Chiu Dim (Closed)

兩個人食人均$100跟埋嘢飲，仲另外叫咗一個菜，以小店嚟講夜晚人流唔多，但係食物質素卻冇減退，叫咗個酸菜魚跟飯，另外仲可以跟兩款配菜，如果配菜另加款式再加$10就可以有多一款，份量嚟講都幾飽，整體嚟講好好食…Read More

今日去咗一間麻辣菜館試咗佢哋嘅麻辣肥牛，真係要推介俾大家！呢度嘅麻辣菜真係辣得過癮，每一口都充滿麻辣嘅風味，絕對值得一試。麻辣肥牛真係一流，肥牛嫩滑，煮得剛剛好，吸滿咗麻辣湯底嘅味道。呢道菜辣得你流眼淚，但又忍唔住想再食，真係一流。每一啖都係味蕾嘅享受，食完仲想再嚟多一碗。湯底真係濃郁香辣，配埋各種新鮮食材，每一口都好滿足。特別係嗰啲辣得你流眼淚，但又忍唔住想再食嘅感覺，真係一流。環境方面，呢度嘅裝修充滿咗四川嘅風情，令人仿佛置身於中國嘅辣椒之鄉。無論係氣氛定係食物質素都令人非常滿意。呢間麻辣菜館確實提供咗一個辣味十足嘅用餐體驗，值得一試。…Read More

收工經過見到間有酸菜魚既鋪頭，就想試下過下口癮，見佢都有分唔同湯底選擇，蕃茄魚、金湯酸菜魚、麻辣魚、金湯酸菜魚＆水煮牛等，叫左個金湯酸菜魚小辣。金湯酸菜魚（小辣）金菇＋娃娃菜配扭紋薯粉🐟魚肉數量都不少，肉質幾滑偏淋身，食落辣度岩岩好岩我唔食得太辣，加上調味配搭好惹味，酸菜都幾多，配料正正常常，扭紋薯粉另外上，薯粉咬口好煙韌彈牙，吸埋個湯底好夠味。整體黎講都抵食，而且係太和到就食到如果住附近就唔洗周圍搵！…Read More

今日去呢到附近做嘢見到呢一間酸菜魚好似幾吸引咁就走入去食🤤叫咗個麻辣魚薯粉加配海帶同埋萵筍（微辣）$62加嘢飲，凍檸茶$7一個晏晝嚟講算係中上價錢，但係份量算大份兩個人分其實係啱啱好，因為一個人食真係食唔晒🙈講返個味道，真係幾惹味，但係稍為偏辣就算係微辣都真係好辣吓🫣但係真係好好食，啲魚肉都唔會腥，仲要冇骨好滑身喺晏晝時段都好多學生哥去食但係冷氣真係唔夠凍去食嗰陣時都身水身汗😓呢一點真係扣分，其他都幾好😌…Read More

見OpenRice評語唔錯，襯早放工就試一試。餐牌都有唔少選擇：水煮、乾鍋等酸菜魚控嘅我專一唔難選擇金湯酸菜魚價錢睇落唔貴喎$62，自選主食 & 2個配料，配普通凍飲都只係加$7。送到黎樣都唔錯嘅但原來魚係最普通嘅鯰魚柳☹️（之後睇餐牌先知生魚片要加錢）份量唔算少嘅，正常滑&軟不過有幾舊非常腥…湯唔油、夠酸但無咩特別米線分量足，係偏幼嘅果種幾索湯嘅最好食係萵筍，鮮甜無渣嗯…凍檸檬茶少甜少冰..茶同檸檬都無咩味😅😅…Read More

呢間主要食酸菜魚有四個湯底可以選擇蕃茄魚 金湯酸菜魚 麻辣魚一般人比較多人試金湯酸菜魚味道 7/10 （唔算好濃，但係都叫有味嘅）🔺可以選擇多酸 今次試咗麻辣魚🔺可以選擇左多麻 小辣食落去唔算麻，辣度正常比較多巴淑魚既肉比較鬆軟但如果以呢個價錢嚟講性價比唔錯份量充足🔺反而配菜比較驚喜 好食推介萵筍 非常爽口土豆都係爽口 個人喜好比較偏爽口覺得好食啲💯價錢$6x碗薯粉份量充足大碗 非常多配菜 酸菜魚如果附近可以試下…Read More

