東海粥店

Open Now

Now Closed

艇仔粥︰材料新鮮，內有碎牛、魷魚及豬皮，粥底不杰且味道不錯，沒有味精。炸兩︰雖即叫即做，油炸鬼不脆，不過此狀況很常見，不打緊。米漿調得不錯所以腸粉皮算是滑。盛惠$42，佐敦區屬於略平。

這間舖頭以往中午嘅時候都有幫襯過。湯飯及粥粉都有心製作。今次叫了皮蛋瘦肉粥瘦+牛脷酥套餐$35皮蛋瘦肉粥：一般可以接受牛脷酥：一望牛脷酥已經知道中伏😭特別深色硬實實，都唔知點食落口。同店員反映情況：佢話師傅做得唔好。😩😩……😭於是再給一件，但係都是一樣硬實實的。

又到🐻‍❄️「例行無牙日」🤣（牙箍刮肉去睇牙醫），因為有啲痛🥲唔係好咬到硬嘅食物，🐻就決定早餐食粥滑雞鯪魚球粥$35滑雞係雞件連皮，🐻‍❄️對雞皮無愛，但啲雞真心滑。另有唔知點解好大塊嘅鯪魚球🤣🤣又多、起碼有5-6塊，🐻話食到陳皮味，但好輕微，因為🐻‍❄️食左幾塊又唔多覺，反而胡淑粉味就有啲🤣同埋真係好大碗😯，🐻‍❄️直情食剩1/3，🐻另外叫左碗滑雞粉腸粥，食晒但飽到上心口🤣炸兩$17腸粉皮太厚，不過加豉油味道唔錯👍🏽同埋都係好大份🤣結論：街坊小店形式，味道唔錯又大碗，性價比無得輸👍🏽

首次來此粥店，點了一碗瑤柱粥，怎知道和白粥差不多，入面只有極少量剪出來的指甲片一般細碎的元貝仔碎，和餐牌寫的瑤柱明顯不符。我問店員何故，並稱食物和餐牌所寫不符，她態度惡劣地稱瑤柱只是碎了，並不容許我更換，更稱對份量不滿意是我個人的問題。這間店食品和態度之差劣絕對是罕見，是我食過最差的，特地註冊寫差評，否則對其他真材實料的粥店有失公允。

食粥之鬼又口痕唔知點解次次話想食粥，都會有人問“你唔舒服咩?”其實我有病無病都鐘意食粥，一年四季都想食 haha今日喺佐敦上完堂十點，都比我搵到間粥店，雖然要行10-15分鐘，照去~叫咗瘦肉粥，$26，抵~ 味道都唔錯，不過店鋪嘅環境就一般，感覺墻壁好似油淋淋，檯面都係有少少唔乾淨，座位嘅旁邊都好多雜物。雖然環境就差啲，會有一種返咗大陸食粥嘅感覺，但係因為價錢相宜，overall 性價比都ok嘅，可以再encore!!粥入邊有啲不知名嘅…

其實豉油浸蘿蔔糕已經太咸唔好食，蘿蔔糕仲要變蘿蔔糊，軟稔稔無口感，然後食落唔覺有蘿蔔味，只食到胡椒粉味。本身鐘意食蘿蔔糕，連茶樓嘅出品都會食。但呢個真係成碟試咗兩啖就擺低。還好個免牛粥係正常嘅。

第一次嬲到寫劣評！！！！我叫左一個皮蛋瘦肉粥配油器，返到上公司打開發現冇油器，打去問可以點解決，個負責人話你哋自己拎嘅時候有責任自己對清楚，跟住我反問咁我買十碗係咪要打開check入面啲料？個負責人啞左。 個負責人啲態度差到爆，都唔知佢係咪失左戀，定係老細，所以唔憂做。

路過見到有呢間粥店，抱住試一試既心態，嗌左碗鮮蝦粥，d蝦幾新鮮，一碗$33，但係超級大碗，所以呢個價錢物超所值😊😊d粥都好綿好滑，牛肉腸粉$19一碟，都係大大碟，值得一試！

之前間唔中會去食，但疫情後未去過，咁耐未去，發現佢地換左啲枱去到每次都要食湯米粉，初初係食湯飯既，但有一次試過轉米粉，仲好味，個人喜好，因為米粉吸晒啲湯，所以真係好好味呢個天氣一定飲芥菜湯，但今次無加鹹蛋就好似缺少咗啲嘢，今次叫左豬心，魚腩，魚皮餃魚腩煮到剛剛好，好滑

