杣‧YASHIMA

今次同朋友嚟體驗簡直係一場味覺禪修！全店僅12個座位，日系木系裝修簡約舒適，可以近距離欣賞師傅手藝兼交流食材知識，連海膽都要分男女嘅細緻程度，專業得嚟又好親切～ 開場嘅 網燒北海道帆立貝 配金絲瓜草漬貝肉鮮甜中帶漬物酸香🌊慢煮安康魚肝伴奈良漬西瓜BB，魚肝綿密似鵝肝，西瓜嘅清爽平衡油膩感🍉。 北海道赤背白見貝點海藻鹽與臭橙橘子汁，海洋鮮味瞬間爆發💥！ 全晚高潮係 北海道松葉蟹🦀蟹膏混入番茄製成嘅透明果凍，挖開時如同寶藏，鮮甜與酸香交織出驚艷味道～ 八日熟成鴛鴦色血合拖羅油香悠長壓軸嘅 噴火灣白紋斑點蝦配海膽蝦肉膠質與海膽creamy口感形成絕妙二重奏🎻 收尾嘅 長崎縣手釣黑木魚壽司 竟以熱食呈現!!師傅解釋係為客人暖胃，貼心到極❤️無花果甜品春卷包住流心芝士，鹹甜酥脆自家製雪糕淡雅不膩，完美作結🍨…Read More

這間位於中環的杣・YASHIMA，主打日式Omakase，甫一踏入餐廳，傳統日式庭院的設計令人眼前一亮，木質元素與柔和燈光交織，營造出沉浸式用餐氛圍，為饕客帶來一場猶如穿越京都庭院的味覺之旅。餐廳以新鮮時令食材為核心，不時不食，結合師傅的精湛技藝，將日本料理的精髓展現得淋漓盡致。師傅對細節的執著，從擺盤到食材搭配，皆體現了日式美學的極致追求，達至視覺與味覺的和諧。先付💠天草縣海老以天草縣海老搭配魚子醬，佐以無花果和京都魚翅乾，鮮甜中帶有細膩的果香與咸鮮味，層次分明，為整餐奠定奢華基調。前菜💠兵庫縣生蠔肥美的兵庫縣生蠔入口爽脆，搭配清新的蒪菜，為味蕾帶來一抹清爽。刺身💠九繪魚極為珍貴的白身魚，肉質結實富彈性，以梅子氈酒突出其馥郁的魚鮮味道。💠石垣貝與白見貝石垣貝肉厚有彈性，風味鮮甜；白見貝即白象拔蚌，爽脆彈牙，帶有海水香氣與自然甘甜，搭配少許海藻鹽，鮮味瞬間提升到新高點。💠喜之次厚切的喜之次油脂豐富，入口緩緩溶化，搭配魚子醬與芥末，層次之豐富令人瞠目結舌。燒物💠松露太刀魚燒太刀魚上鋪滿一片片松露，香氣撲鼻，魚肉細嫩，令人陶醉。揚物💠魚翅鮑魚天婦羅穿上黃金脆衣的魚翅鮑魚天婦羅，炸衣薄脆不油不膩，豪華的食材組合增添一份奢華感。酒肴💠蟹肉蓮根饅頭以松葉蟹入饌的蓮根饅頭，配搭清甜高湯，蟹肉的鮮甜在口中綻放，溫潤細膩，滿載鮮味。💠壽司五品春子鯛、帆立貝、池魚、深海池魚與北寄貝，每款壽司皆師傅匠心之作，北寄貝鮮甜爽口；魚鮫拖羅入口即溶，紫海膽與北海道甜蝦的天絕配搭，將鮮味推向巔峰。💠吸物💠布甸玉子布甸玉子口感細膩，蛋香十足。甜品💠粟米布甸包壓軸的粟米布甸包乃驚喜爆燈之神作！粟米香氣濃郁卻不過甜，麵包外脆帶煙韌，表面加上燒過的焦糖脆面，口感層次豐富，絕對是被廚師發板耽誤了的甜品。…Read More

