東京食堂 (Closed)

8點鐘要開會，6點鐘一個人周圍逛下去覓食一番。由中港城行到天文臺道，再慢慢行去柯士甸路。竟然發現一間隱世的小店，裡面有一幅壁畫充滿日本文化氣息，門口還有一隻可愛的Minions坐鎮。突然店內傳來一陣陣燒鰻魚香味，於是我就忍不住叫了一個蒲燒鰻魚定食和一杯熱情果梳打做我的晚餐。時間尚早，但都已經滿座了。🍱蒲燒鰻魚定食（半份）$78五分鐘左右，我的鰻魚飯終於到了～原來半份鰻魚已經份量十足，外皮香脆，配上美味的秘製燒汁，一啖鰻魚一啖飯，真是大滿足！還有我最愛的牛油粟米、日式芝麻醬豆腐及味增湯做配菜😋😋😋忍不住大叫yummy~🍹熱情果梳打 $24熱情果甜味適中，最意想不到是用了原樽梳打水，真的可以慢慢消磨時間！整體上無論味道、服務、抵食度都是非常好評👍🏻藉此都要點讚一下服務員，非常細心又健談，作為一個女生會感到好窩心！我會再來的～😊

首先講下，呢間舖嘅位置，冇人帶冇人提示你，單靠google你係唔會搵到。終於搵到嘅時候已經要啖門口列隊，因為同一時間佢只可以招待五張二人檯，唔係佢串佢囂張而係佢地方真係好細。聽聞佢呢間嘢出名嘅係鰻魚，咁我個午中好愛食鰻魚，咁當然唔叫唔得啦。除左飯外佢都有啲麵呀小食呀同燒物呀咁啦。因為定食佢都有分幾款啲，咁我同男朋友就分別嗌左兩個唔同嘅，一個加三十蚊一個加六十蚊。呢位六十蚊其實比三十蚊多左個龍蝦沙律，紅豆麻薯同埋芥末八爪魚鬚。普通嘅三十蚊定食就有凍豆腐同面豉湯。個人覺得普通定食就好夠，因為要留qouta嗌小食（無論無銀包定係個胃都要🤣)佢啲前菜就普普通通，重點係鰻魚都好好食，咁嘅價錢出面連鎖店唔會食到呢啲質素。小食我嗌左明太子雞翼，佢睇落比出面果啲大隻，咬開後啲雞肉都係白雪雪滑嘟嘟，唔會烤到乾晒。👍🏼燒菠蘿超好食，超juice，佢外層有焦糖，所以睇落去乾身，但一咬落去勁多汁，酸酸甜甜。👍🏼飲品就嗌左個芒果紅茶，普通正常嘅味道。男朋友就嗌左蜂蜜梳打水，佢啲蜂蜜撈極都焦沈喺底，所以頭幾啖會飲晒啲蜜糖，後尾只淨飲梳打水。整體嚟講，呢間嘢正，想食鰻魚嘅時候一定會再嚟。

同事介紹嚟間隱世東京食堂，食堂坐位很少，每次去到都沒有位😂，溫馨提示：所以要提早少少取位，叫左個和風琢肉飯，比我想像中很好味😋，水準一流👍🏼，價錢合理，落單哥哥服務態度好好😊

一個人在尖沙咀做facial前見到呢間鰻魚飯好多人推介而且價錢不貴決定一個獨樂樂店舖位置比較隱世大街中呢個位轉入去店舖坐位不多但幾有日本感覺牆身仲有一幅手繪海浪壁畫直接要一試呢度蒲燒鰻魚飯定食雖然呢個價錢只是半份鰻魚但原來鰻魚份量亦不少另配有香口牛油粟米豆腐麵豉湯珍珠米偏硬身鰻魚肉質嫩滑而且肥美鰻魚的甜醬油大大提升鰻魚的美味伴飯一流另外亦點了明太子雞翼雞翼釀滿了明太子不錯食飽飽又要花時間打理下個容貌啦

約咗朋友一齊出去食飯醒起一齊去過台灣食嗰間鰻魚飯好出色大家都係鰻魚迷於是上網睇吓邊度有好食嘅鰻魚飯最後搵到依一間東京食堂大家一齊再去試一試裝修簡約好有懷舊風味最鍾意嘅係佢後面嘅一幅大日式掛布鰻魚飯定食（半份）一大條鰻魚十分肥美燒得好香 灑滿鰻魚燒汁每食一口都覺得好幸福飯上加左飯素好香 整體口感味覺更豐富點左份小食餃子雞翼無骨雞翼包住啲餃子嘅料 幾特別仲有一碗味噌湯味噌味濃郁 加入左洋蔥豆腐 好飲飲品點左檸檬蜜糖水比較甜 帶淡淡的檸檬味

