Itacho Sushi (Cheong Kee House) (Closed)

中午時間，天氣炎熱，真係令人冇咩胃口，好想食啲凍野降下溫。今日決定去下位置於，旺角西洋菜南街，的板長。中午時間冇咩人，一入就食得，叫左小小野食，服務一般般，野食都係一般刺身質素 ，冇咩特別。…Read More

板長全日定食堂食有6折我同朋友午餐有時間來吃我叫左板燒雞扒便當$108（入面有蛋捲、魚、南瓜餅、炸雞x2、仲有雞扒飯同粟米蟹柳沙律）仲有個味增湯我朋友叫左牛肉烏冬配壽司$108（有6件壽司、粟米沙律、牛肉烏冬）2個餐都好大份我們2個都食唔哂但每個午餐款式好多，下次會試下其他款因為堂食有6折，其實都抵而餐廳環境都好舒適，我們坐左係梳化位，可以慢慢食，店員態度都ok整體評分：4/5抵食：4/5環境：4/5…Read More

本人今日約6點15分左右黎開餐, 見到個主任應該女人黎既...短髮! 無啦啦指枱丙個人。 須然我吾知發生咩事, 但覺被罵個位好無辜。 引約天到係ot問題。 本人相信如果果日可以有ot費, 而個晚因某某而無得賺多小小。 本人覺得個位同事好吾底。 如主任明知自己做錯左, 就吾應該搵個同事出氣。 簡直同個小學雞無分別! 眼見旁觀者係度不斷火上加油, 梗加不齒! 本人以後都吾會再黎呢個集團食野!…Read More

夜放工，係旺角想食壽司都好多選擇，咁岩有會員價88折，所以食下板長壽司啦！呢間店舖都開左好耐，而家又用QR code點餐，十分環保♻️我地叫左三文魚壽司、油甘魚壽司、黑松露油甘魚壽司、tuna壽司、沙律三味軍檻、帶子壽司、三文魚腩壽司、大蝦壽司、三文魚刺身、金目鯛魚壽司、炸生蠔。最好食係三文魚腩壽司和帶子壽司。油甘魚有點腥味，加左黑松露的油甘魚壽司都還可以，不過都係三文魚壽司味道正常點。金目鯛魚壽司做特價$15，但味道不太特別。…Read More

長假期下晝5點冇人，每個位都痴住‘安心出行’。QR code 落單算方便，但唔知點解係咁彈404，用左佢地個wifi都仲係咁。最尾落唔到單只可以俾部電話佢地去落單，但最後都係漏左幾樣，要另外再加。出餐速度都快，服務態度都算幾好。鰻魚如圖1超厚超juicy肥美。鵝肝邊邊好脆，都厚既，但唔香，仲有啲油益味咁，麻麻地。和牛同玉子都係好味既，燒帶子就冇乜鮮味（好似直頭冇乜味咁）。醋鯖魚入口即融調味啱啱好呢個最抵食～最尾重新落單既牛舌都好好味，好香，口感彈牙，不過略嫌油多左啲啦。…Read More

呢日喺旺角附近行街，見到板長做緊堂食八折，於是就喺呢度食午餐，估唔到有驚喜🤩❣️火炙壽司定食配麵豉湯 $78.4有九款唔同嘅壽司，啱晒啲有選擇困難症嘅人食，最震撼嘅當然係原條海鰻魚壽司，無骨啖啖肉，不足之處係醬汁有啲鹹，另外仲有芒果軟殼蟹芝士卷、火炙芝士熟蝦壽司、火炙芝士飛魚子玉子壽司、火炙芝士蟹柳壽司、火炙三文魚壽司、火炙帆立貝壽司同埋火炙鯖魚壽司，每款壽司都大大件，食得好滿足🤤套餐仲有埋麵豉湯同埋蟹子沙律，相當抵食👍🏻❣️原條鰻魚飯 $54.4呢個價錢買條鰻魚都買唔到，鰻魚長度有超過半個餐盤咁長，又係啖啖肉，冇骨，食完真係大滿足😋🏦是次消費總額 $146（人均消費$73） 🍴須加一服務費👅好味度：8.5（10分滿分）有折扣嗰時食就抵好多，今次食嘅呢兩個午市套餐都好有驚喜，咁嘅價錢食到咁大份嘅食物唔係間間都有，會回頭再食🙋🏻‍♀️…Read More

