東方小祇園菜館

Open Now

Now Closed

坐巴士到了大澳, 之前找了資料關於有咩好食, 第一個多笑臉的是東方小袛園, 其次是隱姑茶果及車站豆腐花. 在市集時已經打左電話去東方book枱, 接電話的應該是老闆娘, 好有禮貌, 由於只有兩個人, 我問佢有無半隻鹽焗雞book, 佢話只可以book一隻, 但可以一半堂食, 一半攞走, 到左先叫要等一個鐘, 考慮了一會, 好啦! 死就死, 點都要試下. 食完街邊魚蛋(細細粒、唔會發到豬頭禁大的, 好味!), 隱姑茶果的雞屎滕, 車仔檔砵仔榚, 夠鐘去東方了. 第一次都幾難找, 要跟碼頭的海濱長廊(真係好長! 不要懷疑, 一直行) 到尾望左手邊, 便看到.人不多, 兩枱都是六七人的行山客, 佢地自己買海鮮來加工, 勁正! 我地依開飯啦介紹叫左鹽焗雞、鼓油王炒麵及咕嚕肉.咕嚕肉–沒有外邊做的濃味, 少d色素, 少d鹽, 少d糖, 正! 但如果人不多, 我提議可以試下芋頭魚先, 下次有機會先試這個鹽焗雞–正正正! 好好味, 唔會好似外面的酒樓或燒味店整到得個鹽字, 皮是脆脆地, 有半隻我地第二日”叮”番都重好好味.鼓油王炒麵–我比佢正正正正! 4個正! 底都無油, 又唔會好鹹.

我係一月尾行山後來幫襯一行八人連海鮮共叫佐十個菜呢度本應係齋舖但唔知點解有肉食走地雞, 生炒骨都係招牌菜炸既齋菜類都好好味除佐蝦醬炒菜同炒飯覺得唔夠味外其他菜式都好滿意同埋可以買海鮮去畀佢地整(油料錢$30@)個次試過白灼八爪魚極之回味至今都搵唔到代替但係記得訂位... 佢地八點收工http://home-and-garden.webshots.com/album/557145425TJCNji

這家簡直是全世界最好味的齋，因為這家絕非一家普通齋館，而是有走地雞及肉食供應的菜館。這裡的菜色令人一試難忘，荔芋酥卷鬆化無比，絕對與方間的齋店不能相比，而腐皮卷的餡料亦十分新鮮且很juicy。今次是我第二次來吃，因為自去年年初二吃後，一直念念不忘，但路途實在很遙遠，實在很難得來吃。這裡的鹽焗雞真是一絕，要早一天訂定，而每一款菜色亦十分高水準，是在香港很難搵的。難得的是那招呼我們的大叔，極度友善親切，還會閒話家常。在這裡吃飯，有點像到朋友家中吃飯的感覺呢~~

和朋友去大澳, 因為朋友的同事介紹所以黎呢度食晚飯. 訂枱時負責的錦叔問是否要訂鹽焗雞, 因朋友說好食故訂了, 去到先知呢度係食齋既, 但却仍有幾款葷菜選擇. 因為見到鄰枱的蝦同東風螺好似好正, 問錦叔先知是他們沒有供應海鮮, 但客人可以自已買來, 他們每款海鮮收$30加工費, 不過因為走回買海鮮的檔口來回要半小時, 所以沒再走去買.雜錦併盤- 腐皮卷真係好正, 唔會油, 素鵝都ok咕嚕肉- 汁有點杰, 但味道都ok鹽焗雞- 真係正, 一定要食芋頭魚- 亦都唔太油炸釀冬菇- 呢個就一般因為好油菜- 菜心, 小白菜同唐生菜共五碟, 其中二碟蝦醬炒, 好入味豉油王炒麵- 食完一碟唔夠喉要再叫多碟, 因為好好味原來只叫了九碟餸, 因為錦叔說已夠食, 但因為太好味, 所以再叫了兩碟菜同炒麵. 雖然大部份係齋, 但冇出面d齋鋪咁油膩, 味道亦好好.連三支啤酒五罐汽水, 免茶免加一, 共$86?, 因為招呼好好, 所以俾夠$900. 我地連大連細共14人, 每人唔使$65, 不過大家都食得好開心. 下次一定要自已帶海鮮黎再食過.

