Stand Up Eating

荃灣呢條街都真係幾多小食店，魚蛋燒賣、串燒、豆花、糖水、泰國野、粉麵，除左龍津，另一間有魚蛋食，就係呢間棟篤食，鋪面好細，有兩個姐姐。當晚我收工好鬼餓，又未夠鐘食晚飯，於是先來呢邊食啲小食，食完龍津未夠皮，試埋呢間嘅魚蛋。除左魚蛋，仲有燒賣、串燒類，但見冇咩起色，又冇咩香味，咁我都係食魚蛋算數。10蚊一兜魚蛋，唔貴，但唔好食。首先話就話沙嗲醬，辣，下，完全冇料到，一啲都唔辣，個醬亦都冇咩特別。魚蛋細粒，鬆拋拋果隻，完全唔好食，同龍津一樣，不相伯仲，好劣食feel。…查看更多

荃灣掃街第二站 – 龍津美食既即燒串燒🍢由於佢係店內燒，所以唔太起眼，燒食物既氣味又唔大，所以一直都以為佢只係食魚蛋燒賣但有次見到有Youtuber介紹，仲話好食，所以MARK低左要試一試其實Youtuber話呢度既雞皮唔錯架，但平時唔食雞皮既我，0興趣，結果點左($33三串)豬頸肉、火雞腎片、鮮蝦腐皮卷同($16一串)鹽燒牛舌，配麻辣燒呢度小食店真係好抵讚!!第一讚：串燒一D都唔小氣，每串都串到滿，而且唔係細細件，分量非常大方😍第二讚：個麻辣醬汁真係好惹味!! 少少少麻，好好好香既辣!!  辣度係岩岩好，辣得黎又香，唔係死辣，唔怕食到無味覺😋豬頸肉、火雞腎片、鮮蝦腐皮卷($33三串)沾左個麻辣醬汁，味道唔會衰得去邊~ 不過豬頸肉係偏淋非爽口既肉質，食落似腩肉質感；火雞腎片爽口；鮮蝦腐皮卷內有較多既甘筍，但蝦肉就唔太覺鹽燒牛舌($16一串)厚切牛舌一串有五件，燒得非常淋 一D都唔韌，口感有驚喜；配上少許孜然粉、辣粉同鹽調味，味道就無上面果款咁濃味，不過都可以一試個人覺得串燒食物一般，但個麻辣醬汁真係好好味，完全係加分位；所以下次會因醬汁而再次光顧…查看更多

係荃灣肚餓經過呢間小食店，老闆娘話炸雞皮好食，就一於試下佢！果然好香口，咬落去脆bob bob，好似食台灣豬肉紙咁，果然無介紹錯。開左個頭又無理由停架，於是我就叫下叫下叫左幾袋，牛雞豬樣樣齊，全部都好正！…查看更多

在數間魚蛋店中，最終比尼間店舖的即燒串燒吸引左過去，買左一串魚蛋一串燒賣(加左號稱好辣的沙嗲汁)。沙嗲汁方面是有點失望，可能叫左少辣的原故，d汁一點也不辣，可以說是無乜味><而魚蛋燒賣質感亦是普通口感。…查看更多

難得我呢個港島人weekend 會去荃灣行，買左好多好野呀！原來愉景新城咁好行。好喇廢話唔多講，我今日要食既呢間其實並唔係係愉景新城架，而係荃灣既一條食街-荃興徑。話說個日無食晏，搭車去到荃灣之後，仲唔係太肚餓，就想是但搵啲野醫下肚啦。咁岩行過呢條街，勁多食店同好多人排隊買野食。而我對眼第一眼就望到呢間小食店，價錢好平呀！九蚊兩串魚旦，好耐無見呢個價位喇！咁抵食點都要幫襯下啦。叫左一串燒賣一串魚旦，要辣既！魚旦彈牙，燒賣都係面粉味啦，不過辣油就唔錯，夠辣！算係過得去不過不失咁！而間鋪頭就感覺幾乾淨。…查看更多

