Lee Woo Yuen Korean Japanese Restaurant

午市只需$70多元但晚市要$138(五、六、日要加多$10)愛吃的熊夫婦, 當然要懂得分辨, 晚市才有的食材要吃多些刺身出得好密, 不過吞拿魚就硬冰冰, 未溶晒雪牛肋骨無調味, 無鬆肉過, 所以肉味濃, 膏腴之物膏蟹好新鮮,燒烤後有海鮮的鹹再加肉甜肉質帶腍, 雪藏蝦應該是這種質地, 這批就是這樣!熟食中的海鮮, 豉椒青口最好吃, 因為青口並不是炒到乾渣；蝦肉就超易散開午市和晚市都是任飲汽水、啤酒, 汽水是百事公司產物而啤酒有金威和獅威。…Read More

韓燒食得多，多數都係鐵板，要自己落油... ...今次食葵芳梨和園，終於感受到網燒樂趣入面都幾寬敞~坐得幾舒服熟食區既食物都幾豐富刺身：三文魚、吞拿魚、立魚蟹籽鋪面既生果沙律各類壽司甜品：椰汁糕、涼粉、Jelly、豆腐花、雪糕(兩種味)...生果：有時係西瓜，有時係橙 另有車厘茄=]好好味日式前菜：味付螺肉、中華沙律熱葷：姜醋、青口/蜆、醃菜類湯：人蔘雞湯、中式老火湯、冬蔭功 (最好飲竟然係中式老火湯T^T)人蔘雞湯&冬蔭功都令人好失望唔夠熱係第一死罪人蔘雞湯太稠... ...又冇肉既鮮甜味，淨係得人蔘既苦(而唔係甘T^T)冬蔭功既湯渣碎濕濕，飲一啖湯，要lur好多香料野出黎....飲得好辛苦...但個味係ok既...如果可以隔一隔渣就好喇~凍肉櫃入面最好味既有：牛仔骨(切到長方片狀，脂肪同肉既分佈好靚，有雲石紋)蟹 (好多蟹膏 好新鮮 不過燒既時候記得要小心 d蟹膏跌走左)蝦 (估唔到海鮮類係咁新鮮@@ 真係好驚喜 好好味)賴尿蝦 (新鮮度就一般般，不過燒起黎好香... ...真係正)其他肉類：牛豬雞都係正常味啦^^飲品方面(罐裝)啤酒有兩款，藍帶&....唔知叫咩名，銀罐紅黑字可口可樂芬達檸七百事飲品，另有(飲品機)豆漿、西瓜汁、酸梅湯**西瓜汁唔好飲... ...豆漿唔錯！…Read More

我和另一半早兩日前已計劃了到這間自去年尾開張至至今已幾個月，現在才第一次幫襯的分店，其實我和朋友也幫襯過旺角那間梨和園，但印像中地方及衛生璟境也較差，而且食物又不太好。我們今日中午，一上到去的感覺都算整潔，可能都重算叫做新卦! 客人並不多我倆選擇了自助燒烤，我襯食客不多便出去拿食物，順便拍吓照準備為寫食評之用，點知在沒有打擾其他人之下影了幾張相，就比這裡的阿姐叫停，表示不可影相，很奇怪囉! 佢哋又無什麽不準拍照告示貼出嚟! 啲食物又唔係什麽唔見得光的材料做出來，我又無阻住佢哋做嘢，旺角好景商場那間都可以拍照點解呢間唔比呢?其實，我個人認為有照片給別人一齊分享，相信較有共鳴，點都好嗱! 我都會一樣用相片及持平的心來寫食評。炸物及熟食：-雞翼夠入味。豬腳及蛋都不錯，(原本想試下啲薑醋，但一喝之下要立刻吐出來真係很難飲，竟然像膠水般似的真係太杰了。)多春魚、春卷及薯條太腍了。西蘭花唔夠熟。燒烤生肉：-丸類、 紅腸、 魚柳及多春魚就沒有特別只是一般。最欣賞這裏的燒烤生肉類，我們試過牛肉、豬肉、金沙骨及雞翼等...，大部份的生肉都醃得很入味。冷盤及甜點：-啫喱及豆腐花普通。壽司很差不但唔新鮮，啲飯仲硬到好似隔咗兩日前煮落咁!另一不足之便是擺放在燒烤生肉柜內的食物，分類提示處一啲都唔清淅，好似有點亂嚟!總括來說：熟食、冷盤及甜點質數實屬一半一半，壽司更不用多提，簡單來說就是差極。最值得下次再來的原因都係這裏燒烤生肉類，並且有足夠時間來燒。結賬每位 : $78 (午市燒烤自助餐) + $2 (茶錢) + $8 (加一服務費)幸好有報章的九折優惠。…Read More

