Tokyo Taishuu Sakaba (Closed)

話說男朋友鐘意飲酒，咁岩岀開尖沙咀，就一於睇下有咩岩心水。搵到呢間東京大眾酒場，位置方便，喺中港城對面，叫流尙坊四樓。由於我地早食關係，六點去到未有客，好有包場感覺，之後到左七點就已經開始滿喇。入內環境好靚，睇得岀花左唔少心思，見到有啤酒買一送一，即時心心眼，點左suntory 試下，之後點左黑毛豬腩串，肉質鮮嫩，好味！至愛蟹肉蟹膏甲羅燒，熱辣辣既蟹膏加埋薯片脆脆，配搭一流！好香蟹味，推介趁熱食！個薯片仲可以添加添。小食要左雞軟骨，剛剛炸起，好新鮮，份量都好多，加埋沙律醬食，一流！再食燒魷魚，燒到剛剛好，即叫即燒充滿炭燒味！我地仲叫左鰻魚炊飯，飯份量好多，每人有兩碗，飽哂！鰻魚如果多啲就更加好最後我地主打再叫個米酒，好醇，配合埋咁靚既環境，真係彷如在日本東京既感覺！…Read More

今日去完尖沙咀行街，好想去食日本野，就上openrice搵下有咩居酒屋推薦，見唔少人都比呢間東京大眾酒場點讚，咁就決定去一試😉 點知真係好有驚喜！環境好有去左日本既感覺，坐bar枱就可以望住師傅整野食，好有feel。🤗我地叫左個鰻魚高湯炊飯，d飯口感好好，炊飯都唔會太腍🤗鰻魚都好正，燒得好香！所以我地都加左個烤活鰻💗 之後就點左個一人前既關東煮，可以係$30配料以下任選5款☺️，我地揀左牛腸、魚餅、蘿蔔等等，全部都整得幾入味，蘿蔔真係好甜💗食完配料之後再飲翻啖湯，個人即刻舒服曬～除左以上主食之外，我地都點左唔少前菜同小食，大家可以睇圖。好想一讚蟹肉蟹膏甲羅燒，食落真係好新鮮，啖啖都充滿住蟹膏嫁😉 配埋薯片，食落即刻冇咁濟，口感味道更有層次。仲有燒玉子，呢個真係我既最愛💗 玉子唔會燒得老，味道唔會過份甜，配埋蘿蔔蓉，一啖擺落口，真係好滿足～炸芝士雞卷都唔錯，係新鮮炸出黎唔會翻炸，食落仲係熱嫁～皮薄芝士多～值得一試。明太子飯團都好好食！我覺得主要係因為呢間餐廳嚴選靚米，所以炊飯或者飯團出品都好高質😉 仲有試左個螢光魷魚漬物，開頭我地都驚會有d腥，點知一d都唔腥，只有鮮甜既味道。總既黎講，我地真係叫左好多🤣但呢個正正係居酒屋吸引既地方，每樣既份量唔會話太多，但每樣都可以試少少，滿足你好奇心🥰😛 有時間一定要黎試試！…Read More

今晚約左好朋友嚟到尖沙咀食晚飯！揀左呢間大眾酒場，但聽日要番工就唔飲酒啦😪😪一坐低就會上杯自製雞湯，果然真材實料，雞嘅原味出哂嚟😍之後點左個蟹肉沙拉 🥗 份量都幾多，上面有滿滿的蟹肉，下面沙律菜好爽口！串燒當然係唔少得嘅！牛舌好正，夠厚身，食落好爽好有口感！另一個明太子雞肉卷都必推呀！食落去好多明太子，配上juicy 雞肉😻豚肉泡菜卷🤤食落泡菜味大爆發，好特別！其他串燒都燒得剛好，仲保持到肉汁之餘又唔會太咸😀鰻魚飯😌 用左正宗日本米加高湯煮成，每粒飯都好飽滿！再加上鰻魚香甜嘅加持，真係好夾🤤最後仲叫左個甲羅燒🦀原來配薯片都可以架，仲出奇地好match😍😍…Read More

