東哥點心籠仔蒸飯專門店 (Closed)

今日上午11:30到東哥食個午飯，因時間尚早，所以店內只有4-5張枱有客，仲有5張枱未有人坐，我喜歡自己一個安靜地享用午餐，所以我便㨂左最尾一張枱坐低，但一坐低個店員便要求我坐在店面前面的枱，我回答我不能夠坐在這張枱嗎？她沒有話不可以，但跟著大大聲說：「出面有咁多位都唔坐，係都要坐裡面。」最後我12:30離開時仍然有6張枱未有人坐。有枱唔比人㨂枱，仲要大大聲罵客人。不顧待客之道的商舖，我地顧客只能回應：「我以後都唔會再去這間食肆了。」…Read More

以前就成日你東哥食點心，後尾發覺呢度嘅蒸飯同湯比點心更加出色，所以而家每次尼都係一人叫一個蒸飯+1個燉湯。試咗佢新嗰款嘅霸王花排骨湯，味道比較清啲，都係鍾意飲佢其他蟲草花燉土雞湯多啲， 或者南北杏豬肺湯都好飲。食咗個鳳爪排骨飯，排骨同飯都好味。唯一唔好就係一定要同人搭枱，就算佢有其他吉枱都唔會俾坐，都要你搭枱。…Read More

很喜歡飲茶耶 每一次到元朗 有很多次都會去食點心的而這天也不例外耶 東哥的元朗分店食光了2個人點了5個點心食😀·流心奶黃包·百醬蒸鳳爪·鮮竹牛肉球·蜜汁叉燒腸·安蝦咸水角但這間應該不會有下次吧感覺上沒有正店的好食 可能是師傅不同很容易食得出味道是有分別的哦…Read More

東哥點心真係好多人排隊啊,次次行過都係好多人,今日見到人少咗我地就走入去試下,D位大部份都係卡位OR四人位,雖然好迫,但都叫做座得舒服,不過個地就好滑(應該係無PO防滑地板),我地叫咗面醬鳳爪、點心拼盤(叉燒包、蝦蛟、潮州粉果、韮菜蛟 All x2)、金針雲耳蒸雞飯、牛肉腸,整體都OK,不過個飯同個腸粉就差咗D,講咗牛肉腸先,D牛肉好香芫茜同牛肉味,不過個粉醬就稀咗D,食落唔爽口、彈牙只有滑既感覺,另一就係個飯,佢用荷葉毯底再放飯同料響上面甘蒸,不過唔知係籠入面既材料出水定係佢D倒汗水,個飯就收唔到干身,再落鼓油就會濕,其他就OK,特別好食既面醬鳳爪,好入味,而且仲好淋,好味…Read More

點心拚盤3X蚊咋, 入面有蝦餃, 粉果, 菜苗餃, 同叉燒包, 全部大大舊餃類點心個皮唔得, 太林又易爛, 一PAT PAT 咁粉果入面只有沙葛同花生, 雖然多,但無瘦肉蝦米果D, 爭咁少少。菜苗餃入面係蝦同好多豆苗, 足料叉燒包無試。籠仔飯好似4X蚊, 叫左個咸魚肉餅飯, 本身已經有味,所以唔好加豉油呀, 肉餅咸左D LAW, 不過肥瘦均稱OK GE。咸魚大大舊,但肉餅已經咸, 再加咸魚其實太咸。…Read More

同朋友叫左蝦餃、紅棗榚、湯、桂花榚、燒賣，蝦餃皮又厚又少饀，又咸。紅棗榚硬到爆，桂花榚淡而無味，棉花雞求其掉落隻碟度，得兩舊雞仔。最衰係服務態度，埋單時張枱污糟，於是問佢拎張紙巾，個收銀員即刻態度惡劣，俾一格紙巾我地(1格咁大把)仲要話"我地唔俾紙巾架，要買架"我心諗我無講過唔買，我係問你有無紙巾，你俾得個客就唔好再講話唔俾，嬲到爆。食百幾蚊野講到我地俾唔起錢買包紙巾不知所謂的待客態度，以後唔會幫襯。…Read More

深宵夜茶食物水準平平職員態度欠佳塊面黑過鞋底老闆請著依啲伙記真係前世唔修清潔同收銀勁趕收工本來有日下午經過此店有個笑容可掬嘅女侍應要請我哋入內試吓蒸飯所以今晚專程嚟試點知蒸雞飯又唔新鲜仲要受氣:(…Read More

