椰籽 (Closed)

每次經過九龍城都一定忍唔住買返一杯招牌椰子特飲，佢地嘅椰汁個味道同質感都好特別，暫時係其他地方搵唔到。後尾先知原來佢地有團購，就叫返屋企慢慢嘆。叫左3碗，椰汁桃膠西米露，凍$34桃膠份量ok，椰汁好香，食食下好快就食完。椰汁榴槤西米露，凍$46超多榴槤，一打開榴槤味超濃，配埋椰汁食超滿足。開心果椰椰雲頂，凍$43好有心，個開心果奶蓋係分開上，送到先自己倒返落去，唔洗未送已經mix埋哂。開心果味好濃，加埋椰青水，好清甜好夾，好好飲。…Read More

因為懶，我好少寫review, 但係買兩杯，兩杯都同OpenRice多笑無喊嘅評分大相逕庭，覺得要如實貢獻吓我嘅飲後感。去九龍城經過梛籽好多次都冇幫襯，昨天想飲嘢時一睇佢哋社交媒體網站7月結業，見佢哋好似幾有心思同幾有自己特色，所以支持吓，殊不知⋯⋯開心果椰椰雲頂 走冰 $43都俾咗少量冰，個開心果雲頂非常麻麻，味道同質素類似大眾連鎖快餐店出品咁上下，同「茶痴」濃郁厚實個開心果奶蓋無得比。好嘅係有開心果碎喺面，下面的椰青水幾ok。烤椰糖珍珠奶茉 走冰 $37呢杯真係唔掂，椰糖味係有啲嘅，整杯非常稀，像飲奶水；珍珠係較低檔珍珠嘅質地同味道，不禁令我諗起塑化劑、車輪胎。超愛珍珠嘅我夾硬食只食得落口一半，連埋大半杯奶苿一齊放棄咗。兩杯加埋$80，是中高質台式飲品店價位，但收到係較低檔次舖仔貨色，名過其實，想支持他們的客人們唔想嘥quota買一杯試試就很夠了。…Read More

❤️開心果迷有福喇😍最近去九龍城經過見到附近有杯好正嘅期間限定野飲呀⏳真係唔錯呢👍好消暑💯🥥開心果椰椰雲頂：呢杯超有驚喜呀😍上面係鋪滿住開心果嘅奶蓋😋開心果味道濃郁✅估唔到加埋下面椰青水嘅味道係咁正架👅入口好清爽又唔會好甜👍炎炎夏日飲番杯真係透心涼呀🥳🧋越式椰子咖啡：最近都好興呢款咖啡☕️呢杯嘅味道係偏向重奶味❤️係我喜歡嘅口味😋入口仲有淡淡嘅咖啡香味✅咖啡同椰子味道仲好夾添👅…Read More

今日收工嘅時候同男朋友講起想食宵夜，我哋就揸車過咗去九龍城諗住買泰國嘢啦，買完之後就發覺自己嗰一刻好肚餓，所以諗住買個雞蛋仔邊揸車邊食，喺等緊嘅期間我哋就見到對面有一間買椰子嘅產品，雖然自己仲咳緊，但係佢嘅甜品賣相實在太吸引我買左佢，除咗佢地既甜品，$5好吸引之外，佢哋嘅裝修都好有心思，佢哋估計應該佢哋自己設計嘅一隻貓貓，有好多好多唔同嘅繪馬架，同埋一啲周邊嘅東西，可能我特別喜愛貓既公仔，所以令到我特別留意🤣🤣🤣 店主好細心咁樣知道我哋要揸車返屋企，所以幫我哋包住，等我哋安全咁帶佢返屋企😇😇 小店加油👏 創業難守業更難💪🏻💪🏻💪🏻…Read More

近排少去九龍城，放假咁啱係附近，特登前來「椰籽」飲返杯清甜椰青水，原來有好多口味配搭，好好飲好欣賞👍🏻🥥斑斕椰椰雲頂店員介紹期間限定嘅雲頂系列，我要咗斑斕味，鐘意斑斕有獨特清香，呢杯飲品超正，有厚身斑斕奶蓋，下面係清甜椰青水，配合埋軟滑斑斕凍，口感層次好豐富，成杯都唔甜，全是斑斕同椰青水嘅清甜味，好鐘意💚🥥椰子Oreo特飲先生鐘意Oreo，估唔到配椰子椰青水都一樣夾，材料十足，除咗有濃厚Oreo味道，仲飲到椰青水嘅清淡清甜味，飲落都冇咁heavy🍪🚩椰籽 (九龍城)📍九龍城衙前圍道21號地下A3號舖…Read More