東成茶餐廳 (Closed)

普通一個咖喱豬扒飯$67外賣再加$2。我公司在同層2樓都要滿$100先至肯送，新年外賣再加$20。因為睇咗舊餐牌$50先至試吓，點知埋單$70(大癲)。啲咖喱冇味一Pat糊，豬扒份量都叫多嘅。大x樂咖喱豬扒飯都好味過佢…Read More

今日大佬帶路食好西 之前已經不停話比我哋知佢屋企附近間街坊小炒非常出色大佬同老闆娘好熟，老闆娘毫不吝嗇咁推介左自家釀制嘅梅酒比我哋用左雙蒸酒+日本梅酒浸左差唔多2年味道甜甜哋，好易入口不過對於我嚟講酒精濃度都幾高，好快就面都紅哂所以唔可以飲得太急！醉雞鍋呢個醉雞鍋非常足料，黑糯米酒&藥材酒令個湯特別甜烹煮時蒸發咗酒精，味道香濃帶甜味而家天氣涼涼哋，飲完即時暖身避風塘鮑魚用左蒜頭、辣椒爆炒，辣得好惹味不過鮑魚煮得耐咗啲，口感偏韌～～芝士汁澳洲龍蝦煎米粉龍蝦肉夠哂肉感口感富有彈性！味道好鮮甜，煎米粉煎得好香口，唔會完全被芝士汁浸淋哂…Read More

以為德田商場得佢一間餐廳, 其實廚房煮得唔錯, 但超級低質的樓面, 晏就多人少少就好巴閉, 外賣預備好都唔包比客, 問佢仲嘈返個客, 碗湯麵D湯有三份一係膠袋,呢D係咪叫報復? 咁好生意就只做堂食, 唔好做外賣生意！雖然食物唔錯, 但咁低級樓面影響成間舖! 如唔好再幫襯! 服務應該冇星但得都要比就一粒星! …Read More

我一家好多時做節都會選擇呢間一來個名好意頭。老人家好鍾意 講返食物先 基本上 佢既小菜係有水準既 燒味必食 。d 餸份量好夠 選擇又多 人又唔會好多 枱同枱之間嘅距離都好夠 你知啦 而家役情 有時d 餐廳坐得太近都唔係甘prefer . 始終有大有細 有老友嫩員工方面， 都係叔叔 EE 做骨幹成員啦。唔可以太高要求。但街坊生意 親切咁就一定滿分㗎啦好啦。去到埋單個時，又唔貴喎。除返開 人均大約 $150-200 講緊成枱餸 有燒鵝 有魚 有菜 有肉 的確係藍田一個好選擇…Read More

今天家裏不打算製作晚餐，我便臨時相約朋友一同外出用膳，朋友極力提議我到他住家附近的茶餐廳用餐，說是菜式製作出色外，亦為秋冬帶來滋補功效。紅燒乳鴿紅燒乳鴿外型大只，肉質肥美飽滿，師傅調製後再入鑊炸製，使乳鴿色澤金黃，外層乳鴿皮香酥脆口，內裏肉質厚實嫩滑，富有肉香，同時有大量肉汁溢出，佈滿口腔，令人齒頰留香。藥膳醉雞鍋湯底用料使用淮山、杞子、黨參、北芪、龍眼、當歸、紅棗，還加有一支半的黑糯米酒、少量玫瑰露和紹興酒這數款酒類作調味。湯底色澤呈咖啡色，上桌時已有股濃烈的酒味撲鼻而來，飲用時藥材味十足，過後身體有股灼熱感。雞隻使用全隻份量，同時加入辣椒、芫荽、薑片、蔥煮製，食用時辛香惹味，藥材和酒的味道盡滲雞肉之中，口感嫩滑濃郁。啫啫通菜煲餐廳特別選用鐵板盛載通菜上桌，皆因大廚選用啫啫烹調方法製作菜式，啫啫是指利用高溫鐵板的熱度使通菜及配料瞬間烹煮熟透，其做法是爲令熱哄哄的食物更能保存耐熱持久。通菜色澤翠綠新鮮，食用時熱騰騰的，味道鮮嫩爽脆，鹹香可口。泰王肉排職員上桌時已可聞到香氣四溢，泰王肉排外型大塊厚身，肉質食用時鬆軟鮮嫩，配上泰式醬汁，味道甜中帶酸，濃郁香口，開胃滋味，同時亦可達到緩和膩滯感。椒鹽九肚魚椒鹽九肚魚較日常食用的更大條寬闊，加入炸漿製作後色澤金黃，炸漿入口厚薄適中，酥脆爽口，而且外層的炸漿與內餡仍能保留空隙，可見師傅功力深厚專業，內餡魚肉鮮甜軟嫩，肉味濃郁，魚骨亦能咀嚼進食，再灑上蔥花、炸蒜、辣椒，令整道菜式更添美味。XO 醬炒蒜心鮑魚仔菜式配料使用蒜心、鮑魚仔製作，配搭上 XO 醬，食用時香口惹味，鑊氣十足。師傅於鮑魚表面𠝹開方狀，以便更易熟透和入味，鮑魚爽口彈牙，味道濃郁，而且切開後更易於咀嚼。蒜心色澤碧綠，清脆爽口。XO醬是自家製的，用了有乾瑤柱、辣椒、香料等，味道鹹香鮮味，整道菜用作配酒甚為適合。東成小炒皇東成小炒皇配料豐富，色澤鮮艷清新，用上韭菜、八爪魚仔、腰果炒製而成，進食時油分甚少，比較乾身健康。韭菜細滑濃郁，甘甜爽脆。八爪魚仔鮮香嫩脆，香甜彈牙。腰果甘甜香脆，有獨特濃郁的奶香味。整道菜式鹹香可口，配酒同吃一流。家鄉自家製XO醬XO醬是餐廳的自家製產品，使用上大量的乾瑤柱絲、辣椒、香料等製作而成，很是足料，食用時惹味鹹香，鮮味十足，油份較少，配搭各款食材均為其增添不少滋味。自家製梅酒梅酒同樣是店內的自家製作產品，其色澤呈橙色，老闆特意選用日本梅配搭冰糖浸製一年之久，飲用時甜中帶酸，易於入口，有著馥郁的梅子香氣，雖然其酒精度高，但因經過長期熟成，因此飲用時並沒有明顯的酒精味道。總結而言，餐廳裝潢簡約樸素，環境整潔衛生，菜式真材實料，用料十足，味道製作高質出色，藥膳鍋更有滋潤補身等功效，是與家人朋友吃飯的好選擇。…Read More

