PAK DON

間唔中都想下偷懶，出街食飯，煮少一餐，不過都想比小朋友食得健康啲！行完淘大商場，行到攰攰地，又係時候醫肚，見到栢檔極品海南雞飯，主打無激素、無抗生素去骨海南雞，價錢都好大眾化，而且佢哋平日星期六日都有一人、二人套餐選擇，好豐富有主菜、飯、老火湯，仲有迷你雪米糍做甜品，下午茶時間仲有下午茶餐添！～佢哋主打海南雞飯，當然要試試啦！我哋叫咗一人套餐、加多個滷水元蹄飯，仲有烤豬頸肉～一人套餐 $83極品海南雞飯 配 雞油香飯翠綠油菜凍檸茶 (凍飲+$6)一人餐包埋一碟油菜，食返啲菜夠均衡！黃油雞皮顏色睇見都想食😍，雞皮唔會有層多餘肥膏，有少少啫哩狀包住雞肉，食落嫩滑啖啖肉，連雞胸都好滑。最緊要冇激素，食埋雞皮都食得安心。而且份量好足有九件雞咁多！雞油香飯，食完唔會成個碗底都係油，有淡淡椰子香味，三色醬有甜豉油，酸辣醬和薑蓉，樣樣都點下黎食，特別滋味😋！滷水元蹄飯 $64滷水元蹄層皮唔會太多肥膏，可以連皮都食埋，滿滿膠原蛋白。元蹄肉質夠腍，豬皮爽爽地有咬口唔油膩，有大量醬汁撈飯都好正！加埋三色醬一齊食消除油膩又好開胃+$8 配 皇牌栢檔無味精靚湯好似返咗屋企飲啖靚湯嘅感覺，足料南瓜香甜，滋潤返晒！飲完唔會口渴！冇味精！秘方滷燒豬頸肉 $75豬頸肉真係犯晒規…..咁大份！真係估唔到咁大份，煎得好香口，有少少窿邊，好入味但唔會太鹹，拍得住泰國燒烤質素！私心推介！總結：唔使加一，又足料大份，價錢親民，性價比高，主要做街坊生意，可能餐廳位置不太起眼，大家未必留意到。如果鍾意食海南雞飯，又諗唔到去邊度食，記得去試吓喇！響淘大嚟講都係唔錯嘅選擇！👍🏻👍🏻或者買隻海南雞，今晚加餸！…Read More

由細食到大嘅栢檔極品海南雞飯，咁多年都保持到水準😎 二人餐仲超級抵食，其實份量夠3個人食!!二人套餐 $220皇牌無味精靚湯極品海南雞半隻滷水元蹄/豬頸肉/香煎手剁魚香肉餅健康翠綠時菜/特色小食迷你雪米滋雞油香飯/絲苗白飯個人好鐘意食海南雞，但實在太懶唔鐘意𦧲骨🙊 所以特別喜歡栢檔嘅無骨海南雞，啖啖肉超級正，肉質又夠嫩滑，雞味仲好濃🐥二人套餐仲包括滷水元蹄/豬頸肉/香煎手剁魚香肉餅，必點香煎手剁魚香肉餅，淡淡咸魚香，鹹香同鮮味都提升了，軟嫩有嚼勁，撈飯一流👍 小食方面揀咗麻辣鳯爪，同樣係無骨，大人小朋友都啱食!! …Read More

今日諗住同朋友聚餐，而咁啱佢地又好鍾意食新加坡菜，我就發現依間栢檔極品海南雞飯拎過中國飯店金馬獎，2013年我最喜愛食府等等，所以我地就去聚餐啦，真係好滿足啊！我地叫咗兩個二人套餐，每個套餐都有皇牌無味精靚湯，兩個小食，半隻雞，甜品同飯而靚湯可以免費轉其他飲品，或都加10蚊轉肉骨茶，肉骨茶味道剛剛好，唔會太濃味然後，主菜就係極品海南雞半隻，好嫩滑，啲醬汁又好好食，配埋佢地嘅雞油香飯，一絕！主菜之外，鳳爪，豬耳，豬頸肉都好好食，簡值係必食，再配埋健康嘅翠綠時菜，真係好平衡🤤🤤最後，甜食係迷你雪米糍，食到好滿足😍😍總括黎講，呢個二人套餐真係好抵食，而且份量又夠，好岩晚晚嚟呢度食啊！…Read More