無辣不歡的小編超級愛食酸菜魚🥰但比起酸菜魚，小編更愛椒點既蕃茄魚！蕃茄再加辣既味道真係食整都唔會厭😚大家有鍾情於蕃茄湯底既話可以試下！🍜 蕃茄魚+薯粉+金菇+豆卜 $60如果你係細食既女生，相信你一定唔會食得晒🤣份量超足料！仲可以揀兩個配菜😚基本上樣樣都好索味😋😋😋😋碗薯粉會另上，唔會浸淋啲麵，好抵讚😚午市同晚市都係同價，所以大家想幾時去都可以😚另外，椒點既凍檸茶都好正架，我冇影到🤣…Read More

以往酸菜魚、水煮魚通常好大盤，有時想一個人獨食有點難⋯呢間餐廳可以獨食一人份量，價錢又唔算貴，味道亦不錯～所以Lunch過嚟食啱晒！😋特別推介金湯酸菜魚（$58），第二推介係金湯酸菜肥牛（$65），個湯底撈飯幾正🤤😋麻辣肥牛（$58）就比較刺激啲，啱啲好食得辣嘅人，配飯都好正！以上的菜色有得揀最細嘅辣度，怕辣嘅人應該都食到！同埋可以揀配飯/粉，亦有得加錢另外加配菜～🥲最後口水雞的肉質同醬料一般，食落去肉同醬嘅味道完全分開🙈⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 7/10環境： 6/10打卡： N/ACP值： 7/10推介值：7/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯…Read More

金湯酸菜魚主食可以揀飯，米線，扭紋薯粉， 我就揀左配扭紋薯粉，配料可以選兩款，點左金菇和豆卜 ，辣度要了微辣，可以按個人喜好的辣度點餐，非常好第一時間試下魚片先，魚塊好大塊，而且份量多，很嫩滑又有點咬口，好味，金菇和豆卜吸收左啲湯，微辣，很惹味扭紋薯粉係分開上的，粗身的薯粉好煙韌，一樣吸收了微辣金湯，好夠味，同魚塊金菇好合拍，酸辣份量恰到好處，份量好似唔多，但都好夠飽如果食唔到辣既朋友，可以揀乾鍋，或者係選蕃茄魚或蕃茄肥牛或牛肉，餐廳都照顧到唔食得辣既朋友雞肉乾鍋炒薯粉朋友叫了雞肉乾鍋炒薯粉唔辣，配菜有薯仔，蓮藕，青瓜金菇，洋蔥，可選麻辣或醬香，咁就可辣可唔辣啦！雞肉煎得香唔乾都滑，第一次試炒薯粉， 煙煙韌韌有咬口 ，不過個人都係喜歡湯薯粉同微辣，惹味，讚飲品叫了凍咸檸樂，咸檸七，咸檸檬篤開曬夠曬味到呀，岩哂熱熱的夏天飲料…Read More

🌕🌕🌕🌕🌕 金湯酸菜魚🌕🌕🌕🌕🌑 乾鍋牛肉 食酸菜魚唔使上大陸嘅，大埔都有唔止一間，今次想介紹下椒點。 疫情前，好多人都會返大陸食酸菜魚，我當時純粹因為唔鍾意食酸菜，所以一次都無食過。由疫情期間直至而家，我幫襯得最多嘅酸菜魚餐廳就係椒點。 🐟酸菜魚方面我唔係專家，不過椒點嘅酸菜魚係即叫即煮，滾熱辣咁樣拎出黎，淨係個態度同溫度都贏曬。 份量方面都唔會吝嗇，我最愛嘅配菜係萵荀同薯仔片，保守估計每款都有6-8片。如果想食豪啲可以加少少錢（唔記得$10定$12）配生魚片。 個乾鍋乜乜都幾惹味，一樣可以配飯/米線/薯粉，甚至一齊炒埋個薯粉都得。…Read More

食左碗酸菜魚米線，同另外一間我食過嘅都係主打酸菜魚既 魚眾xx相比之下，味道稍遜，雖然可能系味精多少既差別。不過椒點既酸菜食落毫無酸味，食左一粒就冇再食，配菜方面都系白灼加落湯底，都系正常野，兩間比較下椒點既萵筍切法厚薄不一。明顯切厚片嘅一啲都唔入味，因為佢湯底本身都唔係好重味。最影響成碗野既評分 系啲魚片，急涷鯰魚片之類既野，好鞋，好厚，口感好差，真系完全吾好食食客角度我寧願你價錢貴多10蚊8蚊，比啲好啲質素既魚片，例如好似其他公司嗰啲鯛魚片呀生魚片之類，會好食好多。…Read More

