Sam Sam Canteen

蒜蓉牛仔骨煲（$66），揭蓋瞬間蒜香撲鼻。牛仔骨肉質軟嫩，醬汁濃郁帶微甜，底部吸收精華的洋蔥更是驚喜。鮮茄芝士焗豬扒飯（$57）賣相誘人，金黃芝士拉絲綿長。豬扒軟淋，新鮮蕃茄酸甜平衡，炒飯底乾身分明，芝士增香。炸單骨雞翼（$22）外皮酥脆如紙，肉質醃得入味，加上孜然粉微辣灑，佐酒一流。雜菜春卷（$16）炸得通透不油，內餡胡蘿蔔絲、木耳絲清脆，蘸酸汁更提味。最後想讚一讚羅宋湯，濃郁多料。總結：價廉物美，街坊風味，飽足而歸！…查看更多

森森食堂是一間平民餐廳，價格親民，不設加一，餐廳裝修簡潔，環境寬敞，主打多款茶餐廳食品。森森雜扒份量十足，有豬扒、雞扒、煙肉、腸和太陽蛋，黑椒汁味道辛香濃郁，雜扒在口感和味覺上都非常豐富，酥香和濃郁的醬料滋味俱全。扒餐跟薯條亦香脆可口。奉送老火例湯，味道香甜。餐飲凍檸茶味道酸甜，香氣清新，亦可解膩！經典鮮茄大胃王芝士焗飯：飯面鋪滿芝士焗至金黃色，用鮮茄和多款配料組合，包括豬扒、雞肉、豬漢堡扒及脆皮腸等，份量十足，口感層次豐富。餐飲熱華田香濃甜美。炸饅頭外皮炸得香脆，搭配煉乳味道香甜。一口蝦多士酥脆香口、鮮甜彈牙。…查看更多

最近去咗森森食堂食晚餐，環境唔錯而氣氛輕鬆，不論小食或主食既食物質素好，價錢亦都合理，值得再來。皇牌鮮茄芝士焗豬扒飯 $57首先試咗佢哋嘅皇牌焗豬，豬扒煮得剛剛好，肉質嫩滑，每一口都充滿芝士香味，搭配鮮茄醬，酸酸甜甜，令飯更加有味道。蒜茸牛仔骨煲套餐 $79牛仔骨嘅肉質相當嫩，蒜茸味道濃郁，令人忍唔住多食幾口。搭搭洋蔥加三色甜椒，增加返個層次同減少油膩感！爆漿糍粑 $22必試甜品真係好正！外脆內軟，咬下去會有熱騰騰嘅餡料流出來，甜而不膩，口感一流。…查看更多

放工同老公喺北角想搵啲平靚正嘢食試咗森森食堂，結果真係幾有驚喜！唔使 80 蚊 就有 炸鱈魚 + 牛柳頭扒，仲包埋 炸素魷魚圈同薯條，真心抵到爆，炸鱈魚外皮脆脆地，魚肉唔乾唔鞋，幾好食下，外面都唔太多見。而牛柳頭扒夠 juicy，啖啖肉唔韌，呢個價錢算好交到功課，配埋素魷魚圈都唔差，至小口感都有做到，另外薯條炸得啱啱好，乾身又夠脆，幾啱我口味。另外我哋仲叫咗 A1 蒜茸牛仔骨煲，呢個都係OK！份量真係超大碗，有成 6–7 件牛仔骨，每塊都大大塊，望落已經覺得抵。牛仔骨入哂味，啖啖肉，而且啲肉質唔韌，帶少少油香食落更香口，幾開胃下～加$13 仲有飯同湯，一個人食真係超級夠飽又抵食！整體嚟講，森森食堂真係 CP 值高，又平又飽又唔伏!…查看更多

