Video
2-min walk from Exit B2, Mong Kok MTR Station
continue reading
Telephone
91300475
Opening Hours
Today
18:00 - 00:00
Mon - Sun
18:00 - 00:00
Above information is for reference only. Please check details with the restaurant.
行經旺角突然肚餓，隨手OpenRice搵到呢間大排檔。一個人點咗福建炒飯外賣。收銀已經一早同我講要等一陣，最後等咗半個鐘，同心理上預計嘅差唔多。如果冇時間真係唔好去，不過去得的話就預咗佢一定會煮好嘢俾你食。福建炒飯非常好食：- 飯有蛋炒底，有鑊氣，加分- 配料豐富，特別補充有菜心切片，亦估唔到大排檔炒飯會落瑤柱，加分- 份量非常充足，攞外賣嘅時候感覺盒飯非常贅手，剩返半盒留待下一餐- 唯一可惜係欠缺好香嘅鮑汁，個人覺得福建炒飯必須有鮑汁可惜一個人食胃口有限，只能夠試一個炒飯，希望下次試埋其他它小菜
continue reading
近排聽朋友講旺角街市有間小炒好有鑊氣今日就約咗成班朋友去試吓先☺️嘩…好有驚喜 好好味尤其是咕嚕肉👍🏼表面脆卜卜好想食個酸菜魚 但係當日太旺場賣晒下次都係要早少少去環境比我想像中乾淨嘅一定會再有下次😍
continue reading
香港買少見少GE大排檔風味佢個招牌就寫住松記旺角大排檔上到黎就聽到佢D霍霍聲聽到就好興奮因為平時出食飯都甚少聽到亦都愈來愈少呢D聲2個人叫左3個餸 （１）招排骨食落去其實啖啖肉少少甜仲有少少拉絲感（２）豉椒鵝腸好彈好爽（３）小鍋豬雜佢豬雜真係好雜～正！有豬肉、豬肝、豬肺、豬肚、豬心又夠辣又夠麻黎得大排檔當然吾少得叫啤酒啤啤佢！價錢方面貴過茶記又同酒樓差不多但是佢GE份量十足所以都叫做經濟實惠環境就比較嘈不過大排檔就係甘當然服務落單都係大排檔
continue reading
取消咗疫苗通行証之後，第一個約我食飯嘅人士係幫我睇住份基金嘅代理妹妹，我當然明白食飯唔係主角，請教我來年運程先係主角.....約佢地係旺角街巿食飯，以為方便佢返屋企同地方就腳，但原來仲有後生細女未識用 google map! 佢話行錯咗去太子.....一去到松記，坐低未夠一分鐘，成 team 人沖上嚟，背心寫住衛生署，好彩無食煙! 但又好奇怪? 唔係控煙辦咩? 轉咗制服? 點咗客薑蔥生蠔，西蘭花鮮魷，炸大腸同炸雞軟骨.薑蔥生蠔夠多蔥，啱我口味，蠔亦夠嫩滑，唯一缺點係油過多，多得過份.西蘭花鮮魷滿意，西蘭花夠香口鮮魷鮮嫩，缺點就係用個鬼咁細嘅碟，視覺上以為好大份.炸豬大腸最失望，凍冰冰，當然口感唔夠脆.最欣賞係炸雞軟骨，外層超香脆，雞軟骨夠入味，攞翻唔少分，推介小菜!取消通行証之後食過幾間餐廳，水準都下降，下次要搵間水準穩定餐廳.
continue reading
是夜世界盃英格蘭對伊朗, 約了三五知己在睇波前食嘢, 近近地就去咗旺角市場政上面的街市大牌檔.本身冇嚟過呢度只是去過以往渣華道的東寶; 原來呢度嘅形式都係差唔多, 不過氣氛梗係冇以往的東寶咁好啦大排檔食物選擇多籮籮, 我們點了一個羊腩煲. 原來發現呢個度鍾意食咗羊之後, 再加水之後打邊爐…. 本身個羊腩煲味道相當唔錯, 但係食完之後再加水或者湯底再打邊爐咁覺得有啲怪怪地羊腩煲最緊要就係啲羊肉唔可以太有騷味, 加上其他竹筍配料也要到位, 仲有就係入味的冬菇唔少得, 松記做呢樣嘢做得都算唔錯了最後食到唔夠喉再加多一碟豉椒炒蜆仲有幾走大啤, 如果唔係趕住去睇波應該會食多另外一個小時街市地方一般, 但係性價比高
continue reading
You may be interested in