係香港，有好多唔同夜茶點心店。元朗梗加多，今次第一次食呢間，幾抵食，味道都唔錯，而且服務係有禮，值得試下。今次都係叫左普通野，不過見到有魚翅餃同灌湯餃就試下。魚翅餃有四粒，雖然唔知係唔係魚翅不過口感唔錯，賣相都可以呀，所以ok 灌湯餃都唔係間間有，見佢有就叫下，佢粒餃都好大粒，口感可以，係有人蔘既，不過自己就無特別興趣，但係絕對可以接受既 其他點心就無特別啦，不過佢個價錢就真係幾抵既，好多都係二十蚊或多D,燉湯就三十幾，今次無飲睇下下次有無機會試下先，價錢都平，所以絕對平民價。總結第一次食呢間，平民價，味道可以啦。服務好，有禮貌，間中黎食下係可以既…Read More

元朗三間東哥我都食勻哂啦🤣質素都好參差下，最好食果間又座位逼迫坐得唔舒服（🤤安寧路店~），但好好坐果兩間又無佢咁好食🤭 圖中呢間亦係我覺得唔太好食既一間，除左春卷同蒸品呢啲保持到一貫既水準，其他野例如💁🏼‍♀️日式炸茄子同鳳爪咁，都不及安寧店好食，鳳爪整得唔夠淋身唔夠入味，💁🏼‍♀️炸茄子既茄子太老身，而且個皮好鞋拾拾🙈搞到要揭開左黎食，好似串燒店食茄子咁，淨係食入面啲茄肉😂😂 💁🏼‍♀️小籠包子就面皮仲厚過我🤔但湯汁係做得幾好既，我仲食到啲湯汁飛哂出來sad🙈講咁耐都推介下啲我覺得好食既野，例如💁🏼‍♀️沙律蝦春卷☺️香脆熱辣辣既脆皮入面包著滿滿沙律醬同蝦仔（安寧路店啲蝦大隻啲🌝），一啖咬落去成件事好滿足架🤤可能係我係外面食慣啲又無汁又乾又細舊既蝦春卷，所以覺得佢好出色👍🏻👍🏻仲有～💁🏼‍♀️流心奶黃包🤤不過今次無叫🤭就算個包凍左，入面依然流心☺️👍🏻👍🏻👍🏻 💁🏼‍♀️大大籠既籠仔飯🌝味道其實無話特別出色既，同一般盅頭飯差不多，不過勝在份量足料又唔貴，就算啲人唔入黎飲茶都好多心買籠仔飯外賣～抵食！…Read More

今次唔係第一次幫襯東哥，之前係買外賣返家吃！今次終於食到籠仔飯，穩陣啲叫左個鳳爪排骨飯，老實說，好一般，無驚喜其次有叫啲點心，春蛋燒賣（有點蒸過龍）蟹籽燒賣，棉花雞，薑蔥柏頁；穩穩陣陣，中規中矩，味道ok （其實都應該係中央廚房交嚟）另外叫左個川芎魚頭燉湯，呢個值得讚因為夠熱同夠味！不過最失望嘅係跟餐叫嘅菜心（$18）講明左要走油，嚟到油立立，叫個阿姐姐話廚房已經拖左水，迫左我要離譜...最離譜係...成功叫到有人同我地搭枱，呢個迫人啃左佢地碟油立立菜心嘅「好瘦阿姐」係咁將我地未食完嘅點心籠啦，辣油碟啦，茶壺..1cm 1cm 咁向我地推，好迫好迫，我推返出去，又1cm 1cm咁推返向我度！好無聊呢個阿姐我隔離枱6個佢地啲熟客就可以任坐唔打攪，我同老公就飽受煎熬！飲夜茶本應係好開心可以吹下水，點知迫到啲生客要當快餐咁食！最後埋單$189，唔算貴，不過今次肯定係最後一次幫襯！…Read More

