村爺爺龍蝦湯.泡飯.燉湯專家

Open Now

Now Closed

之前睇左新_期推介呢間湯飯,見到唔駛$100有大大隻龍蝦湯飯, 所以就去試6點30到已經見到有條人龍,排左十分鐘到前面就開始入緊, 最後大約排左20分鐘就入得值得一讚既係等緊個陣老闆會幫你落單, 等你一入到去坐低冇耐就有得食入坐之後大約5分鐘叫左既兩個餐分別係豬求其龍蝦湯飯同埋花膠螺頭雞煲翅就到左~所謂豬求其即係豬雜~ 雖然個名幾特別但結果係冇乜驚喜個龍複湯飯味道麻麻反而個雞煲翅真係成隻雞上,仲好貼心咁俾埋手套, 等你可以meet D 雞肉黎食~

叫了花膠雞煲翅泡飯 （top 2) 一心諗住來花膠花膠得兩舊同埋好硬 雞有毛 同埋啲湯係唔熱靠 下面燒熱返 。真係唔係講到咁好食囉不過係抵食嘅隻雞有半隻。但試一次就夠D雞有d生。同埋門口有個蛇洞 我俾條蛇行出嚟嚇一下 另外叫咗個$98 殿 龍蝦海鮮泡飯 又係凍嘅 不過啲料算多 我哋食完之後出面都排長龍 希望佢哋可以改善下熱度 同埋切開啲雞。如果難熟 因為我見其他枱都有呢個問題出聲。睇返之前啲食評啲人都係咁講即係咁耐都冇改善過。花膠雞湯唔夠濃 比我想像中差 同埋如果攞得多野都唔好去因為都冇位放。攬住晒啲嘢食都幾辛苦。服務態度尚算良好

終於有機會嚟到村爺爺朝聖，位置好易揾。夜晚8點嚟到門口都要排隊等15分鐘左右。餐廳位置好細，坐得好迫，而且枱面有股霉味，衛生欠佳。叫左一個殿·海鮮龍蝦湯泡飯（$98）份量好大碗，入面海鮮好足料，仲有大大隻龍蝦。海鮮有青口、扇、蜆等等既海鮮，質素都唔錯！而且湯好鮮味，充滿濃濃既龍蝦味！$98係油麻地食到呢個質素的確幾平。套餐另有白飯，加入白飯就變泡飯。一定食得飽。總結味道同價錢的確唔錯，但衛生要改善一下。

好耐之前已經聽人介紹油麻地有間泡飯好食，咁啱經過就決定一試。大約7:30時間到，店外已經大排長龍，不過排左15分鐘到就已經入得，見到好多枱都叫左半隻雞，應該都係招牌菜，我都唔執輸跟住叫💁🏻‍♀️💁🏻‍♀️一拎到嚟已經覺得好抵食，$78（加咗$10轉套餐）就已經可以食到半隻雞仲有生菜同飲凍飲，性價比好高🤑🤑🤑雞湯飲落去好清甜仲有兩舊花膠，好滋補養顏😻 ，隻雞都好嫩滑，同埋唔肥，唔會好快食滯。如果一個女仔食嘅話真係好飽，男仔就份量啱啱好👍🏻但都有地方可以改善下，就係個湯唔太熱，只係暖暖地，如果可以熱返少少就perfect 啦👍🏻

之前經過油麻地都見到村爺爺好多人排隊難得今日收得早少少就搭地鐵過去試吓佢有幾好味早去早享受早啲去真係唔使排咁長龍㗎等左唔使10分鐘就可以入座啦一邊坐位比較逼不過尚可接受叫咗個花膠雞魚頭湯呢個係set餐所以會有埋菜另一個朋友仔就叫咗殿龍蝦湯海鮮泡飯有半隻大龍蝦有青口有蜆同帶子我自己呢就叫咗花膠雞湯泡飯一飲wooo超香花膠同埋超香雞味有大半隻雞同埋佢蚊到好林用嚟送飯超好食佢嘅份量都幾大不過要趁熱食因為凍左會有啲腥

