桃源記 (Closed)

一諗起食燒味飯就係一定食佢😋🤤次次都係買外賣～從來都未試過堂食因為（疫情）$40雙併多餸飯剛剛好有菜今次買咗2盒一盒义油雞一盒叉燒燒鴨好整齊欣賞包一罐汽水我會繼續支持加油喔！

今晚就試吓⋯哇好正⋯我就買外賣$40义油雞飯👍🏻有菜有姜蓉好整齊好好食😋😋😋😋仲有汽水送添😉系長沙灣咁多年都未食過😅好好味吖！下次再食⋯下次要試吓堂食先😝

今日黎左長沙灣，打算食個早餐，兩個人。叫左一份經典香港普通都會常見既沙嗲牛肉通粉，配煎蛋，多士。另外因為呢間餐廳朝早都可以叫飯類，見都差多十一點，叫左叉燒蛋飯，當係早午餐一齊食。沙嗲牛整得幾好，唔會牛還牛，純粹將Ｄ醬擺係牛肉上面就算。而係容成一體。通粉煮既時間剛剛好，唔會太軟或硬。叉燒係瘦既，岩晒唔鍾意食肥叉既人。而且係用靚既叉燒。而Ｄ肥炒得幾好，唔會炒到過晒火喉咁乾。雖然兩樣野食都係普通家常茶餐廳食既野，但唔係間間都做到咁好，或者講，做到合格既都唔多餐廳做到。至少呢間係做到。

平時斬開料，最愛燒鵝，煙薰味非常夾同香。食飯時間唔少街坊出面等，好似師傅斬得爽手。放假，就食下午茶，因為抵食。買燒肉瀨比家人，自己食炸脾飯──炸脾飯稍為炸得過透，只係中規中矩而已。燒肉瀨就份量多，肉同湯有得隔開冇浸稔，返到屋企仲非常脆口；湯底用骨肉淆，唔係味精開水。廚部及格，而燒味真係完全超晒班，好過酒家。

今日慕名去長沙灣一間燒味舖，桃源記。佢都幾低調，冇大肆做宣傳，見到好多熟客仔。叫咗個燒腩燒鵝飯，今日嘅E餐。其他abc餐都唔係燒味。份量都適中，肉係好食嘅值得去試一試嘅。同平時普通茶樓嘅水準係唔同嘅。

睇落以為係普通燒味店，但原來食物種類都幾多，同茶餐廳冇差，有扒餐、叉燒湯意、沙嗲牛麵等等餐廳好乾淨，每檯都有紙巾，仲有USB插頭，都幾surprise🤣另外仲設有單人位，客人唔洗同其他人同座，幾貼心早餐非常抵食，唔洗加一，每款唔過$40，去到11:30，星期日都有供應，款式都幾多歐陸早餐 $38比想像中大碟，多士兩塊有烘底，豬扒都幾大塊，同埋厚身有口感，唔會落左好多鬆肉粉，炒蛋份量都幾多，不過唯一可惜係茄汁豆係凍，但整體都相當抵食

女人唔一定鍾意Sailormoon，同樣並唔喺所有女人鍾意去High Tea，fine dinning同去Staycation。我就係一個中意食碟頭飯，食燒味，大口大口食肉爬飯嘅女人。坊間稱我呢種人叫女漢子。我今日又去食燒味飯。叉燒拼燒肉飯，好足料! 好多餸! 叉燒肥瘦均稱有蜜甜又有肉味，肉質唔硬又容易咬，分分鐘有酒店級水準。燒肉皮脆肉嫩，唔會話太鹹，唔會太肥又唔會太瘦，簡直就係完美燒肉。呢一碗叉燒拼燒肉飯真係super。除左燒味飯正之外，杯凍檸檬茶都好掂。

有時真係拗爆頭唔知食乜好，好食嘅又貴，太平唔好食又係嘥quota，完全冇靈感啊🤪好彩今次撞正一間餐廳，食燒味都出名價格合理👍嘢食都出乎意料地好食😝#桃源記 💛燒鵝叉燒飯$58（評分：7.9/10）$58包埋嘢飲，性價比都幾高，最重要佢個叉燒成6-7舊咁多，燒鵝都成五舊，加上飯量又係好足😱連我呢個大胃王都嗌飽😹 份量多不在話下，叉燒蜜汁香濃，肥瘦得宜，（形容到成個美人咁樣🤩），好啱我食呀！燒鵝比叉燒更加出色，個皮雖然冇攞去炸😂😂😂但都十分之香脆，鵝味十足😎至於跟餐嘅杏仁霜就十分之麻麻，我會比大約5分，因為飲落去真係冇杏仁香味同埋溝咗好多水，但整體都算係滿足嘅一餐😚店名：桃源記地址📍：長沙灣長發街10-10B號長發大廈地下F號舖

