Mori (Closed)

隱世日式餐廳在觀塘～【森．湯咖哩】位置幾偏僻，出地鐵站行8分鐘才到主要做午市和晚市，附近多工廠及寫字樓所以午市好旺，晚市都估唔到咁多人～之後我都會專登去呢度食晚飯，因為抵食又好食😋🔸慢煮炙燒雞叉燒沙茶湯烏龍麵 $88可以自行選擇湯底，我選擇了沙茶湯，好濃的湯底，濃到好像沾麵，相當入味！烏龍麵就是烏冬，沾滿沙茶湯好yummy，個雞好好食，有一番炙燒的味道，而且係嫩滑的！還有叉燒相當豐富～🔸吉列鱈魚柳跟餐加的，唔記得咗幾多錢，好似十幾廿蚊好大塊，炸到外脆內軟，咁嘅價錢都值得加嘅🔸飛驒和牛漢堡扒蕃茄湯烏龍麵 $108蕃茄湯底都一樣濃郁的，不會太酸而且有少少甜甜地，好易入口，我比較喜歡蕃茄湯底！飛驒和牛好有驚喜，多汁嫩滑，不是硬硬的漢堡扒，勁有牛肉香味，我會推介呢款烏龍麵試！🔸吉列厚切豬扒咖喱飯 $49超級抵$49就有，仲要係厚切，豬扒中規中矩，勝在大份價錢平，而且咖喱是杰杰濃濃的，咖喱裏面還有很多蔬菜例如紅蘿蔔，咖喱加分👍🏻🔸吉列蝦跟餐有得加配，都係唔記得咗幾多錢，好似廿幾三十蚊，比原價平少少，呢個吉列蝦多炸粉，唔多食到蝦嘅味道🔸吉列蠔跟餐有得加配，都係唔記得咗幾多錢，好似廿幾三十蚊，比原價平少少，炸蠔比吉列蝦好味，起碼有蠔的味道🔸脆皮燒魚卷跟餐都有得加配，係平少少，單點$25一條都幾好食，入邊好似魚蛋咁，係用墨魚整出嚟嘅，好香墨魚味道，而且彈牙，值得一試！🔸綠茶跟餐有飲品，例如汽水、綠茶，因為減肥健康，所以要飲無糖，綠茶就最好嘅選擇啦！總括嚟講食物質素唔錯，人均$100左右，相當便宜店舖都幾大，可以容納好多個人，所以都唔使點排隊採用自助式落單，每張枱上面都有個QR code，可以網上付款或者到counter俾錢，相對地快啲，因為唔使等店員過嚟幫你落單。咁啱嗰日店舖賣晒串燒和甜品刨冰，未有機會試到，遲啲再去試過～…Read More

今次嚟到觀塘試身嘢，餐廳主打咖哩，咖哩還有另類食法，先飲一啖咖哩汁再吃白飯，這樣可以保持咖哩嘅原汁原味，所以咖哩汁都畀好大碗，創新食法 😄吉列厚切豬扒定食吉列豬扒炸得好香脆，好大快，裏面啲豬肉係白色非常好，同埋咖哩汁一齊食，增添口味慢煮炙燒雞叉燒蕃茄烏冬雞卷好似叉燒咁，好軟熟，賣相好靚好似日本烏冬咁，蕃茄汁好濃鬱吉列蝦 和 魷魚卷另外叫咗吉野蝦和魷魚卷小食，吉野蝦香脆， 魷魚卷係用獅子狗包住條魷魚好特別燒之鳥 (套餐 A)呢個係串燒套餐，佢包括有雞肉串，雞翼串，雞軟骨，雞髀菇，翠玉瓜和秋葵，全部都係即叫即煮，好新鮮和嘢味綠茶冰沙綠茶冰沙好大個，上面仲有小圓子，食到中間有很多綠茶餅餅，冰沙好冰涼，好適合夏天食…Read More

今日午餐去到，冇乜人，有好多位，落完單1:21 pm, 等到1:33來了一個，同事個個重未有，員工只係低頭執野，叫又聽唔到，到1:40分叫到人問，話漏左，煮又未煮，唯有退錢走人，激死，返工只係想食飽飯，食都冇食，就一肚氣。唔會再幫襯。…Read More