買完餸喺附近搵嘢食，經過見到呢間餐廳係食辣嘢嘅，今日天氣咁熱食啲辣嘢都好開胃，所以決定試吓啦！餐廳裝修行小清新風格，坐落都幾舒服😌五花肉乾鍋 $65五花肉好香口，食落肥瘦均勻，唔會好油膩！乾鍋配菜有好多例如薯仔、蓮藕、金菇、青瓜同埋洋蔥，我最鍾意薯仔粒因為佢有炸過好惹味！主食揀咗撈米線，吸晒小辣湯底好好食，重口味之選🫣😍底料可以揀麻辣或者醬香口唔辣👍🏻👍🏻麻辣豬肚 $39雖然嗰碟細細碟但係其實份量有好多，我哋兩個人都好似食極都唔完咁！豬肚好爽口，調味都好足，夏天食涼浸浸嘅小菜真係正🤪麻辣牛肉配白飯 $69 麻辣牛肉都係揀咗小辣，不過叫咗加麻，食落辣味好夠，唔會死咸同好重味精！牛肉好大片，真係啖啖肉🤩另外配菜嗌咗金菇同萵筍，真係食辣嘢必嗌。送飯一流，食食下都食晒成碗飯。嘢飲叫咗鹹檸七，一如既往咁好飲，開胃解辣🤪🤪📍 椒點 (大埔)大埔翠怡街3號翠怡花園地下12號舖…Read More

我同家人都好鍾意食酸菜魚，今次就特意去到大埔 #椒點 酸菜魚專門店試吓，雖然餐廳比較細，不過就剛好有位，唔使喺出面熱辣辣等位。呢度最出名嘅酸菜魚同埋乾鍋，我哋一於一次過試晒佢，每人再加一杯嘢飲呀，再叫多一碟蔬菜夠晒滿足金湯酸菜魚估唔到都幾大碗，我哋一人舀一啖酸菜魚湯飲，酸酸辣辣好開胃，BB辣又唔會好辣，除咗好滑身嘅生魚片之外，仲有好索味嘅豆腐卜，咬一啖湯汁隨即於豆腐卜裏滲頭出。雞肉乾鍋遠處已經聞到好香，裏面有金菇、辣椒及洋蔥等好惹味嘅配菜，再揀咗一碗白飯送飯，裏面嘅雞肉大大件，肉質彈牙又鮮嫩，而且仲好有鑊氣添。還有小炒乾鍋花菜，可以選擇辣或者唔辣，花菜即是椰菜，煮得好林，帶一點爽脆嘅口感。一邊食一邊飲凍可樂，可以消暑解渴。整體來說，食物質素高難怪經常滿座。椒點 大埔翠怡街3號翠怡花園地下12號舖#大埔美食 #大埔酸菜魚 …Read More

收工就去試吓呢間麻辣酸菜魚，本身好鍾意金湯，但天氣熱就試咗雞肉香鍋、麻辣腎片，啲雞肉大大嚿，入邊有我最鍾意嘅蓮藕片、炸薯仔粒，加埋青瓜、洋蔥、花菜，好足料個底襯炒薯粉一流，索晒啲花椒味都可以揀湯薯粉、米線白飯嗰啲，下次嚟要試吓個金湯酸菜魚麻辣雞腎量幾多，食落去好爽口，配埋個香鍋有啲辣下次叫微辣就夠…Read More

放假去左太和個fd屋企玩，到左差唔多夜晚嘅時間，決定去附近醫下肚，個fd推介食依間椒點，就聽佢講黎試一下2個人每人叫左一碗麵同一個小食，麵仲有得揀辣度，除咗水煮魚，仲有水煮牛，上菜速度快，5分鐘內已經有得食無骨口水雞雞肉皮爽肉嫩，麻辣味適中，十分開胃，而且仲有好多花甜碎，食落更香蕃茄肥牛扭紋薯粉叫咗微辣，湯底唔錯，蕃茄味出眾，辣味冇掩蓋到蕃茄味金湯酸菜魚米線湯味鮮甜，魚都好滑，口感一流每個餐可以揀2個配料，令到冇咁dry，而且佢仲可以揀飯、薯粉或米線，選擇上冇咁單調，仲係分開上，薯粉或米線唔會因為浸到太耐好淋，非常細心，最鐘意的係佢個湯底，好惹味👍…Read More