今次去咗杣‧YASHIMA食omakase，真係驚喜連連！由頭到尾都係高質食材，師傅手勢又到位，每道菜都有心思，絕對值得一試！ 網燒新鮮北海道帆立貝帆立貝超大隻，網燒過後外層微焦，內裡保持嫩滑，鮮甜到爆！慢煮安康魚肝魚肝口感綿滑似鵝肝，奈良漬嘅鹹香帶出魚肝嘅濃郁。以色列依佐木用滾水滾返起佢個皮下脂肪好厚，會令個皮嚟膠質，令個油脂短暫油解，薑芽，令油脂產生煙靭感北海道赤背、白見貝赤背同白見貝新鮮到不得了，海藻鹽帶出海洋鮮味，最特別係臭橙汁，酸香得嚟帶少少苦澀味，好過癮！ 北海道松葉蟹蟹肉鮮甜，中間仲有爆膏嘅蟹膏！白色果凍係番茄製成，口感清爽，撈埋蟹肉一齊食，鮮味層次即刻提升！ 吉列炸春魚，自家製他他醬春魚炸得酥脆，肉質嫩滑，他他醬香濃但唔會搶味。醋骨粒酸味突出，師傅提醒唔好落太多，果然酸得嚟剛剛好，開胃！ 八爪魚口感超彈牙，唔會韌，簡單用鹽調味已經足夠，鮮味十足！ 一本吊「乾物魚」即劏即冰封，保存晒魚嘅甜味，肉質脆口得嚟唔腥。關次部位油脂少啲，配醬油漬蔥同薑，味道更加豐富。 貝壽司呢款貝類充滿奶油香，甜味突出，壽司飯醋味調得剛好，一啖食落去超滿足！ 拖羅熟成過嘅拖羅，油香後勁強勁，但食落一啲都唔肥膩，反而有種深邃嘅鮮味，正！ 北海道沙甸魚肥美鮮甜，油脂豐富，師傅處理得好，完全冇腥味，簡單用蔥花同醬油已經夠晒好食。 北海道海膽配噴火灣牡丹蝦、白文斑點蝦海膽creamy到不得了，牡丹蝦同白文斑點蝦爽甜彈牙，三重鮮味爆發，簡直係海鮮控嘅天堂！ 比起一般海膽，呢款更加清爽，酸味同甜味平衡得好好，令人食唔停口！ 長崎縣手釣黑木魚魚肉結實鮮甜，手釣嘅果然唔同，火炙過後油脂香更突出，超正！ 甜品：無花果春卷 + 雪糕無花果春卷外脆內軟，清甜唔膩。雪糕唔會太甜，奶香濃郁，完美作結！ …Read More

一開門竟然玩穿越去京都庭院，幾有feel~$1989嘅Omskase 食啲乜？1️⃣頭盤先付有天草縣海老配魚子醬，加埋無花果同京都魚翅乾，鮮甜又有層次！2️⃣前菜有兵庫縣生蠔，肥美Creamy，仲有尊菜清新吓個口～3️⃣刺身有九繪魚點梅子Gin酒，酸甜帶酒香！石垣貝同白劍貝就爽脆鮮甜，加少少海藻鹽更提鮮！4️⃣喜之次油份超重，厚切等佢係口腔慢慢溶化，加魚子醬同芥末，層次多到癲！5️⃣燒太刀魚上面鋪滿松露片，香氣撲鼻～揚物有魚翅鮑魚天婦羅，外脆內嫩，超豪華！6️⃣酒肴係蟹肉蓮根饅頭，高湯清甜，松葉蟹嘅甜味突出到呢～」 7️⃣壽司5點：春子鯛、帆立貝、池魚同深海池魚，全部爽口鮮甜！北寄貝一出水鮮制，甜味Keep得超好！8️⃣魚鮫位嘅拖羅入口即溶9️⃣紫海膽Creamy到爆，加埋北海道甜蝦，鮮甜到震🔟吸物+布甸玉子味道口感有驚喜壓軸出場嘅甜品粟米布甸包超乎想像咁好食，唔太甜超香粟米味，麵包質感香脆入口鬆化，完勝知名餅店根本可以獨立出道，100%爆紅！！！…Read More

