Bel (Closed)

話說有日經過紅磡廣場，唸唔到食咩好，見到呢間西餐廳，環境雖然唔太光，但整體都算乾淨一入座見到下午茶款式都唔少，我叫左份白汁雞肉長麵包，友人叫左日式叉燒烏冬。我果個長麵包烘得脆脆地，白汁蘑菇雞肉加芝士呢個配搭冇得輸，凍檸茶糖水係另上既，都好貼心但係友人既日式叉燒烏冬就一般，叉燒有一陣騷味，唔太喜歡:(不話見佢晚餐西餐牌有好多選擇，下次試吓去鋸扒…Read More

煎三文忌廉意粉得两片超薄的三文魚，我以為去左壽司店吃的两片煎三文鱼，而且煎得一點也不香，我一向喜歡吃鱼，但又腥又唔好食，怎可能收78元的價錢，冇良心的社企，差差差…Read More

又給吃貨水晶晶找到了一家性價比不錯的餐廳啦😋😋😋這次試的是位於紅磡廣場的柏意餐廳~聽店主講開，栢意餐廳為一間沒有政府資助的社企餐廳，全部自負盈虧。栢意餐廳由幾位來自半島酒店、凱悅酒店之退休大廚及經他們培育的一位80後年青廚師主理。值得一讚的是他們家的午市套餐是沒有加一服務費的😊😊😊 而且座位也挺舒適的，今天這樣的下雨天要吃好一點才能中和一下面對下大雨傘子壞掉的悲傷心情🙈🙈🙈 水晶今次就試了他們家的set lunch，叫了客柚子鯖魚意粉（可以配飯/普菜或意粉的）HKD$59已包餐飲了，柚子的清新跟鯖魚很配呢😁😁😁 …Read More

收工黎食晚飯叫左個牛扒薯角，6條薯角入面食左3條，食第1條係熱，食第2條同第3條都係凍，剩返3條我決定舉手叫侍應過黎炸過一份比我。佢入咗去廚房之後再出翻黎，竟然用另一隻碟再係我前面食緊果碟上面拎走果剩低果3條。我以為佢係掉左果3條再炸過一份啦，點知幾分鐘之後上返exactly 3條比我，簡單離哂大譜。再望一眼個廚房，個廚師個口罩一直係下巴位，嚇到我即刻唔敢再食啲野食，最後連餐茶都冇叫到就直接埋單走了。兩個人埋單$208，叫左一份牛扒同意粉。牛扒un到香口膠咁；carbonara 意粉係得個咸字。大家千祈唔好中伏。…Read More