今日放工行下行下又行到去荃灣路德圍一帶，又係掃街邊小食時間啦。之前食過一間有多間分店的小食店，主打魚旦燒賣買一送一，而且價錢超平，所以都有很多捧場客。今天打算再去食，但見有很多人排隊，於是便打消念頭。今次唔知點解會望到隔兩個鋪位有賣魚旦燒賣，但冇人排隊，心想這家店所賣的燒賣難道唔好食?? 於是上前看個究竟。一串燒賣6元有四粒，這個價錢亦算合理及便宜。原本打算買一串試下，店員隨即問我要兩串嗎？9元兩串。最後我還是敵不過這麼便宜，要左兩串。店員用碗載著燒賣，灑上辣汁，滿滿的一大碗。估唔到燒賣都有少少魚味，咬落都幾彈牙，不是身，又不是乾掙掙那種，而係帶點軟熟的口覺，再加埋自家製的濃郁辣汁，很惹味。其實這家店舖亦有其他食物，如魚旦，串燒等等。下次有機會試下其他食品。…查看更多

約左朋友響附近食飯, 但要等埋佢收工先食得, 少少肚餓唯有行過食串串燒先.呢間棟篤食燒得都幾香, 就買串試下, 1串豬肉$11, 價錢黎講都OK, 買串魚蛋都6蚊啦.串燒即燒熱辣辣, 要左辣沙嗲汁. 第一口感覺幾辣, 但唔夠沙嗲味, 醬汁唔夠.肉質唔算太軟熟, 可能燒得乾身左. 但肉唔會太多肥膏位, 一整串都係肉, 還好.…查看更多

同FD睇完戲響附近食D野, 佢地話呢間串燒好香, 見唔係好多人等一於試下.一串11蚊, 要左豬肉串, 雞肉串, 落左order要等燒, 所以唔趕時間先好食.豬肉串肉質幾軟嫩, 肉汁唔算多, 但又唔算太乾太彈. 至於雞肉都唔錯, 肉質嫩滑, 唔會太多肥膏. 沙爹醬唔算太辣, 沙爹味道算濃郁, 食落更加惹味.…查看更多

前幾日同FRIEND係荃灣行完山，餓到PK就諗住求其搵D野填下肚仔啦，點知又俾我發現到呢間野D燒賣又幾好食喎。其實呢間野又唔係得燒賣既，仲有魚蛋、各式串燒等等好多掃街常見既食物，試左幾樣味道都算唔錯，不過令我印象最深刻既始終都係佢既燒賣。首先一兜8粒燒賣十蚊都唔洗已經算係十分之抵食。水蒸既燒賣令佢唔會乾哽哽，熟透之餘亦都不失水分同彈性。加上佢唔似得其他燒賣咁淨係配豉油，佢仲有麻辣汁同埋沙嗲汁俾你選擇，鍾意辣既朋友當然就可以選麻辣汁，怕辣既朋友都可以揀佢既沙嗲汁，一D都唔辣之餘仲要甜甜地咁，講真配沙嗲汁既燒賣我都係第一次試，同D燒賣居然係出奇地咁夾，雖然兩隻味都唔錯，不過我個人就比較鍾意沙嗲汁多D喇!…查看更多

有晚放學諗緊食咩宵夜, 行過聞到有陣串燒香味, 忍唔住要買幾串.要左兩豬一雞, 三串平D係$30, 如果散賣要$11/串. 等都等左一陣, 因為唔響街食, 所以搭埋車返到屋企都凍左好多, 沙爹汁好似乾晒咁. 豬肉可能凍左比較乾, 唔太多肉汁. 雞肉都好D, 肉質嫩滑既, 但如果即燒即食應該會好JUICY.所以下次我記住串燒要即場即燒即食先好味.…查看更多