位於長沙灣的桃源記 吾通好似世外桃源咁？ 原來最出名係燒味啊！在店自設燒味工場，每日新鮮出爐！不過餐廳吾只係賣燒味架！ 今次就試左佢嘅特色小炒，好有煮家飯的感覺，最重要分量好夠。☺因應疫情措施，現家外賣仲有優惠添啊 不過美中不足係個湯偏味精味。#桃源記#foodie #到處食😋 #平民價

港式茶記🍵☕️長沙灣唱完K之後有少少肚餓行去車站嗰時咁啱經過呢間燒味店.成個門口已經好大浸燒味味好吸引仔細研究咗一陣餐牌.最終都係叫咗燒鵝瀨粉分湯外賣一杯熱檸蜜.-檸蜜味道正常。-瀨粉有少少油應該係專登為咗粉唔癡成一團。-燒鵝肉質有少少鞋，唔係我想像中嘅味道。鵝皮重係脆嘅，連連帶少少脂肪，鵝肉燒味嘅味道好重，唔識形容不過別有一番風味，食完成嘴油光。重點係比咗隻鵝脾，開心😚。-湯底少少鹹味，係平時會食到嘅燒味湯底。雖然係外賣但係見到店入面環境乾淨整齊，如果唔係趕住走都會坐低食❤️店員態度都好好，值得一讚👍🏻❗️係卡路里大爆炸嘅一天

鄰近深水埗的長沙灣一街之隔，食肆的價錢一樣便宜但衛生程度高得多這間港式茶餐廳夜市的價錢竟如此便宜套餐大部份只需$48還要配白飯，例湯或熱飲完全是午餐的價錢菠蘿生炒骨 - $48想不到如此划算的價錢，會有小菜的質素和份量生炒骨用的排骨肉質鬆化啖啖肉配上黃椒、紅椒、菠蘿及葱度落鑊炒香不僅清甜爽口，賣相也繽紛吸引餐湯 -老黃瓜雞腳雞肉湯除了兩隻雞腳外，還有些雞肉，用料如此下本肉質新鮮，沒有雪味且清洗得乾淨是夏天消暑的好湯品清熱解暑、利水消腫

食飯盒的日子，開始留意附近有無平靚正茶記見到桃源記 乾淨坐得好舒服，價錢都是街坊價，within $50有找！蘿白牛腩飯 $48，好好食，份量又多，煮得好入味，正。在深水埗長沙灣，用這個價錢吃到一個午餐真的很經濟實惠，最難得的是地方乾淨，好舒服。我今次吃的是A B C D餐以外的午餐 - 雞翼煎雙蛋，質素非常高，蛋好流心，雞翼肥英，是香港人喜愛的高質頹飯！

餐廳：桃源記 (長沙灣)地址：長沙灣長發街10-10B號長發大廈地下F號舖每日一杯咖啡成為咗我嘅日常習慣☕️，除咗去coffee shop/cafe飲咖啡之外，我都幾鍾意去茶餐廳飲港式咖啡🇭🇰行經長沙灣果頭，見到呢間桃源記有下午茶餐，就入去嘆返個tea😎，下午茶餐最貴都係$39，仲有平價粉炒麵飯食，都係$38咋！而我黎食下午茶嘅目的係為咗杯咖啡😂叉燒切雞瀨粉 $36好耐無食瀨粉，叫咗個雙拼燒味瀨粉，份量都算okay，每樣有6-7件👍🏼，仲有幾條菜芯添，識食嘅一定係將薑蔥撈埋入去碗粉一齊食🤤，嘆埋杯咖啡，有個幸福下午有幾難😆

我呢個麻甩妹間唔中就會好想食燒味斬料。仲特別鐘意食叉燒同埋油雞😋.嗌左2個晚巿套餐，跟餐湯/飲品。整體分數: (6.5/10)，味道不過不失。湯料好多合掌瓜，有豬骨。.🔸叉燒煎蛋飯($42) -合掌瓜湯叉燒揀左半肥瘦，落得夠多蜜糖，夠甜，不過有啲硬。將煎蛋篤穿，蛋黃流落叉燒飯撈埋，仲好食。.🔸燒鵝油雞飯($58) -凍檸茶(+$3)鵝肉可以再多啲，油雞味道啱啱好。.💈長沙灣長發街10-10B號長發大廈地下F號舖

今晚我加餸😂食埋晏後買燒味回家，等待晚飯來臨。🤣🤣謝謝友人陪同，大熱天時行路真是好熱💦，加上今日打風，很焗很辛苦，大家要多飲水🧊，小心中暑。🔥.叉燒 $85😋😋😋仲係熱辣辣，好正呀，回家先食一塊，好多叉燒汁浸住。特意買多些明天可以用來炒飯。燒楠仔 $54😋😋😋爽脆的皮，肥瘦適中。