唔講都唔知呢頭有間韓燒 結果同幾個朋友上去試下可能平日關係 所以唔洗等位 一入去就可以坐低啦環境唔錯 可能新開既關係已經裝飾都幾好 D掛牆既畫幾特別 仲有HD大電視!!! 真係唔錯 !! 野食黎講都OK 我地後生仔最緊要食飽有雪糕 真係唔錯 因為之前係旺角食過幾間韓燒一係就話未返貨一係就話無個爐未熱之前我地去左夾D 熟食 全翼真係係超好食!!! 咩都有D 幾搞笑 最搞笑既係 有炸曼頭 個朋友拎返黎都笑左 ..爐熱左之後我地就開始燒野食 D肉"業"得好好味!!不過d魚柳好易"lon" 可惜我地無加個打便爐既爐 無得試埋打便爐既野食個晚唔太多人 都無趕我地走 呀姐都好好人 俾個9折我地!!仲有張vip卡添~~ 不過唯一好奇既係... ? 員工傾計講緊唔係廣東話??又唔似韓文啵 幾有趣因為成班fd食得太開心喪食~~~~ 所以無影到相不過下次聚會呢個都係我地選擇既地方之一既…Read More

聖誕節假期, 與朋友試新店的自助韓國燒烤. 早上十一時許, 剛開舖, 只得我們, 可以'他他條條'揀了個心水卡位, 舒舒服服坐下, 傾吓燒吓食吓, 夠晒寫意. 午市食物大致已預備好, 但因為店員未為我們開爐, 所以先吃熟食. 都是一般款式, 微暖.前菜有泡菜, 菠菜, 青瓜, 大豆芽等, 味道不過不失.炸物中, 春卷及薯條偏腍, 餃子有點脆口, 三文魚味道是可以的.咖喱炒飯料多味香, 炒粉絲偏油, 但勝在煙韌夠味, 秋刀魚, 炒公仔麵, 豆腐花就很一般了.原隻雞翼醃得入味,燒得很靚, 只可惜已經放涼了, 若熱食會更美味. 豬腳薑蛋, 只試了豬腳, 很夠腍, 醬汁稠度適中, 只是醋味不足.酸梅湯不太甜, 幾好. 雪耳雪梨水味道較清淡,不過感覺上是有點滋潤. 薯仔生果沙律, 雖然沙律醬稍多, 但因為各樣材料算平均, 不會盡是薯仔, 覺得有點誠意.其餘還有腸仔, 魚蛋, 薯餅, 炸多春魚, 鹵水雞翼, 卷物, 涼粉, 豆漿及糖水等, 沒有食, 唔知味道.朋友試了人參雞湯, 表示只有人參味, 沒有雞味.至於燒烤生肉, 最欣賞牛肉及牛仔骨醃得很入味, 所以燒每一轉都有牛肉類.豬頸肉及豬排未夠入味, 但都是可以的, 羊肉較碎, 墨魚仔就不過不失. 紅腸, 魚柳及多春魚就很一般. 其餘還有金沙骨及雞翼等, 不過沒有燒.可能開業不久, 沒有很重油煙味, 尚算乾淨企理.可能位置問題, 假日並未滿座, 沒有人迫人的感覺, 環境是舒服和尚算寧靜.由於想慢慢坐, 慢慢燒, 所以燒了一段時間, 就叫店員熄爐, 再過一回, 又叫店員開爐, 這情況大概有三次, 很欣賞店員勤快, 沒有覺得麻煩. 午市燒烤自助餐時間至下午2:30pm, 平日$76, 五六日及假期加$10, 茶錢$2, 午市免加一. …Read More

葵芳嘅梨和園喺十二月五日開幕, 到用餐當天是14日但餐廳周圍環境都很乾淨, 沒有油黏黏的地板和桌椅不過有樣嘢我就第一次見過...通告一則係人都知自助餐食品是只准堂食而不能帶走, 出這種通告究竟有什麼用途 不過當天我反而聽到鄰座的女士問帶位的女職員: 「新開張不如打個八折俾我地(她和她的兒子), 重有攞d牛仔骨出嚟啦~」但那女職員答她只能给予九折優惠。味精就算有落也不多, 因為我的敏感沒有發作; 另外食物的味道及款式其實間間也差不多, 所以不太特別, 沒有大期望。 反而今次吃到這幾隻有紅椒, 有沙糖在面的雞全翼倒算過癮, 有沙糖的甜也有紅椒的辣(我最初以為是椒鹽雞翼但原來是椒糖雞翼)。 整體的用餐時間是愉快的, 因為12pm時客人不多能清靜地吃着吃看…Read More