宵夜早餐轉眼午了！想肥死我咩。刻咖啡已結業轉為栢意？不過餐牌似乎大同小異幾乎無變過。同事話職員都無變，不過我無印象，只係發現不見那幾個講州語阿姐阿嬸。餐包，室溫麵包唔熱就更加唔想食，隨便挖中間既麵包肉試試，白肉唔難食。我對硬皮餐包無興趣，外皮似足麥包類，如果軟塾餐包、香蔥包、牛角包就一定立即消滅！周打蜆湯，水汪汪稀稀的忌廉水，加點辣椒仔汁好多了。忌廉椰菜花湯，非常幼滑的質地，味道濃郁，忌廉味強烈可口，不用胡椒粉不用辣椒仔汁已達美味滿意，但完全感受不到椰菜花的存在。雜菜湯，薄薄清爽水感，湯色清澈，食材若隱若現。鮮茄焗豬扒飯，竟然係即焗十分有誠意，值得一讚。吱吱聲冒著煙登場香噴噴！濃濃番茄氣味迎面撲來，食指大動！細心翻鬆飯粒揭開茄汁查看一下，有爽滑蘑菇及半溶芝士作點綴，再迅速地跟飯粒翻滾融合，立即大大啖品嚐！茄汁夠多而濕潤酸咪咪我鍾意，鮮茄與香料及調味料的混合物，不是馬馬虎虎的茄膏或茄醬，誠意十足，醒神醒腦胃口全開！普通薄煎豬，不像某些西餐廳厚切再用蛋漿煎香再焗，質地及味道當然大打折扣，幸好醃味香濃出眾而不嗆不濁，肉質鬆化不鞋硬帶潤澤，加倍好味的。意大利芝士菠菜雲吞，有別於傳統演繹，就連雲吞外都鋪滿菠菜。菠菜爽嫩甜美，搭上咸香半溶芝士蠻不錯，只不過兩三啖已好滯了。加勒比啤酒豬扒意粉，豬扒重口味，醃味特濃咸味過火，肉質鬆軟不鞋硬帶點點肉汁，咸咸的醬汁食不出啤酒的芳香。意粉只有半份，比正常份量略少，兩三啖消滅。嚥韌乾爽有咬口，淋上辣椒仔汁會較好味道。麻醬煎雞扒意粉，醃味跟豬扒同樣偏咸，豬扒 4 級咸而雞扒都有 3 級咸！煎得皮香肉嫩，其實好好味且高質，只係咸了一丁點。醬汁跟加勒比啤酒豬扒一樣，何來麻醬呢？還是微弱到食不出來。咖哩龍脷柳意粉，我不需要食得如此清淡，白烚意粉無味還要散碎，用叉都捲唔起，不如您比筷子我更好！白烚椰菜帶澀冷冰冰，放棄。咖哩汁香噴噴但食落淡茂茂，加上無味帶腥的煎龍脷，唯有狂洒辣椒仔汁提味求其清掉。忌廉海鮮湯，眼測估計係普通忌廉湯，飲飲下發現蜆仔肉，同事飲飲下發現魚肉碎，最後定案依碗係海鮮湯來的！雖然完全沒半點海鮮味道，而且水汪汪淡茂茂，殺手鐧辣椒仔汁出場，竟然幫助不大！再細心再想，有可能不是忌廉海鮮湯，係周打蜆湯，不能肯定。有骨羊扒配黑椒汁意粉，侍應姐姐您心不在弦呢，我話要意粉就給薯菜，後補意粉再漏黑椒汁。您依幾年都攰喇，不如回鄉返神州休息一下啦！同事們突然話要食好一點，叫個扒鋸下先，瞄瞄餐牌肉眼扒索價 $178 蚊，那我心血來潮都來份特餐 $178 蚊羊扒趁下熱鬧，最後發現同事們只不過係叫午餐薄肉眼扒 $88 蚊咋！不出所料我的貴價羊扒等得最耐，用上 25 分鐘才送到，同事們都將近食完。感覺到暖暖的氣流飄送，香噴噴使得格外醒神。肥美大大碌羊扒兩件，脹卜卜非常吸引，豪氣地一手拿起即咬再扯，肉汁油脂激射，就算3 成熟都皮香肉嫩！外層嚥韌熱辣辣，內面彈滑暖笠笠，羶香不過份不嗆喉，恰到好處更惹味更開胃。醃味稍濃，咸香出眾，堅得無投訴，烹調出色好好食！首次合格的意粉，幸運地食到剛烚起不是煮定的呢！出晒煙滑溜彈彈帶點點水份，捲起大量黑椒汁醒神滿足。黑椒汁散發濃烈酒香，既香口又非常新奇喎！意粉沾埋薯蓉更有趣，香滑綿黏有咸有甜帶點辣，百味擦出愛火花，黑椒汁配薯蓉一向都給人意想不到的效果。扒加拉加斯羊西冷，什麼係加拉加斯羊？算吧最緊好食。給我 5 成熟香噴噴肉味香甜濃郁沒羶味，啖啖肉有嚼勁，沾上醬汁捲埋無味意粉享用滿開心的。焗白汁海鮮飯，淡得出奇無味道，仲滿口生洋蔥。炒飯同樣無味濕淋淋，雪藏海鮮一樣無味。黑松露汁肉眼扒意粉，烚意粉加番茜碎有鹽水味，罕有地不加辣椒仔汁直接進食。捲住意粉插舊肉眼拖少少黑松露汁釀入嘴仔，意粉份量比以往半份多，感動有份半呢！切得夠厚身出乎意料！最初還估只會孤寒地提供薄切牛扒片添，以小人之心度君子之腹，抱歉抱歉。少許港式風格，令我想起花園餐廳及金鳳餐廳。兩面焦香厚實，中間嫩紅帶汁，陣陣牛甜味進步不少。特級午餐肉太陽蛋出前一丁，茶記 $30 蚊同餐廳 $50 蚊碗餐蛋出前一丁有什麼分別？即煮出剪一丁，即煎餐肉及太陽蛋，滿有誠意！熱熱爽爽麵條沒有滾水味，還有甜美椰菜絲贈送，雖然我對蔬菜一般。湯汁清淡還可以，厚切餐肉煎得兩面金黃微脆，肉質鬆化咸鮮突出未算過份。特級午餐肉炒蛋出前一丁，好耐好耐無食過激嫩炒蛋喇，仲要熱辣辣香噴噴蛋味濃少少蛋汁！餐肉略咸，浸湯都無用。椰菜絲真的非常爽甜，但我不愛蔬菜的呢，多謝多謝。麵質爽彈滑有著湯汁味道，堅煮得不錯！淋下大量辣椒仔汁，大大力吸啜，蒜味辣汁特別惹味醒神醒胃！凍齋啡走甜，加冰仍不失咖啡幽香，清爽舒服。熱齋啡，味道比茶記香醇，不過都係有點水亦無油份，轉了咖啡豆嗎？溫度舒服不過太滾燙。即磨咖啡油份高，滑滑潤脣，啡味醇美。不用奶不用糖，品嚐其天然香氣及味道更怡神。…Read More

