林記小食

Open Now

Now Closed

茶葉蛋上色不僅不均勻，而是幾近沒有上色，但卻十分入味，調味有層次，吃得出花椒、八角、桂皮等多種調味料的味道及香氣，並有茶葉味，比很多小店好。魚蛋不是咖喱魚蛋。醬汁調味好，不會過甜或過鹹。魚蛋不算非常彈牙，但並不是不彈牙。有濃烈的魚味，感覺真材實料，只是每粒的尺寸比較小。質素屬中上。「烚腸」（水煮雞肉腸）煮得剛剛好，軟淋易咬、微彈牙，沒有overcooked，比很多小店好。可樂不夠凍。上面有很多水，要抹過才能喝。

為食貓食過巷仔呢間小食店都好幾次雖然價錢唔係好平，但d野食都幾好食嘅👍🏾西貢無咩小食店，所以佢都算係一個唯一而又唔錯嘅選擇✅為食貓食過佢嘅燒賣、腸粉同炒麵，呢3樣野都幾好食😋燒賣嘅魚肉味好重，加埋佢個辣汁，真係好惹味。至於個腸粉雖然唔算太滑，但加埋d混醬都好好食不過，為食貓就有2次找少咗錢嘅不愉快經歷😒1次當佢唔小心，但第2次就係有心！第一次為食貓買咗幾樣小食，計計埋埋應該30幾蚊左右，唔問佢找錢，佢就當啱數😡為食貓同店員講唔啱數，店員就話幾蚊雞加多幾粒燒賣比我…..ok…..我接受，但佢咁樣講，係咪承認自己知道收多咗錢？！第二次為食貓去買炒麵，$11，我比$21（今次係另一個店員），其實20蚊紙同10蚊紙都有好大分別結果，佢無找錢比我我問佢先攞得返食物質素好又如何？做生意做到咁唔老實……呢間舖都應該做街坊生意為多，信譽咁差，為咗少少錢，可能會失去更多

Lam Kee absolutely makes one of the best fish siu mai in town!As one of the most beloved street food in Hong Kong, not so many food stalls still make their own because of the high cost and manpower needed. Lam Kee is one of the old shops that still wrap their own fish siu mai. Really appreciate it. And they're only charging $10 for 6 pieces! Chewy, well seasoned, super hot. Add as much chili sauce as you want.I've also tried their fish balls before, which were flavorful enough. Rice roll were si

😋 腸粉$11/4條好少食到腸粉係咁滑嘟嘟！ 每條腸粉好似自己滑入個口到，加埋啲醬料同芝麻粒夠惹味！😊 粉果$11/2個小妹中意食粉果個皮夠煙韌，呢款粉果都算煙韌，不過餡料少咁啲潮州風味，平時食開會有少少辣味，但係呢款得個甜味😕🙂 燒賣$10/6粒燒賣真心失望，之前食落係煙煙韌韌，今次完全痴埋哂，食落成舊粉咁🥲🥲 大家可以叫老闆比啲咖喱汁，辣辣地夠過癮Ps:小店係巷仔入面，座位吾多，衛生環境就吾算好啦，中意乾淨既建議外賣啦抵食程度：⭐️⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️衛生情況：⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）

夜麻麻嘅西貢好多舖頭都閂咗門，唯獨呢間舖開到比較晏，宵夜之選👍🏻食過一次就上癮😂👉🏻腸粉。魚蛋。雞翼。標準配搭😋再加牛丸 ⭐️⭐️⭐️一定要加秘製辣醬⭐️⭐️⭐️ ⭐️⭐️⭐️一定要加秘製辣醬⭐️⭐️⭐️ ⭐️⭐️⭐️一定要加秘製辣醬⭐️⭐️⭐️-混醬腸粉夠滑，唔會蒸過龍，啱啱好😋-魚蛋爽口彈牙👍🏻-滷水雞翼煮到好入味，一咬就骨肉分離👍🏻👍🏻-牛丸就係平時食到果啲，唔會太粉食到最後”飲”晒汁嘅腸粉不得了😋😋兩個人$40幾蚊宵夜啱啱好👍🏻滿足😙😙

