梨興園 (Closed)

可能因為本身無期望嘅關係，所以對呢間韓國小餐廳的人蔘雞湯Set Lunch簡直就係喜出望外驚喜滿載。佢嘅人蔘雞湯其實就無乜人蔘味(不過後來都食到一小條人蔘鬚)，不過真係非常有誠意嘅製作，因為我真係第一次喺香港食人蔘雞湯佢嘅雞入面係釀咗糯米，另外就係佢個雞湯真係煲出黎而唔係用罐頭雞湯開水再掉隻雞落去就咁出餐的，仲有就係佢用嘅雞嘅雞皮非常薄，無乜皮下脂肪，所以出黎嘅雞湯亦無乜油，配埋白飯才$58真係無得頂。另外我朋友就試咗辣牛肉絲菜湯，同樣都係跟白飯一碗，佢D牛肉肉質都唔錯，有D咬口唔會林得太緊要，佢個辣牛肉湯都煮得好味，不過比較之下我就鍾意我個人蔘雞湯多D。…Read More

好鬼難食，個kimbap啲飯無味兼好散，一夾就散開，而且食完都唔知自己食左咩落肚，完全無味，無聞到麻油香。正常會有麻油香味，而且啲飯唔似新鮮煲起，似係放過入雪櫃嘅隔夜飯，所以好鬆散。個賣相又差，飯多過啲料，但啲飯又無味，入面啲雞又無味。其實kimbap好易整，將啲調好味材料卷埋就得，我從來未食過咁難食嘅kimbap。呢個紫菜包飯真心毫無誠意可言。其他野就無試，不過我諗都無機會再試，唔會再考慮幫襯。43蚊一啲都唔值…Read More

見到冇人都覺得伏伏地 但好攰唔想再搵餐廳 所以都係入嚟試吓所有嘢都冇味咁 海鮮蔥餅係煎麵粉 加幾條蔥 同一兩粒海鮮 後面真係白雪雪一塊然後嗰張汁係真生抽 = = 酒樓啲薄撐都有風味過佢… 唔知自己食緊乜然後要70幾蚊 紫菜包飯都係唔知食緊乜啲紫菜好似臭臭地又係食完唔知食緊乜乜味都冇 個炒年糕又係冇味 個醬有浸好cheap嘅辣醬味但係完全滲唔到入啲食材 啲豬肉又大浸雪藏味最後所有嘢都食淨一半但所有嘢都唔係平食到好嬲 越食越攰平時見到你啲裝修都九唔搭八嘅餐廳 一定唔會再入嚟試…Read More

一向都鍾意食湯飯嘅我，一定唔少得去韓國餐廳食湯飯🍚今日叫咗個海鮮大醬湯🍲同埋軟滑豆腐海鮮湯🌶️由於我個海鮮大醬湯係唔辣嘅，所以就問佢攞咗支甜辣醬同個湯溝埋一齊，辣度可以自己調配，甜辣醬同個湯溝埋一齊味道都非常夾，亦都好啱我個人口味，另外推介一個部隊鍋，估唔到鍋物好豐富，比出面韓國餐廳多食物，仲有包紫菜壽司卷，都係非常吸引，依間店唔收加一㗎❌➕1️⃣，而家仲做緊一個九折優惠，超平超抵食，一級推介…Read More

行過路過 深水埗-元州街 見到這家韓國餐廳 "梨興園" , 於是最入去食個午餐 , 一嘗究竟 ~先來的前菜 , 就有 泡菜 & 麻油菠菜 兩款 , 味道正正常常 ~紫菜卷飯 : 飯卷紮紮實實 , 素菜餡料都頗多 , 味道不過不失 , 但就是欠缺了一種味道 .... 韓味 ~鐵板烤香牛肉 : 牛肉醃得夠入味 , 味道是甜中帶點微辣 , 配塔了洋蔥、蔬菜、芝麻 ,因為鐵板上 , 就顯得特別香口惹味 ~炆牛肋骨 : 牛肋骨炆得軟綿入味 , 配菜有白蘿蔔、紅蘿蔔 , 還有些少蔥花 , 個汁濃郁惹味 , 極好餸飯 , 是不錯吃的 ~總括來說味道是ok的 , 但就是欠了一份韓國風味 ~本篇完 ~…Read More