尼個冷門嘅商場原來午餐時段都幾多人價錢都唔平！佢有個逆市優惠！唔包湯！午餐澳州肉眼扒配黑松露燒汁（$88）～肉眼扒有啲韌唔多覺黑松露味香草雜茵烟鴨胸炒意粉（$59）～無嘜特別！…Read More

食物不錯，有湯或沙律，加主菜及咖啡/茶。但價錢錯了$7-80 或$100午餐。早餐才能$50 人多但地方不少吧，也不用等太久。 can’t think of anything else. 80 字太多了。…Read More

今日中午經過紅磡廣場。 見有d肚餓，就入去紅磡廣場揾野食。無意中發現這間餐廳。睇緊餐牌時， waiter好比心機介紹。 本身鍾意食羊， waiter 推介羊西冷， 見吾貴， 就食佢。有餐湯，餐包。 湯有我最鍾意ge 忌廉湯。 餐包夠熱，配埋佢個舊牛油岩岩好。主菜到啦。 羊西冷。 好好味， 好多汁， 配埋佢ge 薄荷啫喱， 食到我lam lam 脷。 …Read More

出紅磡，係紅磡廣場見到呢間食西餐。就試下啦！間餐廳細細間，環境一般般，好似舊式西餐廳。就試食下，就叫左二個都係意粉。黑松露牛肉絲炒意粉和卡拜妮意粉。二個意粉都好食。但我比較喜歡卡拜妮意粉，個餐包湯或者沙律和餐飲。$70蚊，價錢都幾唔錯了！…Read More

呢間西餐廳喺紅磡廣場入面算比較大，仲聽聞係一間社企添。不過都比較當少嚟食，因為lunch set都唔平，最平嗰個都成$58(都唔平)，貴嘅成百蚊都有。不過佢set配埋餐湯同包，都ok嘅，個湯都幾好飲。我哋一行五個人去食，叫咗唔同嘢食，主要試咗燒雞扒(麻醬汁)配薯菜，佢塊雞扒超大塊，而且煎到好香，配埋個麻醬非常好食，啲薯菜亦都好多，係最好食嘅一款。個個都搶食雞扒，決定下次只嗌呢款！至於魚同埋其他意粉，我覺得就好一般，尤其係啲pasta，比較乾身而且細份，賣相亦好頹，唔值70幾蚊嘅價錢。至於青花魚，個汁(柚子醋汁)就幾好味，但條魚本身好多骨🙈，胃口大減。餐廳環境OK，佢嘅牆身係紫色，仲掛咗啲畫🖼，望落都幾decent。但有啲員工侍應態度都幾差，我order完但仲睇緊個menu嘅時候，佢竟然喺我手上搶走去😑，而且又催我哋叫餐飲，我唔知同唔同佢哋係社企所以請人有啲唔同嘅關係，但感覺有啲無奈。餐廳除咗雞扒整體性價唔高。…Read More

