B+BC Cafe (Closed)

今日黎桂花小幸食午餐🥣午飯時段都幾多人，人頭湧湧，要排隊拎籌，好彩等左唔洗十分鐘就可以入座啦😌 之前都黎食過幾次，今次同朋友叫左滷水雞翼麵同手工花枝丸麵，兩款都係$48，加多6蚊就有奶茶同綠茶。總共有4粒花枝丸，粒粒都好彈牙，用料十足。麵條份量岩岩好，仲有蘿蔔作為配料，可惜蘿蔔唔夠入味，比較硬身。值得一讚係牛肉湯底，味道香濃又有點微辣，辣辣地更惹味，連我呢個唔食得辣既人都接受到。而滷水雞翼就相對普通，不過不失。…Read More

桂花小幸開左一段時間 終於Lunch 同友人試試。裝修係OK既 但估唔到食60蚊碗牛肉麵 唔跟野飲 仲要自己行出去俾錢落單...紅燒腱心牛肉麵 不過不失 朋友叫左 鹽穌雞排飯 炸粉多雞肉少,滷肉飯都還好。+$8 的豆腐花是重點！ 第一次食 咁鞋既豆腐花 好實 好鞋口 ... 另加錢的珍珠奶茶 一個甜字 無茶味 份量細杯整體來說，食物出品一般 其他同類型餐廳都有 甚至更好，環境裝修靚 坐得舒服，服務質素 自己搵位坐低 行出去落單 所以無評價，價錢偏貴 。 …Read More

店鋪：桂花＊小幸地址：慈雲山慈雲山毓華街23號慈雲山中心1樓107a號舖桂花小幸 b+bc cafe - 台灣牛肉麵 (慈雲山中心)這間台灣美食台鋪已經開業有一段時間，我早在他未開將前已經很想試食。😍而我試食當天正好有不知夠的報社或雜誌在幫手拍照和宣傳其食品。我今次試食了下午茶餐，包括滷水蛋滷肉飯和花枝丸湯，另加$10香濃奶茶（咖啡水晶-凍）。滷水蛋滷肉飯份量對大食之人感覺會少了點，但味道真一流，滷肉入味，肉質偏軟，配上香軟白飯，讓我感覺置身於台灣品嚐美食。花枝丸湯不會太鹹和濃味，味道有別於八方。而咖啡水晶奶茶奶味剛好，亦很香滑，夏天飲凍飲品就天爽😝這間台食店環境佈置得像小田園清新氣息，入到裏面有種舒適的感覺，會讓人很想停留在裏面看書。☺️還可以讓愛拍文青照的你們打卡，和好朋友暢談心事🍜✨由於我和友人去食，所以我也把他們吃的都拍下來了，但我忘了價錢，都和我吃的那款差不多價錢😂記得要先比完錢才會有食物到手！…Read More

桂花小幸係一間裝潢好文青既台式食店，今日黎左食午餐，有定食套餐，而且都有好幾款可選擇。我點左手工花枝丸麵套餐。麵有花枝丸、蘿蔔同蔬菜，味道不錯，配菜鮮甜。比較出色係佢既湯底，湯底清新，加埋一片小辣椒，令成個湯底又清又辣，都好惹味*手工花枝丸麵套餐 $48*套餐包埋一杯飲品，可以揀璞玉紅茶或者茉莉綠茶。個人比較推薦紅茶，因為綠茶太過甜，而紅茶味道剛剛好！*璞玉紅茶*桂花小幸裝潢係幾靚，而且地方闊落。而食物方面就正正常常啦，可以一試…Read More

今日食咗慈雲山呢間台灣餐廳，覺得好平好抵食，決定要推薦大家黎試下！位於慈雲山中心哩間桂花小幸價錢幾平民，間鋪仲有得電話拎飛，唔洗去鋪頭排隊，幾唔錯。我試咗佢晚市嘅套餐，大約都係七十幾八十蚊，但包好多野，有小食，湯，菜，一飯一主食，仲有野飲，係好豐富！我叫咗佢地餐廳推薦嘅豬手飯，無論係豬手定飯都好大碗。豬手炆到好淋好入味，咬落就好似食緊啖啖骨膠原咁呀！小食係青瓜，酸酸甜甜好開胃。湯係豬骨湯，仲有紅蘿蔔同粟米，好清甜。仲有娃娃菜，食完豬手食返啲菜中和返，真係幾滿足！另外仲食咗佢哋嘅三杯雞，三十幾蚊都幾大煲，而雞塊係炆得好香好入味，酒味唔係好濃，平時唔中意重酒味嘅朋友就啱曬！野飲我要咗芒果綠菜，好清新，芒果味濃，溝埋綠菜恰到好處！哩間野又真係幾扺食，行過慈雲山可以入去試試佢！…Read More