最近喺中環食咗呢間omakase $1980嘅dinner menu🍣 想講由前菜開始已經充滿驚喜！野生拖羅配12年caviar、赤酒無花果、北海道白粟米凍湯配黑松露，呢個開頭我好滿意🥹陸續有嚟嘅係海膽松葉蟹甲羅燒、勁鮮甜嘅愛知縣象拔蚌、北海道bb墨魚配海膽、米芝蓮餐廳愛用嘅目光魚，食材配搭真係好有誠意！然後壽司雖然話係五貫，但最後好似有成7、8款，賺咗🤣🤣 個海膽手卷份量佛心到癲🧡 最後以水蜜桃雪芭作結，超滿足嘅一餐🥰…Read More

中上環高級感日式𝙾𝚖𝚊𝚔𝚊𝚜𝚎 視覺味覺五星級享受✨環境走木系自然風格 俾人嘅感覺好舒服🪵師傅都好nice 會主動同我哋傾吓計交流一吓而且每道菜式都會有詳細介紹 的確係唔錯嘅體驗🤍-🍣 𝙳𝚒𝚗𝚗𝚎𝚛 𝙾𝚖𝚊𝚔𝚊𝚜𝚎 💰$1980/人-🌮 吞拿魚蓉配三文魚子脆片口感新鮮軟綿嘅呑拿魚蓉配上香脆米通呑拿魚蓉混合黃蘿蔔、芥末、柚子胡椒 所以食落辣辣地 上層加上三文魚子 再增添鮮味！-🌽 北海道白粟米凍湯口感滑順 完全無粟米顆粒感 味道清甜開胃係一道好適合夏天食嘅前菜-🐙 汁煮八爪魚八爪魚吸晒醬汁味道 口感軟腍 配上海苔醬及芥末-🐟 金目鯛刺身配煎酒醬油魚皮先用熱水輕灼 所以魚皮食落輕微脆身煎酒醬油味道酸酸地 有少少似梅嘅味道伴碟配上蓮芋莖芯嘅部份 食落黏黏地嘅感覺😳-🦑 障泥烏賊配鰆魚刺身右邊係障泥烏賊 即係大尾魷 配上烏魚子 口感有嚼勁炭香火炙鰆魚刺身油脂豐富 配上特製紫蘇葉醬油-💦 白松貝日本白象拔蚌配青檸皮 口感爽脆 味道清爽鮮甜可以先食原味 再配薑蓉 底下配上天然海草水雲-🦐 紅酒漬赤蝦配赤海膽做法就似醬油蝦 只係由浸醬油改為浸紅酒味道甘甜 配上口感綿綿嘅海膽 鮮味十足-🐟 深海池魚磯邊卷滿滿嘅深海池魚餡料 配上細蔥、昆布一啖食晒口感勁豐富✨-🍘 醬油燒目光魚季節性魚 油脂比較豐富 加上醬汁、蔥芽、茗荷師傅會食前烘烤紫菜 令口感更脆身！-🦀 蟹肉春卷配魚子醬混合中式春卷元素 包住滿滿嘅蟹肉 鮮味十足-🥢 漬物 上壽司前 師傅會送上子薑、長芋 俾大家清清味蕾值得一提嘅係啲咩壽司醋飯酸味幾平衡！👅-🍣 白蝦將白蝦打成蓉 所以食落唔太似蝦嘅質感😹-🍣 赤身魚味濃郁 口感滑溜-🍣 炙燒喜之次最鐘意都係炙燒壽司 食落油脂感滿滿-🍣 中拖羅比赤身口感更肥美 多咗陣魚油香味-👅 海膽使用鷗洋水產大極上海膽 師傅話係最頂級級數同樣係先烘烤紫菜 海膽口感細膩creamy-🥣 麵豉湯食完生冷野 最後飲翻碗充滿魚鮮味嘅麵豉湯仲有魚肉食~-🍑 山梨縣温室桃雪芭超有心思嘅甜品 桃香濃郁自然 可惜天然雪芭溶得比較快 要快啲食！…Read More

坐板前位近距離欣賞師傅魔術手藝，每一道都係味覺+視覺享受～必食高光時刻▫️魚翅天婦羅「脆到震」の神級衣！咬落居然似綠柚絲絲飄雪，纖維感+空氣感並存，人生初體驗啊～▫️八爪魚紫蘇葉連吸盤都完整保留！彈牙得嚟帶紫蘇清香，影相仲超上鏡📸▫️鮟鱇魚乾日式鵝肝級の奢華！奈良植物加持，綿滑濃郁到想舔碟...✨晚餐隱藏彩蛋赤身/中拖羅/白海膽三重奏、北寄貝刺身爽脆爆燈，收尾嘅綠茶雪糕…Read More