放工唔想煮飯又想食到飯菜仲有明火靚湯，去呢度就岩喇～🤗🔆同老公每人叫左個一人套餐🟡極品海南雞飯一人套餐🟡🟡肉骨茶一人套餐🟡🔹️套餐除揀主食外，還有：▪︎皇牌無味精靚湯▪︎健康時菜▪︎絲苗白飯/雞油香飯▪︎迷你雪米糍湯夠足料，有紅蘿蔔、粟米、南北杏等等，海南雞整得十分嫩滑，跟飯既特制辣醬好香，沾飯沾雞都好開胃😃額外加既香麻辣無骨鳳爪好岩我口味，唔算太辣又夠麻，件鳳爪啲軟骨夠哂嚼口😋食完正餐食番個雪米糍，係朱古力味，由於個餐一黎已經放左上碟，有少少溶左，好似食心太軟咁，啲朱古力醬流出黎 😂…Read More

落咗九龍灣donki行下行完之後好肚餓咁岩就見到呢間 栢檔極品海南雞飯😗≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣我哋今次叫咗兩個一人套餐，主食叫咗極品海南雞同魚香肉餅，而每個套餐都包左翠綠時菜、皇牌無味精靚湯仲有一粒糯米糍一人套餐 $83 x2主菜🐓極品海南雞雞肉肉質好細嫩✨除咗雞髀之外其他都起左骨😗雞皮入口即化 勁香雞味！加埋好香嘅油飯一齊食令到雞肉嘅肉汁味更加突出有3種點醬: 甜豉油、酸辣醬、蔥油雞肉點完酸辣醬之後 酸酸地辣辣地 好開胃好好食一人餐份量好多🤤海南雞太好食下次想試吓叫半隻😆😆😆😆🐟魚香肉餅肉餅切到好整齊🥰賣相好靚煎得非常香脆 咬開好香魚肉味 裡面嘅肉質同魚香味道濃郁外面脆入邊好彈牙分量比想像中嘅多•配菜·🥬翠綠時菜生菜好新鮮同好脆配咗啲蠔油俾我哋點唔食蠔油嘅我覺得好貼心🥰🥣皇牌無味精靚湯好清甜湯底好濃郁湯底有啲肉碎同埋紅蘿蔔好足料好有營養好好味🤤食完之後唔口渴，真係冇落味精！🍡糯米糍咬開係朱古力流心甜度岩岩好食完個set之後食甜品好滿足🥰≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣另外仲叫多咗個肉骨茶，因為見到隔籬好多枱都有叫😋😋🍲肉骨茶 $52呢道肉骨茶嘅味道好濃郁濃濃嘅藥材味道好濃郁湯汁裡面嘅肉骨都煮得好入味輕輕一咬啲肉就已經同舊骨分離豆卜吸晒啲湯 一咬開就爆曬汁😆食食下發現原來真係好多料！本身一人套餐已經好豐富而且好抵但係肉骨茶真係好好飲所以我哋清曬所有野食🤣如果你鍾意海南雞同肉骨茶就一定要黎試吓位置都好方便🥰發現原來淘大商場好多嘢可以行啲店員姐姐都好好人，我哋諗唔到食咩佢都有介紹😋😆一定會再嚟食😗❊栢檔極品海南雞飯 (九龍灣)地址：九龍灣牛頭角道77號淘大商場一期地下G107號舖#栢檔 #海南雞飯 #海南雞 #肉骨茶 #魚香肉餅…Read More

1️⃣一人套餐極品海南雞，雞份量多，好大塊雞又滑，個皮肥美。有蠔油菜，健康d。但個油飯可以再重味d，老火湯好足料，夠濃味又多湯渣。仲有粒雪米磁做收尾。💰HKD$832️⃣輕量元蹄飯其實輕量都夠食，咬落非常淋，醬汁超多，個皮好肥美。💰HKD$503️⃣細肉骨茶好重藥材味，入面好大舊豬骨同有d豆腐卜💰HKD$184️⃣香辣鳳爪食落唔算好辣，普普通通💰HKD$18加凍飲$8份量真係多，食到好飽👍🏻…Read More

約埋朋友仔一齊食晚飯，我地去左淘大商場「栢檔極品海南雞飯」，叫左個二人極品海南雞套餐，及散叫左幾款餸及小食，特別D雞好好食。二人套餐二人極品海南雞套餐極品海南雞(半隻) 雞肉好嫩滑，又啖啖肉，配埋油飯，好滋味。鹵水元蹄鹵水好入味，元蹄又淋不肥膩。二人套餐，仲包括翠綠時菜及迷你雪米糍，另有2杯飲品，叫左凍檸水及凍柚子蜜。肉骨茶湯底好香濃，肉骨好多肉又軟淋，好好飲，又暖胃。另外仲叫左小食香麻辣鳳爪及麻辣豬耳仔，都幾好味。…Read More