有時搵到間好食又唔貴嘅餐廳，真係會想即刻同全世界分享！今次發現咗北角呢間寶藏茶記，性價比高到驚人✨🍽️ 今日誠意推介：【紐西蘭羊架套餐】羊扒鮮嫩多汁，肉味清甜，羊羶味極淡！配菜絕不馬虎，兩大棵西蘭花同蕃茄仔，健康又滿足。【邪惡之選·黑松露醬薯條】粗切薯條上桌時依然外脆內軟！黑松露醬香氣撲鼻，唔會過濃搶戲，絕對係必點小食！【經典羅宋湯】酸甜濃郁，充滿番茄鮮味同蔬菜甜味，仲有股濃厚肉香，口感層次豐富！✅ 每個扒餐都會跟薯條/焗飯/焗意粉 + 餐飲✅ 餐牌選擇多元化：小炒、拉麵、扒餐、經典焗飯、常餐樣樣齊最重要係‼️人均唔洗$100😱 而家去邊度搵到咁高質又抵食嘅扒餐？仲要食到超飽肚，絕對係良心推介！森森食堂 (北角)📍地址：香港北角英皇道449-455號華興大廈地下2-3號舖…查看更多

今次嘅用餐體驗令人難忘，黑椒美國牛仔骨芝士焗飯首先吸引咗我嘅味蕾。牛仔骨嘅肉質鮮嫩，搭配濃郁嘅黑椒醬，令每一口都充滿層次感。芝士焗飯嘅香濃奶香令人陶醉，米飯粒粒分明，吸收咗肉汁嘅精華，令人食指大動。接着係經典鮮茄大胃皇芝士焗飯，入面有豬扒、雞肉、漢堡扒同脆皮腸，每一種肉類都非常美味，搭配新鮮嘅番茄醬，令整道菜品更加豐富。紅湯嘅酸甜平衡恰到好處，為整體增添咗清新嘅口感。最後嘅藍莓芝士蛋糕，酸酸甜甜嘅藍莓搭配綿密嘅芝士，完美結束咗呢餐大餐。整體而言，呢餐餐點唔單止味道絕佳，仲令人感受到滿滿嘅用心，絕對值得再次光臨😋👍🏻#Hannahbaby2021 #Haileybaby2022#hkfoodie #hkig #hkfoodieblogger #northpoint #森森食堂…查看更多

同同學仔去北角畀我地揾到間親民大件又抵食嘅食堂令人驚喜！😋首先係「蒜蓉汁紐西蘭羊扒」🐑，羊扒煎得啱啱好，肉質鮮嫩多汁，蒜蓉汁香濃唔會蓋過羊嘅原味，值得一讚！旁邊嘅「羅宋湯多士」🍅同「薯條」🍟都唔錯，羅宋湯酸甜開胃，多士蘸湯食好夾；薯條即炸脆身，食唔停口～飲品揀咗「凍阿華田」☕️，經典味道，甜度適中，解膩一流！另外試咗「焗茄大胃王」🍖，真係名不虛傳！入面有豬扒、炸雞肉、豬柳漢堡同脆皮腸，份量十足，茄汁酸甜開胃，啱晒大胃王！加咗$6升級「凍仙草奶茶」🧋，茶底香滑，仙草Q彈，抵飲！最後「煉奶炸饅頭」🍞同「奶醬豬仔包」🥪，炸饅頭外脆內軟，煉奶香甜；豬仔包塗滿奶醬，懷舊風味滿分！💯森森食堂📍 森皇道449-455號華興大廈地下2-3號舖…查看更多

首先呢個「白汁焗雞皇飯」應該係經典款，白汁焗飯最緊要係個面焗到金黃色，有少少飯焦，入面嘅雞肉同蘑菇撈埋濃稠嘅白汁😝跟住仲有「奶油脆豬」，通常係豬仔包烘到脆卜卜，再搽滿牛油同煉奶，食落甜中帶鹹，邪惡但係好滿足～「即炸墨魚丸」配蜜糖呢個配搭幾得意，墨魚丸炸到外脆內彈牙，點埋蜜糖應該係甜鹹交織，口感同味道都有層次。第二個餐有「牛肉眼扒」，10安士都幾大塊下！配蒜蓉汁應該幾香口，牛肉眼通常脂肪分布均勻，煎得好嘅話肉質會好嫩滑，唔會韌。羅宋湯酸酸地幾開胃，入面有啲雜菜，點埋多士食就最正！另外仲有「蘑菇白汁焗意粉」，同個焗飯差唔多，但係意粉掛汁能力強，每一啖都係奶油同蘑菇香。炸薯條穩陣之選，即炸薯條熱辣辣總括來講$178兩位，呢個價錢喺而家來講算平啦…查看更多