今日就同朋友去左觀塘嘅森．湯咖哩食飯北海道帆立貝湯咖喱帆立貝好大粒, 配搭超多蔬菜配料, 可以先飲一啖咖喱湯, 然後放入飯, 令到飯粒得可以平均索滿咖喱汁, 咖喱味濃郁香滑香煎大蝦咖喱湯烏龍麵烏龍麵好有口感, 掛滿咖喱湯汁,蝦肉彈牙日式小食都好香口吉列炸蝦, 炸得好香脆, 芝士年糕, 有小小空氣感, 咬落好煙靭, 串燒套餐有六款串燒包括日本岩手雞肉串, 日本岩手縣雞, 雞肉嫩滑多汁, 單開邊雞中翼串, 外皮煎得香脆; 酢橘雞膝脆骨串, 超級脆口; 另外配搭3款新鮮蔬菜,雞髀菇,翠玉瓜, 秋葵, 爽嫩多汁小山園焙茶刨冰面頭放左白玉同濃厚嘅奶蓋, 刨冰鋪滿焙茶醬, 茶味香濃,食到咁上下仲有啲麻糬粒, 增加口感…Read More

今次黎左觀塘試依間幾出名嘅湯咖哩⭐👉🏻 慢煮炙燒雞叉燒沙茶湯烏龍麵這碗湯烏龍麵搭配慢煮炙燒雞叉燒，湯頭濃厚，雞肉鮮嫩多汁，回味無窮👍🏻👍🏻👍🏻👉🏻吉列炸雞咖哩飯這份炸雞咖哩飯香脆多汁，配上濃郁的咖哩汁，是一道令人食指大動的料理。⭐ 香煎帶子帶子煎得香脆，鮮甜可口，仲好大粒⭐⭐ 魷魚卷魷魚卷外脆內嫩，口感十足，搭配上醬汁更添風味⭐ 吉列蠔吉列蠔炸得金黃酥脆，內裡鮮嫩多汁，一咬仲爆汁🐰⭐ 芝士年糕：芝士年糕外脆內軟，芝士香濃，是一道令人驚喜的美味小吃。👉🏻 伯爵茶刨冰伯爵茶好重茶味，分量仲好多⭐本身仲好聽試佢嘅串燒，但係佢賣哂，下次一定返黎再試⭐…Read More

同朋友去咗响觀塘(地鐵站行過去8分鐘左右)嘅森.湯咖喱，有吉列豬扒同多款湯咖喱、烏龍麵選擇，係我哋好喜歡嘅食堂😜我地各自點咗一碗 香煎大蝦 同 香煎帶子 咖哩湯烏龍麵，咖喱濃度夠而且唔太辣，大蝦同帶子都先煎香再放上麵上面，有紫菜同粟米做配茶，真係可以清晒成碗！見到有串燒set 而且係日本 岩手縣雞，即刻點返個 燒之鳥 串燒套餐，價錢只係$100就有6串👍🏻 我哋揀咗個set有雞翼、雞軟骨、雞肉、翠肉瓜、雞髀菇、秋葵，另外一set就比較多內臟。雞肉肉質嫩滑又低脂肪，但燒完就香口唔油膩！為食嘅我哋另外加左兩個小食，芝士年糕係外面炸香嘅皮包住溶化咗嘅芝士加煙煙韌韌嘅年糕，而 魷魚卷 就好似獅子狗卷包住條魷魚鬚，兩款都好味😋最後仲叫個 伯爵茶味刨冰 share，香濃嘅伯爵茶醬汁淋上綿綿嘅刨冰上🍧，上面有兩粒小丸子🍡，而裡面都有寶藏…有一粒粒細小嘅煙靭麻糬而且仲有開心果碎！天氣太熱啦，食完涼浸浸，感覺好爽😄…Read More

