Maple Japanese Restaurant (Changed Hand)

本身自己住土瓜灣，但平時都不太多留在這區食晚飯， 因這附近除了餐廳和火鍋多之外，好像沒太多其他選擇，但原來在落山道近圖書館那邊，有間叫【楓◈新日本料理】的食府，門口雖不算太大，但很鮮明店舖內的裝修很樸素，很有日本料理的風格， 地方清雅，正合三五知己在這裏也有很多客人寄存的日本酒今日店舖老闆，介紹了我和朋友食一個毛蟹餐一隻活生生的毛蟹，可供二人享用，毛蟹從日本直接到貨，非常新鮮師父的手工很清脆利落，十分鐘便將毛蟹拆開並排得井井有條老闆還細心解釋，教我們從蟹爪開始，從外到內吃，最後才食毛蟹的身我們照老闆的建議一步一步食，每一位置的肉質細嫩，味道從淡至濃還有這個海帶湯底加入蟹膏一起煮，更帶出鮮味灼熟了的毛蟹，每一個位置不論是蟹抓.蟹鉗.都是啖啖肉這個肥美的和牛，雪花的脂肪紋分佈得很均勻，只要在湯底稍稍拖水十秒左右，便可享用這細嫩的和牛這個毛蟹套餐當然除主角毛蟹@和牛外還有這個用這個海葡萄沙律作為前菜，小小麻醬更能带出海葡萄的清新味道老闆還介紹我們下次可試這神戶牛牛和松葉蟹 一睇這件和牛便知是一級產品，脂肪紋清楚-色澤分明- 分佈均勻-這隻松葉蟹很生猛，在枱上四處爬，腳爪實泵泵，肯定好好味估不到在土瓜灣這樣舊區，會找到一間出色的日本飯店，高手隱世在其中…Read More

在土瓜灣長大, 原對大小店鋪橫街窄巷都暸如指掌, 但地鐵入區, 街道都日夜改造, 太多店鋪開業又關門, 走過大街小巷, 現在也覺得陌生; 最近走過近樂民村一端的落山道, 發現除了新樓盤, 也太多新舖舊店的起落; 走到落山道口, 在一重重修路牌與地盤圍板之間, 發現了一間日本食店門口因在地鐵正裝修的出口旁邊, 被附近的地盤圍板稍稍遮蔽, 見餐牌以日本新鮮運到為主打, 二話不說入座, 說到底, 土瓜灣雖然是舊區, 仍然有很多高手隱世在此. 坐下店長向我們介紹今日的新鮮到貨食材 - 北海道毛蟹及鹿兒島和牛肩胛肉,  既然新鮮到港, 沒理由不試試主角未到, 先送上沖繩海葡萄沙律 - 老闆很重手, 給的海葡萄份量超多, 而且很 fresh, 記得在沖繩試過在街頭買回酒店吃, 也沒有今天吃的這份那樣新鮮; 沙律還有黒芝麻豆腐及澳洲有機沙律菜, 豆腐咬下來像布甸口感, 非常好味今天由老闆發板, 將北海道毛蟹及和牛肩胛肉做鍋, 店長先給我們看看新鮮的毛蟹, 眼睛還在閃閃, 不好意思呢一會兒要把你吃下肚裡; 老闆在拆毛蟹的同時, 和牛肩胛肉及蔬菜盤先上枱; 看見和牛肉鮮嫩, 未食已先吞口水;  店長說因為他們有熟人幫忙, 才可找到鹿兒島的和牛, 另外還有另一鎮店之寶 - 神戶牛牛柳, 店長拿出來給我們看看, 脂肪紋理清晰, 分佈極均勻, 這裡一件已要二千多元了, 還不一定有貨,  因為自311地震後, 沒有太多貨源外送, 香港只幾間大餐廳及六星酒店才找到貨源; 聽著店長這樣說, 心裡已經口水長流了.火鍋以日本昆布做底, 當送上已拆件的毛蟹時, 先將蟹膏放進煮沸, 讓昆布湯聞起來充滿蟹膏香味;  待味道混和就先由蟹身, 大小蟹腳及鉗遂步的吃, 蟹肉味道鮮甜, 拆出來絲絲咬在口非常滋味; 由較大肉身好好咬口的蟹鉗再吃至較幼身的鮮味蟹腳, 鮮甜得連手指也想吃掉 即日來貨的果然鮮味十足, 一邊吃一邊跟店長閒聊, 聽得出他與老闆對食材都很有要求, 每件食材的來源地, 時令, 運送過程, 甚至餵飼的食物都暸如指掌, 來確保食材的質素, 背後有人花了這樣子的功夫, 今晚吃得到這種級數的食物, 這一頓實在驚喜整隻蟹勺過湯後, 湯底變得更香甜, 這個時間就放入和牛輕勺一下,  和牛嫩滑鮮活, 加上蟹膏的香濃及蟹肉的鮮甜, 實在不得了, 放入口沒有立即吞下, 感受一下牛肉在舌上的半融化口感,  滿足到不得了; 最後再放入蔬菜藍裡的日本葛絲, 嗚門卷, 手打烏冬, 鮮冬菇, 娃娃菜, 豆腐, 靈芝菇, 因為食材都是即日到貨的, 鮮甜食物混和在一起, 令人難以停手, 已經飽到不得了, 還是一氣呵成的吃盡所有…Read More