叫左個top1招牌，花膠雞超超超超超大隻雞，成半隻雞咁多，成個餐仲包一大碗飯，飯桶如我都食唔晒，仲有一碟菜，均衡飲食湯好好飲，同自己屋企煲既一樣足料，條菜爽口又有蠔油，一個字，正！呢間都算多人排，最好預早少少到埋單$78

出到黎油麻地已經九點半，真係好餓好餓之前經過幾次都見到門口排晒長龍，今日可能係太夜嘅關係竟然直接入去就有位一入到舖到已經成陣好鮮嘅龍蝦味攻過黎個餐一送到，就見到成碗滿滿嘅海鮮，真係好吸引第一啖當然係要試下個龍蝦湯啦！味道鮮甜，的確無令人失望加埋d青口、墨魚仔、魷魚、扇貝同蜆肉，啖啖海鮮，非常滿足(舊龍蝦其實就無咩肉，但唔浪費都啜下入面d汁，好甜架）最後成碗海鮮湯清晒，唔重味精嘅湯飲晒成碗都唔會口渴，真係值得一試！

殿。海鮮龍蝦湯泡飯 $98唔好睇賣相咁樣，真係好足料。一碗飯係另外上，呢碗全部都係海鮮，少少生菜。聽講湯底淆足22小時，好鮮甜😻，我就一口接一口，用黎送飯真係一流。海鮮有青口、扇貝、魷魚、蜆(海量)，重點係半隻龍蝦！呢半隻龍蝦好巨，仲大過車仔麵湯碗，肉都唔老，仲有鉗剪比你剪。.其實平啲，$60幾都有龍蝦湯泡飯，都有半隻龍蝦。隔黎仲有間用龍蝦湯做湯底既車仔面，都好吸引。食完呢個海量海鮮，心入面好想問係咪真係為到本🙈

因為知道食飯時間一定大排長龍，所以跟朋友五點多就去食，不用排隊，但裡面都已經坐了不小人。我們都叫了半隻龍蝦的海鮮龍蝦湯飯，湯味鮮甜，沒有味精，喝到底都不渴。價錢不貴，但海鮮都不是隨隨便便的雪藏貨，吃得岀鮮味。在打食評的時候，我已經又想去食了。

有一日上網見到朋友post好大隻既龍蝦湯飯😆覺得好好味，好吸引😍所以就叫朋友黎同我嚟食下先地點都好方便，其實一岀油麻地地鐵站🚉轉個彎就到👍🏻當時係晚上八點左右，都見到岀面有大約十個人排緊隊😸咁我就研究下個餐牌有咩好食先☝🏻☝🏻☝🏻原來呢度除咗有湯飯，重有咖喱，同埋撈麵食嫁😋😋不過我見好多人都點龍蝦湯飯，我都點左依個食😂😂😂賣相已經超吸引喇，隻龍蝦真係好大隻呀😬😬成隻碗咁大隻，裹面重有好多新鮮既海鮮😜有青口，魷魚，大蜆🤩🤩🤩重有凡立貝呀！湯底好濃味，好有海水味，海鮮全部新鮮同大隻。而且可以配，飯，麵，米粉或者米線，跟餐重有蝶油菜，同餐飲跟，相當低食👍🏻👍🏻👍🏻另外依個係我朋友叫既，花膠雞😆😆😆依個味道清清地，好有雞湯味，如果二個人黎食，夾住咁食就係完美結合喇👏🏻👏🏻🎊🎊🎊

一早聽人講話好食，好值得試，我地一行4個人係放左工之後去食，排左差唔多一個鐘🙈🙈我見差唔多張張都食同一樣野。就叫左個🦐極上海鮮龍蝦湯泡飯🍚性價比極高，先飲一啖湯再食一啖飯，好鮮味❗️好足料‼️呢個價錢黎講海鮮相當有份量，除左半邊龍蝦之外，仲有蜆有扇貝魷魚，正❗️平時食唔晒d飯，但今次可以一個人食晒😋😋但等位真係要預返小小時間🙆🏻，店主好好，見我地排得耐仲拎左d紙包飲品請我地飲😉😊

