森堡美食

Open Now

Now Closed

好一段時間無黎，下午茶加到二十六蚊了，但仍爆滿，好多人。轉左一圈先返黎，都仲係要等位先有得食。無黎咁耐，啲落單阿姐換哂人，廚房就無變。今次要左吞拿魚，蘑菇，咖哩汁，烏冬。烏冬好彈口，咖哩汁辣得黎好香，唔錯。吞拿魚同蘑菇都係罐頭貨，無乜特別。餐飲熱檸茶，一般水準。感覺上食物份量減少左，食完完全唔飽。

好耐無黎森堡食野啦，日日都爆場，費事等位。佢個下午茶又幾年前嘅十九蚊漸漸加到而加二十四蚊，D款式無變，都係個D餸，粉同醬汁，不過二十四蚊一個焗粉加杯飲品，今時今日都算平。是日揀左豬脛肉，蘑菇，米線+沙爹汁。天氣凍時食D熱喇喇嘅野特別好味，個醬汁咸咸地，唔似沙爹味，不過上面D芝士溶哂真係好正！再有芝士粉任落，已前放係枱，而加要問先比，侍應態度頗惡，要扣分，不過總括食物係好食嘅，豬脛肉配蘑菇好夾架。飲品叫左熱檸茶，枱上無糖，又係要問，不過我一向唔落所以無所謂啦，檸檬有四片，味道OK，無特别。服務基本上係零，如果你要求要多張紙巾或要杯水都會比既，再加上D侍應成日都大呼小叫，好吵耳。環境相當擠迫，小小一間鋪入面有九張方擡，一張圓擡(門口)，基乎連轉身都唔得，由期而加換左有椅背既凳，迫上加迫…黎呢道，真係純為食野，食完立刻想走。

是日同朋友仔出天水圍買衫衫~之後就一早上網搵定去邊到食野當日好多食店都好多人~我地都幾驚會冇位...不過好好彩~去到個陣時吾係話好多人...!之後同朋友坐低後就睇下個餐牌喇~嘩,,,我見到有好多選擇~佢吾係限定某個lunch甘...而係有好多既材料俾你揀~之後自由配搭...我就揀左個焗飯系列~有2個餸揀,,,我分別叫了雞球同西蘭花,意粉配茄汁~之後我叫了芒果綠茶+$3~我既朋友就叫了個石頭窩飯~飲蜂蜜綠茶~等上菜既時間都OK耐...好似都有10-15分鐘到~不過飲品先到~我杯芒果綠茶都OK既..不過有啲甜...而朋友個杯蜂蜜綠茶真係吾係講笑...甜到漏之後食物尼了~我果個好香喔!!而且真係非常之熱>3<西蘭花本人認為太少了~得4舊仔-____-!!啲雞球都可以既~不過好多肥肉!!茄汁普普通通~甜甜地意粉都好好味~朋友那個也不錯喔~有一大塊窩蛋..入面有豬頸肉~有點配菜!感覺上都不錯~朋友很喜愛吃那飯焦有機會的話一定會再去~^^當然可能著校服去食,...因為學生餐平很多XD另外講講~如果那裡的地方可以更大就好了~因為太迫了,,,><希望日後能夠擴充一下~^

正值午飯時間，妹子拉著爸子去新北江商場填肚子~幾乎想到腦汁都出埋..離離去去又是2~3間好食爸子不想吃粉麵，於是乎去吃焗飯，都好~好耐都無食過！自己找位置坐，沒有人招呼..唯有妹子去拿餐牌看~見到隔離枱成班人吃石頭鍋飯，還掂未試過，次次叫焗意粉都有點悶！好~就試那個吧！而爸子就叫上是日午餐..店內只有2位阿姐，一個忙於外賣，另一個忙於落單..唯有等她們忙完先，第一句問"食咩呀？"第2句問"飲咩？"真的有夠簡單直接！妹子鍾意，若果聲線無這麼強硬的，聽上來會舒服點..芙蓉蛋豬頸肉石頭鍋飯($36)，面頭繞上太多日式燒汁，妹子嫌非常甜膩！下次可以叫少汁醬..芙蓉蛋好食煎得不老而且有蛋汁，正！豬頸肉不是一片片的，可能是因為熱力的溫度，令到變成捲埋一舊~配菜還有西蘭花和洋蔥，真正一大堆頭，沿著石頭鍋邊還有飯焦，好吃~爸子點的吉列豬扒滑蛋飯($30)，看樣子非常靚仔！可惜吉列豬扒的外層與內層是分開的，即時扣分！飯的份量很多，爸子也吃不完呢~飲品叫上凍鴛鴦及妹子的例牌，凍奶茶走甜，用上鐵杯盛著，大大杯只需加上$2！順道叫多個外賣給正放緊暑假的妹妹子，真的有夠懶惰！只怪爸子太寵她了！下午茶時段2點開始

