Captain Japanese & Korean Restaurant (Sai Yu Street) (Closed)

朋友帶咗我去元朗呢間燒烤放題，午餐$138/位任食2 小時，仲可以加錢一次過食到燒烤+火鍋+刺身，百幾蚊位呢個價錢真係幾經濟抵食，唔怪得平日午餐都好多家庭客& 學生來。自助區乾淨企理，分多個區域擺放食物，食物選擇算多。燒肉烤爐會有牛油紙可以自己換，烤肉冇咁容易燶，打邊爐嘅湯底都可以在自助區取。✨燒烤/ 火鍋配料區：✨燒烤肉類有各款豬、牛、雞、魚等，有唔同嘅醃料醃製，我自己就鍾意韓式醃豬扒同埋魚柳。亦有多款火鍋配料例如肥牛、丸類、豆卜、菇類、蔬菜等。✨刺身區/ 壽司區：✨刺身有赤蝦、三文魚、吞拿魚、希靈魚、榮螺片等，赤蝦大隻又鮮甜，我encore左幾次（刺身每次只限選3 款而赤蝦只限一隻）✨前菜沙律/ 冷盤區：✨沙律菜配料幾新鮮，冷盤區亦有不少開胃菜。✨小食/ 炸物/ 熱葷/ 點心區：✨蒸點心有我鍾意嘅魚肉燒賣，亦有不少街頭小食，香脆可口嘅炸物，還有老火湯、碗仔翅等。✨飲品區：✨各式飲品汽水/ 啤酒都有，最喜歡佢個花茶區，可以自選材料沖泡花茶，推介加少少洛神花，酸酸地很解渴消滯。✨甜品區：✨有唔少啫喱、奶凍，仲可以自己整涼粉冰粉甜品。…Read More

《午市任飲任食燒烤+火鍋+刺身》校長燒肉喺元朗已經好耐，以經濟抵食聞名，今日同朋友諗唔到午餐食咩，就走咗去校長任飲任食😂。如果淨食燒肉放題就$138食90分鐘，加$20可以食埋火鍋，同埋食多30分鐘，再加40就可以食埋刺身。真係豐儉由人，任君選擇。一於一次過，燒烤➕火鍋➕刺身，食個豐富嘅午餐😋🕙兩個鐘任食🥗自助區有各款沙律、熱盤、蒸點心燒賣粉果等🥟街頭小食：碗仔翅、茶葉蛋、炸物等等🍖燒烤及火鍋肉類都好多選擇 ，雞件、雞翼、雞腎、豬扒、豬頸肉、牛肉、魚、丸類🔸打邊爐自助形式加湯底，有日式豬骨湯、日式清湯、壽喜燒湯🥬仲有幾款蔬菜、雞髀菇、金菇、炸枝竹等🦐刺身有牡丹蝦、三文魚、吞拿魚、玉子燒、希靈魚、榮螺、蟹柳🍣壽司、卷物🍧甜品、糖水，綠豆沙、雪耳糖水，仲可以自己炮製冰粉同涼粉，加唔同配料，有椰果、芋頭、水蜜桃、西米等🔸飲品方面有清酒、梅酒、啤酒、罐裝汽水、紙包飲品🔸仲可以沖花茶我地每款肉都夾少少去燒烤，肉類調味唔錯，火鍋嗰邊就主力淥菜，平衡下味蕾，刺身牡丹蝦同三文魚都好肥美。午市都幾多人，尤其學生哥，原來學生有優惠。職員話雞煲任飲任食都好抵$98食3個鐘，下次挑戰～…Read More

