森記 (Closed)

唯一合格嘅係墨魚餅，其次炒芥蘭，燒牛仔骨仲差過大家樂嗰啲二萬倍，油鹽水浸蜆 (食到一肚火),如果唔講佢個蜆，我簡直對唔住開飯嘅捧場客，我呢世人從未喺食肆食過啲咁細隻嘅蜆，最大嗰隻都只係手指公指甲咁大，咁都算喇，夾起隻隻都無肉嘅，咁啲肉去咗邊，原來喺碟底，咁大家都想像到啲肉唔荒大啦，奇就奇在粒粒都咁上下大細，當然唔係新鮮啦，無鮮味，亦無新鮮蜆肉嘅質感，似喺凍肉舖買嗰啲雪藏蜆肉，講緊係嗰樣咋喎，味道同質感仲衰過雪藏嗰啲，而且最詭異係啲蜆殼係白雪雪嘅，好似洗刷過咁，一路食一路諗佢會唔會係將啲殼重用再重用，只係每次加啲雪藏蜆肉落去，最後覺得呢個可能性極大，卑鄙燒牛仔骨喺落單嗰陣係講咗六成熟，上到枱係十成十一熟，絕對唔係炭燒，極其量只係用微波爐叮番熱嘅啫，再加啲汁，牛味欠奉，韌 蒜蓉炒芥蘭，份量可以，菜唔太熟，係太多油，但無乜蒜蓉，最後係熱切期待嘅，俾人讚不絕口嘅墨魚餅，睇得出係新鮮炸起，有墨魚味，質感正常，但係並無發現有一粒粒嘅鮮墨魚粒喎，亦唔係特別彈口，同以前啲食評嘅描述有好大出入，到底係我要求高定係其他人要求低，抑或係有寫手喺度擾亂視聽，希望有其他人可以分享下對呢間食肆嘅食評

講食晚飯,住元朗既我就最鍾意去森記!!!諗落都幫襯左佢好多年最過癮係佢出面泊車個圍日日都勁多車,但d人又泊得掂果下好野入返正題,森記最出名應該係燒蠔喇不過近年都貴左好多,由一開始十蚊升到而家都要廿幾一隻而最正係果d蒜蓉!!!另外推介欖菜肉鬆四季豆,撈飯一流!!!!燒大魷魚,好香!!!! 同墨魚餅並列森記最佳小食蒸象拔蚌仔,唔叫蠔就會叫佢,好甜好好味,25~30蚊隻,不過唔係成日有燒牛扒就麻麻地,老左少少,不過食扒過隔離安娜啦仲有個小炒王,唔太夠香,可能會用翠玉瓜搞到唔多夠鑊氣咁feel,不過d魚乾仔好好味總結而言: 森記算係元朗最愛之一,尤其呢排天氣涼返,坐大排檔都好舒服!!!!!

因要到元朗工作關係,而且太太剛剛又可以早收工,所以便約她去元朗吃晚飯,但到元朗之後,行來行去都不知道吃什麼,行了大約二十分鐘,便發現了這間森記,心血來潮想試試,在太太都沒有意見下,我們便入去了.我們叫了二隻炭燒蠔$12一隻,避風塘茄子$58,鹽燒烏頭魚,$68,生炸乳鴿$48,三支啤酒.即叫即炸,香口好味,但可惜欠缺避風塘的辣味和風味.肥美鮮味,又有炭燒風味,值得推介.肉質嫩滑新鮮,魚身上塗了鹽來燒,另外插入香茅在魚身之內,有香茅味,鹹味亦剛剛好.肉質鮮嫩,調味方面做得好好,但略為細隻.這裡做街坊生意,不算很貴,而且食物味道又不俗,我們別了四樣+三支啤酒都是約$260,算是一個不錯的選擇呢.

