村菜 (Closed)

無意中由OpenRice發現咗呢間小店，雖然comment唔多，但由於都幾近我屋企所以我都想試吓。去到海濱中心，彷彿走咗入結界咁樣，行左9九萬幾個圈幾經辛苦終於搵到呢間「村菜」，門面唔大，只係一間小小的外賣店，打算叫佢招牌菜鎮鎮骨$55或者口水手撕雞又或者菜膽雞，點知全部都冇晒！因為佢哋應該有做外賣平台嘅。影低咗個Menu，過多幾日醒目喇，打電話落order先再過去攞。叫咗口水手撕雞$55，有雞味，少少麻辣，我唔係太食到辣都OK，推薦！鎮鎮骨$55，其實即係類似糖醋排骨咁樣，不過唔係炸的，啲肉好入味，不過個人覺得一般，可以唔使嗌。卷卷蒜泥白肉$35，涼拌茄子$28兩款涼菜相當美味！好開胃夏天食一流！整體來講食物質素非常好👍🏼得閒會再買來食，相片係我影得核突啫，實物靚啲嘅。

今日點了外送。口水手撕雞+菜飯。菜飯有點乾，味道不太出。但重點的口水手撕雞，汁和雞分開，已加分。配料有花生、粉皮、皮蛋，很足料，有很多切細的唐芹有點小清新。口水汁（小辣），偏甜帶小辣，很不俗，唯汁偏少。有80分。會再試其他。

今次用某外賣APP點咗這間舖嘅野食，安排太差，訂單未到就無端端變咗個狀態為已送達，不斷等了又等，遲咗40分鐘終於收到（以後要考慮仲用唔用呢個外賣APP)😤😤😤😤收到食物，點咗霸王雞菜飯、柱侯蘿白牛腩菜飯及兩個小食（南乳炸雞翼及小黃瓜），雖然食物因為遲送到而凍咗，但D肉唔老，睇得出本身食材都ok👍🏻👍🏻希望呢個外賣APP唔會再出現依D低級錯誤，遲唔係問題，但因為狀態送達而不能追踪，又搵唔到人去處理嘅感覺真係好差....呢個外賣APP得個網上客服，但個客服冇人應，講真叫外賣叫到件外賣唔知去咗邊真係好無奈😔😔😔

懶得煮飯葛我好耐無吃川菜啦，心掛念住好想吃，就係位於荃灣一間叫村菜葛店點咗份外賣，叫咗份炸口水雞同炸魷魚須一個人事，吃驚葛係口水雞的味道好味到停唔到口，雞肉又嫩，而且店家煮得好好吃啊，完全刺激新葛口感！而且滴炸魷魚須新鮮出爐仲熱辣辣，趁熱吃一口，酥脆又彈壓，表面撒落葛孜然粉更加讓炸魷魚須香口許多！間店葛美食唔單止好吃而且質量好，仲有其他美食外賣的哦，價格平民，要係懶得唔想煮飯葛朋友們可以打包翻去試一試，亦都可以當加料啊！

上幾次係第一次食口水雞，驚訝的發現味道層次好豐富，吃一次就上癮，感覺到好精心製作。配料都好豐富，可能太好食了，覺得份量唔算多啊，哈哈哈哈。 呢次第一次叫魷魚絲試下，都好正

海濱由細住到大，自從嫁左都少左好多返去，多數都係喺出面荃灣食，又有人服侍，又唔想媽咪咁辛苦，每次返去食飯，媽咪又煮飯又煲湯，仲要煮埋我最愛嘅糖水，今次週未回娘家食飯，除左食到媽媽嘅煮拿手海鮮，佢仲叫左外賣，唔使煮咁多，佢話間唔中都會帮襯呢間村菜，招牌係霸王雞同鎮鎮骨，鎮鎮骨同尤魚鬚，真係超，霸王雞亦都很嫩，口味同價錢嚟講，性價比真係超高！味道絕對超水準，媽咪煮嘅海鮮更加係冇得比，再食埋我最愛嘅紅豆沙，真係大滿足！！

昨晚行過,見新開,特登试下,估不到水準之上,老板好似曾到上海的高级食府做廚的,總知直得ㄧ試,雖然没有堂食,但外賣回家,可慢慢食推介醉雞,鎮鎮骨,ㄧ口骨等,仲有靚湯及糖水