@校長燒肉日韓料理好耐好耐沒有食校長燒肉，今日幾個朋友一齊去食早鳥優惠，真係抵到爛，燒肉，火鍋，海鮮，刺身，熟食，甜品任食，種類非常多，燒肉方面我最喜歡叉燒和雞冀，$108 任食兩小時，真係冇得輸飲品種類好多，汽水，茶，啤酒.......總結：雖然食物味道平平,冇乜嘢突出嘅食物令你難忘,但以量取勝,種類繁多,一定可以滿足唔同人嘅要求,真心講咁嘅價錢都冇得挑剔啦！香港咁多燒肉店,貴價平價都有,豐儉由人,我希望呢間平民燒肉店可以繼續生存吧環境方面:冷氣吾夠凍,有D焗地下有啲濕和痴立立…Read More

好耐冇係香港食過放題，今次心血來潮同友人嚟到校長燒肉食燒肉放題，非常有驚喜🤩 我地係星期日7點左右去食 $238一位 呢個價錢嚟講選擇好多 味道都唔錯！首先入座職員俾咗兩張細細張正方形嘅貼紙我地 係拎刺身用嘅 因為如果唔要刺身係另一個價錢😂 刺身方面最少都有6、7款 每次出去拎都係一堆咁俾😂（除咗蝦係每次一隻之外）食落全部都新鮮唔會有雪藏味 雖然唔係好大塊 但都算厚身 特別推介帶子 好鮮甜😋 壽司款式都好多 特別推介炙燒玉子壽司 面頭有沙津醬同少少焦糖feel 食落好甜好香☺️肉類方面都非常多選擇 個人特別推介韓風香辣雞扒、豬頸肉 同魚柳～ 雞扒食落微辣好香 唔食得辣嘅我都接受到✌️ 豬頸肉睇落普通 但食落夠腍身又香；魚柳滑身 本身自帶微微黑椒香味 再自己點醬汁（我係點柚子醬） 感覺好fresh😋 順帶一提 連醬汁都有成5、6款選擇 燒肉汁、韓式辣醬呢啲唔少得～ 同埋每枱都好貼心有埋較剪俾你剪開啲大嚿嘅肉👍 另外仲有唔少丸類/腸仔/漢堡扒之類 同埋蔬菜類可以拎 燒翠玉瓜一流 燒完香得嚟仲好清甜😋除咗刺身壽司同燒嘢食之外 仲有好多熟食同開胃前菜揀～ 前菜特別推介有一款係粉絲海蜇 酸酸地 非常開胃又好味😋 熟食方面 推介芝士焗青口 好香濃嘅芝士味但又唔會蓋過晒青口嘅鮮味😍當然唔少得仲有甜品同野飲 甜品方面都唔少選擇 有款桔仔果凍同荔枝果凍特別推薦👍 都係好清新嘅 唔會太甜太膩 食飽再食佢都唔覺有負擔😎飲品方面除咗一般罐裝樽裝嘢飲之外 值得一提嘅係仲有好多款茶可以沖😮 消滯解膩啱晒～ 仲有細細jar嘅菊花露 食燒肉都唔怕熱氣啦😍其實除咗燒肉之外 張枱仲有電磁爐位係俾你拎鍋 可以整埋火鍋食 見到有幾款湯底 其中好想試壽喜燒🥺 不過真係太多嘢食好飽 今次試唔到😭總括嚟講 今餐放題我覺得好抵食 200幾蚊人頭任食 好多選擇 不能盡錄😂 質素亦唔錯 除咗燒肉之外仲有得同時食火鍋 一大班人聚會都非常適合！ 餐廳職員都好有禮貌同埋keep住有幫客人收起唔要嘅碟同隔油紙 同埋見你較大咗火力佢地都留意到會提醒 抵讚👏 最後就係 間舖仲有一部夾公仔機 食完嘢仲可以玩下😂 有得食有得玩☺️…Read More

勁誇張 啲食物唔單止難食 仲唔乾淨 坐嗰個位勁焗 好似冇開抽氣咁 又多煙又唔透氣 坐在半個鐘完全冇胃口 我屋企人開始成身通紅 又暈又想嘔 好似嚴重過敏咁 食咗粒過敏藥完全冇效果 最終call左白車入醫院 佢本身就冇食物敏感 根本就係啲嘢食唔乾淨…Read More