同朋友去完睇佢結婚野 ，佢趕時間走，我因為好肚餓就行去後面搵下食。 見到有人係大樓行出黎，覺得好特別，無啦啦果度有路行，就膽粗粗行入去，係度見到間日式小店，好有深夜食堂既感覺，就問下人開舖未，就入左去坐。舖頭唔太大，但有種日式風味，看到開放式廚房，聽著煮野既聲音，果種深夜食堂日劇既感覺出晒黎。 食物種類小店黎講都叫幾多，叫左個最愛既饅魚飯定食。饅魚多汁厚滑，飯上配了我最愛既飯素，仲配左胡痳醬日式豆腐，每件小事既認真，成為左完美的一餐。第一次飲蜂蜜梳打，估唔到呢度係成支開黎調，好驚喜，感覺好舒服，令人不禁慢慢品嚐食物。也許呢度環境不是特別舒適，但相反成為了一道清泉，讓人歇一歇息再出發。

因為餐廳面積不大，坐位不多，所以要來可能要預早少少及留意營業時間。1. 蒲燒鰻魚半條($78)+定食($30)鰻魚好厚肉而且冇魚腥味，啲甜醬汁醃得好，配埋粟米粒送飯增加口感，飯嘅硬度偏少少硬。定食包括埋味噌湯加凍豆腐，湯夠熱飲落都唔錯。-2. 蟹肉忌廉薯餅($24)雖然得兩舊，但兩舊嘅size都好大，好夠飽，炸得適中，咬落去入面超熱，味道好好忌廉味幾重，鍾意食炸物嘅要試下呢個，建議同人分享就啱啱好，因為食一個會幾滯。

不是朋友介紹也不知在尖沙咀柯士甸路有一個毫不起眼的入口，一不留神很容易錯過了。內裡居然別有洞天，隱藏着一間日式小店"東京食堂"，品嚐美味鰻魚飯！小店只有兩三張細枱，木枱椅簡單得嚟都算舒服。 食物種類也算豐富，朋友說必試鰻魚(半份) $78 , 定食除了有飯，還有香濃麵豉湯及滑滑凍豆腐，份量也不少。鰻魚光澤誘人 , 皮香肉嫩不腥不乾身 , 令人難以抗拒！意猶未盡，點了一客小食"餃子雞翼" $24 ~ 皮脆肉嫩，每一口都充滿脆嫩滋味酸酸甜甜的柚子梳打為味蕾帶來清新感覺！有機會一定會再來食這美味的鰻魚飯

聽朋友介紹黎到呢間東京食堂，d人都話呢度既鰻魚飯性價比好高，於是我同女朋友一齊黎到試一試佢！🤗我地叫左兩個鰻魚定食以及炸蠔同餃子雞翼特別要讚既就係佢既炸蠔！😋超級脆炸到，d蠔都唔細，仲要一d腥味都無，我同女朋友都好鍾意食👍👍餃子雞翼都做得幾好，食落去啖啖肉，都要比個👍到主角鰻魚啦，鰻魚真係有燒過既，而d鰻魚肉質都還ok，以呢個價錢黎講，質素係幾好既！性價比係高既店員d服務態度都好，值得讚😍

我地2點去到，估唔到呢個鐘數都仲有3台客人黎食，雖然鋪頭坐落既位置同環境都唔太好又係d唔起眼既位，但正正係咁先可以咁平食到 量足又美味既鰻魚飯！要支持下香港小店呀～～～蒲燒鰻魚（半條）呢到既鰻魚份量真係好足，除左有配飯之外，仲有日式芝麻醬豆腐、牛油粟米& 味增湯～ 牛油粟米牛油味有d太重，但好欣賞個日式豆腐，好滑～主角鰻魚份量多之餘仲好香，sauce好好味，一啖鰻魚配一啖飯係完美結合，平時出面係飯多過鰻魚，但呢到就啱啱好！平價還原日本美味呢到既炸物都唔錯，餃子雞翼幾特別，外有脆皮內裡係餃子餡，味道唔錯～我最鍾意食炸蠔～呢到炸得好好食。本身想叫荔枝梳打，但男朋友又叫呢個，所以我就試下荔枝紅茶～2杯都唔錯～但個人覺得荔枝梳打更值得試

如果不是朋友介紹，差點 Miss 左好嘢，餐廳地方精緻，但美食出衆取勝。浦燒鰻魚定食（半份） $78分量十足，充满层次感的鰻魚，外皮軟熟，內部滑嫩，加上鰻魚獨特鮮味、廚師秘製燒汁，令簡單的鰻魚飯推進最高境界！👌味噌湯煮出風味醇厚的味噌湯，沸騰騰、香噴噴，味道濃郁，加入了香蔥和豆腐，使口感更為豐富。 👍🏻滑滑豆腐邊個食，我要食、我要食😄😄麻醬涼伴豆腐，配香蔥花，柔軟細膩。檸檬蜂蜜水醒胃檸檬蜂蜜熱飲，滋潤又好味。餐廳好隱蔽，想食好野就小心數門牌 😄😄