已經忘了對上一次在旺角區吃晚飯有多少年，對！用「年」作單位沒錯，疫情下的西洋菜街早已面目全非，問及小孩想吃什麼呀？他例牌答壽司，剛好行到板長附近看上去沒多少人，就隨意來個簡單晚餐，剛恢復晚市不久，人流極少，全餐廳在晚市七點這晚鐘數都不超過五枱。好快掃QR code 就點好菜式了。最先來的是芒果飛魚子沙律，比想像中份量多好多，才$38而已，非常抵食！芒果當造好甜，不過感覺較流質。然後就簡單來個香菇腐皮稻庭烏冬，是幼身對流水麵那種，沒怎麼特別，$58 來說份量不多，個人比較喜歡粗身的讚崎烏冬，較有咬口。有小孩的多數點蟹柳卷，蟹柳大小比平日吃到連鎖壽司店一盒的小卷大、另點八爪魚壽司、北寄貝壽司、赤蝦壽司，不知是否太耐沒外出用餐的關係，覺得好好食呀！赤蝦都好甜好大隻～北寄貝更是有驚喜，大大件包邊！推介～…Read More

板長壽司推出這個全日餐，$138豐富也很抵食這個質素對得住這個價錢雖然感覺刺身不是非常的新鮮，不過入口也不錯蒸蛋熱辣辣，材料豐富，令人為之一振另外加了一件三文魚壽司及腐皮壽司星期六的下午比較靜，兩個人不用等位也可以獨佔卡位…Read More

諗唔到食咩行過好耐冇食嘅板長就入去幫襯下個茶杯有啲嚇人 舊到杯上嘅字都睇唔到下午茶幾抵 六十幾蚊 有壽司 小食 飲品壽司燒得幾好炸魚旗油脂幾多 炸到好香口朋友嗌咗個普通午餐仲叫咗份刺身 不過刺身質素真係唔值二百幾蚊魚同蝦都算新鮮 但係海膽唔鮮 雖然冇臭不過偶爾食個下午餐都算係個好選擇…Read More

火炙壽司定食平日午餐只需$78.4，有9件不同種類壽司。覺得份量算多，款式又多，很能滿足想多吃幾款壽司的人。還配粟米蟹柳沙律和麵豉湯，是豐富的定食。芒果軟殼蟹芝士卷，新鮮芒果肉甜甜的，又同脆的軟殼蟹和芝士幾夾，凊新不膩。火炙芝士熟蝦壽司、火炙芝士蟹柳壽司、火炙芝士飛魚子玉子壽司，因是火炙，有些焦香芝士的味道。火炙帆立貝壽司，帆立貝唔算厚，但仍算新鮮。火炙三文魚壽司、火炙醋鯖魚壽司，一啖一件。原條海鰻魚壽司，淨叫都要$30件，海鰻雖較蒲燒鰻魚的肉較薄，但海鰻較細膩軟綿綿一絲絲的肉質，又是另一風味。另加樱花蝦豆腐$18，有兩件，炸豆腐皮中夾雜相當多的櫻花蝦，令脆中帶鮮。…Read More

今日又約一家人去食壽司啦！其實我哋都好鍾意食壽司嘅，不過最常去嘅都算係板長壽司啦~今次去到唔使等好耐就有位,我鍾意食板長壽司原因係因為佢係用人手演出個飯團出嚟唔似其他壽司店會用機壓`!!三文魚壽司,好鮮味可以好清楚咁見到啲紋理,玉子壽司應該係自家製㗎所以食落好特別香同滑帶子壽司粒大市好大粒,食落去好肥美同新鮮港島最好食當然係海膽軍艦壽司簡直冇得輸！！好多海膽😀😀而且啲海膽好鮮甜😀😀唔似得有某啲壽司店啲海膽已經變壞咗一啲都唔新鮮！！食完一舊又再想食一嚿,嫌壽司唔夠飽唔緊要佢仲有拉麵簡而且款式都比較多選擇梗有一款啱你,而且地方好乾淨點圖又比較舒服所以我一直支持佢嘅原因🤗💪🏽💪🏽…Read More