🎈栢檔極品海南雞飯以海南雞飯為主打的餐廳，價錢親民，餐廳裝修簡潔舒適，店員服務態度親切友善，而且海南雞每次都保持水準✨🎈極品海南雞 配雞油香飯一人套餐 ＄83一人套餐相當豐富，包括皇牌無味精靚湯/飲品·海南雞·時菜·雞油香飯·迷你雪米糍😚無骨的海南雞肉質嫩滑juicy，食落啖啖肉夠滿足配黑醬油、薑蓉同蒜蓉辣椒醬🌶️食到三種唔同口味個人最鍾意薑蓉，令雞油香更突出，配上香氣十足的雞油飯更加正❣️🎈滷水元蹄元蹄煮得夠火喉，賣相十分吸引豬皮部分充滿膠質，食落滿滿骨膠原😍豬肉煮得軟腍又入味，加上滷水汁，送飯一流🎈栢檔靚湯南瓜紅蘿蔔粟米豬骨湯，味道清甜，真材實料無味精🥣🎈迷你糯米糍套餐附送，有朱古力味及士多啤梨味，飯後一點甜❣️🎈熱菊花蜜（跟餐加$8）🎈熱咸檸水（跟餐加$8）…Read More

再訪栢檔海南雞✨因為位置好方便所以有時唔知食咩都會黎解決呢到的海南雞同栢檔靚湯都係我每次必點🤓另外員工服務質素非常好，有禮貌亦很親切👍🏻💕食物品質都保持得好一致，品控一流鐘意食海南雞絕對要黎試一試❤️🐷秘方滷燒豬頸肉飯$64豬頸肉上面的油花滿滿，十分誘人🤤豬肉滷味汁好入味，再燒到表面輕焦口感層次好豐富再配埋油飯，真係不得了🤤🐓栢檔極品去骨海南難 半隻 $93去骨真係好方便👍🏻雞肉滑溜鮮香可口食極都唔厭🥴🐔香麻辣鳳爪 跟餐+$18香辣香辣的好惹味🍲栢檔靚湯 跟餐+$8一定一定要點✨一碗足料的老火靚湯點可以錯過🤭…Read More

-栢檔極品海南雞飯-喺九龍灣放工諗住去淘大睇吓有乜食！突然之間想食海南雞，經過見到呢間然後見到門口好多人排隊買外賣，裏面堂食都滿座😜😜就決定入去食！😋😋😋海南雞飯套餐 (一人套餐) $83海南雞個皮好爽，啲肉好嫩滑！❤️❤️唔會有好大浸雪雞味🐓🐓! 一人餐好豐富！仲跟咗唐生菜，另外可以揀要皇牌靚湯或者飲品！我就叫咗凍檸茶再加$8試驗埋佢個皇牌靚湯！個湯有南瓜粟米紅蘿蔔豬骨🦴🦴無味精，但好濃郁😋😋-豬頸肉 (一人套餐) $83豬頸肉外脆內軟，一咬開豬頸肉油脂爆發😋😋😋送飯一流！呢個餐我哋揀咗鹹檸七😈😈😈！佢呢度所有飯都可以跟油飯！- 香煎手剁魚香肉餅 我都未試過咁樣食肉餅🤤🤤真係好好味！味道好惹味，佢煎到底面都好香脆👻👻食落去好有鹹香但係又唔會油膩！-佢哋嘅一人套餐會跟埋雪糕糯米糍，少少哋為晚餐作個總結🤤🤤-…Read More

其實我成日幫襯栢檔極品海南雞飯，不過主要都係買外賣嘅海南雞，今日收工約咗老公喺淘大睇電器，就索性喺呢度食埋晚飯先返屋企。我哋呢啲懶人最鍾意就係叫套餐，呢度嘅二人套餐相當豐富，基本上夠三個人食，都只係$220，絕對超值。午餐當然要有佢哋嘅招牌菜極品海南雞，半隻嘅份量都幾多，老公鍾意食雞胸，我就鍾意食雞髀，永冇嗌交，老公話佢嘅雞胸都已經好似雞髀咁滑，如果雞髀就真係滑上加滑。而佢都會跟三款醬料，包括有黑豉油、薑蔥同辣汁，味道夠晒正宗，就算叫外賣佢都會有齊3款醬汁提供，所以我哋平時咁鍾意外賣佢嘅海南雞。食海南雞就當然要配返個雞油香飯，香得嚟又唔覺得油膩，仲要大大碗，兩碗真係夠晒三個人食。 套餐仲有另一款主食，三選一夠晒自由度，我哋就揀咗豬頸肉，燒得外皮香脆，斜切令豬頸肉大大塊，口感就更加一流。小食都係有得揀，我哋就揀咗香麻辣鳳爪，佢嘅辣度適中，每隻都爽口彈牙，而且佢嘅軟骨全部都食得，真正連骨都吞埋。套餐都不忘營養均衡，白灼健康翠綠時菜令新鮮嘅生菜保持翠綠，仲保持住生菜嘅清甜味。皇牌無味精靚湯係真材實料冇味精，入面仲有幾件紅蘿蔔，食埋就更加清潤。唔揀中湯亦都可以揀飲品，怡寶白咖啡同一般嘅港式咖啡唔同，特別充滿奶香，又唔會太甜。最後仲有甜品，以迷你雪米糍作一個完美嘅句號。…Read More