同朋友慶祝生日，朋友介紹呢間餐廳，所以就定位嚟試吓:)之前聽過呢間餐廳都係用日本新鮮空運嘅材料，所有材料都好新鮮嘅，所以價錢都比較貴湯底係用昆布湯淆制而成，一開始店員會將呢隻蟹分成唔同嘅部分，之後會show比我哋睇，一睇到隻蟹就知真係好足料足斤！蟹膏份量好多，濃郁嘅係蟹膏真係好滿足！蟹肉每個部份都好肉厚而且好鮮甜！真係大滿足！再食埋其他餸其實都已經好飽！…Read More

吾知幾時開始，土瓜灣越來越多野食。有質素既日本野、cafe越開越多，而且土瓜灣又比較人小，實在系我去hea既好地區。咁啱前幾日系土瓜灣9 fing個陣經過呢間日本野，門口已經有個陣日本野既食物香，咁就即管試下啦。鋪頭吾算大，一入門就系sitting area，最前就系bar枱。一睇meun，我實在系後悔得1個人來食。蟹、和牛、玉子、油甘魚、燒芝士年糕乜鬼都想叫。後來終於決定好先試下刺身、玉子同油甘魚先。基本上呢個刺身拼系拼曬我最喜歡既刺身。由其個生蠔同吞拿魚，前者鮮甜，後者口感豐富、生鮮魚香。玉子卷呢，就真系令我飽左。d蛋好鬆軟，所以就吾覺吾覺食曬...老實說條魚嚇曬我...哈哈。不過條魚好香，我吾會因為咁浪費您的！先試一口未加檸檬汁已經好好食，啱啱好既油香魚肉。再加小小檸檬汁就更加鮮味。終於食飽飽，呢個價錢有呢個質素真系好正，下次一定要試和牛！…Read More

光顧了幾次，跟老闆熟了，只要有好吃的東西，他都會app跟我說。他知道我喜歡吃爽口鮮味的東西，他前幾天特別app我，讓我來吃餐廳新品種響螺刺身，螺肉爽口且螺味很濃。 他還給我準備了大拖羅軍艦，入口即溶，滿口拖羅香味，值得一試。另外，我還點了好幾款刺身包括象拔蚌、油甘魚等和海鮮烏冬鍋…Read More

10月尾嘅事，今日見到d相黎寫下。朋友生日飯，book枱果陣講低左想食乜。唔係第一次黎，指定動作啦。我朋友係龍蝦控，食完刺身用個龍骨煮左烏冬。老闆劏蝦之前話要趁佢在生出黎同我地打個招呼，我地拒絕左.... 刺身好彈牙食到我朋友。之後個野菜烏冬好多菜，好鍾意，調味清淡。另外有海膽，非常raw冇用水洗過，食到d海水味，佢地得半打存貨俾我地食晒。其他掛住食冇影到，西京燒銀鱈魚都係必食。好似仲有個日本雞翼，我太飽冇試，朋友話全香港食過最好味雞翼。果日啱好冇乜人，我地食到7788老問過黎同我地吹水。吹吹下講起佢隻狗啱啱過左身佢好傷心，忍唔住喊左出黎。可能見我地有d嚇親左，佢過返去水吧果邊喊到停唔到，好慘。之前都有黎過，行私房菜路線，但其實d家常菜價錢又唔算貴。除左要至少提早兩日book位講低食乜麻煩d，其他冇野可以挑剔。…Read More