琴日喺油麻地經過村爺爺龍蝦湯泡飯店，見到條長長嘅人龍，就聽過朋友講係黃秋生介紹，見到佢個餐牌有真。龍蝦泡飯，又幾正咁喎！所以就跟人一齊排隊食飯，果然係香港人！見到人哋排到都會好想一齊去排我哋等咗一陣就有位，雖然人龍好長，但好彩人流去得好快，所以唔算等左好耐就可以入去食飯啦叫咗呢個花膠雞湯配白飯，估唔到係有半隻雞係個湯入面！本身仲以為會係得雞絲，但係原隻雞係個湯入邊真係嚇親雞湯煮得好香，一啲都唔覺得有好多雞油，而且份量好多！而且泡飯封左一陣就會吸收左啲湯，令到更加飽肚我哋叫咗個龍蝦泡飯，除咗有半隻龍蝦之外，仲有好多唔同嘅海鮮，例如扇貝、青口、蜆等等，咁多海鮮加埋一齊令到個湯底好鮮甜將個飯放左落去之後更加好食，白飯吸收晒個湯嘅精華，食到我哋停唔到！

平時成日聽朋友講話佢村爺爺度食湯飯話佢嘅龍蝦湯同埋雞雞湯飯都非常之好味今次我終於都嚟到村爺爺人龍好多好幸運排左二十分鐘就入得首先嚟咗店舖大熱菜式龍蝦湯飯龍蝦湯底好濃郁之後仲會有一啲配菜包括大蜆生菜青口帶子等等首先我一定係飲湯底真係好掂 好濃 其他配菜都非常新鮮想介紹嘅係龍蝦肉好有口感我女朋友就叫左一個雞雞湯米粉雞件份量好適中雞骨好遠肉質好好味雞湯配米粉，都係一個新嘅嘗試，想話俾大家聽食雞湯米粉一定要飲晒啲湯，因為實在太濃，如果你飲唔晒嘅話就真係晒了其實餐廳已經提供左手套比客人食雞件我覺得依個比手套，餐廳好細心其後我真係唔夠飽所以叫多一碟油菜菜心加蠔油實在太過美味睇到村爺爺嘅佈景板都有好多藝人明星去幫襯證明村爺爺喺行業上都有一定嘅影響力下次一定要叫埋一班朋友去幫襯

一條友收工諗緊食咩之際，就見到呢間村爺爺好好生意，出面又有人排哂隊咁，所以就決定試下。呢到湯飯種類好多，個啊姐係咁介紹我食嗰個花膠螺頭雞翅煲，不過我個人唔太好螺頭，所以最後揀左個殿海鮮龍蝦湯泡飯。寫明有半隻龍蝦，拎到黎真係好大隻先講佢個湯又鮮又甜，海鮮分量都好足，唔計龍蝦另外仲有有扇貝青口蜆魷魚，咁既價錢真係抵食啦！另外仲叫左個小食，都係啊姐強烈推介既墨魚手指拼魚腐，佢話個墨魚係人手打架，所以都好多客食。見啊姐咁強烈推介所以就試下啦，黎到試左又真係幾好味喎，墨魚真係好彈牙，而個魚腐佢用左炸黎整，外面卜卜脆裡面軟林林都幾有新意。

網上好多人介紹呢間村爺爺，專登黎試一試。係對面已經見到排隊等入座，一場黎到都要等架啦...好多唔同種類既湯飯，揀左好耐先至揀到呢個黑毛豬鮮雞海鮮龍蝦湯泡飯，一上枱已經見到隻龍蝦真係大大隻，一d都唔細。佢每個龍蝦湯飯都會跟埋一把鉗，專係要黎鉗呢個，一鉗開一摵真係大大舊龍蝦肉架，好正佢個湯真係好鮮甜，佢湯裡既料都放得好足，蜆肉都應該有成20-30隻以上，而且佢個雞肉應該係用雞脾肉，食落口一d都唔「鞋」烚烚，唔錯