係一年前朋友生日🎂已經食過呢間，當時坐室外露天，貪佢夠靜，朋友聚會可以暢所欲言，而且服務周到，食物又高質🥰今次尖沙咀日本菜決定再番撻🇯🇵7點半上到去，見門口差啲以為未開🤦🏻‍♀️今次坐番室內，廚房係開放式點完食物，好快就上咗兩杯麵豉湯首先，我地兩個人叫咗蟹肉沙律🥗夠fresh 夠健康，蟹肉十分有鮮味，芝麻醬配搭蟹肉蟹膏甲羅燒，擺落薯片上面一淡食🤤好香口，薯片帶咸加上蟹肉鮮味😋牛油果🥑伴赤身，中間有一隻蛋黃，我將佢搞勻，第一次試呢個配搭🤩最底有類似豉油嘅咸醬汁，赤身十分新鮮，一淡牛油果同赤身一齊食🤤好滿足😚重點嚟啦🤤極上壽司盛合 13件🍣有齊咁多件唔同嘅壽司🥰所有上面個刺身都好厚切🤫食得十分滋味，最鍾意食吞拿魚腩，十分鮮甜，慢慢細嚼所有壽司上面都有少少芥末值得再encore👍🏼👍🏼👍🏼…Read More

日本人習慣放工後約同事到居酒屋吃點小食淺嚐一番，在香港Happy hour的習慣總喜歡到酒吧。早前和同事來到尖沙咀廣東道的一幢商廈，被居酒屋的名字吸引，趁機一探究竟來這裡happy hour.居酒屋内裡環境充滿著日本小店風味，裝潢設計傳統中帶點時尚，座位舒適，木櫃裡放滿了不同品牌的日本清酒、濁酒和梅酒，掛牆電視播放着日本節目，完全沒有拘束感。採用開放式廚房設計，坐在壽司吧枱前就可以清楚欣賞到日本師傅的技藝功架。而餐單方面以中日文對照，菜式的種類也不少，基本的如刺身壽司、沙律、串燒和揚物當然少不了，就算是浜燒、關東煮和酒類的款式亦不乏選擇，應該總有一款合心意的。坐低後店員先自動奉上一碗麵鼔湯是贈送的，入口滿有麵鼔香，每枱皆有，用來暖一暖胃打開胃口，味道恰到好處。小食餐廳推介了蟹肉蟹膏甲羅燒，浜燒名物之一，以蟹肉蟹麵豉混合鵪鶉蛋葱花燒煮而成，啖啖蟹膏蟹肉十分濃郁，配上薯片同吃減低了濃膩感，濃香脆口，鮮甜特別，很少在香港有機會試到。燒物以備長碳燒製的燒得微微焦香，胡椒柚子雞肉串，雞肉燒得頗有水準，外皮微脆乾身，內裡嫩滑多汁，搭配胡椒柚子醬帶上柚子清香和胡椒的微辣刺激，將食味提昇到另一層次。雞軟骨串，同樣燒得夠乾身，軟骨口感爽脆咬落卜卜聲。至於牛舌燒充滿黑椒和清爽鹹香兼備，口感豐滿。還有日本青椒仔，簡單用鹽黎燒已經很美味，夠嫩滑。豆腐海藻沙律，份量十足足夠2-4人一起分享，日本豆腐更是軟滑中滿有口感，用來佐上新鮮翠綠的沙律菜和車厘茄，配上主角之一的海藻，非常新鮮又彈牙，讓人胃口大開。鰻魚高湯炊飯，由洗米開始需時45分鐘，即叫即做，侍應會幫忙畢飯，幫你撈埋啲魚同飯撈埋一齊食，每一啖都有鰻魚嘅味道。其實好值得一試！炊飯飯粒分明，食落帶點煙韌，好中意呢個口感，鰻魚好厚肉，如果多幾塊會更好！壽司食落鮮味非常。帆立貝壽司肉質鮮嫩，入口甘甜，肉質肥美。劍魚壽司，入口留著海魚的鮮甜，肉身保持鮮嫩。…Read More