上星期約左幾個難得一見的舊同學食飯，有人提議試哩間，見到d食評話唔錯，咁就入左去試了~~~~一入到去，環境唔錯，麻雀雖小五臟俱全，適合三兩知己食下飯、傾下計~~~每次食日本野，一嚟就梗係食左個刺身先啦~估唔到人生第一次踏入土瓜灣，就食到咁正的刺身，不但有劍魚背、甘魚、吞拿魚、希靈魚、八爪魚、三文魚，仲有法國藍龍蝦!!!! 救命呀!!! 龍蝦呀!!!! 超新鮮超好味!! 除左味覺享受，但要有埋視覺享受，個龍蝦頭，仲識郁呀!!!!!跟住，另一個正野就係鍋燒藍龍蝦野菜稻庭烏冬，無錯! 又係龍蝦，不但止有龍蝦肉，仲要連個湯都有好濃郁的龍蝦味! 除左龍蝦，我地都有食到d平民野 日本芝麻雞翼 和 玉子卷，原來哩間餐廳，不但止係特別野好食，就連平民普通野都好食!!!個玉子卷雖然唔難整，個要好食到要回味的程度，就唔係間間都做到，但哩間，第一次試的餐廳，就做到喇!!!! 好味!!!! 回味!!!!!!最後，其實大家都已經飽飽地，但都再叫多個甜品嚟食~~~日本芝士年糕，老闆教我地個年糕要在中間切開，再用中間個芯(芝士饀)點沙糖，四個字「一試難忘」! 少少甜少少咸，又唔膩，飽飽地都仲可以每人食2粒!!!!正!!!!!…Read More

今次介紹下呢間土瓜灣日本小店，每次經過門前都唔敢入去食，感覺個裝修好密封，所以一次都未入過今次膽粗粗黎到呢度試下。我點左個豚肉飯，但就等好耐，我成30mins先上台。店員解釋全部都係即點即煮，所以就耐少少。而個飯就味道香濃，推介！…Read More

難得約到幾個舊同學過土瓜灣食飯，黎到依間隱世日本餐廳。估唔到係香港都搵得到咁新鮮概刺身食，叫左個刺身拼盤，有法國藍龍蝦刺身、劍魚背、油甘魚、鮮吞拿赤身、希靈魚籽、八爪魚、愛爾蘭三文魚。 個龍蝦真係好好味，重點推介。食完刺身，點左網燒日本芝麻雞翼，傳統玉子卷，再加埋鍋燒藍龍蝦野菜稻庭烏冬，又係有龍蝦做底，好鮮甜。最後緊係要食番個甜品LA, 老闆推介我地食燒日本芝土年糕。個皮又脆又香，加埋個溶概芝心真係一流。…Read More

和老朋友聚舊，老友提議食日本🇯🇵料理。見到呢間大部分食評都唔錯，就揸車去試一試！呢道感覺係自家小店，無左大集團壽司店果種死板，反而係食得幾自在。一座低就睇中刺身盛合 。原因見到個組合實在太吸引，無記錯應該有法國藍龍蝦刺身、象拔蚌刺身、日本鮮拖羅、北海道帆立貝、日本劍魚背、日本油甘魚、日本希靈魚籽、日本八爪魚。當然唔少得三文魚，三文魚食落同平日集團式壽司或放題好唔同！應該係貴價貨。食都食得安心d。由於同行友人中有人係魚痴，加上老闆極力推薦，我地叫左個鹽燒海爐魚。好有鮮味喎！幾正。另外試左個釀冬菇，送酒唔錯。最後食多個藍龍蝦野菜稻庭烏冬，湯底好鮮甜。總括黎講，餐廳質素幾高，同朋友傾計坐得幾舒服。下次可以再encore !…Read More

去完沖繩返黎，仲好想食日本野rrr 加上又到自己生日，朋友仔就梗係帶我去食日本菜，一解思"日"情愁laaa首先黎個 「海葡萄野菜沙律」，大家知我心也，好似返番去沖繩一樣，海葡萄同冲繩食個d無分別，爽口彈牙，呢個開胃菜！日本菜又點少得大大件壽司，所以點左份「天蝦卷」，朋友仔吾鍾意食沙律醬，餐廳又肯幫我地另上沙律醬，細心服務！再讚！(其實無醬，也好好味，可以品嚐到食材原味都吾錯！)之後大家見到日本餐廳竟然有西班牙野食，勁啊！ 所以試埋個「西班牙燒雞」，開頭仲擔心會"乾爭爭"，點知一口咬落去，又吾錯喎，吾Dry又吾太油，剛剛好！再再讚！最後仲點了「燒日本芝士年糕」代替生日蛋糕，祝我工作步步糕升！又真係幾好味！幾獨特！又香又滑又鬆軟！簡直打破年糕只有鹹同一pat野ge舊有印象！再再再讚！（老闆溫馨提示：剪開年糕加糖食先可以更加出到內在的牛奶芝士味！)呢餐生日飯，大滿足！讚讚讚讚讚讚讚讚讚！…Read More

