喜歡食泰菜的我，當然贊成囉！我們叫了燒雞翼、烤蒜蓉包、沙嗲串燒雞、串燒牛(燒烤類，由太子爺負責出品，燒得剛剛好，肉類鎖汁之餘又不會嚡，必食之選)，鹽燒烏頭(熱辣辣上檯，魚肉配埋個汁食，唔錯)，泰式米紙卷(味道清新，但上載照片有限，稍後另po上來)，椒鹽魷魚酥(很惹味)，柚子沙律(少少辣，柚子與蝦好match)，雜菜春卷(呢款較為普通)，炸腐皮卷(圓碌碌，好脆口，配汁來吃，幾好味)，泰式芽菜炒咸魚(咸魚味不算突出，但、都好味的，照片稍後補上)，炸蝦餅(蝦餅的肉很彈牙，味道ok)，菠蘿炒飯(味道Ok,啱不吃辣的小朋友及老人家/照片後補上)。因有些食物叫一碟又唔夠分，叫兩碟又太多，細心的老闆娘幫我解決了叫某些食物的煩惱，我喜歡去小店就是這個原因，處理方面夠彈性，人情味較濃。 飯後，在店內食埋蛋糕，便嗱嗱聲走人，希望店內仍能翻檯，多做生意，好既店舖應多給與支持，她做得住，我們也多個開心食嘢既地方嘛！…Read More

✨大角咀小店🍍平民價泰菜😍✨—————————————————-💛#littlefatwest良心小店 💛#littlefatwest大角咀黃店 ..一定要繼續堅持食黃店💪🏼呢間隱世泰菜小店 係家庭式經營食物質素幾好又唔貴☺️小店有罷工 亦有叫人投票💛—————————————————-🌶冬陰公湯 $72 (8/10)用蝦頭加唔同既香料熬製而成湯底勁濃郁！酸酸辣辣好惹味有蝦肉同菇做配料 飲到冇停口😆.🥖蒜蓉包 $45 (9/10)點咖喱必叫😌烤到金黃色好脆 有蒜香.🍵青咖哩雞 $58 (7.5/10)都幾辣下😂雞肉好嫩滑.🍍菠蘿炒飯配雞肉 $65 (6/10)有啲失望😟飯炒得唔夠入味整體偏淡 配料比較少 肉鬆太碎冇口感.🥥椰汁冰 $28 好飲！椰香味濃☕️泰式奶茶 $20 比平時既thai tea冇咁甜 —————————————————- .📍極品泰國菜館 (大角咀)大角咀中匯街16號中美樓地下29號舖…Read More

無意中發現到呢間餐廳係黃店，平時成日行經都無發現，於是就試一下。因為武漢肺炎疫情肆虐，餐廳入面都幾靜下。門口有個超細米豬連認證食泰菜，當然要點冬蔭公湯，佢個湯又酸又辣，夠哂開胃，入面有好多粒菇，岩哂鐘意食菇既我個湯2個人share，每人飲到2-3碗，份量算多，不過加少少海鮮黎煲會仲正。個咖哩好細碗，味道同出面咖哩差唔多，牛腩煮到好淋，份量有d少，但有三色椒+薯仔，營養夠哂均衡。呢個蒜蓉包係必點，店員會將d包響出面烤，所以面包會見到有痕，烤到外脆內軟，而蒜蓉又好惹味，點埋咖哩食簡直係一流飛天通菜味道就冇咩特別。…Read More

真係搞唔掂呀，兩個人去食唔食得多，但因為次次食開戈啲都好食到要必食，係唔捨得尼到唔食戈啲，所以無機會試其他呀陰功首先，未食過咁好食嘅蒜蓉包!!! 真係呢，即燒，又脆，又唔會味太濃，啱啱好，味道適中！其次，佢個椰汁雞湯無得頂，雞肉又嫩又滑。仲有呀，如果佢即燒出尼戈啲雞翼或者肉串真係唔小心燒過左火佢會再燒過比你，好尊重客人!老闆娘都好親切成日推介甜品。座位尼講，都係小店尼嘅，所以位置唔到，20個位以內啦。唔算係好平，但係真心值得食。…Read More