森．湯咖哩地址: 觀塘駿業街56號中海日升中心2樓C號舖=====================日本有咖喱飯還有咖喱湯？！同屋企人出街食lunch ,去了觀塘區找小店，試下些特別的。吉列豬扒飯，外層脆而不覺油膩，厚切咬下有口感仲好juicy ! 吉列炸蝦湯咖喱烏冬,個咖哩甜甜的充滿日式風味，靚拌好另烏冬平均沾上。炸蝦大大隻好食！串燒同小食，叫了來share，魷魚卷同芝士年糕，個魷魚卷幾彈彈抓緊夏天的尾巴，吃刨冰，日本刨冰是碎冰上淋上顏色繽紛的糖漿及放上食材，凍冰冰食入口即時解溫解悶熱，有多個口味，會放上日式麻糬同脆脆，開心果味唔算突出，但色澤一流。…Read More

同朋友仔行完街，又到食飯時間！⏰喜歡味濃同惹味既她今次帶我去食咖喱🥘，就同朋友去試下先！☺️🤪🪇吉列厚切豬扒🐷咖哩飯$49（特價)厚切豬扒同咖哩飯嘅份量多，豬扒十分香脆，肉質保持到多汁嫩滑，加埋香濃嘅湯咖哩，非常惹味！🪇🪇吉列鱈魚柳沙茶湯烏龍麵$58（加配$18香煎大蝦3隻)大大件吉列鱈魚柳，有魚肉鮮美，而沙茶湯較杰身，配烏龍麵好夾，加配埋彈牙大蝦，味道非常惹味!🪇串燒（包括秋葵、雞脾菇、翠肉瓜、雞翼、酢橘雞膝脆骨串及日本岩手雞肉串）$100食完六款串燒，各有不同特色!!我朋友喜歡清清地翠肉瓜加醬汁入口爽脆多汁。我就喜歡秋葵串燒，爽口！🪇日式刨冰，選了伯爵茶東味！$79以homemade醬料白玉圓子、QQ麻糬、特色脆脆及面層香滑奶蓋，既有咬口又唔太甜，好味道！💫💓🪇飲品方面！我同朋友也笑覺得食濃味咖喱當然配可樂先夠正！（餐加$15/杯)…Read More

去過北海道之後一直對當地既湯咖哩念念不忘🥘 原來觀塘有間小店主打日式咖喱湯飯，可以一解思鄉之情🤣 餐廳定價親民，大部分菜式都係百元以內，而且堂食有8折﹑外賣有7折優惠，勁抵呀❗️❝ 慢煮炙燒雞叉燒湯咖哩飯 $𝟖𝟖 ❞不可錯過湯咖哩招牌菜🌟 餐廳以大量新鮮蔬菜熬煮，同一般濃稠既日式咖哩唔同～叫左原味咖哩都唔算好辣，有少辣/多辣選擇，好貼心👍🏻 咖哩微微辛口，滋味濃郁，越食越好味，簡直係白飯小偷🤤 雞叉燒好軟腍，入口柔軟，帶有炙燒香氣.ᐟ 另外伴有多種蔬菜，全部都煎過好香口👍🏻❝ 吉列厚切豬扒飯 $𝟒𝟗 ❞原價$78，新品做緊特價🔥 吉列豬扒即叫即炸，需時15-20分鐘，美食值得等待.ᐟ 豬扒外脆內軟，沾上日式咖喱更滋味味.ᐟ 如果想豐富啲可以叫定食添～包小食同麵豉湯。❝ 吉列蝦 / 墨魚卷 ❞叫任何主食可以優惠價追加小食～吉列蝦金黃酥脆；墨魚卷更有驚喜🌟 咬開入面有墨魚條，入口彈牙，值得一試.ᐟ ❝ 燒鳥A套餐 $𝟏𝟎𝟎 ❞呢度竟然仲有串燒食😍 $100有6串，除返開每串都只係$16，會唔會太抵 🫨 餐廳採用日本岩手縣雞隻，由植物飼料飼養，肉質特別滑嫩多汁 A餐有雞肉串﹑雞翼﹑雞膝脆骨﹑雞脾菇﹑翠肉瓜﹑秋葵，全部都燒得唔錯，搽上秘製醬汁夠香口，有燒鳥店質素👍🏻❝ 小山園抹茶刨冰 $𝟓𝟓 ❞夏天唔少得刨冰🍧消暑一流.ᐟ 採用小山園抹茶粉🍃 香濃醇厚，刨冰鋪上香滑奶蓋﹑Q彈白玉圓子，口感豐富😋 一定要留返個胃食甜品.ᐟ…Read More