❝❝𝐘𝐮𝐞𝐧 𝐋𝐨𝐧𝐠❞ |【元朗．放題】-- 校長燒肉日韓料理💬 🔥 放題愛好者注意！肉肉獸天堂 😋🍺🍣最近同米菲搵食係元朗搵食，諗起食燒肉，就諗到CP值超高嘅放題店——校長燒肉放題 🎉💰價錢勁抵，一個價已經包晒想得到嘅嘢：燒肉、火鍋、點心、熟食、炸物、壽司、刺身，樣樣齊全！唔止咁，仲任飲啤酒＋汽水🍻🧊就算係星期日下午五點去食，未入夜都已經好多人好多家庭、朋友聚埋一齊🍖燒肉選擇勁多，真係唔好睇少佢平，豬牛羊雞樣樣有得揀，肉質新鮮之餘，調味醃得岩岩好，唔會過鹹或者無味，就算新手燒肉都唔怕整壞！ 我就最愛佢五花肉，燒到有少少焦香，夾啲生菜一齊食，肉香中帶菜清，口感一流！就算係雞翼都有四五款口味，燒到好雞皮脆卜卜🌿😋仲有啲海鮮款式都唔馬虎，秋刀魚、青口都係任拎任燒～🦑🦐🍤熟食區都有驚喜，炸物香脆，唔會淋晒，點心熱辣辣出爐，啱晒一家大細口味～ 小朋友、大人都有野啱食，一場飯局全部人都滿足！🥟🍗🍣刺身區更加係重點！基本款已經有三文魚、八爪魚、甜蝦～ 但最驚喜係升級之後可以任食赤蝦！每隻都超鮮甜，口感爽脆，蝦頭仲爆汁🧡🦐…Read More

$168就可以任食燒烤火鍋壽司刺身甜品飲酒多款熟食沙律太超值！.呢間性價比太高了！大卡位坐得舒服😌一入到去已經見到超多款壽司同剌身😍意外地高質新鮮👍🏻掃完一轉沙律吧，就開始試下熟食，太多款了吧！多款炸物炸得香脆，仲有甜酸魚、茄子、海南雞、冬瓜盅等等，多到食不完🤣.食完幾round都半飽，終於開始燒烤🍗最愛食雞扒和金沙骨，這裡好貼心會用牛油紙，燒得健康👍🏻仲有得打邊爐🍲太豐富了吧，三款湯底選擇，不停食肥牛太滿足😌.最後仲有甜品雪糕，自製涼粉冰超正，勁多款飲品，連泰式奶茶都有😍啤酒梅酒清酒任飲，呢個價錢真係不得了！難怪咁好生意，食物質素高又咁抵，環境又OK，一定會再幫襯👍🏻…Read More

元朗的校長燒肉放題絕對係高性價比之選，價錢相當實惠，卻提供多元化選擇，無論火鍋、燒肉定熟食都一應俱全。燒肉部分款式多樣，肉質新鮮，醃料惹味；火鍋材料亦相當豐富，海鮮、蔬菜、丸類樣樣齊，湯底選擇亦不少，配搭自由。熟食區驚喜不少，例如炸物、小炒、炒飯等都保持熱辣新鮮，適合唔同口味嘅客人。場內空間寬敞，氣氛輕鬆，非常適合一家大細一齊享受。值得一提係職員服務態度良好，補貨快，最重要係清潔做得好，枱面同夾子不時有人整理，令整個用餐環境更加衛生舒適。整體而言，校長燒肉放題係一間好食、抵食又安心的放題好去處！…Read More