可能因為喺塔門太早食午餐 去完塔門出返黎西貢勁肚餓所以要醫一醫肚先再搭車出寶琳✨四條腸粉 $11腸粉幾滑溜 配埋啲麻醬辣醬好香好食👍✨螺肉一串 $11呢個就普通啲 啲螺唔係好爽口 掂唔到醬完全冇味嘅 🙈 要沾到啲辣醬就好食啲野食黎講都幾抵食 買完之後側邊有啲小枱可以坐低食 不過得三四張好少 食完最好幫手執埋枱 因為今日平日都幾多人幫襯 味道❤️❤️❤️💔價錢❤️❤️❤️❤️💔服務❤️❤️💔環境❤️❤️💰下午茶人均～$11✅再買襯

可能因為喺塔門太早食午餐 去完塔門出返黎西貢勁肚餓所以要醫一醫肚先再搭車出寶琳✨四條腸粉 $11腸粉幾滑溜 配埋啲麻醬辣醬好香好食👍✨螺肉一串 $11呢個就普通啲 啲螺唔係好爽口 掂唔到醬完全冇味嘅 🙈 要沾到啲辣醬就好食啲野食黎講都幾抵食 買完之後側邊有啲小枱可以坐低食 不過得三四張好少 食完最好幫手執埋枱 因為今日平日都幾多人幫襯 味道❤️❤️❤️💔價錢❤️❤️❤️❤️💔服務❤️❤️💔環境❤️❤️💰下午茶人均～$11✅再買襯

知道西貢有間腸粉好得，所以特登入黎搵好野食，呢間既腸粉都真係好正好滑，仲超多醬汁好好味😋😋估唔到呢間既粉果都好正，熱辣辣食真係好好味😋😋值得推介👍👍

🍽腸粉 $11四條係西貢巴士總站附近有件唔起眼的巷仔有間好唔起眼但客似雲來既小食店作為香港小食既愛好者當然要試下門口只有幾張枱腸粉滑溜，麻醬都幾香口整體感覺不錯

年廿九無返到屋企食(團年飯一早食咗)，而家夜晚有無堂食，一個人又諗唔到食咩，於是揸車遊車河，兜兜吓去咗西貢。見到平時食開檔炒麵仲有開，於是就去買(其實食咗好多年，不過都無俾食評佢)。今次自己一個開大餐，買了一盒炒麵、兩串燒賣、兩串牛肉球、一隻糯米雞。先講炒麵，一定要配佢個辣醬(記住唔係辣椒油)，佢啲辣醬好香，甜甜哋又幾香，配埋炒麵會變得好似撈麵咁，而且佢啲炒麵唔淋，食落去唔錯。而牛肉球亦都係值得介紹，每粒都幾大個，而且唔粉，食落去都有肉味。另外今次就叫埋糯米雞，平時都無食過，正常唔算突出。呢間舖仲有一樣推介就係膠粉，夜晚食宵夜唔錯。

西貢絕對是hea 遊好去處 就算冇乜特別事做，去西貢行個圈都有一種好chill 嘅感覺每次去西貢必食林記小食最掛住佢的豬大腸串 ($6/串) 有咬口，加埋秘製辣汁，食到停唔到口！雞腎串 ($6/串) 都係抵食推介，加埋生腸同魚蛋～再加埋超美味混醬，超級地道嘅惹味平民美食。我也超喜歡林記的腸粉，爽口香滑，淋上獨家辣汁撒上勁多芝麻，去西貢必食！ 小朋友可以獨立叫一份冇醬嘅～兩大碟加埋都唔使$40，超級豐盛嘅下午茶🤣