去咗中環一間高級日本料理餐廳，環境優雅舒適，採用簡約設計，燈光柔和，營造寧靜放鬆嘅用餐氣氛。出品精緻考究，充分展現日本料理嘅季節性與創意。🍽 *前菜推介* ： - *水云菜、鰻魚苗* ：清爽嘅水云菜配上嫩滑鰻魚苗，質地柔軟，味道清新，入口帶少少海洋氣息。 - *螢光魷魚、高糖蕃茄配蛋王醋* ：螢光魷魚鮮嫩有彈性，高糖蕃茄酸甜濃郁，配上蛋王醋的細膩酸香，味覺層次分明。 - *燒目光魚、柚子蘿蔔、日本青椒仔* ：目光魚肉質柔嫩，炭燒過後帶有濃郁香氣，配柚子蘿蔔的微酸清香和日本青椒的爽口微辣，滋味豐富。🍣 *刺身及壽司* ： - *石垣鯛、象拔蚌、障泥烏賊配烏魚子* ：石垣鯛鮮甜滑嫩，象拔蚌爽口彈牙，障泥烏賊細膩柔滑，配上烏魚子帶出鮮味層次。 - *深海池魚軍艦配黃蘿蔔、昆布* ：軍艦壽司鮮香濃郁，池魚彈牙嫩滑，黃蘿蔔和昆布增加微酸和鮮味，非常特別。 - *火炙野生魚油甘魚、火炙鰤魚* ：火炙處理令魚肉脂香四溢，入口即化，輕輕炙燒提升咗魚肉嘅鮮美。 - *剝皮魚配剝皮魚肝醬* ：剝皮魚肉質細膩，搭配濃郁魚肝醬，味道深邃，令人驚喜。 - *金目鯛壽司、北寄貝壽司* ：金目鯛壽司柔嫩，帶自然甜味；北寄貝壽司爽口彈牙，味道鮮甜迷人。 - *中Toro壽司、赤身醬油漬* ：中Toro壽司脂香豐富，入口即化；赤身壽司醬油漬帶來淡淡鹹香，非常精緻。 - *馬糞海膽手卷* ：海膽濃郁滑順，手卷脆而鮮美，口感層次豐富。🍤 *料理推介* ： - *親子鯛造成丸子、蛋白蘿蔔蓉、季節野菜配高湯* ：丸子軟嫩鮮香，搭配蛋白蘿蔔蓉和清甜高湯，味道清雅，讓人回味。 - *天婦羅海膽、天婦羅蟹肉卷配黑松露* ：天婦羅酥脆不膩，海膽鮮甜濃郁，蟹肉卷充滿鮮香，再配黑松露提升味道層次，簡直絕妙。🍵 *清湯及甜品* ： - *清湯、日本春荀、海帶* ：湯底清淡甘甜，春荀爽脆，海帶鮮美，溫暖人心。 - *焙茶雪糕配蜜柑果凍* ：焙茶雪糕茶香濃郁，配蜜柑果凍酸甜清新，是完美的餐後結尾。…Read More