7.1(六)同屋企人入大澳行下,第1站黎呢到食lunch,今日都公眾假期,所以都幾多人,好在一早bk左位叫左鹽焗走地雞$170,隻雞比我想像中大隻,幾有雞味幾嫩滑,面頭d雞味道0岩0岩好,不過食食下食到底個d雞就有d咸,十萬個為什麼荔芋卷併腐皮卷$65,荔芋卷勁正,同炸過既腐皮包住芋頭,芋頭味好濃,至於腐皮卷就炸得唔夠脆,但入面d料都好足蝦醬炒通菜,蝦醬味好濃,但唔似平時食個d咁咸,好鮮味北菇豆腐,豆腐好滑,好勁豆味,冬菇細細隻,但好厚肉另加1碗白飯,3罐可樂,2支啤酒~埋單$39x下次入大澳一定再黎食~

來大澳只為了來這裏吃一餐，這裏的齋已超越了齋的境界，因為為了滿足食客的需求，這裡亦提供肉食、海鮮的菜餚，食物全部新鮮、美味，最令人難忘的是鹽焗走地雞，勁好味！外皮咸脆，肉質卻嫩滑。而北菰豆腐亦十分高水準，豆香而滑，美味非常~~

大大話話已o黎過四五次，每次行山而終點係大澳，一定o黎食，今次亦唔例外。原來我食過咁多次，一次食評都未寫過。未夠6點我o地浩浩蕩蕩去到食晚飯，只有我o地一客，所有菜都是即叫即整，每碟都是新鮮滾熱辣。第一個係素翅，因為有其他網友介紹。果然冇介紹錯，除了有好多材料之外，唔會" 杰達達" ，好像飲生粉水。雜錦齋併盤-最好食就係腐皮卷，煎到好脆口，中間的料又多。齋鴨炸得勁脆。生炒骨-色香味俱全，我認為計天虹、校友會，呢度係第三間煮得好食的生炒骨。齋咕嚕肉-原本只叫一碟普通的酸齋，師傅幫我o地" 加工" ，變了齋咕嚕肉。我就覺得淨酸齋好食D，因為麵根吸了太多甜酸汁，搞到好腍身。荔芋卷-炸得唔油、夠脆夠香口，芋茸份量比其他齋舖多。蝦醬炒通菜-極為之好味，野味得來唔會過鹹，是我食過蝦醬炒通菜中，最好的一次。紅燒豆腐-豆腐好夠豆味、好滑、冬菇唔大隻，不過夠香又厚身，只可惜太多茨汁。鹽焗雞-當然唔會預期有走地雞，一早預訂，可能煮法需時，所以最遲才上。雞肉始終不及以前走地雞，是沒有雞味的，但都比泉章居勝一籌。大家食得飽飽，時間剛好又日落西山，可以望到靚靚的日落，此行程真係大飽口福及眼福。

尋日同老公去大澳食晚飯, 黎左呢度! 冇乜人, 個阿叔服務態度好好, 可能因為冇乜人既關係, 佢成日企係附近間唔中又望住我地, 可能少人, 所以佢冇咩野好做, 不過佢好客氣, 亦有禮貌. 我地叫左半隻羌蔥雞($70), 同北菇窩麵($42), 都幾飽下. 隻雞ok架, 個麵就略嫌d菇冇乜味, 可能因為係素菇?! (I also don't know!), menu其他好多都係素菜, 不過都有d肉既! 值得一去架!

捱完兩個鐘頭的車程, 帶住好大的期望黎到呢度...菜牌上大部份是素菜類...價錢不菲..半隻薑蓉走地雞$75 - 都幾細隻, 好少肉, 雞味一般, 但以香港來講可能都算是好貨色...可能在大陸吃過更好的...蒜蓉炒波菜- 就係新鮮二字咁簡單!Serice欠奉, 叫左個白飯都無到~~黎到大澳的話, 其實唔駛刻意黎呢度食...===============埋單$112, 俾$120, 阿叔猛講多謝, 女友問我佢係咪以為有$8 tips, 但今日水腳唔夠, 想食下其他野, 慳得就慳, 唔想俾咁多...$2叫做意思算啦..之後找錢時, 阿叔古惑啦, 本來要擺係我手的$8, 一提起手, 放落枱;, 我唔駛同你客氣, 拎起$5, 見阿叔想拿埋其他果d, 再拿$2, 最後拿埋$1, 佢即刻黑哂面...唉...鬼叫你咁古惑=.=