呢間小店係朋友介紹 ，睇得出老闆對食材都有一份執著同熱誠，所以獻出我第一次食評，希望俾老闆一個鼓勵。因為當日係同老公5 週年紀念，當然要食豪d!☺️ 首先我地擇左一個刺身盛合🤤入面大概有法國藍龍蝦刺身、日本鮮拖羅、北海道帆立貝、日本劍魚背、日本油甘魚、日本希靈魚籽、日本八爪魚發現左刺身味道同一般日本餐廳好唔同，好有鮮味。老闆後黎走過黎介紹反原來龍蝦係自家養，而其他刺身都係用左空運ga 食材。之後就叫左個沖繩海萄葡沙律味道都幾清新，海萄葡比我係沖繩食ga 味道配合得更好。另外老公好欣賞鹽燒法國海爐魚我個人平時唔太食魚，不過呢條魚配合埋個醬都幾好食，我唔覺唔覺都食左半條。最後叫左個藍龍蝦野菜稻庭烏冬一晚食到2 次龍蝦感覺好爽真係飽到捧住個肚走。見到隔離枱食芝士年糕，好似好好味咁不過由於太飽關係就無試啦。所以我地決定再接再厲，約定老闆下個月再過黎試其他出品…Read More

難得成班朋友岀去食飯 點都要搵間坐得舒服嘅餐廳去傾下偈！本身諗住喺紅磡食 點知掛住傾偈就行左去土瓜灣 🙈 因爲太餓 我地就是但搵間日本餐廳食 入到去個裝修有d似屋企/cafe (如果唔係有咁多枱) 個大魚缸好吸精 👀😍 有我最愛嘅小丑魚 我地成班人淨係掛住望住個魚缸同傾偈都唔記得叫野食 好彩老闆冇鬧我地🤢對於一班有選擇困難症嘅人泥講 要擇野食真係一件好難嘅事 究其係人多嘅時候 總有人話呢樣唔食嗰樣唔食🙄 老闆突然走過泥 (我地以為佢催我地落單，即刻靜曬) 問我地想食咩 我當時太肚餓忍唔住講左句 呢班人諗成世都未決定到 我就快餓死！ 正常嘅老闆應該會反一反白眼 叫我地諗好再叫佢 呢個老闆究然問我地budget係幾多 佢可以幫我地揀，刺身可以跟人頭計 幾多個人食 嗰款就俾幾多塊，仲一樣一樣講岀泥俾我地舉手揀食邊d 🦀🐙🦐🐠🐟🐡呢到嘅刺身同岀面好唔同，鮮甜得泥又冇魚鯹味。我最中意三文魚同龍蝦刺身！呢到嘅三文魚同岀面嘅好唔同，好似係話唔知邊個國家有機飼養咁上下。個龍蝦頭放低嘅時候仲識郁 嚇到我唔小心叫左岀泥呢隻龍蝦係2食，食完刺身老闆就會拎去煮烏冬。個湯超好飲！好有蝦膏味，我地最後飲曬d湯食唔曬d烏冬 😫其實仲有玉子同燒雞翼... 不過大家太肚餓未影到相已經食曬食完野當然到甜品，呢個年糕真係不得了！老闆叫我地先切開1半再點糖食，本身仲諗緊會唔會好奇怪，點知點完糖之後個年糕好香牛奶同芝士味！明明已經好飽都仲要食完1碟加多1碟先肯走…Read More

很欠沒有經過土瓜灣，既然係一人前，必須要食好D。呢間小店，日本菜做得好，魚生一向夠新鮮。水準一向上盛，呢個魚生飯，第二道食可以好貴，呢到價格大眾化。從來冇令我失望. 個胃好滿足🤝🤝…Read More

刺身，介紹時我第一次聽話日本仔其實鍾意食赤身多過toro，然後其中一款係一半toro一半赤身。貝類就麻麻地新鮮。m5和牛，又鞋又咸，一係溶雪唔夠，一係塊扒就唔係m5，完全唔得，雖然煮得medium rare，浪費了技術燒油甘魚頭，無油甘魚香，應該用左章雄魚，一款貼油甘魚近親既魚。其餘就不過不失，海鮮烏冬中的三文魚幾嫩，但蝦竟然無挑腸；吉列黑毛豬不錯；吉列蝦幾大隻仲有個海葡萄沙律，家人說不錯5個人食左二千四，唔值，最多值一千…Read More