DDG Kitchen (Closed)

午飯時間在藝術中心看完展覽, 突然留意到這店於是決定一試。當時大概1:40, 全店只得2名客人。我揀了窗邊的高凳坐。外面矇矇細雨, 與這寧靜的環境很匹配。餐牌主要是粉麵，喇沙和湯飯。完全是我喜愛的食品。有頗多有趣的選擇，最後點了喇沙和柚子蜜。吃了一碗雞肉喇沙, 不出3分鐘就可以吃。配料雖然沒有傳統喇沙那麼正宗和豐富 (印象中只有豬皮, 豆卜和雞肉), 但喇沙香辣適中,富有椰香, 米粉(不是慘慘)份量不小。難得在這寧靜舒適的空間靜靜地欣賞窗外的景色。$95享受詫寂， 個人覺得值得。攝自藝術中心本港藝術家的筆記:…Read More

位於灣仔藝術中心，menu內都係貴價食材，例如係花膠、龍蝦～其實味道的確唔錯，特別個湯底，濃郁非常，無味精，可以食完個麵，再大口大口飲埋個湯，夠哂滿足！望出去都有唔錯嘅海景，所以都不難吸引到鄰近上班族。龍蝦、花膠、蜆都煮煮得有一定水準，但麵食份量偏少，如果想食個proper meal就應該唔夠，價錢as lunch 無嘢飲跟，近$200有少少偏高，加上坐位唔算舒適，好間唔中可以encore，但就未能夠吸引我經常黎。…Read More

來到灣仔藝術中心感受一下自己身上從來唔會有既藝術氣息發現 置身於大堂聞到藝術既氣味外仲會有少少。少少食物味道味道從中間的樓梯散發出來跟著味道既軌跡不經不覺行到四樓~東道煮花膠雞湯飯湯飯以寬口花花碗圖案盛載眼看一碗黃色湯, 用匙輕輕一勺發現大大塊花膠, 湯配料: 紅棗杞子及數件雞肉以及泡好的飯粒湯飯份量十足湯底以花膠, 紅棗杞子 淆製上枱時看到湯面上已形成由膠質所造成的膠薄膜湯味除了黏黏的口感外仲有雞既鮮味, 感覺滋補養顏飲完有仲暖意暖入心從未試過出街食飯會連湯底都飲乾淨😳值得推介…Read More

估都估唔到係灣仔嘅藝術中心有啲咁好嘅多國麵食，你地lunch time又有多個選擇啦！花膠雞湯米線 $98係呢到嘅主打湯麵佢係用左花膠，雞，杞子，少少黄酒去熬個湯底，所以飲落十分濃郁😍覺得個人好暖好補👍🏻擺低左一兩分鐘，已經見到有層好杰嘅膠係湯面上，啲汁掛晒上麵證明佢地啲花膠落得好足🤤佢個花膠同雞都有好多，食左起碼4-5塊花膠，好痴牙。佢啲雞係我食過史無前例咁滑又唔肥😳通常係出面食湯麵都會煮到好柴，但呢到嘅係好嫩！☺️基本上食完呢碗麵已經飽左😂雞絲蝦湯河粉$68如果你地鐘意清清地，呢個就啱啦！佢雖然係清湯底，但佢地落左葱同咪西芹，令到成個湯味好出！唔好以為絲會好少唔飽，佢地真係好多，食唔完咁😂而且雞絲都係好滑🤤蝦係食得出新鮮爽口個種，唔係個啲冰鮮冇味個種，好難得👍🏻咖央豬仔包 (叫餐＋$14就有）呢個咖央醬嘅椰子味比較勁，好香😍😍😍上面個塊牛油好邪惡😂但佢溶左之後就香好食到停唔到口豬仔包好鬆脆，我覺得好食過出面啲茶餐廳😍…Read More