北角「森森食堂」勁多選擇，有焗飯、鐵板扒、小菜、拉麵等，令人樣樣都想試！點了小菜「黑椒醬爆安格斯牛柳粒」，+$13升級套餐，包飯、中/西湯、飲品，仲可以優惠價加以下小食！· 酸辣冇骨鳳爪· 紅油抄手餃子· 炸素魷魚圈· 腐乳生菜中湯好足料，完全沒有味精的味道。小菜「黑椒醬爆安格斯牛柳粒」除了好多牛肉外，亦加了青黃椒、洋蔥、香菇、鴻喜茹、雲耳等配料去炒，好足料；牛柳粒炒到好足鑊氣，肉質鮮嫩，好惹味；呢個小菜套餐大大份，2個人share最啱！…查看更多

終於食到下午茶～～除咗下午茶午市都可以照嗌 選擇都好多單手影handicap篇😂😂下次搵幫手先好驚喜，竟然有鹹西多！有隻流心蛋喺上面 而啲餡係芝士火腿🥰係幾特別嘅 食到後邊開始有啲腬嘅感覺仲有個牛魔王芝士焗飯 個飯令我諗起毛頭東宮嗰塊鴛鴦面🤫我知道好邪惡比較鍾意食咖喱汁嗰邊 好似牛筋腩咁樣而黑椒汁嗰邊係牛仔骨 比較重黑椒味多啲呢間舖頭幾特別，有時有啲義工post出嚟見到有張月行1善嘅😍🤝果然好有愛心 要支持支持下…查看更多

北角呢間森森食堂，今次晚餐滿足感十足！先試鮮菌芝士焗豬扒飯，炸豬扒鋪上鮮菇，再以白汁芝士覆面，香氣四溢，一打開已經係正宗港式焗飯的味道，邪惡得來好治癒🧀🍽️鐵板紐西蘭牛扒配生蒜蓉燒汁，我哋揀咗淨菜取代飯或意粉，菜底份量足，西蘭花、紅蘿蔔、蕃茄仔、粟米、椰菜花一應俱全，清爽中和油香，啖啖蒜香更惹味🥩🧄🥦小食方面，炸單骨雞翼（4隻）外脆香口，炸粉帶淡淡孜然味，食落更帶勁🌶️🍗。皇帝蟹棒肉蟹籽凱撒沙律色彩繽紛，上枱即加分；以$18一碟嚟講真係超班，菜蔬新鮮、醬汁充足，爽脆同濃香兼備🥗🦀是日中湯為青紅白蘿蔔粟米龍骨南北杏湯，足料又濃郁，帶住媽媽湯水的熟悉味道，暖胃又窩心🍲。最後來杯凍檸茶，茶底清爽，為整餐畫上解膩句號🧊🍋…查看更多