每到星期3，都會黎公司附近既板長食lunch，因為會員有全單8折優惠呀嘛 除左Lunch Set 有優惠外，單點壽司都可以有折，食多幾件都唔過份首先叫左一客午市吞拿魚壽司定食，有湯又有個小沙律個SET 有吞拿魚，吞拿魚腩，油甘魚，三文魚，帶子，3件吞拿魚蓉小卷同玻璃蝦壽司沙律普普通通啦，係蟹柳加粟米再加D魚子咁，份量較少吞拿魚腩唔算肥美，不過入口都叫甘香，三文魚就一般般啦油甘魚入口有油香，有驚喜其他叫做中規中舉啦之後仲叫多件火灸鵝肝壽司，呢個真係堅正壓煎過既鵝肝入口即化滿口都係油脂如果唔係因為太飽真係想encore，下次一定要再食多一件先得最後埋單折後around $140，滿足到爆…Read More

夏日炎炎 食咩最好feel 第一時間諗起日本壽司 天氣咁熱 附近最近嘅壽司舖就係板長 朋友極力推薦之下 就上左去食 本身想食其他 因為上次試過麻麻地 但真係太熱 就上咗去入到去冷氣都算幾涼 坐低就掃QR code點菜 見到啲午餐唔多啱食我哋就散叫壽司 連鎖壽司店都唔應該有咁大嘅期望 壽司飯唔係正宗珍珠米 所以好散 朋友本身想叫炸物天婦羅等等 上次食過中曬伏 啲炸粉有厚又硬 連軟殼蟹都唔好食 所以唔畀佢叫服務方面真係麻麻地 講真 已經係q r code點菜 茶係比一壺你自己沖 都唔知啲侍應忙咩 上菜嘅時候仲要幫佢執好啲位放 食完曬又唔收碟 再上菜佢夠膽死放喺隻吉碟上面 個個企曬喺度吹水 唔係大熱天時唔想行 同埋朋友好想食呢間 都唔會再幫襯…Read More

本身無得去日本壽司 唯有係香港食住先 點知第一去板長食就出事了 去到測量體溫還好 佢噴消毒洗手液時都吾出聲 噴勁多 勁大霧點完壽司 壽司黎到 竟然要自己擺位比佢落壽司 佢連一句吾該都無 仲要之後有同男經理反映過之後都仍然係咁（2位女職員）雖然武漢肺炎令到好多人無工作 但得幾枱客都甘樣不停玩手機無禮貌 仍然有工開 應該感恩囉整體黎講壽司一般 但配合服務態度黎講就吾會再黎食囉…Read More

🍣🍣高質日本壽司 系列🍽🤤▫️餐廳：板長壽司▫️地點：全香港有28間分店 ▫️價錢：$60+📍逢星期三*會員*全單8折📍有優惠都少人排隊過元氣🤭元氣byeee‼️—美味：🍣🍣🍣🍣環境：🍣🍣🍣 🍣價錢：🍣🍣🍣🍣—👧🏻👦🏻最鐘意食壽司🍣香港唔同既日本餐廳都會食🤗板長係貴，但真係高質d😬~📍火灸鰻魚壽司 $19（1pic)必食‼️佢燒得超好🍣差不多係入口即溶既感覺💕仲有甜甜地既蒲汁同脆脆地既口感，一啖就食曬😭叫多幾件先夠‼️次次都要食‼️性價比：🌟🌟🌟🌟～📍三文魚刺身（$42-6舊左右）都可以話係窮人恩物🤣🤤平平地食到6件三文魚刺身算係咁‼️都夠既新鮮性價比：🌟🌟🌟+0.5🌟～📍炸蝦漢堡扒丼$62第一次試佢哋既丼，覺得一般般啦🤣餸就夠既，而且炸物🍤都夠曬脆😆不過汁就少咗啲，令到啲飯好乾😔仲要等好耐。都係食番壽司性價比：🌟🌟🌟～其他壽司就冇咩特別🍣唔一一介紹😬…Read More