食媽我難得放假送阿仔番學又應承咗接佢放學，唯有搵個地方坐低食個早餐等阿仔放學啦！行經毓華里慈雲山中心被呢間嘅餐牌上標價早餐$20起所吸引住所以就決定入去坐低扮下文青先！依餐牌上所顯示。選擇都算多，而且份量都應該唔少，一於坐係試下佢！文青風格得黎都好潮地取用自助取票機店内環境以木材為主要元素，顔色以木色為主色配上藍色系列為配色，令整體感覺好清新舒適。連茶杯都用上我愛的Tiffany Blue教我如何不愛上你呢？主角上枱啦！我點咗個酸菜肉絲米線配烤吐司🍞炒蛋同跟一杯飲品，而我就揀咗熱奶菜（留意～呢到賣嘅係台式奶茶，即係平時街賣嘅珍珠奶茶嘅嗰隻奶茶）唔係港式奶茶黎架！！酸菜肉絲米線～湯底夠味，酸菜夠酸而唔會太咸略嫌肉絲稍為鞋口咗。烤吐司會跟牛油俾你自己搽架！:)集環境，氣氛，食物質素等等⋯⋯⋯⋯都只係需要$29！絶對值得幫襯！記得係要先到收銀枱點餐先坐低等食架！！…Read More

小確幸 - 微小而確實的幸福。 沒想到在慈雲山也有這樣出色的台式料理。店舖外以木為主的裝潢，簡約而踏實。人多的時候需要在門旁的電腦自行取飛，很方便。店內裝修帶點文青feel， 內裡算大，枱及座椅也夠大，完全沒有壓逼的感覺。店中央有一大排長枱及長椅，以放滿裝飾品的鐵架去分隔。店內的座椅也蠻特別。食客需要行去收銀處自行點餐，但有店務員送餐。紅燒腱心牛肉麵 應該是牛展吧！煮得夠腍及很入味，白蘿蔔也吸盡了湯汁，很甜。我也飲了不少湯，so far食完回家后也沒有口喝+hkd6的小食(紫菜魚丸湯 )超熱呀！魚丸也夠彈呀！+hkd6的飲品(蜂蜜綠茶 )有點過甜，但仍可接受。食后感： 價錢在我來說OK，坐得舒服，又可以慢慢食，而食物質量也不錯，店務員也很友善。…Read More

黎到慈雲山揾下午茶，見到咁多正評，即管過嚟一試，其實好小留言，不過實在太伏。。。 咁希望幫到下個用open rice 揾食嘅brother 。。。一坐低，上手食完留咗d肉碎喺枱無執，過黎幾次都唔理，算！！食野啫。。。叫咗個面， 老實個牛展ok, 但係飲到個湯就唔得， 豉油溝水咁樣。。。成個面sad 晒。。。叫咗杯芒果綠茶，嚟咗杯無芒果味嘅茶，早知慳返$10... 老實講，都唔會有下次…Read More

今日去左慈雲山探朋友，夜晚就同朋友喺慈雲山中心搵嘢食。經過桂花小幸，見間餐廳咁有文青feel就決定入去試下喇。我就叫左個定食套餐，揀咗滷水雞翼麵。飲品就叫左夏日水漾鮮果茶。仲叫左個小食—蒜泥白肉。今餐真係超級豐富，超級滿足，食到飽一飽！因為每一款食物份量都非常多。值得一讚，同最令我有深刻印象嘅係，麵質真係超級超級煙韌。滷水雞翼都好入味，肉質鮮嫩。餐廳做得幾好嘅係，佢會將餸另上，唔會將雞翼嘅滷水汁溝左落湯度。因為個湯底都好好味，係牛肉湯黎架，食麵之前都飲左好幾啖。另上嘅雞翼碟用左芽菜薦底，啲芽菜仲好清甜爽口添！鮮果茶亦都唔會好甜，裏面仲有好多款水果，包括:蘋果、橙、藍梅等等。鍾意飲水果茶嘅人一定要試下。另外，蒜泥白肉口味鮮美，用筷子撈埋啲醬油，辣椒油和大蒜，香味直撲鼻端，令人食慾大振。蒜味濃厚，肥而不膩。呢間餐廳嘅裝潢好有「家的感覺」，同埋好有文青feel。如果想打下卡，影個靚相，都可以黎試下。…Read More