疫情稍微減少, 趁機相約朋友見面食飯. 半年無見有排傾, 所以揀左呢間中菜館.天氣開始凍凍地, 要個藥膳醉雞鍋, 里面有淮山杞子紅棗等等配料, 配上紹興酒, 黑糯米酒, 玫瑰露一齊煲, 一路滾陣陣酒香撲鼻. 雞件差不多有成隻, 肉質肥美滑溜, 食完好保身, 暖粒粒.椒鹽九肚魚係中菜館必食小菜, 椒鹽唔會太咸, 剛剛好掛響個脆皮上面, 炸到脆卜卜, 但九肚魚好嫩滑, 強烈對比感.生炒骨基本上係小菜必食, 人人都會食, 但又唔係間間炒得好味. 呢度既炸粉唔會太厚, 外脆內軟. 個醬唔會太酸, 好啱送飯食. 肉選擇得好, 唔會剩係得骨無肉, 而且唔會太肥.…Read More

真材實料既藥膳醉雞鍋！仲有自家製足料XO醬！老闆娘好好客咁招待每一檯食客「藥膳醉雞鍋」成個湯都係個精華，好甜好香雞件超滑「紅燒乳鴿」終於都食到一間既乳鴿唔係瘦蜢蜢喇呢度既乳鴿超肥美炸到外皮好脆，內裡亦充滿肉汁！我起碼食咗3件「XO醬蒜芯炒鮮鮑」個自家製XO醬真係無得頂瑤柱火腿蝦乾超香，更能帶出成碟餸既精粹蒜芯好爽脆，火喉好夠！用埋鮮鮑簡直無得輸「招牌小炒王」炒得夠乾身！有腰果、蝦乾、魷魚、韭菜口感好豐富…Read More

上星期六到藍田做義工， 之前搵地方食午餐， 第一次到東城茶餐廳， 因為趕時間的關係，一坐底好快就點了叉油雞飯＋ 凍啡少甜$48， 粉麵全餐（ 雪菜肉絲河＋ 牛油方包 ＋ 火腿煎蛋 ＋啡走）$36。叉油雞飯～ 叉燒肥瘦適中， 油雞冇雪味， 燒味有水準。雪菜肉絲河～ 雪菜肉絲份量好多。牛油方包＋火腿煎蛋～ 牛油方包沒有烘底像白麵包， 火腿煎蛋味道正常。啡走 ＆ 凍咖啡～ 啡味重，唔錯！東成茶餐廳多數都是做熟客生意， 價錢經濟實惠， 份量又足， 不錯的茶餐廳。:)…Read More

屋村餐廳本來沒什麼期望，但發現服務態度奇差，不吐不快，希望各位街坊注意。食物質素沒什麼期望，但有次下單前後說了三次，還要再覆，明明很清楚問我是否加蛋，要不然會有三隻，我已再三確認，但來到時少了，叫他加回不料大聲夾惡恐嚇，說找回服務員對質，我哪知你服務員去哪？才五元本不想作爭論，但不憤服務員態度囂張，真心推介各位不要再去。食物也很難食。…Read More

我次次嚟呢度，都一定食“緬甸魚湯米線”！其實我本身唔鐘意食魚。但呢個“緬甸魚湯米線”啖啖魚蓉之餘，最重要是完全沒有魚腥味！再配上浸了湯底的薄脆魚餅、雞蛋、芫茜同辣魚餅，口感同味道一流！另外今日點了一杯港式熱奶茶，奶茶沖調技術比之前進步左！好味！…Read More