元朗高性價比抵食放題有得揀燒肉或者雞煲打邊爐我哋揀咗打邊爐，食物種類非常之多樣化除咗打邊爐嘅食物之外，仲有自助形式有壽司、刺身、沙律、西式熟食、炸物、中式點心、甜品雪糕同市區出面嘅放題種類一樣咁多首先會上雞煲，非常之入味。食完雞煲之後可以加水打邊爐。餐廳會上一個頭盤。所有最優質嘅材料都擺晒上去，如果唔夠都可以再加。蝦滑同埋牛肉滑比較特別，有鮮味而且好食。牛肉都係厚切，肥瘦均勻。打完邊爐唔夠可以自助出去拎食物。自助區嘅食物做得好出色。真係乜都有，另外仲會每位送特製水果茶，滿滿嘅新鮮生果。絕對加分！…Read More

話說住開元朗的街坊一定知道呢間校長烤肉，有日同另一半慶祝，第一時間諗起呢度，每次黎親都排緊隊，所以我地選擇晚市1700開始晚飯。餐廳位置非常就腳，如果駕車的朋友，附近有咪錶亦都有停車場就近泊車🅿️🚗。餐廳有好多選擇，有刺身、壽司🍣、熟食🥘、點心🍘、各種肉類🍖🥓🥩等等。粗略都超過100種。客人可以選擇燒肉、打邊爐🫕、雞煲或者日韓式放題，自由度超高，飲品🍺🧃🍵🍶和甜品🍫🍩雪糕🍧🍨🍦類都係免費任食任飲。所有凍肉類和蔬菜放置的位置都會有個蓋子保護，以確保衛生和保温，呢一點真係值得讚。肉類基本牛🐮豬🐷雞🐔魚🐟什麼都有，好難試得曬，所以客人要諗清楚每一次要食乜先好夾😝💕。有部份已經調好味道，所以不用再自己調味🧂，方便感十足。刺身櫃位置選擇都唔少，客人可以加錢憑貼紙每次拎三種不同的刺身。赤蝦🦐真心推薦，個頭都算大隻，蝦身新鮮。如果點三文魚🐠和吞拿魚🐟店員每次都會俾多幾塊你，唔使來來回回走多轉，非常體貼。刺身口感油花滿滿，無筋同渣咬到出黎。壽司🍣係入座個陣都係岩岩整起，見到滿滿一盤真係食指大開。每一件壽司飯份量唔太大份，好適合每一樣想試的老饕。壽司新鮮度高，鮮甜到一件一件食唔停。如果單食肉類刺身覺得油膩，仲有好多醬菜和沙律類🥗選擇解解油膩。醃青瓜🥒和甜酸薑🫚味道唔錯，甜甜酸酸佐烤肉一齊吃一樂也。熟食類都幾吸引，拎個陣仲冒緊煙。炸物🍤🥟會有幾種醬汁選擇伴碟，釀茄子配木魚絲🍆味道很好。中式點心位置一直都蒸緊，粉果都幾大舊，餡料豐富。另一半想打邊爐🫕，有3種湯底可選擇，餐枱有電磁爐位置煮邊爐，一邉烤肉一邊打邊爐真係份外開心。甜品櫃有幾款布丁和啫喱選擇，泰式拉茶布丁有驚喜，甜度剛剛好之餘拉茶濃度十足。總體而言，餐廳體驗感不錯，價錢比其他放題餐廳類優惠不少，餐廳員工會最大程度不打擾客人用餐，適時收走枱面多餘的碟子。而且會定時添加食物，所以食物櫃都係持續滿滿的。之前餐廳再重新裝修，整體動線和食物擺放位置明確，每一次光顧都會有不同的裝飾物，新鮮感十足。再有慶祝日子都會再次光顧，讚!👍…Read More