住響天水圍咁耐, 都知新北江食肆質素係點…每次都間間爆人, 想搵一間唔洗等位都唔得…今次呢間算係唔洗等咁耐。一坐得, 當然同人搭枱啦。侍應態度, 當然都係差啦。食物質素, 當然都係求求其其, 墳飽你啦。不過價錢, 都唔係平架!我食呢個焗飯同焗意粉, 都要成32蚊. (包埋野飲)

唔知係幾時，好多餐廳都出石頭鍋飯。呢間都唔例外，唔知佢地整成點呢？呢日都唔算多人，同平時既午餐差好遠。吉列豬扒窩蛋石頭鍋飯其實都唔錯既，個豬扒整得好好食。不過唔知點解個豬扒會皮肉分離。而個蛋只係撈落飯到，無乜特別。個汁係照燒汁，同個飯襯得黎又唔會太鹹。而個飯有好多飯焦，唔錯架。珍珠奶茶當然唔會期望太多，因為茶唔算太濃。好彩既係，個珍珠好淋。呢個先唔錯。次次都唔錯既，不過我都係覺得焗飯會好食。

尋日約左個同學去呢間食飯，都唔知幾耐無黎過啦。因為呢度既焗飯好食得黎又唔會太貴。我地已經早左到，但已經要等位。可見佢既人氣。珍珠奶茶奶茶味都算幾濃，珍珠又幾淋。不過同我理想既味道都係有距離。白汁雞扒薯仔意粉個白汁都好重忌廉味，而雞扒同薯仔都係炸完再焗。會好食。而個意粉都算淋既，雖然唔到彈牙既地步。呢餐都唔使三十蚊，雖然天水圍有好多平過呢間既。但質素呢間都同價錢成正比。

如果行完北江想食lunch　森堡會係一個好選擇 但係千其唔好撞正學生lunch時段 一定搵唔到位 haha焗野好好味架 ^3^無論食白汁/咖哩汁/其他都唔錯 佢d牛腩都okay+$2 轉個芒果西米既飲料 幾好味架不過今次想講佢個石頭窩飯 試左其中一個 $30雖然比起焗飯貴d 而且份量唔算係好大 不過都好好味個日個frd叫左有牛肉個款 幾特別既味而且唔錯下次我試下有心形蛋個個先 haha推介推介 開飯喇.tips : tea黎呢度係最抵架 因為$18咋

下午茶19元: 焗意粉可揀兩樣送+ 一個汁+ 一種粉.+熱飲(凍飲+2,台飲+3),不要+ 一服務費! 還有湯意粉可揀兩樣送+ 一個湯+ 一種粉.+熱飲(凍飲+2,台飲+3) 焗意粉的汁,我覺得黑椒汁,唦嗲汁同咖哩汁好好味! 焗的配料如果有薯仔就好啦!因為焗的薯仔焗林咗好味! 但湯意粉我就不揀薯仔啦,因為好似唔夠林! 19元低唔低? 我覺得算可以! 但之前16元,這兩年就變咗19元! 希望之後唔好再+ 價啦! 最後下午茶好多人,因為焗意粉雖然要等一些時間,但真是好好食!

今日自己一個人黎個下午茶...其實是我的第一餐才對，每次放假就會食無定時...真的很不應該呢~~心思思想食點有忌廉汁的東西，便來了新北江商場因為屋企附近除了這商場別無選擇可言...這裏以焗飯&意粉類為主...之前都來過好幾次了...因為妹妹喜歡吃這裏的咖喱薯仔豬頸肉螺絲粉~~下午茶時間來吃最抵！只需$20多元就有個焗飯/意粉+飲品...而且去到6點才完呢~~從多款的食物中任選2款...可配蕃茄汁~白汁~南瓜汁~菠菜汁~咖喱汁~黑椒汁等等n款選擇再配炒飯~意粉~螺絲粉~長通粉等等款式麵食...無論多擇食的人都可以選到心頭好呢~~而我因為未吃過東西的關係，就選了牛腩豬頸肉等飽肚的肉食配菠菜汁意粉+$3珍珠奶茶牛腩豬頸肉配菠菜汁意粉牛腩...我數過有2粒...哈哈~~豬頸肉都有3片，下午茶份量比午市少不過都夠填飽小妹肚子...意粉是幼身帶硬身，而白汁裏見到有一絲絲的菠菜絲但嫌今次給的菠菜汁極少...只是薄薄的舖面，不足以撈均成個意粉...不過新鮮焗起熱辣辣夠好食...珍珠奶茶走甜(+$3)不要期望茶餐廳水準，正確來說是喝茶~奶~珍珠...就這樣的簡單店舖比較小，因為商場的關係吧！預左繁忙時間