果到ｄ素雞同埋炸芋頭魚超正！加埋ｄ辣椒醬簡直天衣無縫。每次我都要點成２碟辣椒醬，個老細招呼非常周到。自己帶ｄ海鮮去食真係唔錯。又其是椒鹽瀨尿蝦。

after hiking for 4.5 hours, we went here for dinner. the outlook of the restaurant is not very good. but as we have seen many good reviews here, so still go inside. the environement is clean. we had half 菜膽雞($75 half, $150 whole) and a 雙菇時蔬($55), the chicken is very 滑, 雞味十足,比起泉章居(causeway bay) 有過之而無不及, I like it very much. 唐生菜is also very fresh! good ! there r very few ppl. we arrived at 6:30. there are only 4 tables. when we left at 7:30, we are the last one. i am afraid that there is no more c

在那兒開飯很多次了，總算是一個開飯的好地方，喜歡郊遊的兄弟姊妹們也許會有同感。一般中午來到開飯，有時看到年長一輩的大澳人會在這坐下聊天。本地生菜、豆腐、腐皮、齋和走地雞(早一天前預定較好)是主菜之選。okay la :-)

多謝好友Thomas帶我們來吃出色的走地雞。一班食友行汾流，行到四點幾終於到了大澳，在吃過茶果及車站豆腐花後，最後大伙兒就在這裡開飯。呢度面對大魚塘，環境地道。舖面都不算小，可以擺三幾張大檯，眼見幫襯的不是行山人士如我們，就是附近的街坊。行完山最好飲冰涷啤酒，所先來幾支。老細話呢期獅威做緊特價，12蚊一支，雖然飲落味道奇淡，食友Olivian甚至說似Jolly Sandy！但都算夠涷，所以都飲左成十支。粟米魚肚羹：最先來，大大窩，羹面浮滿魚肚，非常足料。除了魚肚，還有粟米、青豆、肉粒、蛋花，在席食友都認同是真材實料的一味，不像坊間的粟米羹用罐頭粟米湯頂替。好友Thomas解說是老闆娘下真功夫煮的，吃落實是所言非虛。這裡用的沙爆魚肚，軟滑帶爽口口感，沒有任何異味，事前功夫做足。難得羹底不算很杰，正合個人的口味，如果人夠多，是必叫的一味；兩款雞：要了鹽焗及薑蔥兩種味道，先上檯的是鹽焗，是Thomas兄事先代大家預訂的。雞隻較小，皮薄肉嫩滑，如另一食友麵包超人兄所言般，果然是走地雞。用鹽焗，雞皮亦隱約有焗過的效果，雖然比校友會的略遜色，但比起坊間的假鹽焗，是好得多了，肉亦有雞味，絕對值得一吃

星期日和openrice一班食客去行山.出席的有1. 麵包超人2. 3. Olivian 及Thomas4. KC5. LI(中途離隊)6. 專食CHEAP野7.8.9.10. Thomas fd's x 411.12.noreen x 213. Cat小黑貓14.Josh行完山後便在這裡吃晚飯.初初聽說有吃,但到門口一見,大大個齋字,心想,還是齋館有肉吃呢?????到吃的時候才知道,原來是齋館有肉吃的,真的很少見.我們叫了很多菜,有d也忘記了.粟米魚肚羹- 很多魚肚,真的好好味,正!什錦拼盆- 很脆,都唔錯.兩碟蝦醬炒蔬菜(忘記什麼菜) - 好味又新鮮,正!酥炸雙併分開上(兩碟) - 好脆好味,但比較油.北菰豆腐- 豆腐好味,很香豆味.正!腰肉丁- 腰很脆(很少地方做得好的),肉丁就一般啦.菠蘿咕嚕肉兩碟- 有菠蘿的菠蘿咕嚕肉.第一碟唔脆,麻麻地;我們考慮了不久,有人提意叫多一碟脆的,待應說沒問題,唔脆包換;真的,第二碟很脆,好好味!下次再來這裡,識做啦!鹽焗雞- 真正走地雞,唔肥很有雞味,很快已不見了(但我覺得還是大學校友會好味d.).雞- 我和KC也覺得這不是走地雞,很肥麻麻地,