上個星期朋友生日，所以就諗住同佢豪一豪佢，食好啲，所以就同佢去呢一間東京大眾酒場食餐好啦！侍應俾咗一疊好厚嘅餐牌我哋，所以我哋揀食咩嘅時候，都揀咗非常之耐。但由於我哋兩個都唔係話好肚餓，所以我哋都無嗌到呢個二人前套餐。呢一間餐廳除咗食高質素嘅日本料理之外，亦都有唔同種類嘅日本清酒，如果識飲嘅朋友都可以黎試吓！最後因為我同朋友兩個都唔係好識飲清酒嘅關係所以我哋就帶咗一杯500M L嘅Asahi，點知原來六點前係買一送一喎，所以$58可以飲到兩杯咁大嘅啤酒，我就同朋友share左啦！最後我哋就帶咗兩款壽司，包括海膽同埋帶子壽司，講下佢嘅海膽先，好新鮮而且份量好多，而壽司外圍用嘅紫菜，食得出食材都係非常高質素！之後侍應亦都送上兩碗暖暖地嘅雞湯俾我哋，飲落去完全唔係味精嗰種味道，飲完之後成個人都好暖身。見到呢一間餐廳有好多款唔同種類嘅關東煮，我哋就嗌咗一個關東煮一人前，可以自己任揀五款嘅食材。最後我哋就嗌咗蘿蔔、牛筋、章魚丸子、豆腐餅等等。而餐廳亦都會配備四款唔同嘅醬料俾我哋配搭，令到食材嘅味道層次都豐富左！咁鍾意食雞軟骨嘅我，就梗係要嗌一碟佢哋嘅堂楊雞軟骨啦！一碟份量都唔少架，而且食落去亦都非常之脆口，仲有一啲沙律醬喺隔離俾你點黎食！而我朋友都嗌咗呢一個燒雞泡魚干，同樣隔離都係有啲沙律醬俾你點，食落去其實都唔會話好乾身，而且好入味，就算我唔係好鍾意食雞脯魚干嘅我，都覺得幾好食，值得一試！最後一定要講下呢個鰻魚高湯炊飯，個人認為成晚最好食嘅就係呢一個。價錢唔貴之餘，而且呢個質素真係喺其他餐廳都食唔到！上面嘅鰻魚份量唔係話好多，但係都燒得好好食，重點要講下佢啲飯，佢係屬於好黏身嗰種，食落去一粒一粒咁，配埋佢啲湯汁，成個飯就算冇鰻魚或者其他餸，就咁食個飯都覺得好好食，我同朋友都讚口不絕！而且服務員亦都好貼心咁樣，幫我地撈個飯，同埋用碗分開俾我哋，好貼心！買單每個人都係三百幾蚊呢個質素來講唔算太貴，而且最重要嘅係呢間餐廳可以俾你坐好耐，我同朋友喺度傾計傾左三個幾鐘都無人趕我地走，真係一個好好聚舊嘅地方！…Read More

最近鍾情於四圍去試唔同既居酒屋,今日黎到廣東道呢間居酒屋雖然地方唔大但無焗促既感覺餐枱比較闊相對幾放鬆.餐牌有我最愛既居酒屋食品之一-關東煮🍢,係香港既日式居酒屋比較少見當然要試一試啦.款式都幾多而且都好齊,想試多d就點左$150自選5款關東煮.蘿蔔煮得好淋無渣又入味.牛筋切開細細舊串起帶少少煙靭感.豆腐魚餅食落口好鬆軟.5品刺身色澤無暗啞雪溶得足夠唔會一入口好似咬冰咁,感覺不俗每片都十分厚切.唐揚炸雞採用日本雞塊外層炸粉薄內裏雞肉仲好juicy.牛舌串3大塊串起既牛舌都幾厚身入口爽脆又易咬開內裏仲好粉嫩.甲羅燒內有蟹肉蟹羔同葱唔會好腥少少乾身但味道夠濃.燒雞翼係連埋雞翼尖好有日本風,雞翼外層加上少少椒鹽好香脆雞翼尖亦好夠味…Read More