今日同個同學去呢度食午餐，都有三個月無黎過。可能今日好早黎，所以好小人啦。我倆都叫左焗飯食。焗飯呢次食龍柳薯仔黑椒汁飯。唔好睇個碟咁細，其實食完都好飽架。個龍柳係炸完再焗，所以幾好食架。而薯仔都煎過下，所以都脆脆地，唔錯架。個黑椒汁就辣辣地，唔算太鹹。飯就粒粒煙韌，好味道。凍奶茶算幾好飲，但茶味稍淡。二十幾蚊食到好飽，實有下次既。

森堡美食係我讀中一時已經存在,一直都係食焗飯出名,特別係下午茶時份,連野飲都係$20左右,不過小女都係食過1-2次...仲要係5-6年前...上星期係查理弟弟既介紹下終於再去幫襯喇叫左個瑞士雞扒石頭飯配青蘋果綠茶($34),要讚讚係個瑞士汁,真係幾好味,雞扒份量好多,搞到食剩左..個石窩唔夠熱,d飯壓到成飯焦既比較少,但我知係呢d地方食唔可以強求太多,因為都已經算唔錯...想講既係個石窩,d飯好似因為個石窩而變左一點點黑色,(一定唔係因為變左飯焦)我懷疑係因為個石窩既問題,d顏色甩左落黎d飯度...各位食果時真係要注意下

配了魚跟磨菇撘長通粉下次要再試試其它汁多得很,,這個汁少許似肉醬但味道是酸甜的吃得多變了很渴*跟台式飲品也只是加$3,,可以試試~~款式跟汁料也有很多選擇不錯*

星期六冇咩野做, 專登黎呢呢度食tea~因為媽媽推介新北江呢度好多抵食既餐廳.咁就順便行下街啦~商場一樓, 一條直路都係d餐廳仔, 有泰國野, 台灣野, 港式茶記, 糖水舖, 四川酸辣粉等…慢慢揀岩先入去~最後我揀左食呢間有焗意粉的森堡.其實已經下晝4點~雖然餐廳唔大, 約有9張圓枱仔, 但都座左6張枱..所以我諗呢間森堡應該都唔錯.叫左兩個自選意粉tea set, 可揀兩個配料, 多款蔬菜及肉類選擇, 仲有素肉添…揀一款汁: 茄汁/ 白汁/ 南瓜汁/ 菠菜汁/ 咖哩汁/ 沙爹汁/ 印尼加多加多汁/ 葡汁等…揀pasta: 意粉/ 米線/ 長通粉/ 三色螺絲粉/ 菠菜麵等…我要左南瓜汁魚柳蘑菇三色螺絲粉+ 珍珠奶茶(+3)媽媽則要左菠菜汁豬扒沙爹牛肉長通粉+ 芒果西米(+2)等左約五分鐘,野食就到~南瓜汁魚柳蘑菇三色螺絲粉: 南瓜汁唔係好有南瓜味, 質感較稀, 唔明白點解係黃色的, 但其實食到有一絲絲南瓜. 魚柳係已切件, 有4件. 幸好~蘑菇都俾得唔算少. 而螺絲粉大多數都係白色,只有幾條綠色及橙色, 不過其實都咩所謂啦~味道都係一樣啫~揀螺絲粉係因為它較索汁.但係~我呢碟粉唔夠熱.

之前去過哩間野,,,,間野唔算多人,,,,得幾台,,,,但係我地嗌左好耐都冇人幫我地寫單,,,,,佢地竟然掛住坐o係度食野,,,,,嗌個亞姐佢就嗌第二個落,,,,,自己繼續食,,,,,,佢嗌左個o靚仔幫我地寫,,,,,個o靚仔又係應完就算,,,,我地把鬼火再嗌『唔該落單』,,,,,個亞姐先肯起身話『得喇,,,唻喇唻喇,,,,我幫你落喇』,,,我心諗你而家係咪做ga,,,,次次唻到你成班都係掛住食,,,,,食遲陣唔係好阻你呀?!(佢地唔係食飯時間ga喎,係得閒成班出唻圍埋食下蕃薯,,煎下薄餅唻食)間野望落去好污糟,,,,,望到都唔開胃,,,,,我地今日決定嗌外賣....感覺想乾淨d!!佢幫我落單果時都唔知搞緊乜..;....完全冇聽過我講野咁,,,,不停重複再重複,,,,,等左成個鐘終於有野食,,,,,一睇原來真係冇聽過我講野,,,,,d野飲落錯哂,,,,,打返去同佢地講,,,,,,佢竟然同我講『咁你要等多一個鐘ga喇喎』,,,,我即刻起火『我落單已經重複左幾次,,,,你都冇聽我講野,,,,我已經等左成個鐘,,,,你而家又要我等多一個鐘先肯送過唻?』最終當然冇換返杯野飲俾我,,,,哩間野