整完指甲去搵吃, 突然想食D濃味重口味的東西見到呢間都幾多人, 應該不會伏吧QR Code落單, 落完可用電子支付或者出櫃檯先付錢門口有電子menu見過吉列厚切豬扒豬都好似好吸引落單時說明要等15-20分鐘單品可加少少錢轉套餐, 包一份麻油香炒粉絲和飲品環境都算乾淨, 仲越食越多人客嚟幫襯男友點咗吉列厚切豬扒豬咖喱飯+套餐+2隻吉列蝦濃濃嘅咖喱汁有成碗奉上, 唔似一舨嘅淋上飯面原來佢呢度仲有獨特嘅食法, 佢嘅建議就係先飲一啖咖喱湯, 盡量唔好2者撈埋一齊食吃得出跟飯呢個咖喱入面有大量洋蔥, 男友頗喜歡而佢嘅豬扒係煎完再炸, 別有用心, 睇得出有心思嘅, 所以等15分鐘是值得的一大塊再加厚切, 肉質都唔會好鞋, 大滿足跟餐的麻油香炒粉絲好似韓式炒粉絲, 都唔錯帶子咖哩湯烏龍麵, 樣子很美味, 好日和風附上兩片紫菜, 大量栗米和大蒜, 仲有半邊溏心蛋3粒帶子大粒彈牙, 真係有煎過架, 沒有HEA而湯咖喱的味道係較日式, 顏色也金黃一點, 香甜一點, 味微辛, 相比配飯的咖喱, 我自己就較喜歡這款咖喱味烏龍麵其實是烏冬麵, 可以掛到大量咖喱汁, 好好味!…Read More

前排同朋友去觀塘食飯，之前聽過其他朋友話呢間餐廳嘅湯咖哩飯幾好食，就決定同朋友去試下; 餐廳非常受歡迎，當日係平日夜晚都坐到滿哂，仲要排隊等入座，好好彩因為七點前已經到咗餐廳，所以唔洗排隊就入到座。 🍛 吉列厚切豬扒咖哩飯 配麻油香炒粉絲 + 無糖烏龍茶厚切豬扒同咖哩飯嘅份量都幾多，豬扒外皮炸到非常香脆，同時肉質亦保持到多汁嫩滑，再配埋香濃嘅湯咖哩，味道非常夾。炒粉絲非常重麻香味，亦都有好多蔬菜做配料。 🍜 飛驒和牛漢堡扒蕃茄湯烏龍麵  配麻油香炒粉絲 + 無糖烏龍茶飛驒和牛漢堡扒帶有濃烈嘅牛油脂香，而蕃茄湯嘅質地偏杰身，所以烏龍麵非常掛汁，湯底亦都見到好多蕃茄蓉，味道非常開胃。 🧀 芝士年糕（2件）芝士年糕外皮脆卜卜，內裡軟滑煙韌，中間嘅芝士味道濃郁，呈流心狀態，口感非常豐富。 🍢串燒（冬菇、雞脾菇、翠肉瓜）食咗三款串燒，味道都唔錯，個人特別推介翠肉瓜，翠肉瓜表面塗上香濃嘅孜然醬，口感爽脆多汁。…Read More

呢間之前都聽過唔少觀塘打工仔推薦食烏冬 係ig又成日見到人推介佢個泡冰 可惜我去到竟然話人手短缺 無泡冰食 下次去之前要問清楚😿雖然無泡冰食 佢哋既湯烏冬都好推介！✌🏼記得openrice預約仲有8折！慢煮炙燒雞叉燒湯咖哩（$88）我覺得大家黎可以試試佢個慢煮雞 超級淋又有滿滿的肉汁 而且炙燒好香🐔咖哩汁我覺得普通 但係連個菜都好好食 食得出佢係有微微炸/煎過 好香🍛香煎大蝦沙茶湯烏龍麵 （$68）麵條好彈牙 而且超級掛湯 沙茶醬好厚 真係拍得上茶餐廳既沙爹湯底👍🏻蝦就正常 無殼既冰鮮蝦🦐味道：🍛🍛🍛🍛/5 📍森．湯咖哩 (觀塘)地址：觀塘駿業街56號中海日升中心2樓C號舖…Read More