星期五晚同朋友及她的屋企人嚟左呢度食晚飯,因朋友話呢度的牛仔骨好好味,我地五個人叫左一個魚香茄子牛仔骨,每人一隻燒蠔,因今日係返左美國蠔,仕應話係大隻d同埋貴d的,還叫左一條檸檬烏頭,一個雜菜煲,兩枝啤酒.燒蠔真係好大隻,好香,蠔上面有好多蒜蓉,加埋蠔一齊食真係好好美,隻蠔好肥美,啖啖肉真係好好美呀.檸檬烏頭都好大條的,都好好味呀,d魚好入味,好咸及多肉,燒得好香口.牛肉骨煲都好香好味,牛肉骨好入味.加埋些茄子一齊食,正呀.

同朋友兩個去食飯, 經朋友介紹, 去左呢道食 !! 環境就一d 都唔討好, 因為都係要坐街.整體上d 野食, 有好有唔好. 一個個餸講下啦 ...燒蠔 最出名, 所以我地一人叫左 3 隻 !! 即叫即燒, 又肥又熱又好食 !! 而且又抵, 都係 $ 12 隻 !! 蠔仔粥 一般ga 蠔仔粥.......無咩感覺黃金鮮"由" 咸蛋唔夠......唔會再食 炸墨魚餅呢個我都唔明做咩係推介......其實...一d 都唔好食, 又唔彈牙. 好似個炸粉團咁 ! 菜正常炒菜 ! 食食下, 見旁邊個大叔飲緊黑啤, 當然忍唔住, 叫返支啦 .元貝再食食下, 見到旁邊個大叔切緊隻大元貝.於是叫左兩隻 ! (元貝係 "時價", 但當日就 $ 55 一隻.)聽落好似好貴, 不過隻野唔計個蓋, 有 2 吋半大, 所以其實一d 都唔貴 !! 總結 :下次去, 應該只叫燒物, 其他咩都唔食 !!! 如果喜歡燒物ga 朋友, 不訪一試 !!! 但如果趕時間就唔好試啦. 因為如果多人, 都等得幾耐下 !

4個人去食飯,叫左幾個小菜,唔錯...夠大碟~最好味係D燒蠔,大隻,新鮮,仲有燒帶子都唔錯...燒烏頭真係冇得頂,好鮮味!上面有少少鹽,味道岩岩好,唔太咸~不過係燒牛仔骨D黑椒汁重味左D,其他都OK!

出左糧, 來食海鮮, 但見到選擇唔多, 價錢亦貴左燒蠔 $12/隻 (加幅20%)炒蟶子 $58/斤 (加幅20%)沙爹海鮮煲 $56, 唔掂, 無乜沙爹味, 粉絲唔靚, 尤魚唔錯, 蝦仁係雪藏貨, 蜆有沙, 帶子無左影, 變成鱔片, 但落單到上菜都無人提轉左料燒烏頭 $38, 唔錯, 但無左之前既炭燒風味之前佢有個大大既炭爐係店舖門口的, 唔知乜原因, 搞左返入廚房燒所以蠔同烏頭都無左炭燒既香味同風味似用電爐烤熟多d埋單$188/兩位用, 只係ok返到屋企, 仲好口渴, 飲水飲到十一點, 唔多掂

每次經過都見到好多人食, 今次抱住好有期望既心態嚟食晚飯, 結果都幾滿意...我地兩人叫左:炭燒生蠔$12/pc - 餐牌係$12/隻, 但阿姐話無晒大蠔, 所以每人有兩隻, 好老實, 蠔好肥有蠔既鮮味, 但略嫌食唔到炭燒既風味, 但眼見每台都有人order鹽燒烏頭魚(細) $48 - 新鮮肉嫩, 魚肉本身唔太咸, 點埋秘製咸醬汁送飯一流, 亦係每台都一定有order黃金蝦(4隻) $68 - 咸旦黃夠香, 蝦好大隻, 食落好香好脆, 蝦有好多膏, 肉質有兩隻好彈牙, 有兩隻就一般 鹽燒奄仔 $58 - 唔多肉, 但有膏鮮甜蒜蓉菜心 - 好多油, 但菜尚算爽口新鮮啤酒1支+白飯一碗埋單$239, 都幾抵食但係用膳其間聽到老闆同熟客閒談話好多食品來價都貴左3-4成, 睇怕好快會加價架喇....環境係大排檔形式全室外, 而且亦會見到小強四圍出沒, 各位唔介意既絕對食得過, 另側面係停車場