今晚要同細佬去慈雲山探親戚，去完親戚家拜訪後就附近搵嘢食老實講慈雲山我哋好少黎，行過見到有間食台灣菜就入去因為我哋兩個都鍾意珍珠奶茶。鋪面都唔細外面夠光猛:)入到黎有文青嘅感覺，座位都坐得舒服呢度係要點左餐比左錢先，然後就會有侍應送餐服務。我地點左以下食物牛腩米線超正賣相已經比人流口水的感覺湯底又唔鹹唔會好多味精，牛腩又入味，份量亦唔少👍🏻正呀細佬點鹽酥雞扒麵，佢話都做得唔錯。啱啱炸起熱辣辣鹽酥花枝丸有驚喜粒粒都大粒，仲食到墨魚鬚粒好味食台灣菜點可以唔飲珍珠奶茶啊而且亦都係我哋兩個最鍾意嘅正正常常，甜度適中，香滑奶茶有茶味，唔會比啲奶蓋曬。珍珠就煲到剛剛好璞玉紅茶都唔錯，係跟餐餸嘅自己就喜歡唔加糖因為珍珠奶茶真係好掂，我哋臨走前仲叫咗杯珍珠奶綠不過係外賣嘅。總結: 抵食夾大件，味道又好，會再幫襯😘…Read More

今日去完朋友屋企，少有咁喺慈雲山度搵飯食。喺慈雲山中心地下，竟然俾我哋搵到一間文青feel嘅餐廳—桂花小幸，係一間台式嘅餐廳。餐廳裝潢非常有屋企嘅感覺，好多小擺設，空間感好寬廣。餐牌係牛皮紙造的，真係啱晒文青風格。今日好肚餓，我就叫左一個晚市定食套餐。呢個餐有滋潤燉湯飲，仲有上湯浸時菜添，仲可以加＄6加嘢飲，超級抵食！定食套餐嘅主食有好多款揀，搞到我選擇困難症。最尾，我就揀咗鹽酥雞扒滷肉飯。都幾驚喜個飯真係幾唔錯！雞扒外皮好脆，炸皮唔會好厚，雞肉肉質鮮嫩，份量亦都好多。加埋滷肉配飯簡直係絕配。成個套餐真係好多嘢食！佢仲送咗一碟青瓜仔做前菜。酸酸甜甜好開胃。燉湯係青紅蘿蔔湯，好清甜滋潤，湯渣份量亦都好多。飲品就係仙氣芒果茶加珍珠。珍珠非常煙韌，啱晒我呢啲煙韌控，正！！！芒果茶亦都唔會太甜，因為本身我都怕果汁太甜。我哋仲加左一碟小食—蒜泥白肉，佢唔似譚仔嘅白肉，肉片係較乾身，但係都好大塊，重點係佢個汁好好味，超級多蒜蓉！如果經過慈雲山，又想影文青feel嘅相，一定要去桂花小幸度食個飯，打個卡。下次一定再同朋友去食！…Read More

啱啱新開張冇耐,今日終於有時間黎試食,以慈雲山物價黎講唔平,食完後感覺合理,環境有種文清嘅感覺,牆上掛滿咗一幅一幅相,可能係新開,裝修我好滿意,坐得又舒服我叫咗個腱心牛肉麵清雞湯底我首先飲咗淡湯,清鮮甜有雞味,然後到麵,質地非常爽口彈牙而且滑,最後到腱心牛,質感嫩滑淋香,味道非常甲得黎,好好味不過美中不足就係杯野飲,我食完個麵仲要追佢地兩次單先到,服務態度還算可以,第2次係佢地職員主動為我拎單去追…Read More