我們一到餐廳，大約7點正，我們就表示想吃鰻魚高湯炊飯。侍應表示要煮45分鐘，於是我們就立刻下單。之後我們還點了關東煮，串燒和飲品。關東煮十分昂貴。原來餐牌上的價錢是一件的價錢，而不是一份的價錢。一片大根要$35，一件年糕福袋要$40，定價實在太不合理。大約八點半，我們追單，要求盡快上鰻魚高湯炊飯。侍應表示因為廚師只有一位，他剛剛為了要完成其他枱的餐點，要我們多等15分鐘。食咗個半鐘都未煮好？隔離嗰台大陸客食完走埋我哋個飯都未得。15分鐘之後再追，侍應話要再等多10分鐘。我哋因為太肚餓，再等多10分鐘。點知10分鐘之後個飯都係未得，實在太過分。之前食過大角咀分店，覺得好好食，價錢亦都冇咁貴。今次實在太失望。…Read More

真係比唔到高嘅評分，皆因所有食物都好普通，唔會感受到真正食物嘅味道層次。蟹肉甲羅燒 (本身好期待) 好強烈既醒味，有大量嘅蔥，有可能係為咗掩蓋唔新鮮嘅味道。因為蔥既關係我並冇嘗試過，而同台朋友只有佢一個人食當然食唔晒。而佢嘅食後感覺都係覺得好一般，鮮味唔重。刺身拼盤(5款)令我有失望嘅刺身拼盤好普通嘅味道，只有三文魚較為肥味，其他4款刺身只係普通貨色。串燒方便，牛舌串係令我再叫多一串既食品。雖然唔係厚切，但係都好爽口，好入味。仲叫左其他嘅串燒，不過都好平凡，無需一一介紹雖然訂座有discount7折，相信未必吸引我有下一次到訪。侍應有陣時掛住睇電視，聽唔到客人嘅需求。…Read More

閨蜜飯聚，睇雜誌介紹揀左呢間出奇地假期訂位都訂到，開頭驚係咪伏到無人食，點知上到去裝修幾新正，4個人張檯唔會細，擺到好多食物重點試甲羅燒，伴薯片係正嘅，味道唔算好重味精，可惜好快就凍，職員好細心咁主動添薯片然後試炸雞，即炸係好味嘅，而且juicy,唯獨只得3件.....唔係間間居酒屋有關東煮，所以都試下，湯算清而無味精，蘿蔔好食，但20-30蚊得一件（有啲2件）食材又唔算好名貴，感覺性價比偏低最後串燒，不過不失，最好味係泡菜豚肉卷，可惜又係1個價錢得1串每款叫得2，3串已經過百蚊最後為飽肚而叫飯團，比較黏牙，但明太子味道不錯總括而言味道同環境不錯，適合小酌小吃，聚會傾偈（同閨蜜傾左3個鐘）但性格比不算太高…Read More

黎到尖沙咀呢間東京大眾酒場，比較似日本嘅居酒屋，本身唔係好識日文，呢到當然冇呢個問題啦，方便好多！入到去餐會首先會比碗熱雞湯先，飲落幾清淡，不過有幾濃郁嘅雞味。跟住就叫咗一款主食，數樣小食，鰻魚高湯炊飯，待應會幫忙處理，幫你整爛啲魚同飯撈埋一齊食，每一啖都有鰻魚嘅味道。小食方面，甲羅燒都可以一試，上面是滿滿的蟹膏,幾有係日本食嘅風味明太子燒飯團都比較特別，有少少似我地嘅痴飯，食落外表脆脆地，仲咸咸香香添。整體味道相對較淡…Read More