今晚食咗一間門口非常低調嘅詣店，平時喺omakase群組都唔多人討論，不過質素確係唔錯！$1980的晚餐非常豐富，首先登場的前菜有三款：赤貝配醋啫喱味道酸甜開胃；沖繩水雲加鰻魚賣相可愛，味道亦係酸甜為主；靜江水果蕃茄就甜到十足好好食。下一道前菜係時令嘅螢光魷魚配春天嘅日本野菜~ 味道都係偏向清新開胃。日本時令生蠔大大隻，配上酸汁同埋紫蘇花，鮮甜好味！第一個刺身係漬櫻花葉包裹伊佐木，伊佐木口感肥美，味道清清地。之後兩款刺身一齊上，九州大尾魷魚同象拔蚌，兩者嘅食材都好新鮮，我哋尤其鍾意象拔蚌嘅口感😋接着嘅卷物充滿驚喜！深海池魚捲住芽蔥、漬蘿蔔同白昆布，深海池魚油香十足，配搭其他食材成個口感同味道都好豐富👍👍👍之後有剝皮魚配剝皮魚肝製成嘅醬汁。鰤魚亦係重中之重，火炙之後油香突出，好好味。第一次食燒目光魚，馬上愛上了！目光魚肉質好幼嫩，醬油醃製後燒起上嚟好好食，我覺得係呢度其中一個招牌菜！跟住到吉列鮟鱇魚肝～ 壽司環節同樣精彩👍金目鯛  - 脂肪豐富，師傅都幾厚切，好好食活北寄貝 - 輕輕火炙後鮮味澎湃小肌 - 魚味好濃郁，呢個季節一定要食大拖羅 - 充滿油脂，邪惡好滿足赤身醬油漬 - 呢個食到濃郁嘅魚味，亦係好好食北海道根室海膽 - 味道非常鮮甜，最想追加呢件😹火炙海鰻 - 完美結束壽司嘅環節甜品係香脆蛋白餅，加埋士多啤梨、栗子雪糕、自家製柑桔啫喱，幾樣嘢都係味道清新👍如果下次再要招呼朋友，呢度絕對係可以encore嘅地方！…Read More

螢光魷魚蕃茄，鮮美，肉質鮮嫩，有彈性，入口柔滑，有微微的甜味，入口充滿層次感，外皮微脆，內裡鮮嫩燒目光魚，味道十分鮮美，肉質細緻而嫩滑，經過燒烤後，魚皮微脆，散發出誘人的香味經過醃製的姜和山药，口感爽脆，酸爽醒胃烏賊壽司墨汁做嘅鹽味道鮮美，口感滑嫩，烏賊肉質彈牙，咬下去微微的嚼勁黑目鯛壽司味道豐富，魚肉味香濃鮮嫩，口感滑順，帶一絲絲甜味針魚壽司加薑蓉，肉質細緻柔嫩，帶有一絲自然的甜味，魚肉的鮮甜滑順細池魚加蔥蓉，味道誘人，肉質鮮嫩，口感脆爽細膩小肌魚加白板昆布壽司味道鮮美而細膩，小肌魚肉質柔軟，白板昆布淡淡的海藻香氣與魚肉口感更加豐富新鮮甜蝦加蟹籽蝦膏壽司，甜蝦肉質鮮嫩甘甜，蟹籽加蝦膏濃郁鮮味，甘香可口中拖羅壽司，肉質鮮嫩多汁，口感滑順，油脂分布鮮美甘甜，細膩的口感加上魚肉的鮮味赤身壽司味道清新，魚肉質地柔軟，有淡淡鮮味，入口原汁原味赤海膽壽司，用紫菜包住滿滿的海膽，海膽入口甘香鮮甜，味道濃郁麵豉湯很濃的麵豉清香，鹹香順口抹茶蛋糕旁邊加士多啤梨，士多啤梨新鮮清香微甜，抹茶香濃，餅底鬆脆…Read More

Yashima中環九如坊2-4號餐廳地方乾淨又夠闊落, 一推門入去職員已經非常友善嘅笑容帶我入座，餐廳燈光柔和清潔整齊，主打時令高質嘅食材，仲有好多日本當造嘅海產，所以食材方面非常新鮮，師傅有多年日式餐廳嘅經驗，廚藝非常精湛，餐廳嘅菜式食材都較為高級，仲有好多款清酒給客人選擇前菜螢光魷魚🦑蕃茄沙律，螢光魷魚一開二味道鮮甜，蕃茄同蔬菜都非常新鮮目光魚魚質嫩滑，魚皮燒到卜卜脆，肉質依然juicy , 油脂豐富，充滿魚油嘅香味，旁邊放入柚子榕，味道酸酸甜甜，這款刺身魚比較稀有將泥烏賊壽司烏賊上面放有用墨汁做嘅鹽，肉質肥厚，口感較為柔軟黑木雕壽司味道鮮美，肉質細膩，有淡淡的甜味，口感滑嫩，魚肉細緻，米飯的酸甜平衡了魚肉的口感甜蝦壽司味道鮮美，蝦肉鮮嫩多汁，帶有自然的甜味，蝦肉的彈性和細膩的口感，表面的蝦膏蟹籽甘香爽脆中拖羅壽司半肥瘦，油脂豐富，肉質肥美，入口即化，帶有濃郁的魚油甘香針魚壽司上面放有少量薑蓉，針魚肉質細膩，口感滑順，味道偏淡，帶有甜味細池魚壽司肉質柔嫩，口感滑順，有豐富的油脂，十分肥美，配埋蔥蓉一齊食很香小肌魚壽司上面有一片薄薄昆布，小肌魚肉質細膩，口感滑順，魚的鮮味濃郁，有自然的甜味赤身壽司肉質鮮嫩，魚肉口感清新，魚味較為清淡，入口清爽甜品抹茶蛋糕旁邊配有一粒新鮮又大粒嘅士多啤梨，入口抹茶香濃，配上士多啤梨清香，餅底香脆…Read More