晚餐餐單選擇多元化，有小炒、有拉麵、有扒餐、經典焗飯、亦都有日常嘅常餐等。。我同朋友選擇咗兩個扒餐，分別係🐟炸鱈魚拼牛柳頭扒🐮同埋🇦🇺紐西蘭羊扒🐑，前菜就分別揀左羅宋湯同埋芝麻醬雜菜沙律，每個扒餐都會配一個焗飯或者焗意粉，再加杯餐飲。羅宋湯酸甜濃郁，帶有番茄的鮮味和蔬菜的甜味，口感鮮滑爽口，亦有一股濃厚的肉香，風味層次豐富。芝麻醬雜菜沙律係用沙律菜、青瓜粒、粟米粒、蕃茄仔，再加上日式芝麻醬，入口清新開胃。主菜黎喇！炸鱈魚拼牛柳頭扒，鱈魚食得岀係即炸，外脆內嫩🥹牛柳口感扎實帶嫩，油脂均勻，風味濃厚，配上黑椒汁，令味道再昇華👍🏻紐西蘭羊扒鮮嫩多汁、肉味清甜且羊羶味極淡，配菜配以新鮮清甜西蘭花，蕃茄仔，店家對配菜，絕對唔會吝嗇，兩棵大大棵西蘭花，勁健康👍🏻我同朋友分別選擇咗芝士蕃茄焗飯同埋芝士蕃茄焗意粉，濃濃嘅芝士香味加上蕃茄甜中帶小小酸，焗嘅時間啱啱好，飯同意粉一d都唔會乾，絕對係有俾花心機，讚。每人都唔洗100蚊，呢個價錢響而家真係好難搵到咁高質嘅茶餐廳扒餐，仲要食到勁飽，絕對係誠意推介👍🏻…查看更多

這間位於北角的森森食堂，是一家充滿本地特色且親民溫馨的餐廳。餐廳設計簡潔舒適，空間寬敞，座位充足，非常適合聚餐。打開餐牌，森森食堂提供多樣選擇，包括焗飯、意粉、鐵板料理及港式小炒等，每道菜品不僅價格實惠，味道亦十分出色。奶油豬配凍檸茶（$22） 烘烤後的奶油豬外層酥脆，內裡鬆軟細嫩，搭配奶油與煉乳，甜而不膩，滋味令人回味無窮。午餐A套餐—紐西蘭牛扒配黑椒汁意粉及羅宋湯（$64） 牛扒鮮嫩多汁，入口即化；意粉煮至恰到好處，不硬不軟，搭配微辣的黑椒汁，增添一抹溫和的刺激感。羅宋湯材料豐富，酸甜帶辣，味道鮮美可口。…查看更多

係北角返工其實有好多又平又正的選擇，森森飯堂真係是附近上班族同街坊飯堂，由早餐至晚餐都好多客人幫襯，是一間以焗飯出名的茶餐廳今日下年茶時間去，客人頗多，價錢性價比高茶餐叫咗焗咖喱雞飯配馬來咖喱汁，需時十至十五分鐘，上台熱辣辣，濃郁馬來咖喱汁味，椰汁味濃，咖喱汁加入南疆、香茅及黃薑粉煮成汁，香味濃郁，雞件炸過之後更入味，另外加入芝士，焗完之後更加香濃餐飲叫了凍檸檬茶小食可選泰式冇骨酸辣鳳爪，酸酸甜甜交集，非常開胃…查看更多

係北角收左工 諗著平平地就近係地鐵站搵食 地鐵站附近就有間森森食堂 咁去食反餐茶記都唔錯 餐牌選擇好多 選擇困難症嘅我 都諗左一陣食咩 而且卡位很足夠 坐得好舒服！🔖自選系列ABC HKD63有非常多食物任揀，可以係A迷你焗飯/意粉或熱狗、B前菜同C小食各揀一項，今次就揀咗芝士肉醬意粉、2件奶油脆豬同鮮菌芝士焗西蘭花，非常豐盛，而且味道都十分唔錯。意粉唔會好鹹好濃味，較接近西餐嘅味道。奶油豬又脆又香，西蘭花鮮甜。🔖焗咖哩魚柳飯 HKD58可揀馬來咖哩或者日式咖哩，對應唔同咖哩愛好者。咖喱香甜多料，而且飯仲係炒底，非常正。魚柳大塊惹味，配上香甜嘅咖哩好夾，十分抵食嘅晚餐，性價比高🔖跟餐薯條 HKD+15有三種唔同味，包括黑松露、芝士同原味，今次揀咗原味。薯條用鹽吊味，已經好正，而且炸起嚟熱辣辣又夠脆，食到停唔到口🔖凍朱古力幾香濃，而仙草奶茶幾正，仙草本先已帶甜味，奶茶可嗌少甜甚至半甜，都已經好足夠。就算我嗌走甜都好好飲😍😍😍…查看更多