東源健康粥麵店 (Closed)

亞洲人間中都要食下熱野，尤其係朝早。今日既天氣涼涼地，咁啱行過東源就即刻想食熱野。而且我都好耐無食粥喇。呢間既豬肝粥，每次食都唔洗再叫其他野，因為一碗已經飽左！碗粥有七、八舊豬肝。個粥好棉，多蔥有薑絲。所以唔會話食到豬肝既酥味。坐位唔算多，但好有家庭式既感覺。中午時份會有人食湯飯。係輕食，或想要食粥品既好選擇。

話說我媽咪諗住去呢間嘢買糉當時有個阿伯就話無曬要第二日先有 我媽咪就話咁可唔可以俾定錢第二日嚟拎(因為啲糉通常一日內就賣曬)個阿伯就實牙實齒話會留返啲糉俾我媽仲開左張單俾我媽咪咁我媽咪信以為真結果第二日去到係個阿嬸喺舖頭同我媽講啲糉賣曬 咁我媽咪就話係咪伯伯留起左叫佢打俾阿伯問下個阿嬸突然發難話無阿伯電話唔打仲話咁叻報警丫笨咁我阿媽就真係報左警警察嚟到話不受理舖頭另一個後生啲嘅職員就突然以勝利者姿態出現話: 係囉咁叻去消費者委員會告我地丫嘛仲同警察講係我媽咪挾硬塞啲錢俾佢地 結果就係咁我媽咪就拎走啲錢走左我以後一定唔會再幫襯呢間粥舖

呢排系考試季節 所以成日都要去自修室溫書 當佢清場既時候 我就去左自修室對面既粥店 畢竟以前DSE個時都成日去食 而加就好似重遊舊地甘 所以想去試一試！我坐低之後就叫左碟炸兩 亦系我每次都會去食既野 但系過左一年既時間 好似水準差左好多甘 吾知點解細碟左好多 價格又上漲左 真系有少少無奈炸兩吾算熱 而且吾系新鮮炸出黎 感覺上好似已經擺左好耐甘 所以哂 1d都吾好味 好就好在 佢d醬汁系可以任落既 要幾多有幾多 但系佢而架d醬稀哂 冇以前甘 環境一般般 只系吾會話太污穢 而且燈光照明方面都ok 吾會話好暗。不過佢d野擺到好亂 好似當個到系自己屋企甘 比人感覺有d吾舒服 坐又吾系坐得太好 又逼 張凳又吾好。整體上我真系吾知可以有d咩可以讚賞 所以我都吾會再去食呢間野了。

送咗B仔返學，突然想食腸粉，又唔想去茶樓，就去東源食。B仔爸爸今日唔想食粥，就一人叫咗杯凍豆漿，豆漿唔太甜，但豆味就唔太重。他就叫咗碟"炸両"，佢d油炸鬼唔油膩，加d甜醬同花生醬，好好味^.^我就叫咗蝦米䓤花腸，加晒我至愛嘅甜醬同花生醬，正!!!

鰂魚涌粥鋪實在寥寥無幾，這間家庭式小舖算是多了一個選擇！今天因為看完牙醫，順理成章就選擇買粥外賣回家作晚餐。皮旦瘦肉粥兩碗，炒面一盒，腸粉一碟！整體上所有食品算是正常，和一般粥鋪差不多，沒有驚喜也沒有失望，以這個價錢算是ok！價錢大約50元

午餐只係飲了咖啡的我放工鬼吟餓去完圖書館被呢度的燈光吸引咗入嚟 ...如常要我食的皮蛋瘦肉粥見門口d油條又好似好靚好脆 "bot bot "d粥底幾好d肉有d唔新鮮但係d皮蛋好大件1隻開4 足足食咗1隻佢地都算用心做好呢碗粥

朋友介紹下, 幫襯一下這處的蒸蘿白糕, 只係$8就有一方件, 賣相不太討好, 只因成件白雪雪的,但加上少許豉油, 入口層層蘿白香味實在討我歡心, 要注意, 這是一件純蘿白糕, 除了蘿白同粉, 沒有任何其他材料,蘿白比重很多, 與一般店舖的成件粉來比, 實在不錯. 可惜粥品就無得同區內名店比, 粥唔夠名店的棉, 如果你討厭名店老闆娘的傲氣, 也可一試這處粥品的.牛脷酥亦是此店不錯的出品, 不過一定要新鮮炸起吃才好,酥酥的, 有質感, 不是咬開後得個窿.深色字為經要求詳細描述後所加入的

久唔久都會幫襯下呢家小店，不過都係食粥同炸兩。除咗粥了外，之前已經留意到頗多人食兩餸湯飯，今次決定一試。"兩餸"即兩款肉類( 可選肉片，牛肉，雞，豬潤，豬肚，墨丸，腸仔等等) 另外加一款菜，白飯另上。我點咗肉片，豬肚加生菜。看見可以配麵，就改要麵。不一會，麵端上來。頗為" 大堆頭" (見圖)，碗盛得頗滿，不。但見麵是即食麵款，有一點點失望。( 初初以為是生麵) 食味OK, 偏濃。但肉類的薑味，酒味頗重。細想之下，才明白肉料應該和生滾粥所用的是一樣。不過這樣的食法都幾得意，可以一試!

住處附近除了「金峰」外，根本就沒有任何粥麵店，所以「金峰」一直都無競爭對手，不過最近發現鰂魚涌街內竟然開了間粥麵店舖，這晚就趁看完 OpenRice 送贈的「穿梭少女夢」，到這新店試試。其實這店舖的位置一點也不起眼，加上瑟縮在內街，如果不是住在附近的街坊或路經市政大廈圖書館，相信也不會察覺這粥麵店的存在，這晚就試吃了這新店的粥品和麵食。荔灣艇仔粥 ($13)，其實正宗的艇仔粥，應以魚骨熬粥底，不過這裡只是小店經營，當然不會這樣落本，但在配料方面，份量也放得頗為慷慨，包括有魷魚鬚、炸豬皮、肉碎、蔥絲等，而味道也着實不賴。魷魚鬚雖入口帶韌，但好有咬口，豬皮食落亦帶爽，只嫌粥底唔夠軟滑綿密，幸好不重味精，稀稠也算適中，而且由於料多，差不多每啖粥入口都吃到粥料，所以整體來說已算唔錯。香滑炸腸 ($10)，其實已經叫咗老公夜晚不要點炸腸，始終晚上店內不開油鑊，那些油器是早前炸定的，一定會放久了不好吃，但老公又包頸偏要冒險，結果當然是內裡油條已沒有了脆口感覺，加上不算滑的腸粉，味道只屬一般，不過愛吃甜醬的老公，在炸麵上加入大量甜醬後也吃個不亦樂乎。自製咸肉粽 ($12)，由於這餐要當晚飯吃，