早前約左中學同學食飯，由於朋友係住在紅磡附近，打算search 下openrice有咩食見到呢間好評度幾高，而且又聽聞係大酒店既退休廚師們及一位年青廚師主理，就選左呢間餐廳試下啦。首先，試左呢個煙鴨胸肉沙律做頭盤, 由於我地好肚餓關係, 我地3 個好快就掃曬呢碟沙律啦煙鴨胸肉煙燻味都幾重而且香口煎羊西冷扒(扒加拉加斯羊西冷 ＄108) 朋友叫左8成熟既羊西冷扒, 我自己試左幾啖, 好彩無咩羶味！咬落un度適中, 果然係有一定既水準蒜香蜆肉雜椒炒意粉  ＄72呢碟係我食的呢~ 蜆肉非常的鮮甜，成碟意粉都好有蒜香味既關係, 我好快就食曬了煙三文魚意粉 $78經典既煙三文魚意粉, $78蚊黎講呢碟都算係足份量既三文魚, 其實真係好抵食, 出面可能係一粒一粒, 而呢碟係一塊一塊個白汁唔會太稠 , 食完之後既感覺唔會太濟呢！平民價錢吃到大酒店既級數既食物, 不愧是良心企業呢！…Read More

今日放工好得閒，就走咗去試一間社企餐廳，一入到去就覺得環境幾舒服，簡簡單單，坐低左之後就點左一個豬肋骨同埋西冷牛扒，呢兩個餐都包埋餐飲，餐湯，同埋餐包，過左唔夠5分鐘個侍應已經攞咗個餐包同埋餐湯出嚟，第一啖咬落個餐包嘅時候，已經覺得呢間餐廳係值得食，淨係個餐包贏咗，又熱又脆，唔似其他西餐廳嗰啲賣淨吾熱嘅餐包。跟住到主菜豬肋骨，一開始以為份量會好少因為去呢間餐廳食之前都做咗一啲資料搜集，點知出乎意料之外，淨係個豬肋骨都大過隻手，好食過大X樂好多，可惜，當我食第一啖嘅時候有啲失望，豬肋骨表面嗰啲肉有啲鞋，不過再食近肋骨表面嘅肉嘅時候，就覺得好正， 啲肉勁嫩口，肋骨表面浮現好多油脂，好甘香，好正，不過我就嫌啲汁唔夠多，搞到個薯蓉好似吾夠味。跟住就到個西冷牛扒，份量接近10安士，都做到六成熟嘅效果，好食在佢牛扒配個汁唔會太過重，唔會淨係食到啲汁嘅味，反而可以突出牛扒嘅香味，第一啖咬落去嘅時候啲肉汁爆曬糸個口入面，啱晒鍾意食牛嘅人，講真果句，$98嘅豬肋骨和$118嘅西冷牛扒，包餐飲、湯丶麵包，真係抵到爛，質素一定吾會比一啲好高級嘅西餐廳好，不過就一定唔會差得去邊，好過嗰啲大x樂大x活好多，純粹覺得，間唔中支持下社企餐廳都幾好。…Read More

尋日一支公，天氣好熱諗住吾出去食lunch，就求其試下呢間餐廳，一坐低枱都吾執，枱面又濕又有一粒粒飯都吾抹！！算，我忍！Lunch menu $59一個，吾算平，佢一嚟就問我要吾要加湯，我話: 吾使了。佢知我吾叫湯即刻黑面。我叫左豬扒飯，等左8分鐘左右，上碟時份量勁少，我估得小朋友碗仔既半碗咁多！我同佢講要加飯，點知佢話要比錢加飯喎，態度超級惡劣！叫佢寫餐茶又十問九吾應。呢d 咁既餐廳，請我去都吾會再去，食一次都嫌多！…Read More