宵夜去路德圍有好多選擇, 聞到呢間串燒幾香就買幾串試下, 原本要兩串就$9蚊串, 但阿姐話$21三串, 差少少咁就要夠三串, 兩雞肉一豬肉.串燒即燒所以都等左10分鐘, 阿姐會問你要咩汁, 沙嗲汁有辣有唔辣, 要左唔辣. 一上手睇落D汁較稀, 沙嗲味有既但稀得濟沾唔到響D肉到, 要邊食邊點下碟入面D汁. 肉就燒得幾好, 唔會太燶, 幾香同埋幾大多肉, 夠大串.…查看更多

此鋪同附近既鋪頭一樣.都係買一送一..但由於位置不同..始終不及其他鋪頭人頭湧湧..燒賣都係一般交嚟既貨式..無腥味就可以了.魚蛋偏林身咬落唔實..雖然唔係上等貨..都係.無腥味就可以了..之於要讚既就係個醬汁..今次要..唔辣....都好味喎..好獨特..E種醬料..應該係E到自制既....如果價錢都係一樣既..我會提議各位試下E間啦..唔係下下.開係大路既先有好嘢架..…查看更多

是晚與友人看完lady gaga 演唱會跳了一個晚上,開始又餓了,決定一起找點吃的就來棟篤食吧,點了8串,再加王老吉!點了牛舌,雞皮,雞腎,雞肉,魷魚,豬頸肉,應該大部份都已試過了,猶記得其雞皮燒得極為香脆,一試難忘生意很好,等了好一陣子才有得吃是晚的雞皮,水準差了,只是有點脆,有部份還有點硬,燒得不夠吧,牛舌是熟而有調味的牛舌,如果可以做得惹味一點會更出色另外點了的雞腎,雞肉,魷魚,豬頸肉~雞腎,雞肉,豬頸肉份量很足,才$9一串(或$25/3串)價位上是可以的,味道和口感也合格有餘,唯一是雞肉有點乾身,應可以更上一層樓至於魷魚,其實是好吃的,因為肉夠多,可惜是我們略放涼了.....還記得其蝦籽撈麵都是很有水準的, 下次讓我們一行4人再吃吧,反正友人很喜歡皮,下回吃完後再到木子吃碗豆花吧!…查看更多

放工.肚.空空...同個妹..行過見到E間嘢.9 唔 9.都會上下雜誌..又有人排下隊買下...同埋.鬼咁大隻字..買一送一..真吸引...六元.買一送一..就緊係魚蛋燒賣兩溝啦....我見到燒賣係用陳記..差極都有限既..魚蛋就唔知邊到..不過食落都唔係一舊麵粉..口感都算唔錯..我唔係好食得辣..所以要唔辣既汁..應該都係沙嗲汁..唔辣之餘有蒜蓉香..好易入口..唔似平時個D..唔辣就只得豉油.....都幾有誠意..再諗返雜誌介紹過間嘢背景.......都係關於一個媽媽....咁有心既一間鋪..要讚..魚蛋燒賣.各5粒....算係咁啦......…查看更多

個頭見熱鬧又多野食..今日揀左呢間試下..見有串燒..行近鋪頭見有埋報紙sales過..就信賴它了..什麼''xxx豬頸肉撈"22$ 只係一碗拉麵撈d普通到爆無乜味既豬肉..麵d調味配料初初第1啖食落仲有d唔知點形容既味..就是不太好la....友人就叫 招牌隻蝦子撈..佢食左啖表情充份表現出後悔及無乜好味既神態..佢亦試埋紅抽抄手..亦覺調味麻麻..(只係d蔥.蒜頭簡單野配生抽)..唔及茶樓個d..我呢就加多左份 3件個d棟篤雞好似叫..勁呀!炸野好易發揮到陣肉味..但可以整到完全無雞味..我見佢係拎d巳熟既炸雞..翻炸/熱佢...難怪走哂雞味...雪都無味la..咁就差唔多40$...20$就嫌比多由衷地說..:(…查看更多