海南雞關注組的頭5位之1的栢檔極品海南雞，入了關注組之後就有留意開呢間海南雞，剛好跟朋友去這邊閒逛就吃吃看! 海南雞果然對得起頭5的排行，雞味濃郁、肉質非常嫩滑、雞皮爽口易分離，貼心的無骨設計令到入口啖啖肉，搭配上吃海南雞必配的3個醬汁(甜豉油、酸辣醬、薑蓉) 吃得非常滿足。 同場加映，小食叫了香煎手剁魚香肉餅和豬頸肉，肉餅煎得香脆但肉質軟嫩又不會鬆散，而豬頸肉就正常發揮。另外值得一提的是無味精靚湯，老火湯足料又濃郁，飲完不會口干，吃得出湯料有紅蘿蔔、粟米等甜口湯料，亦有用南瓜增加口感，我超喜歡<3不知道是不是只有這款湯還是會換其他材料，有機會要再飲一次~…Read More

A cheap and nice place for Hainan Chicken Rice!🐷overall: 6.5/10Hainan chicken rice is a classic dish that is loved by many, and this meal set that comes with soup, rice, and veggies is a great way to enjoy it.The chicken in this dish was cooked to perfection - tender and juicy with just the right amount of seasoning. The rice was also delicious, with a fragrant aroma that complemented the chicken well. The soup was light and flavorful, providing a great balance to the richness of the chicken and rice. As for the veggies, they were fresh and crunchy, adding a nice touch of green to the meal.Overall, this meal set was a great choice for anyone looking for a satisfying and delicious meal. The portions were just right, and the flavors all worked together perfectly. I would highly recommend it to anyone looking to try Hainan chicken rice or just looking for a tasty and filling meal.#栢檔極品海南雞飯 #kowloonbayfood…Read More

星期日慵懶在家，不想開爐，與太座都淘大閒逛，想搵間抵食街坊小店，見到此栢檔一試。點了兩個飯餐分享。先來煎肉餅飯，肉餅香脆，吃下彈牙肉味濃，加上微辣豬耳，十分下飯。另加錢紅蘿蔔粟米湯，住家風無味精，一碗入魂。另外必點的海南雞，雞皮爽口肉身嫩滑，雞有雞味。另雙拼豬頸肉邊香脆，十分香口。另加$18一碗細肉骨茶，雖然不算正宗，但喝下胡椒香足不嗆喉，加有龍眼令湯頭鮮甜，充滿住家風味。這裏質素不錯份量又足，抵食好栢檔，一定有下次。…Read More

全家都好鍾意食海南雞，今日帶屋企人去左有17年歷史主打海南雞既專門店「栢檔」。餐廳環境舒適，衛生整潔，全店食物和飲品仲係「無味精」添加，啱晒一家大細食得健康👍🏻❤️叫咗個二人套餐 $220，非常豐富，包兩碗湯，油菜，海南雞半隻，元蹄，小食香麻辣鳳爪，兩碗香噴噴的油飯和甜品雪米磁。🐥海南雞用上無激素、無抗生素的三黃雞。肉質好嫩滑，雞味濃郁，雞皮都好爽口，一點都唔肥膩。點埋帶甜味的黑醬油或酸辣醬食，真係食唔停口!🐷滷水元蹄炆得好淋，好入味，層皮仲充滿骨膠原。🐥香麻辣鳳爪起咗骨，入口酸酸辣辣，好爽脆，作為餐前小食非常好!🥣必飲「無味精」靚湯! 入口好鮮甜，仲好足料，有南瓜，紅蘿蔔，粟米，豬骨，蜜棗和陳皮。🐷另外叫左一煲肉骨茶 $52，真材實料用當歸、熟地、桂皮、川芎、黑棗、桂圓、黨參、玉竹、杞子⋯⋯等等熬制，飲完成個人暖笠笠。🍹+$28 叫左兩杯梳打，青檸和咸檸梳打口感冰爽，解渴一流！…Read More