香港地有好多隠世小店、廚師用心製作，食物有水準，因為租金問題，未必開係大街大巷、朋友較早前就誤打誤撞去左一間好食日本料理嘅小店，今日途經柯士甸道，一於去尋找一下，位置唔難搵、只要留心大廈門牌，入巷内就見到一間簡簡單單日本風裝潢嘅店舖望住個menu諗梗食咩好、突然諗起鰻魚控朋友話呢度鰻魚飯頂瓜瓜，雖然本人唔太喜好鰻魚，怕有腥味，不過見到大部分食客都係點鰻魚，無理由黎到唔試下人家嘅招牌菜廚師介紹鰻魚飯有三種選擇，有半條鰻魚，半條鰻魚加葱或者好喜愛食鰻魚可以揀一整條，我就揀左半條鰻魚套餐等左一陣，賣相吸引嘅鰻魚套餐就放係眼前，套餐有飯，有味噌湯，全部都真材實料，飯係用日本米，粒粒飽滿，味香味噌湯內有滑滑又充滿豆味嘅豆腐，湯唔濃唔淡味道適中，加上新鮮葱花令味道更香鰻魚原條擺上唔係切開一嚿嚿，眼看已經見到好肥美，食落香口，魚味濃，魚脂豐滿，醬汁係廚師調配過，咸度適中，最正係鰻魚冇腥味，啖啖肉無骨，用黎送飯，一流！叫多個小食，蟹肉忌廉薯餅，外層炸得金黃，熱辣辣，咬落忌廉香滑，蟹肉味香，二者份量適中，互相唔會搶味最後飲埋尼杯唔會太甜嘅茘枝紅茶，美味一餐完成！對於一個唔愛好食鰻魚的人來說，尼次係一個好

我是鰻魚控！我是鰻魚控！我是鰻魚控！因為很重要所以説三次！每次去日本總會按排去的行程，可惜呢排忙得滯未請到假飛，個心勁掛住d鰻魚，咁就唯有喺香港搵黎食頂住癮先～呢度唔算好多位，環景簡潔的得黎裝修有日本風味～有outdoor枱，吸煙嘅朋友可以選擇出面！張menu都好日式架，呢度主打應該係鰻魚飯，上過openrice睇過好多人叫，目測menu價錢合理，睇埋份量合唔合格先～我想話 我鍾意食鰻魚隻既程度係可以自己一個人食,自己一個人慢慢嘆 今次都唔例外!先黎飲品~檸檬蜂蜜水清香檸檬加上蜂蜜,甜度剛剛好，FRESH得黎又夠滋潤!鰻魚飯黎啦! 嘩!好大件bor!鰻魚汁濃厚 調味不錯 不會太甜或太鹹 鰻魚肉厚 十分肥美 鰻魚皮Q彈 口感不錯白飯夾著鰻魚一口一口的吃下幸福感滿滿!真心要close up一下，係肉厚肥美架！止左鰻魚癮 ! 大滿足的一餐!

慣左大時大節反而唔會BOOK餐廳食飯，覺得明明質素同平日一樣，但因節日效應而提高價錢，會好不值呢。聖誕節收工之後係尖沙咀到處行，行行下醒起東京食堂個位比較隱蔽，就好快決定係個到食聖誕大餐。佢鋪位好細，全店大概只可容納十個人到。餐廳採用左開放透明廚房設計，可以比客人見到師傅處理食材既情況。等到有位坐落ORDER都差唔多8:30，所以有D燒物都冇，例如佢個京蔥豚肉。佢唯一比到豬類既就係呢款豬腩肉包車厘茄。豬肉燒到微焦香口，而車厘茄又充滿住水份，呢個組合食落去都幾調和。如果個肉燒出黎個肉汁再多D就完美啦。蟹肉忌廉薯餅炸出黎熱度十足，咬開係會出煙個種。蟹味屬於淡口個種，但個餡好綿密。翠肉瓜用盬同胡椒簡單調味已經好食。左邊係平日食日式放題會出現既小甜薯。但呢間食落去個個甜度唔夠，令我有D跌眼鏡。右邊係雞軟骨，相對上燒得比較出色，咬落有油香。餃子雞翼入面堅包住扎實餃子餡，個餡既味道同傳統鍋貼味差不多。全條鰻魚飯係黎到必叫既ITEM!成條鰻魚有人既前臂甘長。肉質唔可以話係好厚，但論醬汁同彈牙程度就係高水準淡淡都有鰻魚香，又癟骨，岩曬我呢D懶人!加錢有埋麻醬豆腐、味噌湯同飯，成SET就係個完美定食~想

我同朋友都好鍾意食鰻魚，就上網睇下邊度有價值合理又好味既日本小店。呢間鋪頭雖然比較細小，店內座位得一張4人枱，一張2人枱，但環境衛生不錯，富有日本特色！我同朋友叫左全份鰻魚($118)+一碗珍珠飯($15)+一客餃子雞翼($24/2) share黎食，全餐飯，三個人$157，平均大約$53一個人，對三個女仔黎講，分量岩岩好，價錢吸引！鰻魚(全份): 鰻魚肥美同燒得岩岩好，醬汁亦調配得很好，不太甜，亦不太鹹。配上粟米同車厘茄，這個配答不錯，可以一去肥漏感！呢條鰻魚並沒有令我們失望！值得一試！珍珠飯: 軟熟同有飯香，飯上有少許日本的芝麻及紫菜，配合鰻魚黎食，好味道！餃子雞翼: 味道幾特別，裹面包既係豬肉同菜，同平時出面食既餃子既味道差不多。