楊記麻辣魚館

Open Now

Now Closed

約咗一班志同道合嘅朋友食麻辣咁當然要上網做下功課啦！搵間信得過既食❤️8點準時到達👍🏻一行8人！一早打咗電話來訂枱佢安排左我哋上2樓一張大枱比我地！食辣野最緊要冷氣充足好快咁點左好多樣餸！水煮魚係必食嘅入面勁多配料全部都好入味條魚本身好滑唔算好多骨我哋叫咗大🌶真係食得好爽😍蒜泥白肉都好好食食完個口真係好臭😂正呀人多食🌶真係好！可以食到好多款式佢哋個尖椒皮蛋都好特別唔係平時食黑色嘅皮蛋！係用左黃心果款👍🏻8個人埋單先係$1500有找！真係又好食又抵食

一向都好鍾意食四川辣野嘅我終於比我係屋企附近搵到一間幾正宗嘅四川菜啦，呢間麻辣魚館最出名就係佢嘅水煮魚，而且仲可以揀辣度，我通常都揀小辣，但都已經好惹味啦哈哈。水煮魚用嘅係生魚片，而且係重點係冇，骨，架！ ！！啱晒我呢啲咁懶嘅人哈哈。i多碗白飯，一啖魚肉一啖白飯好正啊。唔好睇個煲咁多辣椒，其實唔算好辣，已經調校到適合香港人嘅口味，而且保留四川風味。講返份量先，呢個魚煲嘅份量已經足夠二人食用，而且下面有少量芽菜同薯粉。

舖面唔係好大但都夠放左兩邊大圓枱，坐得都舒服翻枱速度以週末泥講都可以接受出面有幾枱人等都三四個字就入得兩個人都肯俾個四人枱，又無吹啲客走服務係唔錯既食麻辣野一定係講風味香港好多地方食川菜，但都係改良過死辣為主，或者係無乜辣味依間睇啲服務員姐姐就知佢地煮得會貼近家鄉菜多啲叫左個饞嘴雞 (9/10)睇個樣以為同手撕雞差唔多食落去真係好大驚喜唔係辣呀，係麻到無朋友！！無骨，啖啖肉一試難忘，食到停唔到口用泥送酒真係一流仲叫左宮保雞丁 (8/10)真係好有鑊氣一上台就聞到好香又夠乾身，啲雞丁一粒粒好滑配料腰果雲耳粒粒都包住汁，有功夫但真心係辣既，唔可以睇少！另外有炒椰菜 (6/10)真係辣到無晒味依個一般般叫另一個上湯娃娃菜可能好啲叫左啲白飯呀，青島呀坐耐啲都無問題有電視冷氣真係幾舒服之後我發現外賣同堂食真係有分別！個饞嘴雞我第二次去叫外賣拎走竟然唔係第一次食咁麻辣下次要提醒佢加麻啲先得！

其實自己唔係好食得辣，腸胃又敏感，聽到水煮魚，諗起d紅油就驚！上個月第一次跟朋友嚟，有d唔情願下試食個水煮魚，因為店員話佢哋用生魚，冇乜紅油，先敢試！結果食過翻尋味，因為佢哋就算中辣都唔點樣辣，用咗某d藥材，好香炭烤味，生魚肉好彈牙好鮮甜，連食魚好揀擇嘅我都好like！今次再嚟，試咗刁咀雞，又係一食愛上必吃之一，麻而不辣！叫埋個大大碗嘅白飯，兩個人埋單200鬆d，好合理！小店招呼幾nice，又有heart，壺麥茶好好飲，關心夜晚大家飲咗唔會訓唔著。我有少少鍾意咗佢，依家係我心中嘅元朗No. 1!