Yashima中環九如坊2-4號餐廳地方乾淨又夠闊落, 一推門入去職員已經非常友善嘅笑容帶我入座，餐廳燈光柔和清潔整齊，主打時令高質嘅食材，仲有好多日本當造嘅海產，所以食材方面非常新鮮，師傅有多年日式餐廳嘅經驗，廚藝非常精湛，餐廳嘅菜式食材都較為高級，仲有好多款清酒給客人選擇前菜螢光魷魚🦑蕃茄沙律，螢光魷魚一開二味道鮮甜，蕃茄同蔬菜都非常新鮮目光魚魚質嫩滑，魚皮燒到卜卜脆，肉質依然juicy , 油脂豐富，充滿魚油嘅香味，旁邊放入柚子榕，味道酸酸甜甜，這款刺身魚比較稀有將泥烏賊壽司烏賊上面放有用墨汁做嘅鹽，肉質肥厚，口感較為柔軟黑木雕壽司味道鮮美，肉質細膩，有淡淡的甜味，口感滑嫩，魚肉細緻，米飯的酸甜平衡了魚肉的口感甜蝦壽司味道鮮美，蝦肉鮮嫩多汁，帶有自然的甜味，蝦肉的彈性和細膩的口感，表面的蝦膏蟹籽甘香爽脆中拖羅壽司半肥瘦，油脂豐富，肉質肥美，入口即化，帶有濃郁的魚油甘香針魚壽司上面放有少量薑蓉，針魚肉質細膩，口感滑順，味道偏淡，帶有甜味細池魚壽司肉質柔嫩，口感滑順，有豐富的油脂，十分肥美，配埋蔥蓉一齊食很香小肌魚壽司上面有一片薄薄昆布，小肌魚肉質細膩，口感滑順，魚的鮮味濃郁，有自然的甜味赤身壽司肉質鮮嫩，魚肉口感清新，魚味較為清淡，入口清爽甜品抹茶蛋糕旁邊配有一粒新鮮又大粒嘅士多啤梨，入口抹茶香濃，配上士多啤梨清香，餅底香脆…Read More

呢日同朋友去咗中環呢間日本餐廳食omakase，野食超級高水準。首先，前菜係香魚BB、螢光魷魚、蒓菜，清新得黎又唔失層次，而且好精緻之後係小長井華漣生蠔配青桔啫喱，生蠔鮮甜得嚟仲有啫喱嘅微酸點綴，口感清爽，唔會膩。象拔蚌嘅爽口配埋石鯛嘅鮮嫩，真係冇得頂。剝皮魚配魚肝醬，魚肝醬嘅濃郁同剝皮魚嘅細滑口感真係絕配。下一道菜係鰤魚同野生油甘魚，呢度食得出主廚對魚類處理嘅功力，薑花嗰陣香氣，啱啱好帶出魚嘅鮮味。炸鮟鱇魚肝加黑松露，口感creamy又有好香既黑松露味，好滿足。燒赤鯥魚皮脆肉嫩，燒得啱啱好。最後係壽司，有深海池魚加白昆布、金目鯛、小肌魚醋漬、醬油漬中拖羅同馬糞海膽，全部都勁新鮮。最後食埋甜品，蛋白餅配上Yogurt同士多啤梨，完美收尾。…Read More

