棟記飯店

Open Now

Now Closed

有台灣朋友黎香港玩，當然要帶佢去食大排檔😃感受一下香港特色，食野飲酒吹水嘅氣氛🥰🍚楊州炒飯 $58中規中舉，不過炒得有少少濕，如果乾啲，多啲鑊氣，會更加好食。不過味道已經幾好，岩岩夠味，唔會太咸，台灣朋友都話岩食呀😆🦑椒鹽鮮魷 $130大排檔必食啦😄雖然唔係好夠熱，似係炒定。但係個皮炸得夠脆，粉量適中，椒鹽味好過癮，係有少少咸，配個喼汁都ok 嘅。但係可能唔係好夠油，所以差少少，同貴咗啲，不過係合格嘅。仲叫咗藍妹，解渴！地理位置方便😄旅客食完可以撘機場快綫😇

Lunchtime去咗上環街市嘅棟記食晏 🍴平時都有去開，不過多數食炒公仔麵/咖喱嗰啲。正常茶餐廳大排檔水準啦。不過今日想食得清淡啲，決定嗌滑蛋蝦仁飯食 🍚例湯就自己出去裝，應該有落少少味精，飲完唔會好口渴。出去食飯都預咗會有，可以接受 😅滑蛋蝦仁飯啲蝦爽口彈牙，仲幾鮮甜 😋有驚喜喺上環區食晏嚟講都算抵食 💰環境就一般熟食市場質素，唔算太污糟，可以接受 👍係食食吓隔離間鋪出晒煙，以為著火驚一驚，好在最後無事 🙏

職員安排咗張枱我哋坐低，餐單無俾，要自己出去四圍搵。到睇緊餐牌，睇咗無一分鐘，個職員係咁係度問食咩，我話睇睇先，好快又再問，係度催。叫呢個菠蘿咕嚕肉嘅時候，職員介紹另一款咕嚕肉問要唔要試吓，分只在於個皮係脆的，又講唔出有咩咁特別 要我去俾多幾十蚊去食。（咕嚕肉唔係本來就應該係要脆的嗎？）菠蘿咕嚕肉：炸粉好厚；醬汁唔夠幼滑，好杰腰果炒蝦仁：蝦肉幾新鮮，西芹腰果份量挺多。炸子雞：（半隻）皮薄脆，但雞肉偏瘦，好鞋。

開工巧遇朋友 晚餐緊係環一齊食啦介紹我黎棟記6點鐘黎到 吾洗排隊叫完野食 坐左一陣 附近就坐晒人睇黎幾好食咁!因為要趕番去繼續開工叫左快d上菜超快手 一次過上晒4碟貴就貴d 但係大大碟埋單每人160$平時食豬手最怕好咸 肉質又硬點知幾好 吾會太咸 終於遇到好食既豬手蠔仔新鮮 無落超多胡椒！姐姐推薦既牛柳炒菇都好好食本身諗住 下？炒菇咁怪 一樣肉質吾硬 菇都係新鮮好食

上環附近食午餐有咩選擇？上環熟食中心有好多選擇比到你。今日去咗搵咗間棟記食晏。一坐低佢問你想食啲乜，落完單之後唔使好耐就馬上有碗中湯送上。碗湯就其實唔係好足料，不過都feel到係老火湯嚟㗎，所以喺味覺上都可以補救返。 上咗例湯之後好快就有凍飲同埋個飯。嘢食就正正常常都係普通茶記水準，唯一要注意嘅就可能真係餐廳衛生，就咁睇落去都有改善空間㗎。但係價錢上冇得輸、平靚正。服務快手，想快快手食完個晏晝冇得輸。

價錢合理味道都幾好，交通都幾放便。可能係平日，左右舖頭開得一兩間，比較冷清左D，但係就唔會食食下野，聞到煙味同埋D猜枚聲。總體黎講中上環揾野食或三五知己聚餐都可以試試。

一個月總會幫襯幾次鍾意佢可以自己帶酒環境光猛時間早仲可以樓下街市買海鮮今次就少少地買了桶蠔同埋蝦價錢實惠2個人埋單 連海鮮 500有找蝦（樓下街市買） 100美國桶蠔（街市買） 120

天氣涼左，想食中式晚餐，又諗起上次食過幾好食，特登過嚟番兜。今次是第二次食，今日人流多，佔座一半左右，非常嘈吵，好難傾計。有個中年叔叔帶位，俾滾水、杯碟。有個穿圍裙伙記係老人家，她不會寫單，應該係傳菜，執枱兼包外賣，有一位慢慢行的老叔叔是傳菜的。寫單要找後生及中年的幾個伙記。今日叫左魚香茄子煲、咕嚕肉、黃金鮮魷，一支青島，兩個白飯。食物等了15分鐘左右。我們三人叫三個餸，份量剛剛好。仍然最喜歡魚香茄子煲，肉碎很多，撈飯啱味，在環境冷氣足夠下茄子食到尾仍然是滾熱，十分欣賞！黃金鮮魷也是新鮮炸起，脆卜卜，正！咕嚕肉一般，有雪藏味。整體來說，唔錯的一餐，我們應該會再來。