之前都食過幾次，食物味道正正常常，份量都算大碟。但有一點我唔建議就係佢地既服務態度一直都係麻麻地，但一直都無打上來OPENRICE比各位參考，係因為都知道香港服務行業唔會有咩野好服務態度，所以都唔會強求。但今日中秋節，我知道e個節日有好多大都選擇同屋企人外出食餐好，又可以開開心心團聚一下，但唔開心既事情就發生了。今朝打電話去訂座，有個呀姨接聽，聽到佢語氣知道佢唔耐煩。我問佢 : 想BOOK檯食飯仲有無檯AVAILABLE，佢答 : 今日無散叫ga wor。我再問 : 了解，咁想問今日做D咩餐?佢答 : 我唔知喎 ! 你自己過來睇啦 !跟住佢就cut我線。我講完了，希望我E篇野幫到大家，作搵食參考。…Read More

This was my fIrst trip to Hong Kong, and we had the pleasure of joining our local friend for dinner at his family owned restaurant.Instantly, we were greeted with a warm welcome. The food was amazing! Mouthwatering crispy duck, pork, honey roasted vegies. Home style cuisine that's good for the soul with the service and company to match. If you find yourself in Lam Tim and want to dine with the locals, visit Tung Shing Restaurant. In fact, it's worth a detour. …Read More

德田商場既東成茶餐廳已經經營左好多年至少我細細個就開始食，到而家都十幾廿年啦東成既好就係價錢唔算貴食物品道不錯！delicious!啲樓面姐姐十幾年都無乜變👍🏻是日叫左東成最愛既食物豬排公仔麵咸魚雞粒炒飯大大碟細食啲夠4個女仔食😆…Read More

:) 2017年10月9日 (星期日) 10:30am 環境光亮整潔，餐具乾淨。 餐桌與餐桌之間比較擠迫，在食客眾多時，會出現『搭枱』情況。 侍應生的服務態度不太友善，廚師儲存起食客的幾張落單，才肯一次性烹煮食物和沖調飲品。此舉使食客和本人等候良久，接近 20 - 30 分鐘。:) 人數：2人 HK$64 不用等位:) 雪菜火鴨絲湯米粉 - 雪菜不爽口，偏軟腍，鴨肉絲味道淡，米粉質感可以。整體來說，鹹味偏重，味道一般。:) 沙嗲牛肉麵 - 牛肉軟腍不靱，麵質彈牙，沙嗲味道濃厚及帶少辣。整體來說，味道比雪菜火鴨絲湯米粉好，更勝大家樂、桃園製作等等 ...【推介之選】❤❤❤ 牛油方包 + 火腿煎蛋 - 方包質感乾硬，火腿不過不失。最奇怪的是煎蛋，蛋白部份明顯少，好像被人吃過似的，而蛋黃顏色淺。整體來說，味道一般。:) 熱奶茶 - 茶味濃郁，本人需要落 3 匙羹砂糖，才能中和苦味，嚐出甜味來呢 ~《 餐 牌 》：…Read More

7月23日上午10時正今日放假 晨早流流起左身又唔想訓所以就打算落去食個早餐德田商場2樓有兩間茶記一直都覺得東成比較好所以不加考慮自然就去左東成我萬萬都估唔到 竟然係一個惡夢既開始一坐底 唔駛諗 叫左凍啡 沙爹牛肉麵跟麵既有煎蛋一隻 火腿一塊 方包一個當時時上午10時 比較小客人所以唔駛1分鐘後 凍啡就首先登場凍啡來到 第一時間緊係拎住支飲筒攪攪佢啦點知一拎起支飲筒...唔係呀嘛?油林林既?插飲筒多數係樓面既動作 我唔明白點解會油林林不過因為我曾經也是一個廚房佬廚房佬的陰影 就算東西怎樣 我都是唔敢換的因為我知道打返轉頭出返來既野可能更得人驚唯有死死氣咁飲 一飲落口就大獲喇我實在唔識用文字表演 呢部咖啡有幾咁甜水吧大哥 你在談戀愛嗎?甜都唔係最緊要 居然仲有燶味飲下飲下飲到火都黎 果然是有提神作用!!當我越飲越精神既時候 沙牛麵來了我眼前既沙牛麵 令我嚇左個一大跳如果我係一個情感豐富既小女子我會喊住去食呢碗沙牛麵我第一次見賣相可以差成咁既麵東成的沙牛麵是由碟上的碟邊上全都是油 不是普通的油是起泡的油 而且佈滿整個碟邊360度我做錯d咩我改丫 何必要咁樣懲罰我我用樂觀的態度安慰我自己佢係樣衰姐 可能好有內涵呢終於 我飲左啖湯剎時間 有一種似層相識既感覺...冇錯喇!!!就好似岩岩杯凍啡..個湯又甜又燶燶地 突竟係咪呢位水吧被人炒左公司又唔肯比代通知金所以佢就行屍走肉咁返埋呢七日定係這完全是他獨到的風格無奈我就係一個犯賤既人我始終都將碗麵食完離場比錢既一剎那 我感覺到我人性已經昇華來自地獄的料理 我把它吃完了世間中 仲有咩事可以考驗到我?…Read More