🐥花膠雞湯米線（$98)今次專登嚟到位於灣仔嘅東道煮試吓呢間主打食東南亞美食嘅餐廳😍 第一時間叫咗呢個人氣嘅花膠雞湯米線，花膠雞湯非常濃郁大少少杰身，證明用料十足，雞湯味好濃好好飲👍🏻 花膠同雞件都算多，又滑又腍身，米線煙煙韌韌係我鍾意嘅口感，整體好好味，秋天食呢個好滋潤！價錢又抵食，必食推介！🐥🦐雞絲蝦湯河粉（$68)呢度嘅其他湯粉都非常好食！另外叫左呢個雞絲蝦湯河粉，雞絲好嫩滑，湯底好清甜，唔錯。小食方面，叫左佢呢度招牌嘅咖央豬仔包(+$14)，呢個咖央醬好好味，面頭仲放左舊牛油，更新邪惡😍 飲品推薦叫杏仁茶，凍既杏仁茶唔太甜好解渴，仲有好香既杏仁味，幾特別。…Read More

今日早上落起大雨.. 唔想行出去買外賣唯有叫外送。見到有間餐廳個名幾有趣所以就望下餐單。第一眼就比花膠雞湯吸引。 但決定之前緊係要上網搜集下資料。睇到花膠雞湯米線都真係幾受歡迎於是我決定要花膠雞湯米線同事就要左海鮮喇沙食物係預訂時間前到達兩碗湯都仲係熱👍🏻一打開我碗花膠雞湯米線不得了啊就咁望已經見到唔少花膠。仲有桂圓同杞子。湯底濃郁。好好飲啊😭片花膠真係好大。唔係講笑😎雞件數目都多..美中不足係...米線唔係好吸到啲湯..呢碗正常份量米線對女士們夠食有突..細食嘅女士們可以要少米線。食完呢碗野。我有一種𣊬間被養顏嘅感覺🙊🤣同事話自己碗海鮮喇沙只係一般。如果同一價錢..佢寧願去公司附近間濃喇沙到食所以我已經相約左下次再食要一齊點花膠雞湯米線🙌🏻…Read More

聽朋友熱烈推薦呢度既花膠湯底面係好正，今日專登去試下先！地點雖然吾係喺地鐵出口附近，但喺灣仔站行過去10分鐘左右啦，吾算遠既！滿心期待可以食下花膠，可以順手養下顏，點知已經售罄，原來係有限量供應，想食既朋友仔要早少少去啦！一場去到冇理由走人既，於是叫左個拉沙試試，有意外驚喜喎！湯底好燶，吾算太辣，好惹味！真係好味到可以連湯都飲埋，佢既雞吸曬個湯底，入味得來又不失雞味，仲要係滑嘟嘟，連雞片一齊食，正吖！不得不提既係呢度係有㗎咉多食，烤到脆脆既面包，夾住塊牛油，好好味吖，可以吾使去新加坡食都可以有果種風味！下次會再來，一定要試到傳說中既足料花膠湯面！…Read More

養顏既食品一向都令女人鍾愛，特別係花膠，真係會有心心眼既出現今日竟然係街外餐廳試到一碗咁足料既花膠米線，令到我一直念念不忘，想同大家分享分享花膠雞湯米線 HKD98店員話花膠雞湯底配上紅棗、杞子、圓肉等煲足十多小時，雞湯好香好濃郁，而雞件亦都係嫩滑好味其實花膠整有滋補食療作用，有豐富既膠質同蛋白質，特別養顏呢到既花膠厚身足料，充滿鮮味，膠質極重，食完個嘴會黏黏的真係會忍唔住成碗湯飲晒架，好正P.S. 佢地既咖央豬仔包都係推薦之選…Read More

今日本身專登來吃這個花膠雞湯米線，係主場麵推介之一, 可惜我識來到已經兩點鐘， 花膠雞湯米線已經賣曬，想食的朋友要早點來食，最後 唯有轉食 雞絲湯 米線。雞絲湯 米線$68米線很彈牙，而且比較厚身，很有口感。而且雞已細心地切成絲，比較容易咀嚼，最好飲的是這個雞湯，雞湯味很濃郁很香， 入面還有少許芽菜 韭菜等配料， 唔錯的湯底。太好食，最後成碗食哂跟餐 加左個小食 - 咖央豬仔包 $14咖央即係椰漿、鴨蛋或雞蛋、砂糖和牛油等材料隔水加熱撈勻做成的醬。 所以一上枱已經有陣陣椰絲香味， 上面還有一舊牛油，更加香口。最後叫了杯咸檸七，跟餐加$12 青檸應該是自己醃製，醃到啱啱好， 有酸味得嚟唔會太鹹，開胃解渴。…Read More