其實大角咀都幾多泰國餐廳，今年有一間喺中匯街癮世小店。雖然競爭都幾大但係呢間泰式名廚人流都算幾多，夜晚食飯都通常都爆爆地。泰國人煮理，每道泰式小菜其實都做得唔錯。其中最突出、最好食、最有驚喜嘅就係佢地嘅蒜蓉包！佢係外面即刻同你燒，口感非常之鬆軟，外層非常脆，同埋好香蒜蓉味，同厚切既麵包係非常匹配！另外我地同時間都點左泰式冬陰公、泰式炒金邊粉(padthai)、燒鱸魚同埋每人一隻照燒雞翼，好味道。每人埋單都只係一百蚊左近。●綜合評分: 1. 湯底: - - - - -2.食材: ★★★☆☆ 3. 環境: ★★★★☆ 4. 價錢: ★★★★★…Read More

在Openrice找到，有一間全大角咀最有水準的泰國美食，今晚 慶祝生日🎂🍰🎂就去試下這間泰國菜， 開門入到去有個泰國女士招呼我哋，好有禮貌。。。 泰式拼盤🦑🍤🥟( 非常大碟)& 香辣 生菜包(牛肉) &泰式炒通菜( 未到啱啱好唔太辣又唔太鹹)& 黃咖哩牛肉好香 啲牛腩好淋( 啲咖哩完全冇味精)& 香脆蒜蓉包& 泰式蝦膏炒飯( 炒得好乾身好香)&( 青檸 沙冰🍹 & 青檸梳打🍸& 忌廉 一罐🥤) 因為舖頭冇啤酒買， 泰國老闆娘叫我自己可以帶啤酒來飲🍺🍻這間泰國舖頭，是兩個泰國夫婦開的，非常有禮貌好好招呼👍👍👍👍🎉🎉🎉🎉。。。今晚生日🎂🎂🎂飯食得好開心，下次一定要帶啲朋友再嚟幫襯😋👏👏👏( 食完回家真係唔覺得口渴完全冇味精)…Read More

平日飲開個啲東陰公湯，一系就太酸，一系就太辣，不過e間就味道岩岩好，仲加左奶，佢會用個煲，煲住比客人食，好細心。泰式牛肉炒芥蘭吾會好重味，味道岩岩好。蝦醬炒飯個份量好大，味道岩岩好，蝦醬吾會搶哂啲味，佢個個蛋炒到好鬆軟，好好食。因為平時香港人食開既口味好重，所以大多茶記會落好多味精，但系e間就會用天然香料吊味，所以我好鐘意。e間鋪全部員工都系泰國人黎，到最後有個員工仲請我地食甜品，應該系椰子整成既甜品黎，味道好香椰子味，但系又吾會太甜，口感似大菜膏。仲有樣野好值得講，佢啲碗洗得勁乾淨，完全摸吾到有油。…Read More

一行十人食飯，又想食泰菜，又想遷就住在大角咀的老人家，不想她行得太遠，上Open rice先做功課，比我搵到這間極品泰國菜館，先提前致電訂檯。今日來到這兒，看到店子細細的。我叫了燒雞全翼8隻(燒得皮脆肉嫩)，串燒雞、牛各5串(兩款都掌握得唔錯，不會嚡烚烚的，個沙嗲汁好好味)，椰菜苗(好嫩)，蒜茸包(超好味，多謝店主推介，冇介紹錯)，恐龍蛋(出面的是用蝦膠包著皮蛋，而這兒是用似魚餅的魚漿包著，味道都唔錯)，腐皮雞肉卷(酥脆好味)，炸蝦餅(正常、好味)，菠蘿海鮮炒飯(小朋友及老人家都喜歡，味道ok),香葉肉碎炒飯加煎蛋(夠辣好惹味)，肉碎生菜包(肉碎味道有少少辣，家人都喜歡，唯小孩不嗜辣，不合小孩食)，辣椒膏炒蜆(蜆都幾大隻，冇沙，辣椒膏惹味甜甜的，幾好食)，另叫了六杯飲品，兩客芒果糯米飯(飯又軟又熱，配芒果及椰漿，十分好食。/在九龍城吃到的，很多時飯不夠熱，硬堀堀的，這兒做得唔錯。)，埋單$1250幾，叫到成檯都係，平均每位都係125左右，店員仲主動送上綠色的甜品(食完都唔知是甚麼?有點班蘭味及有蘭香子的)。 整體上，食物、服務、價位都很滿意，一定會再帶朋友來。(後話: 店員問咗我兩次，食物啱唔啱食?我話啱，而且，食到很久以前在港食到的泰菜風味，店員說:我們只是一家人做的店，不落味精，怕客人唔啱食。/ 其實，唔落味道，咪仲好!這間用心的小店，真的令我另眼相看。)OpenRice出食評，有上載照片上限，所以，有些食品load唔到上嚟。…Read More

