極上千島櫻海景放題 (Closed)

平安夜諗住食好西，見到呢間放題係新開，諗住試一試，但結果就一肚氣。我們被安排坐戶外位置，有海景睇都唔錯。叫食物方面要用電話登入網站落單，但係網站反應遲鈍，落左單永遠無左影，最後要叫職員出手寫單，結果成個放題係食不飽，最後要起M記解決…Read More

當日平安夜諗住食新餐廳，點知去到係食風等左半個鐘連野食都黎唔到！而且仲要壞機，由手機落單變左人手落單，仲要留單好嚴重！啲野食唔系特別好味，而且雖然話應該有海景睇，但完全系無既！…Read More

位於荃灣海之戀呢間日式任食放題，一直聽聞性價比高。今晚唔知食咩好，和朋友走入嚟試試，有驚喜。自助落單系統，分類清楚又環保。一個價錢， 任食120 分鐘，上菜速度，食物質素都值回票價而自助區都有湯品和甜品各一款可自取，還有小小糕點和大量飲料選擇。刺身類好多選擇，連長脚蟹， 鮑魚，螺片， 赤蝦 都有，仲要係好新鮮，不過今晚海膽沒提供，有點失望。炸物類首選雞翼，超讚，個皮炸得超脆乾身，唔油， 我係追加再追加，停唔到口。炸蠔 脹卜卜，食落都乾淨和爽身。燒物也有高成本的銀雪魚， 油脂高，美味燒帶子香口，細細隻，但個醬汁濃爆高成本Movenpick雪糕，一人一盒，滿足的一餐。…Read More

海之戀最近有好多新派食肆， 呢間日式放題都相當吸引，好多款式選擇，餐廳裝修充滿日式嘅感覺 日式放題有好多唔同嘅set可以揀，亦都有任飲嘅選擇， 你限時係120分鐘 經典千set ~ 壽司、刺身、卷物、燒物、炸物、軍艦同手卷精選島set ~ 多咗一品料理同其他炸物燒物豪華櫻set ~ 呢個全部都可以揀仲有任飲 sake 清酒 每個色都可以出去自助選擇唔同嘅汽水同飲品，仲有湯同甜品， 而 Movenpick 嘅雪糕就每人一盒呢度環境唔錯，仲可以睇到海景view…Read More

這間極上千島櫻海景放題位於荃灣海之戀商場3樓店舖，係一間日式放题，店面環境都算幾大🤔，坐著寬鬆舒適😙好有日式格局，同時望到大海景同埋汀九大橋😮我覺得都好吸引😍，日落一邊食嘢一邊觀景真係好正👍!.佢嘅坐位分別有🤔：日式榻榻米坐房位海景景觀卡位中廳普通枱位.分別都有自助區：有炸物、熱食、甜品、湯、飲品、清酒、梅酒.同時都有3款同價錢放題選擇：經典千精選島豪華櫻.豪華櫻放題 $348.刺身呢款剌身有：三文魚 、希靈魚、 油甘魚 、北寄貝 、象拔蚌、 貝柱 、八爪魚、 北海道帶子 、松葉蟹腳 、原隻醉鮑魚，每一款賣相色澤都好新鮮😙口感嫩滑味道完全冇腥味，尤其是我鍾意食嘅原隻醉鮑魚望著都幾好🤔，食到入口口感爽口又彈牙都好烟韌😋，味道散發帶有酒香味😙，松葉蟹腳味道鮮味帶點咸鮮味😋，肉質都好鮮甜口感都好美味!.壽司極上櫻花船 花之戀呢一款櫻花船賣相望著都幾特別🤔，係用咗腐皮造成一隻小船仔盛載食物，真係睇得又食得😍😋，花之戀色澤肉質味道鮮甜😙，食到入口粒粒脆卜卜帶啖啖肉!.香燒三文魚鮫三文魚攪望著都幾好🤔，散發燒香味😙，三文魚肉質嫩滑咸香，尤其是佢嘅魚攪位肉質勁滑口😋，完全冇腥嘅味道，我覺得都幾好食!.清酒煮蜆呢一款清酒煮蜆細細隻蜆酒香味道都幾好😙，食到入口帶點酒味，蜆肉肉質口感嫰滑😋，味道都幾好🤔 !.椒鹽雞軟骨呢款雞軟骨金黄細細粒口感烟韌😋，入口好脆口椒鹽味道都好香口😙，用嚟嘆吓酒都唔錯!.鹽燒海蝦呢一款鹽燒海蝦散發燒香味😙，色香味都睇得吓🤔，食入口味道十分之惹味😋，而味道夠哂香而脆口，蝦肉肉質都好爽口味道都好鮮味!.…Read More