豬小姐今晚食日本菜賀一賀兒童節今晚尼到「東京大眾酒場」一於大快朵頤 不醉無歸一坐低 兩碗雞湯就送上 係清清地嘅雞湯 如果好似麵豉湯咁加埋海帶豆腐 會否更正？炙燒平目魚邊沙律 顏色配搭豐富 有沙律菜 番茄仔 牛油果 平目魚邊 黑松露 平目魚邊薄切滑溜 入口溶化可惜牛油果未夠熟 如熟透口感更佳呢配上日式醋汁 添加少許油份更香口清新味增雞肉茄子 茄子粒煮得軟腍但偏油 配搭濃郁雞肉碎 夠哂味但食唔岀係味增味？不過係一味好好送飯嘅菜式 似係日版一口雞肉魚香茄子牛舌串表皮燒至微焦 帶岀爽口有彈性嘅口感相當唔錯唧檸檬汁去提鮮去膩是必需的關東煮都係好地道嘅日式煮物 我地隨便揀左幾款試一試:)竹輪麩係獅子狗樣子嘅無味彈牙粉團 頗有口感 粉感十足厚揚豆腐嫩口滑溜溜 真想來多一口沙甸魚丸子係好濃郁嘅魚味丸子 口感紮實 但腥味偏重 食唔到魚腥味嘅朋友勿試咯沾嘅醬汁有芥辣 甜醬 辣醬同水果味增(桃味) 桃味味增第一次食 食落有啲似練奶壽司盛合一共有九款十件 有魚類貝類蝦類軍艦 賣相整齊吸引最令人驚喜嘅係吞拿魚同筋子 前者充滿拖羅嘅油脂魚香 色澤紅潤後者一口爆發嘅滿滿魚油香 好滿足鰻魚高湯炊飯用小木桶盛載 保持溫熱嘅溫度雖然只有三小塊鰻魚 但質素高柔軟細嫩飯粒飽滿煙韌 加上甜甜嘅鰻魚汁 海帶絲 澱粉質乖表示好幸福呀尼度嘅環境舒適 充滿和式和諧感覺 令人心情放鬆 好適合三五知己放工嚟吹吹水啤啤佢豬小姐尼位小朋友今日食得好愉快 我祝自己快高長大身體健康心想事成…Read More

今晚同朋友黎左呢間樓上日本菜晚飯，一坐底就送上餐前雞湯，好濃郁，幾special!我地點左雞肉茄子，幾款關東煮，壽司拼盤同鰻魚炊飯。壽司拼盤好吸引！有9款不同既壽司，杜丹蝦，帆立貝都好新鮮，不過海膽就一般。而雞肉茄子做法幾特別，燒茄子上面放左味噌雞肉碎，幾惹味！之後關東煮款式有好多，我地揀左沙甸魚丸，炸豆腐同竹輪。d醬有幾款，最得意係桃味既味噌，甜甜地。當中沙甸魚丸幾有趣，第一次試，好重沙甸魚味。最後既鰻魚炊飯值得一試！炊飯飯粒分明，食落帶點煙韌，好中意呢個口感，鰻魚好厚肉，如果多幾塊會更好！…Read More

自選關東煮🍢在香港很少有 恍惚回到了東京🇯🇵爸媽選了不可或缺的蘿蔔、蒟蒻、魚餅蝦餅、福袋、玉子福袋🍢還有較特別的魚肉包心燒賣👍👍和牛、黑毛豬串燒也很出色今次更豪氣地點了蟹肉蟹膏甲羅燒🦀魷魚🦑啖啖肉！🍸cheers!開心的東京之旅！#goodrestaurants #happyeating #hkfood #hkfoodie #hkfoodlover #yummy #japanesecuisine #treatyourself …Read More

今次，同大家介紹一間位於尖沙咀的日本料理食店，聽講所有食材都係每日經日本空運到港，絕對係新鮮。壽司盛9件：海膽壽司：用上日本的馬糞海膽，入口清香，海膽既味道濃香，食落鮮味非常。三文魚壽司：三文魚肉質鮮嫩，入口甘甜，肉質肥美。赤蝦壽司：原隻赤蝦上，所以入口留著蝦的鮮甜，加上新鮮製造，肉身保持鮮嫩。帶子壽司：用上日本的帶子，體型非常之大，入口爽滑，真係不得不試。燒魷魚筒：用上原隻日本魷魚燒製，加上日本甜醬油甜去燒，所以食落兩者非常之夾，加上魷魚肉身非常厚，絕對係非常抵食。最後，這裡價錢合理，食物非常高品質，店員服務又好，真係要再來一次品嚐。…Read More