前幾日到了朋友家附近的一間餐廳用餐，桂花小幸這個名字十分吸引，裡面舒適之餘，裝潢時尚、優美，充斥著休閒的氣氛，是個打卡的好地方，走文青路線的人值得一試。餐廳是自助點餐形式，客人需到收銀處點餐及付款。食物餐牌飲品餐牌餐牌上的食物都看似十分吸引，我們點了特盛紅燒四寶麵，裏面有豬手、腱心牛肉、花枝丸和鹵水蛋等，麵線十分煙韌彈牙，湯底濃郁，花枝丸有大大塊墨魚肉，口感十足，而且有清甜的蘿蔔互相配搭，去掉油膩之感。 豬手亦相當入味，肉質鬆軟，容易咀嚼。另外亦點了桂花雞翼，味道芬香撲鼻， 齒頰留香，清甜的桂花香充斥整個口腔，帶来新穎的感覺，酥脆的雞翼點上甜甜的桂花汁，十分惹味。鹽酥雞扒滷肉飯也不錯，酥脆的外皮和鮮嫩的雞肉，再配上些許鹽味，層次十分豐富，搭上鮮香的滷肉，令人回味無窮。我還點了一杯飲品，芝士奶蓋抹茶，上面厚厚的一層奶蓋，濃郁的芝味和奶香令人深深戀上，加上淡淡的抹茶味，味道恰到好處。雖然這個地方與我的家有一定的距離，位置也比較難找，但是值得再來一試。…Read More

​ 近來台式餐廳一間開業一間，總會時不時懷緬下做學生時日子， [桂花小幸]文青cafe,年輕人與友好朋友閒聚均是一個不錯的選擇， 餐廳面積頗大可吸納多個座位供應， 晴天時陽光普照射入自然光線身處係裡面實在係滿載回憶時光， 加上有wifi供給而且主題牆以花磚牆及木製座位靠背椅坐下的確寫意，點可以錯過鎮店美食！ 由炸物到麵食皆有，傳統當中滷肉、牛肉麵以牛為食材都是天天供應熱門之選， 食得盡興同時餐牌上熱食選擇非常豐富，光是炸物/小食拼盤己有十多款而且一點也不怕寡， 如胃口大想吃得飽肚點亦有飯類套餐供應，新鮮重量還重質，難怪吸引到一眾上班族及街坊來吃 因開業餐廳才慢慢上軌道佳因牛肉麵原汁原味口感滑溜煙靭， 為保原味堅持選用台灣貨，而且價格相宜不用加一！ 我選了煲上三杯雞熱辣辣陣陣酒香釀入滲入雞件內， 味濃之餘而不覆蓋鮮味，滑嫩之餘外焦內鬆，滋味無窮別有一番風味 而現做8隻煎餃子份量卻有飽足感，因它內餡飽滿紮實， 讓煎餃煎到滋滋流油皮薄，一口吃掉才會感受到那份脆脆香口的口感美味 桂花小幸 地址: 慈雲山毓華街23號慈雲山中心1樓107號舖…Read More

桂花，是那樣地清香撲鼻的花朵！喲！＂桂花小幸＂台式餐廳，又在此慈雲山中心開了間分店啊！👏此於在商場的大路旁邊，可享受到太陽明媚的同時，也倍感有温暖感的啊！👍😁🌻餐廳裝飾頗具有舒適兼清新自然Feel🌻🌲🍍現做煎餃子 ＄26圓4隻 ＄42圓8隻做的是皮脆肉嫩，香口！👏👍牛肉濃湯水餃 ＄36圓4隻 ＄50圓8隻清清淡淡的牛肉湯，伴著水餃，上面加了2片芫茜，淡也還是飄香的！三盛紅燒牛肉麵 ＄68圓內有腱心牛肉，牛腩及牛丸，清清淡淡的肉湯，一點兒也不油膩的，牛肉，牛腩極之香氣飄香的，肉也帶嫩的，丸子也爽帶些筋呵！😜上湯浸時菜，另加一個紫菜魚丸湯各加$6津白菜鮮甜的，也帶著清湯伴隨的！不咸呀！👍紫菜墨魚丸湯，丸子爽爽也滑，有墨魚的味道！而紫菜，夠爽兼滑！👍👍👍小宇宙芋香拿鐵 ＄28圓有像九份十份那芋丸香味的👍👍👍＂小宇宙芋香拿鐵＂，也是相當有香芋那香香的味道，特是好飲的呀！👍👍苹果紅薑茶。 ＄22圓薑味濃郁加上有幾块鮮果块，那可同是好好喝啊！😁…Read More