最近與朋友相約在中環的廚師發辦店「杣‧YASHIMA」用餐。這家餐廳由日籍行政總廚高橋公也主理，主廚曾在東京米芝蓮一星壽司店工作超過十年，經驗豐富，甚至連前美國總統奧巴馬也曾光顧他待過的餐廳，名聲顯赫。因此，對這次拜訪「杣」的期待自然不低。.「杣」隱身於中環九如坊，低調而靜謐。餐廳門面設計簡約，帶著濃濃的京都風情，神秘感十足。室內採用優雅的禪宗風格設計，搭配小庭園般的佈置，讓人感到寧靜舒適。.晚市有兩款廚師發辦餐，包括💲1980及💲2680，以當季最時令的食材入饌，令人期待。➿ 前菜
✿ 天婦羅白飯魚配鰻魚苗、沖繩水雲
清新的開胃菜，炸得香脆的白飯魚搭配酸爽的沖繩水雲，口感層次豐富，讓味蕾瞬間甦醒。.➿ 刺身
✿ 石垣鯛✿ 墨汁泥漿烏賊配墨汁醬
✿ 剝皮魚配秘製肝醬
石垣鯛細膩中帶微脆，油脂均衡；泥漿烏賊Q彈鮮嫩，墨汁醬增添獨特風味；剝皮魚則以濃郁肝醬提升鮮甜。.➿ 季節之燒物
✿ 牛油燒白梅貝
簡單卻濃郁，貝肉爽彈，牛油香氣撲鼻。.➿ 油物
✿ 伊佐木刺身及灸燒配炸薑絲、柚子醋蘿蔔蓉
伊佐木以雙重呈現，一邊清新刺身，一邊灸燒帶焦香，搭配柚子醋的酸爽。.➿ 蒸物
✿ 羽太魚配蘿蔔蓉、高湯
魚肉細嫩，蘿蔔蓉的微甜與高湯鮮味交融.➿ 酒肴✿ 接著是一道子持魷魚，魷魚內含大量魷魚卵，口感軟腍豐富。.➿ 手握壽司
✿ 湯霜金目鯛
✿ 愛知縣象拔蚌
✿ 針魚配三星漬
✿ 中拖羅
✿ 北海道馬糞海膽
金目鯛細嫩帶焦香，象拔蚌彈牙鮮甜，針魚清爽惹味，中拖羅入口即化，海膽則濃郁絲滑，每貫都令人滿足.➿ 湯
✿ 魚湯高湯
湯汁清澈甘醇，溫暖地為主菜畫下句點。.➿ 甜品
✿ 蛋白脆餅配香蕉朱古力雪糕
酥脆的蛋白餅搭配濃郁香蕉朱古力，甜而不膩。.「杣」的料理風格在手工與熟食上略勝一籌，擺盤精緻，用具搭配用心，帶來極佳的用餐體驗。當晚餐廳座無虛席，氣氛熱鬧卻不失格調。服務生專業有禮，對菜式細節侃侃而談，令人印象深刻。整體食物水準出色，值得一再回訪。…Read More

今日係假期前夕，一於去約咗食個豪華午餐omakase，總共係有九件壽司同埋一卷物 同埋其他嘅附加首先係螢光魷魚山葵沙律紫菜下係有膏既魷魚 第一道菜就好濃味 打開咗胃口跟住食咗個熱辣辣嘅蟹肉蒸蛋 啲蛋好滑捋捋，而且有大量嘅蟹肉絲都幾鮮味然後有個淮山同埋薑 自己都幾鍾意食可以喺每個壽司之間清清喉嚨 泥漿烏賊 🦑好漿口，而且冇根唔似平時食嗰啲颯颯聲廿目鯛塊皮用熱水烚過，成嚿都食得好腍甜赤貝好爽口，鰤魚就有啲薑蓉喺上面伊佐木比較少見，上面仲有啲薑嘅花跟住就食咗個燒出黎既目光魚，啲肉好細嫩，比起平時嘅鰻魚腍啲然後就再繼續食壽司姬魚配搭透明嘅昆布好特別，仲有肥美嘅中拖羅、油漬赤身同埋用手拎住嚟食既海膽…Read More