入開黎西貢既朋友可能對林記小食唔陌生，畢竟林記小食都已經響小巴總站附近既巷仔開左超過20年。仲記得細個個陣會留意住佢限時推出既海鮮串 - 螺肉﹑魷魚等等 (到而家就成為左開設既食品之一)。剛巧經過既小編都忍唔住再試下佢既食物先!林記最出名其實係佢既辣汁 - 既唔係太辣但又會有你既味蕾有刺激感，呢個感覺響出面相對會少遇到既。入返正題先，今次小編就叫左4條腸粉﹑1串魚蛋同1串燒賣! 腸粉店員會預設有芝麻﹑甜醬同花生醬 (如有需要走就預先開聲)，而魚蛋同燒賣就唔係浸定既辣，而係響原本既狀態下直接淋上秘製辣汁。可能食個陣因為係黃昏既關係，腸粉都已經開始淋而唔係爽口，但配以醬汁食都還可以既；至於燒賣繼續保持水準 - 魚肉夠實，加辣汁後會令你更開胃咁食。簡簡單單，$20就可以響巷仔當係小小既正餐去滿足自己既肚仔吧!

西貢巴士站附近有條行仔隱藏左廿幾間餐廳🤪而哩間小食店就位於行仔嘅入口位～大概有三四張細枱，賣嘅小食同其他港式小食店大同小異啦，都係燒賣腸粉粉果嗰啲。燒賣：幾好食，唔係齋食麵粉嗰種燒賣😄腸粉(六條)：口感中規中矩，勝在份量多，三個人都好夠食魷魚：爽口，加埋沙爹醬一流坐就一定唔會好坐，但佢質素唔錯，黎個快閃再繼續遊西貢都仲得。

/ 明明已經食飽左，但又口痕想再食小小野，真係「為何深夜總是餓」🙈，所以男朋友就揸車🚗帶我入去西貢覓下食🤩！(本身其實我地係想食泰式串燒，不過點知無開到，就轉左食隔離既「林記小食」)我地order左：📍1串 雞腎 ($6)📍1串 牛柏葉 ($10)📍2個 潮州粉果 ($10)📍1串(3粒) 彈口牛丸 ($10)📍1串 (5粒)魚肉燒賣 ($8)📍5條 腸粉 ($14)(影到有d暗，因為我地買完之後，拎左去西貢公眾碼頭果邊食🙈)💬d小食配埋佢鋪頭既秘製辣醬，真係好好食，好正😋😋😋！最鐘意係牛柏葉、燒賣同埋牛丸🥰💬而腸粉好夠熱，食落去真係仲熱辣辣，好正，我地無要到甜醬，只係要左芝麻、麻醬同埋豉油，都一樣出色🤪👍🏻！呢間西貢平民小食店值得再Encore🤩！

美好的星期日可以訓到自然醒簡直係人生一大樂事🤩凍冰冰又吾想煮早餐為有落街食啦🥶一於去尋找兒時的味道 記得細個婆婆成日都會買腸粉俾我做早餐 我例牌 係多甜醬 麻醬 走芝麻 走辣 而家呢d 小食店愈來愈少 所以襯而家想食就去食左先😚。腸粉 (HK $10/4條)暖笠笠 滑嘟嘟 溝埋D混醬一齊食 簡直係絕配。燒賣 (HK $8/5 粒)平時都吾係特別中意食燒賣 但呢度有個秘製辣汁專門用黎配燒賣食 正👍辣汁香而不太辣 不過味道總是覺得之前比較濃味 而家啖左好多🤣 所以吾係好食得辣既朋友 絕對可以一試😉。魚蛋(HK $7/5 粒)只是平凡的一串魚蛋🥴沒有任何特別🤣🤣。整體而言 或者人大了對食的要求已經有所不同 現在長大了選擇更比細個多左好多 所以 小時候覺得美味的食物 現在可能覺得不外如事 不過回憶的味道總是美好 吾知你地有咩兒時回憶美食  歡迎大家留言同我分享☺️。食物：5/10價錢：8/10環境：3/10。林記小食西貢福民路58-72號高富樓地下14號舖。