藝術氣息濃厚的藝術中心究竟有什麼好吃呢？！處署過後 秋天漸來 進補一番也不過分吧OMG🙀🙀看到嗎！！！ 真的有花膠喔！！！仲有紅棗杞子及雞件！！！花膠就是魚鰾，含有豐富的鈣、磷、鋅、鐵、硒、維他命和膠原聞說對皮膚好喔可以選擇米線 or 飯 （我相信飯粒索晒啲湯應該更正！！）花膠雞湯真的很甜太好味了 還有點家的味道花膠口感滑嫩膠質很豐富好像有點兒膠著個口所以到最後湯是飲完了 Orz 但根本吃不完一碗米線吃飽後可以選擇由樓梯慢慢散步下樓🙆🏻‍♀️幫助消化…Read More

今日得閒去睇下包生個畫廊記得之前4樓藝術中心都係畫廊一部份由於唔想行返出去灣仔嘅關係咁我就試吓這間新店啦星期六都竟然仲有十幾20人見到周圍嘅人都係叫喇沙海南雞同海南雞飯 咁唯有照跟見到碗喇沙好大碗多雞多豆腐卜多芽菜仲有個湯系非常之咁熱食食吓食到滿頭大汗我連那些湯都想飲埋落去連侍應姐姐都問我點解滿頭大汗我話因為我連湯都飲埋因為我平時喇沙湯我係唔會飲飲完啲湯我完全唔口渴難得難得到海南雞我個小朋友全部食晒只係食剩d飯海南雞全部消滅左可惜地方遠左少少否則可以來試下其他食物不錯…Read More

有朋友問灣仔開飯有什麼好介紹，才突然想起上禮拜在藝術中心吃了一碗花膠麵，馬上介紹出去，然後決定寫一下。這碗麵一上桌就非常驚喜用肉眼就能看到滿滿的膠質花膠的份量一點也不小氣，加了雞進去一起熬，又香又濃。還以為只有在家裡才能喝到料這麽足的花膠湯，原來在外面的餐廳也可以。喝一口湯，嘴唇就黏黏的證明用料十足!!!湯頭咸淡非常適中，麵也很有嚼勁!!!很少吃湯麵會整碗湯喝掉的。餐飲點了熱的杏仁紅茶，很香，搭配起來很不錯。…Read More

去完美食博覽搏殺完之後，發現自己飢寒交迫，所以就睇一睇電話睇吓附近邊度有啲好嘅嘢食下，最好係有無限的冷氣。估唔到原來香港藝術中心有餐廳，更加更加估唔到嘅事去入面嘅嘢食水準係咁高。呢間餐廳有麵食又會有飯，都會有各式嘅小食，最出名嘅就係花膠雞湯米線。呢一個花膠雞湯比起自己喺屋企煲嘅雞湯真係有過之而無不及，佢嘅味道非常之濃，有好重嘅花膠香亦都有好重嘅雞味，亦都有淡淡的紅棗同埋龍眼嘅香氣滲出，滋補又養顏又補血女士嘅恩物。仲估唔到嘅事竟然呢一個湯底同米線係相當之夾，但係如果係女士食個話呢我就建議食小米線啦 ，因為個湯真係非常之正 如果要飲晒啲湯嘅話，再食埋啲米線真係全日都唔使再食其他野，哈哈。除咗花膠雞米線之外，另外呢一個喇沙米線亦都係十分之好味，好濃味嘅湯底，小小辣。配菜係好滑嘅雞，剩係睇個雞皮，晶瑩剔透嘅黃色，已經好想咬落去。係喎，仲想提一提大家原來呢一度嘅花膠雞湯米線係限量供應嘅！如果要來食嘅話就要早少少啊。…Read More