一班人聚餐～去食放題最開心😎各自揀自己鍾意食嘅嘢～一個價錢人人都實食得飽無荷包壓力🙌🏻🙌🏻是晚約咗喺元朗聚腳～嚟食放題晚市時段每位只係$238(另加一)～性價比夠哂高❗❗.自助區域應有盡有～好多選擇🤟🏻由前菜(有冷盤🦐、沙律🥗、壽司🍣等等)；刺身(當中以鮮甜牡丹蝦最令人驚豔!!)；熟食(有齊炸物🍤、點心、湯品🥄等等)；燒烤食材(由肉類、蔬菜、魚類等一應俱全🤗)；飲品(自家製茶飲、汽水、酒類都可以無限制任飲～仲可以加錢升級飲埋生啤🍺)；甜品(雪糕🍨雪條、蛋糕🍰、甜食🍮都算幾多選擇)😆😆個個開懷大吃又可以嘻嘻哈哈傾餐飽～確實係個聚會好地方！！…Read More

位於元朗的這間韓式燒肉放題餐廳，絕對是肉食和海鮮愛好者的必訪之地！餐廳主打韓式燒肉放題，肉類選擇豐富，從經典的牛肉、豬肉到醃製入味的土匪雞翼，應有盡有。牛肉烤製後微微的焦香，香氣撲鼻，再加上肉質鮮嫩，一試難忘，搭配生菜和韓式辣醬，風味十足。土匪雞翼則以黑椒及醬汁醃製，烤至外皮微焦，內裡依然多汁，非常開胃。刺身放題同樣令人驚喜，三文魚、帶子、吞拿魚等新鮮刺身任君選擇。三文魚厚切，油脂分布均勻，入口即化；帶子鮮甜爽脆，完全沒有腥味；吞拿魚則帶有淡淡的甘甜。熟食方面，火山骨相當惹味，肉質軟嫩，恰到好處；酥炸三文魚骨腩外脆內嫩，魚肉鮮美，搭配檸檬汁更顯清新；墨西哥卷餡料豐富，口感層次分明，作為主食非常適合。飲品選擇多樣，從汽水、茶飲到啤酒都有，即使是無糖飲料喜好者也能找到適當的飲品。…Read More

味道比觀塘分店差少少，整體合格。元朗店有半露天地方，主打其他口味。店舖位置僻靜，適合駕車人士，應該容易泊車。附近有酒吧，火鍋店，一班朋友，男人，一齊食飯都算唔錯啦。…Read More

校長燒肉除左燒肉之後仲有好多唔同種類食物一嚟到即刻拎啲沙律、魚生同壽司🍣先😻種類都唔少～有蝦壽司、三文魚壽司等等😋之後就開始燒肉，有好多種類食物，雞翼、魚柳、魷魚、豬扒…… 😋😋點心有燒賣、蝦餃、叉燒包、粟米、桂花糯米糕、珍珠雞、馬拉糕等等……味道都唔錯!!特別係蝦餃,有大大粒蝦🍤啲撻都好好食,甜得來又唔會太甜仲有得打邊爐添～碌咗好多菜食仲有白汁芝士海蝦焗薯蓉糖水有蕃薯糖水同紅豆沙我兩款都食咗,呢個糖水相當有水準👍🏽👍🏽very good…Read More

第一次帶朋友來食燒肉放題，朋友食得好開心，因為佢好鐘意食三文魚，呢到有刺身任食，燒肉任食，仲有點心，炸物，壽司，食到飽一飽我地拎咗豬頸肉，雞翼，雞臀，雞扒，秘製豬頸肉肉質好爽脆，調味咸咸地，幾好味！燒肥牛都唔錯！點燒汁好夾！雞腎燒到脆脆的😆 好惹味！雞扒，雞翼嘅調味都啱啱好，燒到雞皮脆雞肉嫩而多汁，好邪惡，個爐要教中細火慢燒就會燒得好好味！三文魚刺身好鮮嫩，所以朋友一次點咗好多😍 另外仲有三文魚壽司，及吞拿魚刺身都好鮮嫩😍 燒完野食就拎湯打邊爐，煮咗啲蔬菜，金菇，冬菇，南瓜，翠肉瓜，食完燒肉食反啲素食感覺唔錯😌…Read More