Lunch time行下行下去左上環街市，所以決定上去搵食啦又上到去街市好想食即炒，不過你知啦。。街市熟食好多鋪頭，真係花多眼亂嫁正當猶豫不決ge時候，有丫姐同我地招手 同wan又見到係有即炒，所以就決定試吓大排檔式ge地方，招乎都算正常佢張大圓枱有櫃桶，可以自己攞筷子匙羹杯，熱水就喺枱面自己浸。我叫咗個乾炒牛河，我朋友叫咗個豉椒炒牛河加埋凍飲都係$42,喺中上環區真係好耐冇試過見過依啲價錢，凍檸茶少甜叫咗，味道正常。不過我個炒河就好快就到，兩三分鐘就到咗，反而我朋友個炒河耐好多嗰首可能都唔算話好油，河粉比較碎。不過奇怪地方地方炒河都叫熱嘅不過完全唔覺得係啱啱抄出嚟 所以我都唔知係咪即炒。。。反而我朋友叫果個好靚仔，仲有幾好食幾有鑊氣所以我覺得都OK正常。呢啲價錢你仲想點？不過開晒風扇都好熱，唔覺有冷氣唔知係位置問題定點啦

啲嘢唔好食，中午無湯，椒鹽豬扒飯無椒鹽無炒過，只係炸豬扒，飯又乾爭爭，豉油都冇，以後唔會再食棟記。成碟嘢干到咩咁唔覺得佢有椒鹽，完全貨不對辦，呢間野以後都怕怕。

常聞上環街市有好嘢食，今日第一次過來。開頭有少少怕會熱或者環境如何，入到來其實也算舒適，冷氣夠涼，地板乾淨乾爽。在玻璃門外要填安心出行，推開玻璃門入去，迎面已有人過嚟介紹你食佢嗰間，你可以行入去周圍兜下睇下中意食乜。我哋第一次嚟，又未有心水，所以就去咗食棟記，因為呢間好似係全街市最大嗰間有最近門口。我哋行埋去試見到有個男仔自己一個人嗌咗煲魚香茄子煲一人獨享，望落去好似好好味咁所以我哋一坐低第一樣想嗌就係魚香茄子煲，我老公想食粉絲所以又嗌左個粉絲煲，牙仔就想食牛肉跟住我哋又叫多一個牛肉，全部都好好食！下次一定會再嚟！

今日去中環見客，所以lunch 就係中上環附近搵野食，由於食飯時間好多間餐廳都full哂，沒有位置，所以去左比較多坐位既熟食中心食飯。我們入左間叫棟記既食碟頭飯，叫左個星洲炒米同涼瓜排骨飯加飲品熱奶茶，分量都幾大，涼瓜苦味重，不過個汁唔錯，排骨份量都多，包你夠飽，星洲炒米米粉炒得都算乾身，不過味道偏咸，質素中規中舉，奶茶都可以接受，唔會太澀，不過無乜奶茶既回甘，但價錢係平既，所以質素對比返價錢係可以接受。

為免大家等45分鐘叫嘅嘢都唔黎，之後到咗個餸又有小小強，同佢反映之後反而被個老闆用粗口鬧你好似你丐飯食咁，所以寫呢個食評。其實原本棟記係我嘅飯堂，因為返工同住都係呢區，鍾意食小菜，所以lunch time或夜晚唔煑飯都會叫呢度，通常放工打去落order之後自己去拎（都曾經係Openrice post個d外賣）。有時懶又諗唔到食乜真係一日兩餐食佢（我IG有相可以做證）。但今日就非常之唔好彩，諗住星期六呢區比較靜，所以打去叫外賣。等45分鐘都唔黎，其實你送唔到接單時可以講。等45分鐘送到黎，戲肉係盒煎蛋炒菜有小小強，即刻打去叫餐廳打俾啱啱落lift個個人拎返盒餸（其實我距離文娛唔洗5分鐘）。你以為佢會處理，點知好好野，佢接完電話ignore你。所以你好聲氣打去問佢，點知個老闆(男人）叫我食咗盒餸去，同用粗口話「你下次唔好x再打電話你落單」😤🤬😤🤬 乜事呀依家，我有俾錢架，你個食物唔OK同你反映，唔處理仲用粗口cut人線。問題係我有俾錢唔係丐食囉，所以搞到我要走落街拎返盒餸俾佢叫佢退錢。去到預咗佢會拾我呢個女人，但我唔忿氣白白俾咗錢嗌你囉，我都好公道冇郁過盒餸完整俾返佢。但佢退錢嘅時候繼續用

6號餐: 秘製咖哩雞飯  42元 有例湯&凍飲  3/5分1. 例湯是蘿蔔湯,味道都可以,不過偏淡2. 難得凍飲熱飲價錢一樣,選擇了凍央,叫了少冰但沒有算啦,飲品有正常茶記水平3. 咖哩味略淡; 雞件好多,不過食得出是冰鮮;米飯量都足夠;咖哩中有2件蘿蔔,還可以~上環熟食街市到處都是茶餐廳,價錢大約在40-50元,有平有貴,座位就一定有,棟記算是平均質素,不用等候亦可以一試,下次繼續跟大家分享其他餐廳~

係呢頭住固之然要搵下食，就搵到呢間棟記。佢係上環市政大廈樓上二樓。哈哈又估你唔到，上到去又幾多人喎睇吓餐牌先。我最愛吃鮮尤，honey話食兩拼，于是乎叫個炸魷魚白飯魚，另叫個啫啫雞㷛，再叫個生炒牛肉飯。我就帶埋梅酒溝soda飲。先嚟個炒飯，份量大可惜牛肉落左太多梳打，炒飯好食除咗牛肉。之後個啫啫㷛。掂呀！有黃沙豬膶好大塊，超好食，也有雞食有點肥，味道好食。最後都係炸白飯魚同鮮尤，都好好食，但honey嫌尤魚太林。我就覺得好好食😋