係中海日升中心2樓12:30去到都仲有好多位之後就越嚟越多人仲要等位Lunchtime 都幾多人食QR code自己落單 可以Online俾埋錢嘢食同嘢飲都係單叫 豐儉由人～野菜魚餅咖喱湯烏龍麵 ($48)魚餅口感好似魚蛋咁 都幾大塊唔錯仲有半隻溏心蛋、嗚門卷、紫菜同粟米成碗麵都幾豐富 至於烏冬口感唔算好彈牙不過因為個咖喱湯勁濃郁 所以勁掛湯個咖喱就冇咩特別 普通日式咖喱磚咁但係以呢一個價錢嚟講都幾抵食嘅😎吉列炸蝦番茄湯烏龍麵 ($58)蕃茄湯就冇咖喱湯咁好食蕃茄湯食落好似落咗好多蕃茄膏咁同埋都冇咖喱咁掛湯至於個吉列蝦都炸得幾香口有三條 份量都唔錯整體呢一間嘅話都唔錯～…Read More

餐廳佈置充滿日式風情🎏牆上畫上色彩繽紛的畫作🖼️自己掃QR code落單後先付款而且堂食有8折 外賣仲有7折好抵👍主打是日式咖喱湯底烏龍麵或飯湯底可自選咖喱，蕃茄或沙茶如果配搭飯仲有湯咖喱食用教學但餐廳湯底較濃郁重口味 清淡人士要注意‼️大啡菇蕃茄湯鳥龍麵🍄‍🟫🍜唔想食肉可以叫大啡菇🍄‍🟫，食落爽口夠紮實，蕃茄🍅湯底夠濃郁，配菜有半熟糖心蛋🥚，鳴門卷，粟米粒🌽及紫菜香煎大蝦沙茶湯鳥龍麵🦐🍜有5隻香煎大蝦🦐兩邊微微煎過，食落爽口彈牙，揀左沙茶湯底比較濃稠，烏龍麵掛汁少少香辣🌶️，但略有少少重口味偏鹹(食完仲好口渴)，建議跟飯🍚會更加開胃容易餸飯…Read More

大家好👋！如果你都好鍾意食日式西餐同湯咖哩，咁你唔應該錯過位於觀塘嘅「森．湯咖哩」。呢間餐廳的室內裝潢極具現代感，款待嘅服務舒適而親切😍首要黎講，吉列蝦係我最推介嘅一道菜。嗰隻蝦香脆可口，肉質緊實彈牙，配埋特製醬汁，口感實在無得頂👍！脆皮炸嘅係啱啱好，蝦肉彈牙，成隻係好新鮮。同屋企人一齊分享，大家都食得好開心😄。飛驒和牛漢堡扒湯咖喱！和牛漢堡扒超香牛味，配埋滋味濃郁嘅湯咖哩，實在係太岩味🍛！而且，用日產珍珠米，粒粒都圓碌碌，真係好好味😋。如果你鍾意食海鮮，咁就唔好錯過香煎帶子湯咖喱。帶子煎得啱啱好，外皮有少少香脆，入面卻保持咗帶子嘅水份同鮮嫩感。呢個帶子湯咖哩配上日產珍珠米，真係食得好滿足🤤。唔可以唔提嘅係我哋嘅飲品 - Draft beef Suntory。買一送一嘅優惠，真心抵飲！清爽，特別適合夏日飲用，可以解決你暑氣，唔洗擔心熱到出汗😅。總括嚟講，「森．湯咖哩」溫馨嘅環境，美味嘅食物同對得起價錢嘅分量，特別適合同朋友或者家人一齊來，一邊傾計，一邊享受美食。🤘😆🎉…Read More