第一次幫襯呢一間粥店，想試下好唔好食啦。入到去坐位都係舒適嘅。我叫咗豬紅艇仔粥加炸兩，好快炸兩就嚟到喇。。。。伏伏伏。。。。嗰個炸兩韌到係冇辦法咬開。。我覺得嗰D油炸鬼唔知放咗幾耐。另外艇仔粥嗰啲牛肉碎。。。我個人覺得應該唔係牛肉嚟，應該係用咗豬肉，因為全無血色架。不過呢樣無法引証。

呢排成日去佐敦，次次都會過嚟食，因為中式粥舖，我覺得呢間真係唔錯佢個蘿蔔糕真係好特別，非常重蘿蔔味，另外一樣同出邊嗰個蘿蔔糕糕好唔同嘅就係，佢嘅口感無出邊嗰啲咁多麵粉鯪魚球肉丸粥：肉丸唔錯，但鯪魚球有啲鹹

呢排喺伊利沙伯醫院有嘢做，所以成日經過佐敦嗰邊，我發覺佐敦都幾多號嘢食，呢間係其中一間，門面感覺好似普通嘅粥店，但係有幾款食品，比好多出邊嘅店舖做得出色鍾意食粥一定啱，佢個粥底煮得好綿，而且材料都幾入味👍呢個真係超級推介，比好多酒樓都更好食，腸粉皮唔算太薄，但係入口非常軟滑，最緊要係佢個牛肉非常有牛味，每次嚟都一定叫佢仲有一款蘿蔔糕，今日可惜食唔到，因為賣晒，非常有蘿蔔味，而且落嘅麵粉唔多，純粹靠蘿蔔嘅香味去支撐，真材實料整體來講呢間店舖，價錢大眾化，而且食物高質，非常推薦👍👍

佐敦荒原八里除咗一粥麵，仲有東海粥店呢個唔錯嘅選擇。除咗專賣粥之外，原來餐單仲有湯飯！#佢有咩好？除咗平價，仲係超級大碗，我哋兩個女仔唔算大胃口，一見到上枱嗰陣，下巴跌出嚟，因為朋友試過外賣，而堂食的份量明顯大好多倍！#至於味道都係唔錯嘅，唔會非常之清淡，材料都落足晒，生菜🥬切條狀，比例很好，同一樣款式生菜粟米🌽仲試咗腸粉，腸粉比較冇咁好食，欠缺層次感，啲粉癡埋變一pat。#下次幫襯會帶多個人嚟開心share。

第一次嬲到寫食評 今晚第一次 嚟呢間舖頭買外賣 攞咗返屋企 已經係非常肚餓嘅情況下都食唔落 皆因 一打開盒豉油王炒麵已經聞到濃烈酸臭味 有垃圾桶嘅味道 唔敢食 再試盒炒米粉 點知盒炒米粉就油冧冧 食到一半一口都係油 再開盒腸粉就一pat嘢 外賣將豉油倒埋一齊做咩嘢 啲豉油同腸粉溝埋咪一pat嘢 豉油正常都搵個透明兜分開裝 又或者袋裝豉油 我叫佢要皮蛋牛肉粥 佢就整咗碗皮蛋碎牛粥 連碗粥都係油冧冧 啲油係咪唔使錢 收嘅價錢唔係貴 價錢都好平民 都唔係想有啲咩高質嘅要求 但真係非常難食 咁樣寫食評 只希望 鋪頭能夠檢討一下

記得細細個去粥鋪食即蒸腸粉係有個師傅運用佢嘅鐵砂掌徒手打開熱氣騰騰嘅蒸爐，拉出一個用竹織成嘅淺盤，上面鋪一張棉布，快速倒入米漿推回蒸爐等一陣再拉出來，鋪上其他材料如叉燒/牛肉/鮮蝦，然後摩打手地捲成條狀切塊上碟，最後再淋上鮮味無比嘅甜豉油。熱辣辣嘅腸粉皮，滑溜煙韌米香撲鼻，加埋甜豉油齋食都正🤤今日係佐敦附近搵早餐食，行過路過見到呢間粥鋪有即蒸腸粉，即刻勾起我嘅食慾😈叫左個豬膶蒸腸粉，其實都幾冒險，豬膶整得唔好又腥又臭又鞋就大鑊。好彩😌佢地整得幾好。腸粉皮無令我失望，豬膶加左薑絲去闢味，蒸得無過火，仲係脆口嫩滑，甜豉油都好好味👍🏻不過個環境就一般，老鋪始終d嘢殘舊有漬，介意就唔好去喇😉