今日咁啱要同姐姐去紅磡廣場嘅agent度攪啲手續，諗起好耐都冇帶姐姐同bb一齊出去食飯， 於是就叫佢帶埋bb係agent度join。 見商場入面地下G floor呢間西餐廳選擇多之餘又唔迫夾，所以選擇係度用餐。我哋四個人叫咗三個餐。 姐姐叫左個咖哩雞飯， 我就諗住同bb share,所以叫左卡邦尼意粉， 老公order 了廚師精選—黑松露免翁牛柳配意粉。所有套餐都包餐湯或沙律，飲品。甘筍忌廉湯好味，同呀囡share係咁叫我唔好飲晒佢d 湯😂姐姐個咖哩雞飯最早黎，個餸好大份，係飯的兩陪，有很多雞球， 咖哩香濃，微辣， 雞肉唔 鞋口。黑松露免翁牛柳， 免翁牛柳係牛腰肉最尾嘅部分，好軟嫩， 叫了五成熟， 生熟程度剛好， 而且好大塊 ，售價118真的很便宜。面有皇帝蟹棒, 底還墊了好多蔬菜再加上意粉，份量很大。卡邦尼意粉，蛋黃及芝士味道濃厚， 侍應一出這碟已聞到濃濃芝士味道， 除了意粉分量很多， 亦配搭大量煙肉及磨菇。最後我地食唔曬， 打包了半份卡邦尼意粉及咖哩雞。 餐廳冇收加一 ，但店主及侍應招呼周到，冇黑面， 支持小店大家都可以幫襯。…Read More

去紅磡開會，早上去附近紅磡廣場食早餐，見呢間食評ok，去到商場一個舖位，棗紅色牆加油畫，方枱枱面舖咗枱布，西餐廳格局🍴，男店員招呼我坐在店內一張二人枱，枱面原來係仿皮，唔係布枱布，打理上易啲，但仿皮有點黏黏的！有點污糟嘅感覺早餐選擇唔只西式，仲有日式湯烏冬！我揀西式！女店員幫我落單！香煎薄牛扒配焗豆、香腸、多士（$45）賣相ok，薄牛扒有條粗粗嘅筋，切咗筋牛扒不大，有用鬆肉粉，唔韌但無牛味，落埋燒汁仲蓋過僅有嘅味道，香腸皮脆肉嫩幾好，罐頭焗豆有用容器另上，凍凍地酸酸地好味！多士烘過後放咗一陣，所以微脆但淋咗啲，整體一般熱即磨咖啡☕️（跟餐）白瓷杯，奶另上，咖啡加咗奶（室溫）即刻唔夠熱，唔太香咖啡味，奶幾滑但蓋過咖啡味道，只有微微甘味！唔落糖只落奶，味道一般入座之後都係女店員招呼，本來都無乜野，係講野倔啲，我見食客走時口頭叫埋單，比錢女店員找贖，係唔需要有收據，但我想要收據，埋單時同女店員講：「埋單，唔該想要收據」當時佢離我一個身位，唔會聽唔到，佢入咗店旁一間房/舖，點知佢出返來只找錢無收據，佢找完就直入廚房，咁我咪等佢出來再問佢，話想要收據，佢指頭先佢入嘅房嘅方向叫我自己去攞，我跟佢指嘅方向入咗旁邊一間無開燈，有桌椅超暗嘅大房/舖內，有另一個女店員企收銀機旁，好愕然我入去，我話想要收據，佢在收銀機旁個籃仔抽出我張收據比我，估不到攞張收據要千辛萬苦仲要有冒險精神至攞到，樓面嗰個女店員超級唔尊重人，我已經係埋單時一拼講埋要收據（就係唔想佢要行多轉）無視我要求後，仲要我自己攞，好像我好無理取鬧咁！無唸過攞張收據會咁難受，講真$45一份早餐仲有大把服務好過呢度嘅餐廳，唔使受佢氣食物一般，服務令人失望😞無下次…Read More