今晚又發掘下元朗既野食，呢間店係元朗開店唔夠半年，有其他分店，就試下佢啦，裝修都係用返之前食店既裝飾，不過佢賣點並唔係環境，而係賣價錢。點餐紙既野食價錢一d都唔貴，冇一件係50蚊以上食點心緊係有茶飲啦，所以都會收茶錢，3蚊，比佢啦點心拼盤$37，有4款分別係蝦餃，菜苗餃，粉果，叉燒包，共8件點心，個蝦餃最滿意，其實都ok既生菜$9，呢碟菜hea到不得了呀，雖然9蚊，但得個兩條菜，每人一啖就冇晒啦籠仔蒜蓉海蝦飯$43，大大籠，味道唔錯，係抵食既雖然味道唔係十分好味，但一定唔係難食，晚餐都係每人50蚊，真係值得一試呀…Read More

見又新街開左間東哥點心，呢日經過入去食下。朋友講過呢度嘅越式米網炸両腸($25)好味就點左個嚟食下，腸粉咬落香脆，食到香口嘅蔥花，芫荽同彈牙蝦仁，朋友果然無介紹錯。一向鐘意食鳳爪排骨飯，呢個籠仔鳳爪排骨飯($37)，鳳爪夠味，排骨有肥有瘦，唔錯！流野流沙包($21)，D奶黃超流沙，又夠咸蛋味，真係幾出色！魚肚滑鷄札($22)，鷄有鷄味，魚肚夠入味，芋頭又夠粉，好鐘意！東哥蝦餃王($26)，都ok，點辣油更好味。沙律蝦春卷($20)，外面脆卜卜，入面的沙律暖暖地，未試過嘅可以試下。…Read More

一向都覺得東哥點心喺教育路嘅分店嘅嘢食好掂，見又新街呢間分店開左無幾耐，呢日特登同老公嚟試下。籠仔鳳瓜排骨飯，飯身唔會淋pat pat, 鳳瓜個味調得好好，排骨可以咸返少少就更好。魚肚滑鷄札入面嚿鷄都有鷄味，魚肚入味無“up”味，嚿芋頭芋頭味濃又夠粉，正！流野流沙包，咸蛋味夠，又夠晒流沙，出色！越式米網炸両腸，腸粉入面有香脆嘅網紙加上甘荀，蔥花，芫荽同彈牙蝦仁，口感豐富又好味！東哥蝦餃王，都幾好味，如果再大粒D就好了。沙律蝦春卷，外皮香脆，入面的生果沙律暖暖地，都幾特別！…Read More

1. 話開到零晨 03:00。點知夜晚 22:00 到，春卷已沽清。隨後所有湯、菜心、鳳爪、籠仔飯。。。通通都沽清。2. 有對情侶 22:30 到，叫籠仔飯。個找銀跟他們說要等一小時，等洗米再蒸飯那他們就叫別的吃。誰知一點，個收銀又望住對情侶，說剛剛叫外賣的點了。那是唯一一碟結果對情侶說他們離開吧！3. 人都走了，那應算了吧！但個收銀繼續同其他人說那對情侶不對，又說人黑口黑面！阿姐，那是客戶來的。難道要人貼錢買難受嗎？…Read More

三間分店都開係元朗區既東哥點心籠仔蒸飯專門店，除了特別的用籠仔蒸飯做賣點，價錢亦算親民，雖知依家元朗區食肆越開越多，媒體大肆宣傳後，價錢已經同市區差不遠了，難得有唔算貴既選擇，即管去試一試。我地兩個人叫了三款點心同兩款籠仔蒸飯，平均水準算係中至中上，但考慮埋價錢既話，已算是非常不俗了先黎東哥主打既籠仔蒜蓉海蝦蒸飯($46), 蝦食得出係用新鮮蝦蒸的，蒜蓉份量亦ok, 蝦蒸得剛好不會太老，但就無其他配料，所以一定要淋足夠既甜豉油先夠惹味籠仔臘味三寶飯($40) ，臘味味道尚選不錯，但略嫌份量少了一點，不過同海蝦蒸飯一樣，雖然用荷葉包住嗰飯，但可惜食不到荷葉既香味，而且都係要不斷加豉油先食得曬d飯沙爹金錢肚($20) 非常好食，金錢肚煮得好淋又夠味，而且不會太鹹，值得推介。蟹籽燒賣皇($22) 同芋頭蒜蒸排骨($19) 味道都不錯，但都係基本要有既味道，不會有太大驚喜整體黎講喜歡食點心同飲茶既話，依間算係不錯，而且三十零至四十蚊可以食到過籠仔蒸飯，俾其他點心店黎講更有賣點，兩個人share食就可以食到不少款式既食物，值得推介一下…Read More