今晚又去試新野，就係食麻辣水煮魚啦⋯⋯行過兩間麻辣鋪的門口看過餐牌，依間水煮魚吸引些，所以入去試下⋯⋯不用等就上了樓上個層坐下了，店員先送上一熱茶，幾香喎⋯⋯因掛著食忘記了問是什麼茶依個相當好味魚爽口彈牙帶小小辣。再試辣子雞雞肉炒得過了火，而且可以再辣一點⋯⋯有進步空間～最后係小食涼粉同皮蛋，兩個都的醬汁都好香口涼粉係咁熱的天氣食真係好消暑，而皮蛋好多人都識自己做到，但配皮蛋的醬汁依個我覺得幾好味的整體服務，環境，衛生同食物都好好。會再試

第二次來食了😋，很喜歡食辣👍🏻，朋友介紹之下知道這一家麻辣，所以便來試一下⋯果然沒有失望！😍主打麻辣水煮魚⋯必食👍🏻！價錢公道💰，可選大，中，小辣⋯環境就一般🙊，人多的時間比較嘈吵🙉⋯但我們不理，照吹水😂炒四季豆，很香口，好多乾辣椒，加埋肉碎一起🤤配啤酒一流，我們2位女士，叫了 三款食物，兩支啤酒🍻食足3小時😅⋯⋯但啲姐姐都好好，沒有趕我們，可能因為平日，所以不會太多人現場見有很多人叫外賣

收工約左朋友去元朗食晚飯，我地大家都突然好想食辣野刺激下食欲，友人諗起之前有人同佢講過元朗元通楼嗰度有間食麻辣野好正好地道，於是我地一行四人决定去試下！行到呢間叫楊記麻辣魚館的門口，已經聞到陣陣麻辣香味，我地立即坐低望下個餐牌，樣樣都好吸引好想食水煮生魚片是楊記的生招牌……真是非常好味，魚片食落好滑好新鮮，麻麻辣辣咸咸地超惹味，送飯一流！、辣椒炒土豆絲亦都唔錯，咸咸辣辣好香薯仔味梅菜扣肉亦味道一流，梅菜甜甜地，扣肉食落入口即溶，肉質鮮嫩冇比，好味到食唔停口！韭菜炒木耳亦都好好味，韭菜新鮮嫩口，食落完全冇渣，木耳爽口，唔錯！

兩枱兩個係度等位，執緊張六至八人枱可以兩枱二人搭枱，問佢兩位等幾耐叫我企係度等一陣。點知執完枱就比已經食左大半既四人轉過去，結果本身可以入兩枱，變成有枱唔知等到幾時。問佢點解咁安排，仲怪我唔出聲，佢睇唔到，我唔拎飛。。佢唔比飛，唔通我應該搶？佢叫我，唔通我應該唔等，應該踢走一人坐兩凳既四人先岩？？

見朋友一星期食2轉。。。放工走去試下 叫咗一個水煮魚、酸菜肥腸、川北涼粉。川北涼粉同平時食開既差不多 都ok酸菜肥腸用黎撈飯一流 格外開胃最令人欣賞既係個水煮魚！！！有別於出面一般既煮法！呢度個水煮魚係湯底 唔油之餘亦都唔係一味得個辣字！魚係生斑魚片，切得好薄 無骨！對於我唔識食魚骨既人簡直一流！連我身邊果個唔多食川菜既人都讚不絕口🎉但建議如果叫水煮魚的話 可以叫加辣 連我老公唔太食辣都話可以加辣P.S.我自己食譚仔叫小辣的2個人食$2xx左右。十分抵食！

2公婆踩單車去到元朗想食雞煲同飯但又唔想食火鍋，但選擇唔多，行到見到這間川菜又有雞煲正合心意所以入內。入座後本身餐牌沒有雞煲，但門口有圖，一問服務員才取一個雞煲火鍋的餐牌來，細看後點了半隻雞煲、油麥菜同2個白飯。等了一陣服務員話廚房唔煮半隻要我們兩口子食一隻雞。如果唔煮就唔好列係餐牌啦！我與服務員講2個人點食成隻雞呀！佢才懶得理你咁嘅態度，咁我地雖然已開哂茶但最後只好唔食離開。這給我們感覺是你兩個人叫咁少食物又唔多錢就係唔係度食都冇所謂。又比其他客人做生意好過。四處餐廳選擇好多我都不用選擇你。

2017一月一日第一激!17-1月1開年，謝恩，謝居宴人生宴，甜酸苦辣孖寶萬歲宴。味道ok,價錢公道。之前烤魚店經常去，轉手後抱住嘗試心情點知又幾.魚近乎無骨，魚片夠爽第三次去，出咗雞煲，孖寶覺得麻麻夾個人口味，反影咗小小意見，😁老闆好肯接受。今次去再試，又係好咗喎。不過試還試，都係要自己比錢~~囉