星期六下午三時，香港灣仔壽臣山劇場將會上映舞台劇，而我將會是觀眾席上的一名小劇迷。我與先生二人提早來到目的地，太概一時半左右已經到達壽臣山劇院，早來為的是什麼呢？！就是要來試試「東道煮」食店的食物，「東道煮」大概已經在這裏開業半年了吧！我對這裡的認知是來自一位朋友，她總愛四處飲飲食食，當我提及要前來壽臣山劇院，她就極力推介我們花點時間來品嚐一碗《花膠雞湯米線》。既然她如此賣力，我就不好意思再三推搪，乘坐升降機到達劇場4樓，升降機門打開，進入眼簾就是簡潔之中帶點特色情懷的好地方。花膠雞湯米線咖咉豬仔包熱的百香果茶花膠雞湯自古以來是女士恩物，花膠是中國八珍食材之一，高檔魚的肚子才稱得上為花膠，它蘊含豐富膠原蛋白，經過數小時烹煮後，其精華會落入湯水內，因此花膠雞湯能有效補身，修復身體，而且養血養顏。雖然優點如此多，但食用人仕同時要留意一點，感冒未癒就不宜進補。由於花膠營養價值高，深受民間愛戴，現今社會食花膠不再是女人的專利，而是男女老少也會食用的美饌佳餚。滿滿的湯把米線完全蓋過，份量十足，先用筷子夾起一件花膠，拍下第一張照片，再夾起一件切雞，拍下第二張照片，呢一刻讓人食指大動，胃口大開。花膠雞湯米線，初初單純地以為小量花膠，米線再加入清雞湯而已。事實是花膠大大件，而且處理得妥當，花膠充滿鮮味，一點魚腥味也沒有。另一個事實是，碗內不只是雞湯而且還有雞肉，不是坊間的手撕雞肉，而是整隻雞斬件出來的效果，雞肉雞皮入口超級滑溜，絕非冰鮮貨色。高高興興品嚐米線的同時，更發現湯底還有其他驚喜，紅棗、杞子、桂圓肉及小元貝乾，它們陸陸續續出現在湯內，使整個湯底味道更濃郁，不禁地再次拍照，拍下第三張照片。雖然花膠米線吸引，但也不要忽略咖咉豬仔包，及百香果茶，因為兩者同樣做得出色，先說豬仔包，咖咉醬及牛油分佈平均，豬仔包外脆內軟。至於百香果茶，味道不太甜，聞到百香果清香，還有百香果果肉在杯內。確實整個午餐讓我驚喜萬分！！！注意：食店晚上不會營業，要品嚐美食就要留意營業時間。…Read More

如果你同我一樣都係好喜歡食花膠我相信你哋千祈唔好錯過呢一間餐廳，間餐廳位於藝術中心即是喺香港演藝學院同會展中間，地方呢可能係有少少格攝，但係呢朋友同我講絕對值得要過嚟。對我來講都冇乜所謂因為平時都會嚟到藝術中心睇一啲演出或者一啲展，位於4樓自助模式，客人只需要喺counter嗰度點好食物，坐埋一邊就可以。呢度開放時間早上到到五點鐘，而我正正要介紹嘅就係下午午餐嘅花膠雞湯米線。90幾蚊一碗嘅米線，其實係呢附近呢唔算十分之貴，因為佢落咗好多嘅花膠同埋¼嘅雞。食碗拉麵都要90幾蚊嘅情況之下，我同你講真材實料膠質濃度1分鐘之後個湯都會"鯨" 嘅花膠雞湯米線只係講緊90幾蚊。大家又會唔會仲去拉麵店度排隊呢？湯底煲足10幾個鐘頭，仲要係真材實料，湯底清甜膠質濃郁，配上乾瑤柱龍眼杞子。每一樣野你都可以喺呢個湯米線裏邊搵得到。大家睇吓嗰舊花膠幾咁大件，同埋一碗會有三四舊，仲有滑到不幸嘅雞件，以及都係好滑嘅米線。建議如果女仔去食呢嘗試叫佢哋小米線，因為真係好難食得晒。少咗米線唔會少左湯㗎！90幾蚊，我相信相比好多中餐廳有過之而無不及。我慶幸呢一刻仲未有好多嘅傳媒宣傳因為我好驚下次我泥嘅時候住要排隊啦！…Read More