又一間隱閉既泰式小店，店內只有數十個位平時好少行過呢條街，就唔會發現到佢。小店係由泰國家庭開既，擺設簡單但充滿泰國風情，連落單既泰國姐姐都好風趣。Lunch選擇都唔少，仲包埋野飲，好抵揀左好耐大家都唔知叫咩，樣樣都想試下。香葉肉碎配飯，好貼心地有雞同牛揀，我揀左牛。牛肉碎充滿濃郁牛味，份量仲好多，真係一啖飯食多幾粒都夠哂。碟好有特別，更增添泰國feel雞扒泰式甜酸醬飯雞扒煎得好香，仲有好多件，除左泰式甜酸醬，仲有咖哩汁，青咖哩汁可以揀:)原本想飲凍咖啡，不過賣哂嚕，凍奶茶都唔錯。…Read More

呢間家庭式小店已經食過幾次㗎啦都係～今晚係因為老媽子話想食泰國菜所以再嚟食嘅！今次三個人黎食啦叫咗五樣嘢食，包括辣豆醬炒通菜、炒貴叼、紅咖喱雞、蒜蓉包、燒雞全翼辣豆醬炒通菜好惹味，好香，小小辣。如果就咁食冇叫到飯嘅話食落就會有啲鹹！🤭🤭🤭炒貴叼：係我鍾意嘅炒貴叼味道，酸酸甜甜好開胃！佢嘅面底係比較幼身，但幼身得黎彈牙的！好味道😋😋😋😋😋旁邊嘅花生碎好香，撈埋落個面一齊食會食到淡淡的花生🥜香味！紅咖喱雞：呢個係今餐最失望嘅一個菜，因為佢成個都好鹹！食第一啖已經覺得好鹹！我哋本身叫呢個咖喱🍛係用黎點蒜蓉包，但係佢太鹹啦！好失望😕😕😕😕😕😕😕😕😕明明我哋上次嚟食嘅時候都唔係咁既😕😕😕蒜蓉包：呢度嘅蒜蓉包係必叫嘅dish!平時係出面食個蒜蓉包通常都係用法包去做嘅，但係呢度嘅蒜蓉包呢...佢係用好似厚多士嘅包去做嘅。佢呢度嘅蒜蓉包出面烤到好香脆，但係個包入面都仲係保持住軟綿綿嘅！佢呢個包係全人手烤出嚟嘅，因為你會見到有工作人員喺門口用個燒烤爐將d包一舊一舊咁慢慢烤出嚟！所以想食呢個包都要用一啲耐性去等下㗎👍🏻👍🏻👍🏻😋😋😋😋😋另外一樣必點嘅菜式就係……燒雞全翼！ ！ ！呢個雞翼同上面個蒜蓉包一樣都係用燒烤爐燒出嚟嘅，呢個嘅等候時間會比個蒜蓉包更耐。但係好嘢通常都係要等㗎嘛係咪😘😘呢隻雞翼咬落去係爆汁架！ 好誇張😋😋😋😋😋 而且佢用左香料醃過，所以好香好好味！雞肉仲好滑添👍🏻👍🏻👍🏻👍🏻👍🏻今餐都食得算幾豐富，係唯一美中不足嘅就係個紅咖喱雞😕希望下次黎食嘅時候會有所改善啦😄😄😄…Read More

食過好多間泰國野 呢間真心唔錯 👍🏼👍🏼👍🏼價錢唔貴 出面食叫幾個餸都過五六百 呢到食 三百幾都好多餸 其中我個人覺得最好食系茄子煲😋😋😋同埋個蒜蓉牛油多士 老闆娘話系用泰國牛油食落真系好香 我每次去都會叫👍🏼👍🏼👍🏼亦都帶過朋友落去食 個個都話好食又唔貴 試過一星期有三日都去食🙈🙈🙈有時諗唔到食乜 可以叫老闆娘推介一下 佢地系真系泰國人開既餐館黎 小店系靠我地去支持 💪🏼💪🏼💪🏼去試下 真系唔差 😉…Read More